ތ. ވޭމަންޑޫގައި އަލަށް އިމާރާތްކުރާ އިންޖީނުގެ އިމާރާތުގެ ބިންގާ އެމް.ޑީ އަޙުމަދު ސައީދު އާއި ވޭމަންޑޫ ކައުންސިލްގެ ނައިބް ރައީސް އަޙުމަދު ފަތުހީ އަޅުއްވައިދެއްވުމަށް ފަހު ސަލާމް ކުރައްވަނީ
09 އެޕްރީލް 2021 - 08:57
22 comments
މި ސަރުކާރު ވެރިކަމާ އައުމާ ހަމައަށް، މިދިޔަ 72 އަހަރުގެ ތެރޭގައި، ރަށްރަށުގައި ކަރަންޓު އުފެއްދުމުގެ ގާބިލްކަން ހުރީ 153 މެގަވޯޓާ ހަމައަށް ކަމަށާއި އެކަމަކު މި ސަރުކާރުގެ ދެ އަހަރުގެ ތެރޭގައި އެ ރަށްރަށުގައި 180 މެގަވޮޓްގެ ކަރަންޓު އިތުރަށް އުފެއްދުމުގެ ގާބިލްކަން ހޯދާފައިވާ ކަމަށް ރައީސް އިބްރާހިމް މުހައްމަދު ސޯލިހު ރޭ ވިދާޅުވެއްޖެ އެވެ.
މާދަމާ ބާއްވާ ލޯކަލް ކައުންސިލް އިންތިޚާބުގެ އެމްޑީޕީގެ ކެމްޕޭން ނިންމުމަށް، އއ. ރަސްދޫގައި ބޭއްވި ޖަލްސާގައި ރައީސް ވިދާޅުވީ ކަރަންޓު ގާއިމްކުރުމުގައި މިހާބޮޑު ތަފާތެއް ނެރެފައި އޮތުމުން އެއީ ރައްޔިތުން ވިސްނައިލަން ޖެހޭ ކަމެއް ކަމަށެވެ.
ރައީސް ވަނީ، ކަރަންޓު އުފެއްދުމުގައި މިހާބޮޑު ކުރިއެރުމެއް ހޯދި ގޮތުގެ ތަފްސީލު ދެއްވައިފަ އެވެ. އެ މަނިކުފާނު ވިދާޅުވިގޮތުގައި އަލަށް ގެނައި 176 ޖަނަރޭޓަރުގެ އެހީއާއެކު، އަދި އަލަށް ވަޅުވި 402,303 މީޓަރުގެ ކޭބަލާއި ޒަމާނީ ފެންވަރަށް ތަރައްގީ ކުރަމުންދާ އިންޖީނުގެތަކުގެ އެހީ އާއި އިއާދަކުރަނިވި ހަކަތައިން ކަރަންޓު އުފައްދައިގެން، ރާއްޖޭގެ ރައްޔިތުންނަށް 24 ގަޑިއިރު، ކަރަންޓުގެ ޔަގީންކަން ވަނީ ހޯދައިދީފަ އެވެ.
ވޭތުވެ ދިޔަ ދެ އަހަރުގެ ތެރޭގައި ކަރަންޓަށް ގެނައި އިންގިލާބު
- ރާއްޖެ ގެނައި ޖަނަރޭޓަރުގެ އަދަދު- ރަށްރަށަށް 176، މާލެ އަށް 5
- މުޅިން އަލަށް ވަޅުލި ކޭބަލްގެ އަދަދު- 402،303 ރަށްރަށުގައި
- ނިމިފައިވާ އިންޖީނު ގޭގެ އަދަދު- 20
- އެކި މަރުހަލާތަކުގައި ހުރި އިންޖީނުގެތައް، 45
- 2018 ވަނަ އަހަރު ނިމުނު އިރު، ކަރަންޓު އުފެއްދޭ މިންވަރު- 153.99 މެގަވޮޓް، ރަށްރަށުގައި.
104.4 މެގަވޮޓް، މާލޭގައި
- ވޭތުވެ ދިޔަ ދެ އަހަރު ކަރަންޓު އުފެއްދޭ މިންވަރު- 333.51 މެގަވޮޓް، ރަށްރަށުގައި
152.9 މެގަވޮޓް މާލޭގައި
ރާއްޖޭގައި ކަރަންޓުގެ ހިދުމަތް، ސްޓެލްކޯ އާއި ފެނަކައިން ދެމުން އަންނައިރު، އެންމެ ގިނަ މަޝްރޫއުތައް ހިންގާފައި ވަނީ ފެނަކައިންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ުއިބޫ
10 April 2021
މީހަކު ފެނަކާގަ ކޮރަޕްޝަން އެބައޮތޭ ބުނާއިރަށް އަނެއްދުވަހު ހެނދުނު ރާއްޖެޓީވީ އަށް އަރުވާނެ.
