ކޮވިޑް-19: ކުއްލިއަކަށް ކޭސްތައް އިތުރުވެއްޖެ

ކޮވިޑުން ދިފާއުވާ ވެކްސިން ޖަހަން ގޮސް ތިބި ބަޔަކު ކިއުއެއްގައި. ރާއްޖޭގައި ކޮވިޑް ކޭސްތައް އަނެއްކާވެސް ދަނީ އިތުރުވަމުން -- ފޮޓޯ: ނިޝާން އަލީ/ މިހާރު

މުހައްމަދު ނަސީމް، މިހާރު

18 އެޕްރީލް 2021 - 23:30

24 comments

ރާއްޖޭގައި ކޮންމެ ދުވަހަކު ކޮވިޑް-19 އަށް ޕޮޒިޓިވްވާ މީހުންގެ އަދަދު 100 އިން ދަށުގައި ވޭތުވެދިޔަ ދުވަސްތަކުގައި ހުރުމަށް ފަހު އަނެއްކާވެސް އިތުރުވާން ފަށައިފި އެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ އާއްމުކުރި މައުލޫމާތުގައިވާ ގޮތުން އިއްޔެ ހަވީރު 6:00 އިން ފެށިގެން މިއަދު ހަވީރު 6:00 އަށް ރާއްޖޭގައި ޓެސްްޓްކުރި 3،238 ސާމްޕަލްގެ ތެރެއިން 203 މީހަކު ވަނީ ކޮވިޑަށް ޕޮޒިޓިވްވެފަ އެވެ. މިއީ، މިދިޔަ ހަފުތާގެ އަންގާރަ ދުވަހު ފެށި މި ރޯދަމަހާ ދިމާކޮށް، އެޗްޕީއޭ އިން ދިން ބައެއް ލުއިތަކާއެކު، ކޮވިޑް ކޭސްތައް މިހާ މައްޗަށް ދިޔަ ފުރަތަމަ ފަހަރެވެ. އަދި މިދިޔަ ހަފުތާގެ ހޮނިހިރު ދުވަހު ބޭއްވި ލޯކަލް ކައުންސިލްތަކުގެ އިންތިހާބަށް ފަހު، ކޮވިޑް ޖެހުނު މީހުންގެ އަދަދު މިހާ މައްޗަށް ދިޔަ ފުރަތަމަ ފަހަރު ވެސް މެ އެވެ.

މިދިޔަ 24 ގަޑިއިރުގެ ތެރޭގައި އަލަށް ކޮވިޑް ޖެހުނު 203 މީހުންގެ ތެރެއިން 115 މީހަކަށް ކޮވިޑް ޖެހުނީ މާލޭ ސަރަހައްދުންނެވެ. މީހުން އުޅޭ އެހެން ރަށްތަކުން 70 މީހަކާއި ރިސޯޓްތަކުން 18 މީހަކު ވެސް ވަނީ ޕޮޒިޓިވްވެފަ އެވެ.

އެޗްޕީއޭ އިން އާއްމުކޮށްފައިވާ ތަފާސްހިސާބުތަކުން ދައްކާ ގޮތުގައި މި މަހުގެ 9 ވަނަ ދުވަހުން ފެށިގެން ރެއާ ހަމައަށް ރާއްޖޭގައި ދުވާލަކު ކޮވިޑަށް ޕޮޒިޓިވްވާ މީހުންގެ އަދަދު ހުރީ 100 އިން ދަށުގަ އެވެ. ނަމަވެސް އިއްޔެ، އެ ބަލީގެ ކޭސްތަކުގެ އަދަދު 124 އަށް އެރި އެވެ. އެެއީ 2،503 ސާމްޕަލްގެ ތެރެއިންނެވެ. އިއްޔެގެ ކޭސްތަކުގެ ތެރޭގައި ވެސް ގިނައީ މާލެ ސަރަހައްދުން ޕޮޒިޓިވްވި މީހުންނެވެ.

މިރޭ އާއްމުކުރި މައުލޫމާތުގައިވާ ގޮތުން މިދިޔަ 24 ގަޑިއިރުގެ ތެރޭގައި ކޮވިޑަށް ޕޮޒިޓިވްވި މީހުންނާ އެކު އެ ބަލީގެ އެކްޓިވް ކޭސްތަކުގެ އަދަދަކީ މިހާރު 2،678 އެވެ. އޭގެ ތެރެއިން 60 މީހަކަށް ހޮސްޕިޓަލްގައި އަންނަނީ ފަރުވާދެމުންނެވެ.

