30 މާޗް 2021 - 19:09
28 comments
ސަރުކާރުން 200 މިލިއަން ޑޮލަރު (ތިން ބިލިއަން ރުފިޔާ) ގެ ސުކޫކު ވިއްކައިލުމުގެ އެންމެ ފަހުގެ ތައްޔާރީތައް ވެއްޖެ އެވެ.
ބައިނަލްއަގްވާމީ ނިއުސް އެޖެންސީ ރޮއިޓާސްގައި ރިޕޯޓް ކޮށްފައިވާ ގޮތުން ޔޫއެސް ޑޮލަރުގެ މި ސުކޫކު ވިއްކައިލަނީ ފަސް އަހަރަށް 10.5 ޕަސެންޓުގެ އީލްޑް ޜޭޓުންނެވެ. މި ސުކޫކު މުއާމަލާތު ކުރިއަށް ގެންދަނީ ކްރެޑިޓް ސުއިޒް އާއި އެމިރޭޓްސް އެންބީޑީ ކެޕިޓަލް އާއި އެސްއެސްބީސީ އާއި އިސްލާމިކް ކޯޕަރޭޝަން ފޯ ދަ ޑިވަލޮޕްމެންޓް އޮފް ޕްރައިވެޓް ސެކްޓާ (އައިސީޑީ) މެދުވެރިވެގެންނެވެ.
މިއިން ރާއްޖެ އިން ބައިނަލްއަގްވާމީ މާކެޓްގައި ސުކޫކެއް ވިއްކާ އެންމެ ފުރަތަމަ ފަހަރެވެ. މީގެ ކުރިން އެ މާކެޓްގައި 2017 ވަނަ އަހަރު ސޮވެރިން ބޮންޑެއް ވިއްކާފައިވެ އެވެ.
މި ސުކޫކަށް ރޭޓިން އޭޖެންސީ މޫޑީސްގެ ބީތްރީގެ ރޭޓިންނެއް ލިބިފައިވާ އިރު، އެންމެ ފަހުގެ ސެޓްލްމަންޓު ކުރިއަށް ގެންދާނީ އަންނަ މަހުގެ އަށް ވަނަ ދުވަހު އެވެ.
މީގެ ކުރިން ސަރުކާރުން ވަނީ ބޭރުގެ ފަރާތްތަކަށް 300 މިލިއަން ޑޮލަރުގެ ސުކޫކު ވިއްކުމަށްޓަކައި އައިސީޑީއާ އެކު ކުރާ މަސައްކަތުގެ ތެރެއިން 25 ބުރީގެ ދަރުމަވަންތަ ހޮސްޕިޓަލްގެ ރަޖިސްޓަރީ ފިނޭންސް މިނިސްޓްރީގެ ނަމަށް ބަދަލުކުރުމަށް ނިންމައިފަ އެވެ. މިކަމާ ގުޅިގެން އިދިކޮޅު ފަރާތްތަކުގެ ބޮޑު ފާޑުކިޔުމެއް ސަރުކާރަށް އަމާޒުވެފައިވެ އެވެ.
ރޮއިޓާސް ނިއުސް އެޖެންސީން ބުނާގޮތުން، ދިވެހި ސަރުކާރުން އިޝޫކުރާ މި ސުކޫކަކީ ރެގް އެސް އިސްލާމިކް ބޮންޑެކެވެ. މާނައަކީ މި ބޮންޑު ޔޫއެސް ސެކިއުރިޓީސް އެންޑް އެކްސްޗޭންޖްް ކޮމިޝަންގައި ރަޖިސްޓަރީއެއް ނުވާނެ އެވެ. އެހެން ކަމުން މި ސުކޫކަށް އެމެރިކާގެ އިންވެސްޓަރުން އިންވެސްޓެއް ނުކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައިރ
31 March 2021
ވިއްކާލި ރަށްތަކާއި ފަޅުތަކުގެލާރި ރައްޔިތުންގެ މާލިއްޔަތުގެތެރެއަށް ގެނެވޭނެގޮތެއް ނެތް. ދަރާ ވިކިއްޖެ! ޓުވަރިޒަމް ފުރިހަމަޔަށްނުހުޅުވި، އިޤުތިޞާދީޙަރަކާތްތައް ގަނޑުވެފައޮންނަންޖެހޭނަމަ، އަދިވެސް އިތުރަށް ދަރާނެ! މިފަދަދެރުން ދަރައިގެންނޫނީ ކޮވިޑުކުޅިގަނޑަށްހިނގާ ޚަރަދު ދެކޮޅުޖެއްސޭނެގޮތެއްނުވާނެ. ހިތާމައަކީ މިދަރަނި ކާފަދަރިންނާއި މުނިކާފަދަރިންގެބޮލުގަ އަޅުވަންޖެހޭތީ!
