"މިހާރު" އަށް ލިބިފައިވާ ނަތީޖާތައް ދައްކާ ގޮތުން މުއިއްޒު އަށް މިހާތަނަށް 9300 އަށް ވުރެ ގިނަ ވޯޓު ލިބިވަޑައިގަތް. އަނަސް އަށް ލިބިވަޑައިގަތީ 5500 ވޯޓު.
މާލޭގެ މޭޔަރުކަމުގެ ގޮނޑި ކާމިޔާބު ކުރެއްވި ޑރ. މުއިއްޒާއެކު، ކުރީގެ އިސްލާމިކް މިނިސްޓަރު ޑރ. ޝަހީމް ރޭގެ އުފާފާޅުކުރުމުގެ ތެރެއިން ސެލްފީއެއް ނަންގަވަނީ.---ފޮޓޯ: އަހުމަދު އަވްޝަން/މިހާރު
10 އެޕްރީލް 2021 - 22:24
170 comments
ޕީޕީއެމްގެ ޓިކެޓުގައި ލޯކަލް ކައުންސިލް އިންތިހާބުގައި މާލޭގެ މޭޔަރު ކަމަށް ވާދަކުރެއްވި ކުރީގެ ހައުސިން މިނިސްޓަރު ޑރ. މުހައްމަދު މުއިއްޒު އެ މަގާމު ކަށަވަރު ކުރައްވައިފި އެވެ.
އިލެކްޝަންސް ކޮމިޝަނުން ބުނީ މުއިއްޒާ އެންމެ ކައިރިން ވާދަކުރެއްވި އެމްޑީޕީގެ ކެންޑިޑޭޓް އަނަސް އަބްދުއްސައްތާރާ، މުއިއްޒު އާ ދޭތެރޭ ނަތީޖާގެ ވަރަށް ބޮޑު ފަހަރެއް ހުރި ކަމަށެވެ.
"މިހާރު" އަށް، މިހާތަނަށް ލިބިފައިވާ ނަތީޖާތައް ދައްކާ ގޮތުން މުއިއްޒު އަށް މިހާތަނަށް 9300 އަށް ވުރެ ގިނަ ވޯޓު ލިބިވަޑައިގަތް އިރު އަނަސް އަށް ލިބިވަޑައިގަތީ 5500 އަށް ވުރެ ގިނަ ވޯޓެވެ. ދެން ހުރީ ބައެއް ރިސޯޓްތަކުގެ ވޯޓު ފޮށިތަކާއި ބައެއް ރަށްރަށުގައި ހުރި ވޯޓު ފޮށިތަކެވެ. އެއީ ނަތީޖާ އަށް ބަދަލު އަންނަ ވަރުގެ އަދަދެއް ނޫނެވެ.
މިއީ، ލާމަރުކަޒީ ގާނޫނުގެ ދަށުން ކައުންސިލަރުން އިންތިހާބުކުރަން ފެށިތާ 10 އަހަރުގެ ތެރޭގައި މާލޭގެ މޭޔަރުކަން، ޕީޕީއެމްގެ ބޭފުޅަކަށް ލިބިވަޑައިގަތް ފުރަތަމަ ފަހަރެވެ. މީގެ ކުރިން މޭޔަރު ކަމަކީ އިންތިހާބު ކުރާ މަގާމެއް ނޫނަސް، އެ މަގާމު މުޅިން ވެސް އަދާކުރެއްވީ އެމްޑީޕީގެ ބޭފުޅުންނެވެ.
މުއިއްޒު ހޮވި އެ މަގާމަށް ހޮވި ވަޑައިގަތުމަކީ، ސިޔާސީ ބައެއް ފަރާތްތަކުން ސިފަ ކުރާ ގޮތުގައި އެމްޑީޕީ އަށް ލިބުނު ވަރަށް ލަދުވެތި ނަތީޖާ އެކެވެ. އަދި އެއީ، ސިޔާސީ ގޮތުން ވަރަށް ބޮޑަށް މަރުވެފައިވާ އިދިކޮޅު ކޯލިޝަނަށް ލިބުނު ވަރަށް ބޮޑު ދިރުމެއް ކަމަށް ވެސް ސިޔާސީ ބޭފުޅުން ދެކެވަޑައިގަންނަވަ އެވެ.
ޑރ. މުއިއްޒަކީ، ކުރީގެ ރައީސް އަބްދުﷲ ޔާމީން ހިންގެވި ތަރައްގީގެ މަޝްރޫއުތަކުގައި ވަރަށް އިސްކޮށް ހަރަކާތްތެރިވެ ވަޑައިގެންނެވި ބޭފުޅެކެވެ. އޭނާ އިސްކޮށް ހުންނަވައިގެން މާލެ އާއި ރަށްރަށުގައި ވަނީ ވަރަށް ގިނަ މަޝްރޫއުތައް ހިންގަވައިފަ އެވެ.