ބުންގަޅަ
10 April 2021
ބިންގާ އެޅުމުގެ ދުނިޔޭގެ ރިކޯޑްވެސް ފެނަކައިގ އެމް.ޑީ ވަނީ މުގުރާލައިފައި. ދިވެހިންނަށް ލިބުނު ބޮޑު ޝަރަފެއް ތީ
ބޮސްގެ ބޮސް
09 April 2021
ރައްޔިތުން ފެލައިގެން ކަރަންޓުން ފައިސާ ހޯދުމުގައިވެސް ރެކޯޑު އޮތީ މި ސަރުކާރުގައި!
އަހުސަން
09 April 2021
2018 މެގަވޮޓް، މާލޭގައި 102 .. ދެން ހުންނާނެ އެއްނޫން 50 މެގަވޮޓް ހުޅުމާލެ .. އެތަން އޮޕާރޭޓް ކުރީމާ 152 ވަނީ .. މިވެރިކަން އައިސް ކޮންތަނެއް އިތުރުވީ؟؟؟ ބޮޑެތި ދޮގުނަހަދާ އޮޅުވާނުލާ ..
ސުމްބާ
09 April 2021
އަޅުގަނޑަށް ނޭގިގެން އުޅެނީ ފެނަކައަށް އެމްޑީއަކަށް ކޮންމެ މީހަކު އައްޔަންކުރިޔަސް އަދި ކޮންމެ ސަރުކާރަކުން އަދި ކޮންމެ ޕާރޓީއަކުން މީހަކު ގެނަޔަސް މިވާގޮތެވެ. ފެނަކަ އެމްޑީ، ޑީއެމްޑީ، ފެނަކައަށް މިސަރުކާރުން އައްޔަންކުރި ބޯރޑްމެމްބަރުންނަކީ މިހާތަނަށް ކުންފުންޏަކަށް އައްޔަންކުރި އެއްމެ ފީކަޅާ މީހުންނެވެ. ފެނަކައިގެ ބޯރޑްގައި ތިބި ގިނަ މެމްބަރުންނަކީ މަސްލަހަތު ފުށުއަރާ ވިޔަފާރި ހިންގާ މީހުންނެވެ. މަތިއެެއްކޮށް ބަދަލުކުރުން ނޫން ހައްލެއް ނެތެވެ!
ސަރާސަރުކ
09 April 2021
އެކަމަކުވާ ދޯ މިހާރު ނޫހުން ސަރުކާރެއްގެ ސޯޓު މައްޗަށް ނަގައިދޭން ހިއްވަރެއް ވާ އެބަ ކުރޭތާދޯ! މިހާ ފޭރާންދެރަ އާޓިކަލް މިހާރު މިޒަމާނުގައި ފެނުން ވަރަށް ހުތުރު އިނގޭތޯ!
ގޮހޮރޭ
09 April 2021
ދެން ރައްރަށުގެ އިންޖީނުގެ ތަކަށް ބޭނުންވާ ތަކެތި ނުލިބިގެން ޚިދުމަތް ކެނޑޭ ހިސާބުގައި 200 ރައް ކިހިނެއްބާ މިވީ.. މީ ހަމަ ޔަގީނުންވެސް ތެދު...
ކެސްޑީޕީ
09 April 2021
މިދެން ގައުމަށް ޖެހިފަވާ ބަލާވެރިކަމެއް
މިލި
09 April 2021
ކަމެއް ނުކުރާ ރެކޯޑު.
ވޮންނާލިކުން
09 April 2021
ފެނަކައިގައި މޮޅެތި މީހުން އެބަތިއްބެވެ. ޚާއްސަކޮށް ސައީދު އެމްޑީކަމާއި ހަވާލުވި ފަހުން ސަރުކާރުގެ އެހެން ކުންފިނިތަކުގައި ތިބި މޮޅެތި މީހުންނަށް ދަޅަދައްކައިގެން އެމީހުން ފެނަކައަށް ގެނެސް އެމީހުން ކުރާ މަސައްކަތުގެ ނިވައިފައްގަޑަށް ވެދެ ހުންނަވައިގެން ސައީދު ކުރައްވާ ނާޗަރަންގު ހުއްޓާލައްވައިފި ނަމަ މިފަސް އަހަރު ނުމޭއިރު ފެނަކަ ވީހީ ރާއްޖޭގެ އެއްމެ ކާމިޔާބު އެއްކުންފުންޏަށެވެ. ސައީދުއަށް ސިޔާސީ އަލިމަގެއް ފެންނާން އޮތީ ރަނގަޅުވެގެންނެވެ.