ކޮލަމްބޯ ޕޯޓް ސިޓީ އަކީ މަނީ ލޯންޑަރިން ހިންގާ ތަނަކަށް ވެދާނެ: އެމެރިކާ

ކޮލަމްބޯ ބަނދަރާ ޖެހިގެން ޗައިނާގެ 1.4 ބިލިއަން ޑޮލަރުގެ އެހީގައި ހެދި ޕޯޓް ސިޓީގައި މަސައްކަތު މީހަކު ހަރަކާތްތެރި ވަނީ. --ފޮޓޯ:އޭއެފްޕީ

12 އެޕްރީލް 2021 - 11:37

4 comments

ޗައިނާގެ އެހީގައި ސްރީ ލަންކާގައި ހަދާފައިވާ ކޮލަމްބޯ ޕޯޓް ސިޓީގެ ކަންކަން އިންތިޒާމުކުރަމުން އަންނަ ގޮތުގެ ސަބަބުން އެއީ މަނީ ލޯންޑަރިންގެ އަމަލުތައް ހިންގަން ފަސޭހަ ތަނަކަށް ވެދާނެ ކަމުގެ އިންޒާރު ލަންކާ އާއި ދިވެހިރާއްޖެ އަށް ކަނޑައަޅާފައި ހުންނަވާ އެމެރިކާ ސަފީރު އަލައިނާ ޓެޕްލީޒް ދެއްވައިފި އެވެ.

ލަންކާގެ އިގްތިސާދީ ނާރެހެއްގެ ގޮތުގައި ސިފަކުރާ ބިލިއަން ޑޮލަރުގެ ޕޯޓް ސިޓީގައި ވިޔަފާރި ކުރުމަށް ވަރަށް ލުއި ގޮތްތަކާއި ޓެކްސް މާފުކޮށްދިނުން ފަދަ އެތައް ކަމެއް ހަމަޖައްސައިދޭއިރު އެ ކަންކަމުގެ ނާޖާއިޒު ފައިދާ ނެގުމުގެ ބިރު ބޮޑު ކަމަށް ސަފީރު ވިދާޅުވި އެވެ.

މި ކަންބޮޑުވުން ފާޅުކުރެއްވީ ޕޯޓް ސިޓީ ކޮމިޝަންގެ ބިލްގެ ޑްރާފްޓެއް ސަރުކާރުން އެކުލަވައިލުމާ އެކުގަ އެވެ. އޭގައި، ޓެކްސް ދައްކަން ނުޖެހޭ ގޮތަށް މުސާރަ ދިނުމާއި އޯފްޝޯ ފައިނޭންޝަލް ސެންޓަރުތައް ހެދުން އަދި ޓެކްސް މާފުކޮށްދިނުން ފަދަ އެތައް ކަމެއް ހިމެނެ އެވެ. މީގެ ތެރޭގައި ޕޯޓް ހިންގާ އެޖެންސީން ބޭނުންވާ ނަމަ 40 އަހަރު ދުވަހަށް ޓެކްސް މާފުކޮށްދިނުމުގެ ބާރު ވެސް އޮވެ އެވެ.

"ޕޯޓް ސިޓީއާ ބެހޭ ގާނޫނީ ކޮންމެ ކަމަކާ މެދު އަދި އޭގެ އިގްތިސާދީ ނަތީޖާއާ މެދު ވަރަށް ބޮޑަށް ސަމާލުވާން ޖެހޭނެ،" ކޮލަމްބޯގައި ނޫސްވެރިންނާ ބައްދަލުކުރައްވައި ޓެޕްލީޒް ވިދާޅުވި އެވެ.

އޭނާ ވިދާޅުވީ މަނީލޯންޑަރިން ހިންގުމަކީ ޕޯޓް ސިޓީގެ މަގްސަދަކަށް ނުވިޔަސް ކަންކަން އިންތިޒާމުކުރާ ގޮތުގެ ސަބަބުން އެފަދަ އަމަލުތައް ހިންގުމަށް ފަސޭހަވެގން ހިނގައިދާނެ ކަމަށެވެ. އަދި ގާނޫނީ ގޮތުން މަނާ އެތައް ކަމެއް ހުއްދަ ކަންކަމުގެ ގޮތުގައި ކުރެވޭނެ މަގު ފަހިވެގެން ހިނގައިދާނެ ކަމުގެ އިންޒާރު ދެއްވި އެވެ.