ކުރިން ހީކުރި ގޮތާ ހިލާފަށް މާލޭ ކައުންސިލްގެ ބައެއް އެހެން ގޮނޑިތައް ވެސް ޕީޕީއެމްގެ ކެންޑިޑޭޓުން އަންނަނީ ކާމިޔާބު ކުރައްވަމުންނެވެ. މުއިއްޒާ އެކު ޕީޕީއެމްގެ ތިން ކެންޑިޑޭޓަކު މާލޭ ސިޓީ ކައުންސިލްގެ ގޮނޑި ވަނީ ކަށަވަރު ކުރައްވައިފަ އެވެ. މީގެ އިތުރުން ހުޅުމާލޭގެ ގޮނޑި ޕީޕީއެމުން ކަށަވަރު ކުރި އިރު، ވިލިމާލޭ ގޮނޑި ވެސް ކާމިޔާބު ކުރުން ގާތީ ޕީޕީއެމް އެވެ.
މުއިއްޒު "މިހާރު" އަށް ކުރިން ވިދާޅުވީ މި އިންތިހާބުގައި ރައްްޔިތުން ނިންމާނީ ރަނގަޅަށް ކަަމަށް އުއްމީދު ކުރައްވާ ކަަމަށެވެ. އަދި މަގާމުގެ ހުވާކުރެއްވުމަށްފަހު އެންމެ ފުރަތަމަ ވެސް ވަޑައިގަންނަވާނީ ރައީސް އިބްރާހިމް މުހައްމަދު ސޯލިހުއާ ބައްދަލުކުރެއްވުމަށް ކަމަށް އޭނާ ވިދާޅުވި އެވެ.
އޭނާ ވިދާޅުވި ގޮތުގައި މާލޭގެ މޭޔަރުކަމަށް ހޮވައިފިނަމަ ސަރުކާރާ ގުޅިގެން މަސައްކަތް ކުރިޔަސް މާލޭގެ ރައްޔިތުން އެދޭ ކަންކަމަށް އަބަދު ވެސް އިސްކަން ދެއްވާނެ ކަމަށެވެ. އަދި ރައްޔިތުންނާ ގާތުން މަޝްވަރާ ކުރައްވައި، އެ ކަންކަން ސަރުކާރުގެ ތެރެއިން ހައްލު ކުރުމަށް ކެނޑިނޭޅި މަސައްކަތް ކުރައްވާނެ ކަމުގެ ޔަގީންކަން ދެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިހާފީ
11 April 2021
މާލެއަކީ މުޅިރާއްޖެތޯ؟ މިއީ ހަމަ އެކަނި އަނަސް އާ މުއިއްޒު ބައިވެރިވި އިންތިހާބެއްތަ؟ ރައްޔިތުންގެ އުނގުން ބާރު ފެށެނީ- މާލޭ ރައްޔިތުން ނޫނީ ހުވަދު-އައްޑޫ ނުވަތަ އުތުރަކުންނޫން- ރައްޔިތުންގެ ކިބައިން.
ޓްރޫ
11 April 2021
ވަރަށް ރަގަޅު ވާހަކަ... އައްޑޫގެ ފަހަތަށް 'ސިޓީ' މިނަން ދިން ކަން އެކަނި... ހަބަރުގެ ފަލަ ސުރުހީ އަށް އައްޑޫގެ ތަރައްޤީ ގެ މަޝްރޫއުތައް އަރުވާއިރު އެ ވަރެއްނެތް.. ހުސް ފޮނި އަނގަ... ސިއްހީ ހިދުމަތް ވެސް އެހާދަށް..
ޖޫސްވެރިންތަ ނޫސްވެރިންތަ؟
11 April 2021
ނޫސްވެރިންެވެސް ބޮޑު ހަބަރަކަށް މިވާހަކަ މިޖަހަނީ، ބޮޑުސުރުކީގައި ޖަހާބަލަ މާލޭ ރައްޔިތުން ވޯޓުލާން ނުނުކުތީ ކީއްވެ؟ ގޭގެއަށްވަދެ މހުން ކައިރީ އަހައި އޮޅުންފިލުވައި ދިރާސާކޮށް ރަނގަޅު ރިޕޯޓެއް ގެނެސްދީބަލަ؟ ފުލެޓުތޯ އަންނިތޯ، ލޯކަލްކައުންސިލަކީ ބޭކާރު އެއްޗަކީތޯ؟ އަދުންހުސޭނުގެ ފޮނި އަނގަތޯ އަސްލު މިވޯޓުން ބުނެދިން އެއްޗެއް ކިޔައިދީބަލަ
ރަންގަޑެކޭ، ހިލަގަނޑެކޭ ބޭނުންނުކުރައްޏާ އެއްވަރު
11 April 2021
އެކިނަންނަމުގައި މަގާމުތައް ހަދައިގެން މީހުން އިންތިހާބު ކުރުމުގެ ބޭނުމެއް އޮތްކަމަށް މާލޭ މީހުންނަކަށް ނުފެނުނެވެ. ހުރިހާ ނިންމުމެއް ނިންމަނީ މަޖިީހުންނެވެ. މަޖިލީހުގެ ރައީސް ދާދާ ހެދިގެން، މަޖުލީހުގައި ވޯޓަށް އަހަނީ އޭނައެވެ. ވޯޓުދެނީވެސް އޭނައެވެ. ބިލުތަކަށް ބަހުސްކުރަނީވެސް އޭނައެވެ. އެހެން މެންބަރުން ތިބެނީ އަތްޖަހާށެވެ.! ދެން ވަކި މޭޔަރަކަށް ބަނަހެއް ހޮވައިގެން އެހަފައިގެން ވާނެ މޮޅެއް އެބައޮތް ހެއްޔެވެ؟
އިބްރ
11 April 2021
އަތޮޅުތަކުން މޭޔަރުކަން ނުލިބުނީ ކެމްޕޭނަށް ހުރަސްއެޅުމުން. ރައްޔިތުން އެމްޑީޕީއަށް ނޫނެކޭ ބުނެފި.