ސުވާލު
31 March 2021
ޔާމީނު ދައުރުގަ ނޫނަސް ރަށްތަކާއި ފަޅުތައް ވިއްކި އޭގެ ލާރިވެސް ބަޔަކު ޖީބަތް ހަމަ ދިތައި ޔާމީނު ފަޅުކަކެއް ވިއްކިޔޭކިޔާފައި މސަރިކާރު ދަރަނިވާކަން ނުޖެހޭ،،ހަމަ ހިންގަން ނޭގެނީ ދެންވެސް ވިއްކަންވީނު ފަޅުތައް ހަރުމުދާ ނުވިއްކާ ވިއްކާނެ ފަޅުތައް ހުސްވެގެން ނެތް ނޫން މިއުލެނީ ހިންގަން ނޭގިގެން
ކޮވެލި
31 March 2021
ގައުމަކީ ހިންގަން އެންމެ ފަސޭހަ ކުންފުނި. ދަރަންޏަށް ފައިސާ ނަގައިގެން އެ ފައިސާ އިން ވައްކަން ކޮށްގެން ދިޔައިމާ އެވީ. ބަނގުރޫޓް ވިއަސް ގައުމު ވިއްކައެއް ނުލެވޭނެ.
ވަހުތާން
31 March 2021
ހެއު ނުވާނެ އަހަރެމެން މި މަތިބަރު ޑިމޮކްރަސީއެއް ބޭނުމެއްނޫން! ލިބޭ އެތިކޮޅުން ފުއްދާލެވޭނެ، އޭގެފައިދާ އެންމެންނަށް ހަމަހަމައަށް ލިބޭނެ ނިޒާމެއް ގާއިމުކޮށްދޭނެ ވެރިއެއް ބޭނުން. ރޫހާނީ ލީޑަރު ދެ އުޖޫރަ ނަގާއިރު އެހެން މީހުން ހުސްއަތާ؟؟؟
ހުތްއާދަނު
31 March 2021
އަދި ގައުމުވެސް ވިއްކާނެ
ވަހުތާން
31 March 2021
އަދި އެއްވެސް ހަރު މުދަލެއް ބިނާ ނުކުރެވި ހުރިއްޔާ ހުރި ހަރުމުދަލެއް ރަހުނުކޮށް ލޯނު ނަގައި އެ ހުސްކުރަނީ؟؟؟؟؟
އެނަލިސިސް
31 March 2021
ހަމައެކަނި މި ލޯނުގެ އެނަލިސިސް: 200،000،000.00ޑ. .5 އިންޓްރަސްޓް، ފަސް އަހަރަށް (60 މަސް) ޢާންމު ކޮށް ކުޑަވެގެން މަހަކަށް 100ޑ އެޑްމިން ޗާޖު. 5 އަހަރު ވަންދެން މަހަކު 4،298،880.08ޑ (ހަތަރު މިލިއަން ދުއިސައްތަ ނުވަދިހަ އަށްހާސް އަށްސަތޭކަ އަށްޑިހަ. ސުމެއް އަށެއް) 5 އަހަރުގެ ޖުމްލަ އިންޓްރަސްޓް 57،924،957.65 (ފަންސާސް ހަތް މިލިއަން ނުވަސަތޭކަ ސައުވީސް ހާސް ނުވަސަތޭކަ ފަންސާސް ހަތެއް. ހައެއް ފަހެއް) ނުވަތަ 893،202،846.90ރ (އަށްސަތޭކަ ނުވަދިހަ ތިންމިލިއަން ދުއިސައްތަ ދެހާސް އަށްސަތޭކަ ސަޔާޅީސް. ނުވައެއް ސުމެއް) މީ 200،000،000.00ޑ ލޯނުގެ އިތުރުން ދަރާވަރެވެ!
10000
31 March 2021
މީ މިހާތަނަށް ސަރުކާރުން ވިއްކާ އެންމެ އަގުބޮޑު ދަރަނި، ދެން ބާރައް އަތްޖަހާ
މޮހިތު
31 March 2021
ކޮންމެވެސް މީހަކު ކިޔާދީބަލަ "ސުކޫކު" މިއީ ކޯއްޗެއް؟
އަޖާއިބު އަންތަރީސް
31 March 2021
ރީތިކޮށް ބުނަންޏާ އެއީ ލޯނު. ހުތުރުކޮށް ބުނަންޏާ އެއީ ހަމަ ދަރަނި
ގަމަރިއްޔާ
31 March 2021
މިސަރުކާރު އައިފަހުން ނެގި ލޯނުތަކުގެ ރިޕޯޓެއް ހަދާލާނެ މީހަކު ނެއްބާ؟ އަބަދުވެސް ކޮންމެސް ލޯނެއް
އައްގުބަސް
31 March 2021
އަދާލަތް ޕާޓީ ޖޭޕީ ކަޅު ފައިސާގަ ހިފީމަ ޤައުމައް މި ގޮތައް ދެރަ ލިބެނީ.