ޓެކްސް އިން ލަންކާ އަށް ލިބޭ އާމްދަނީ 2020 ވަނަ އަހަރު ވަނީ ދަށްވެފަ އެވެ. އަދި މައިގަނޑު ގޮތެއްގައި ޗައިނާ އިން ނަގާފައިވާ ލޯނުތަކާއި އެހެން ދަރަނިތައް އަދާކުރުމަށް ދައްކަންޖެހޭ ފައިސާ ގިނަވުމާއި ސަރުކާރުގެ ކުންފުނިތަކުން ގެއްލުން ވާތީ އެކަން ފޫބައްދަން ކުރަންޖެހޭ ހޭދަ ގިނަވެ ލަންކާގެ ކްރެޑިޓް ރޭޓިން ވެސް ވަނީ ދަށްވެފަ އެވެ.

އެމެރިކާ ސަފީރު ވިދާޅުވީ ޕޯޓް ސިޓީ އަކީ ލަންކާ އިން އިގްތިސާދީ މަންފާ ހޯދުމުގެ މުހިންމު މަގްސަދުގައި ހިންގާ ތަނެއް ކަމަށް ގަބޫލުކުރައްވާ ކަމަށެވެ. އެކަމަކު އެތަން ހިންގުމާ ބެހޭ ގާނޫނީ އޮނިގަނޑު އޮންނަންވާނީ ނުރަނގަޅު ކަންކަމަށް މަގު ފަހިނުވާ ގޮތަށް ކަމަށް ވިދާޅުވި އެވެ.

ސްރީ ލަންކާ ޗައިނާ އެމެރިކާ

4 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަފުރާސިޔާބު

13 April 2021

މިހާރު މެދުއިރުމަތީގެ ދުވަސް ދުއްވާލާފައި މިސަރަހައްދަށް ފާރަލަނީތަ؟ މިބައިމީހުން ނުބެހޭ ކަމެއް. އަދި މިބައިމީހުން ނުރުހޭ ކޮންމެކަމަކީ ގާނޫނާއި ގަވާއިދަށްވެއްޖެ. މިބައިމީހުން ރަށުގައި ނުތިބެވިގެން މިއުޅެނީ ކަނޑު ފޭރި، މަގުފޭރި، ވައިފޭރީ އަދި ބޭންކު ތެރެއިން ފޭރެވޭލެއް މަދުވީމާތަ؟ ރޯނެ ކަމެއްނެތް. އަތްބުރިކުރާ ދުވަސް އޮތީ ދާދި ކައިރީގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބ‫ަސްފޮތް

12 April 2021

‫ކަލޭމެން އެމެރިކާއިން ހުއްދަ ނުހޯދާ އަހަރުމެންގެ ކަނޑު އޮޅިއަށް އިހަށްދުވަހު ވަނީ ގާނޫނުގެ ނުފުށުންތަ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރަންޖީ ހާޖީ

12 April 2021

އެމެރިކާއާ ކޮންބެހޭކަމެއް ދޯ ރަދީފޫ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

12 April 2021

އެމެރިކާ އާބެހޭ ކަމެއްނޫން. އެކަމަކު އަހަރުމެން ކޮންމެ ކަމެއްގެ ތެރެއަށް އެމެރިކާ ވައްދަމުންގޮސް އެމީހުން ދުނިޔޭގެ ގިނަ ގައުމުތަކުގެ ގިނަ ކަންކަމުގެ ތެރެއަށް ވަނުން އެވަނީ ގާނޫނަކަށްވެފައި. އެމީހުންގެ ވިސްނުންތެރިކަމުން ރޭވުންތައް މޮޅުކަމުން ކޮންމެކަމެއްގެ ތެރެއަށް ވަންނަން ގޮވާލާ ގައުމުތައް އުފެދުނީ.