މައިކާލޯސް
11 April 2021
ބޭކާރު އުފާ ފާޅުކުރުމެއްތިއީ. މައިސަރުކާރަކީ މޑޕ، މޭޔަރަކަށް ކުރެވޭނެ އެއްވެސް ކަމެއް ނޯންނާނެ ސަރުކާރުން ނުކޮށްދެނީސް. ނިކަން ޔާމީން މިނިވަން ކޮށްފަ ގެއަށް ބަދަލުކޮށްބަލަ ތިހާ ބާރުގަދަ މޭޔަރަކުވެއްޖިއްޔާ؟ ތިއީ ހަމަ ރަމްޒީ މަގާމެއް
ގުދުގުދާބެއްޔާ
11 April 2021
އަހަރުމެން އެމްޑީޕީ މީހުންގެ ތެރެއިން މާލެސީޓީއިން ގޯތި ހޯދަން ވަކާލާތުކުރާ ގުރޫޕްއިން 3000 މީހުން އެއްވެސް ކޮޅަކަށް ވޯޓްނުދިނުމުގެ ނަތީޖާ މިފެނުނީ. ގުރޫޕްގެ ފަރާތުން އަންނި އާއި ބައްދަލުކުރީމާ ބުނީ" މާލޭމީހުން ތިބޭހޭ ތިބެނީ ހުސްބަބުރުންނޭ" އެހެންވީމާ ބަބުރުން ވޯޓްލާން ނުނިކުތީ! މުއިޒް ހޮވުނީ ޕީޕީއެމް އެކަނި ވޯޓްދީގެންނެއްނޫން! ވޯޓްލާން އެމްޑީޕީ މީހުން ނުނިކުތީމާހޮވުނީ! މުއިޒްވެސް މާލޭ މީހުންނަށް ހަރާމް ކޯރުވެއްޖެނަމަ ދެން ނުހޮވޭނެ!
އަނދުނޭ
11 April 2021
ތަފާތު އެބައުޅޭ 3000 ވުރެ ބޮޑުކޮށް. މުއިއްޒުއަށް ވޯޓް ދޭން ބޭނުންވާ މީހުންވެސް ނުނިކުމެ ތިބޭނެ. އެހެންވީނަ ތީ ހޮޅި ވާހަކަ.
އެންޓި
11 April 2021
އެމްޑީޕީއަށް އެންޓި ކެމްޕެއިން ކުރީ ހަމަ އެމްޑީޕީއިން. ރައްޔިތުންނަށް ކަންކަން ފޮރުވާ ދައްކަން އުޅުނީ އެހެން މަންސަރެއް. ނަމަވެސް ރައްޔިތުންނަށް މަންޒަރު އޮތީ ފެންނަން. އެކަން ނުވިސްނުނީ އެމްޑީޕީގެ "ކުޅަނދު" މަދު މަތީފަޑީގެައި ތިބި އެލީޓުންނަށާއި މަގާމަށްޓަކާއި އެމީހުންގެ ފަހަތުން އެނބުރުނު މީހުނަނަށް.
މޯޑ
11 April 2021
ދެން މުއިޒް މާލެ ތަރަށްގީ ކުރާނެ އެއްނު
ނަސްރު45
11 April 2021
މާލޭ ރައްޔެތުންނަށް އެމްޑީޕީން ވަނީ ވަރަށް ބޮޑަށް އިހުމާލު ވެފަ. މިޖެހުނީ ފުރަތަމައެތި. މާލޭ ގެ ބިން ތޮށްޖައްސާ، އެތެރެ ކުރެވޭ ވެހިކަލް މަދު ނުކުރެވި، ރައްޔެތުން ނަށް ބޯހިޔާ ވެހި ކަމަށް ހައްލެއް ނުދެވި ދާ ކަމަށް ވާނަމަ މުޅިންހެން ސަޕޯރޓް ގެއްލިދާނެ.