ރާއްޖޭން ކޮވިޑް ޖެހުނު މީހުންގެ ޖުމުލައަކީ މިހާރު 26،348 އެވެ. އެ ބަލީގައި މަރުވި މީހުންގެ އަދަދަކީ 70 އެވެ.

ސިއްހަތު ހެލްތު ޕްރޮޓެކްޝަން އެޖެންސީ ބަލިތައް

24 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެދާނޯމޮސް

19 April 2021

ކޭސްތަކުގެ އަދަދު ބޭނުން ވަރަކަށް ގިނަކޮށްލުމާއި ވަކިދުވަސް ކޮޅަކަށް މަދުކޮށް ދެއްކުމުގެ އިޙްތިޔާރު ލިބިގެން ވާބަޔަކަށް ބޭނުން ގޮތަކަށް ރައްޔިތުން ވާވެއްދިދާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

19 April 2021

3 ހާސް މީހުންގެ ތެރެއިން އަރިދަ ފުސްރޯގައިގެ އަސަރު 200 މީހުންގެ ހުރެދާނެ، މިއީކީ ހާސްވެގެން އުޅެންވީކަމެއްނޫން، ބުނެއުޅޭ ކޮޅުބަދަލްވާނޭ އަބަދަކު އެއްގޮތަކަށް ކަންކަން ނުދާނޭ، މިއަދު ދުނިޔެ މިއޮތީ ސިއްހީ މީހުންގެ ދަށުވެފައި ދެން އެވެރިންނަށްވެސް ހެދުނު އެއްޗެއް ހަދާނެ މިއޮއްގެން މެޑިކަލް އިކިއުޕްމެން އުފައްދާ ތަންތަނުގެ ވެރިން ބިލިއަނަރުންން ނަށް އަހަރެއްގެ ތެރޭގައި ބަދަލްވަނީ ކޮވިޑްގެ އަސްލު ދުނިޔެއަށް ވިސްނި މިކޮންސިޕިރަސީގެ ވާހަކަ ދައްކާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕަޓޭ

19 April 2021

މިސްކިތްތައް ބަންދު ނުކުރެވިގެން އެތެޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢުމަރުބޭ

19 April 2021

ތިއުޅެނީ މިސްކިތަށް މީހުން އަރާތީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުވާލު

19 April 2021

ޖުމްލަކޮށްލުމުން އެނގޭއެއްޗަކީ ކޮވިޑު 19 އަކީ ޢަދަދުގެ ކުޅިގަނޑެއްކަން. ބޭނުމެއްޖެހުނީމަ މަތިވެ، ތިރިވާ އެއްޗެއްކަން. ވެއަތުވެދިޔަ އިންތިޚާބު އަންނަންއުޅުނިއިރު ޢަދަދު މަތިވަމުން ދިޔަ. އެކަމަކު ދިޔަނަމަވެސް ވޯޓުލާދުވަހު ހަމައެއް ލަމައެއްނެތި ގޮސްއައިސްވާން ބޭނުންގޮތަކަށްއުޅެ، ވޯޓުލައިނިމުނީމަ ދަށަށްގޮއްސަ ކުއްލިއަކަށް މިހާރު މިފެންނަނީ ރާއްޖެތެރޭގެ ރަށްރަށުގައި ކޭސްގިނަވާތަން. މިވާގޮތެއް ރައްޔިތުން ބަލާކަށް ނުޖެހޭބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯބު

19 April 2021

މިހާލަތުގައިވެސް ވޯޓެކޭ ކިޔައިފަ އެއްމެން އެއްތަންކުރުވިއިރުވެސް އެނގޭނެ މިހެން ވާނެކަން. އެކަމަކު ބަދުނާމު މިކުރަނީ ރޯދަމަހުގެ މިސްކިތްތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޗް އެމް

19 April 2021

މާލެ ސަރަހައްދުގެ ޕޮސިޓިވް ޕަސެންޓޭޖް 5ން މައްޗަށް ގެންދާނެކަމީ ޔަގީން ކަމެއް .... އެއިރުން ނު ޕީސީއާރު ޓެސްޓް ހަދައިގެން ލާރި ލިބޭނީ... ރާއްޖެތެރޭގެ މީހާއަތުން ލާރިކޮޅެއް އަތުލެވޭނީ.... އަނބި ދަރިން ކައިރިއަށް ދާންވެސް އެތައް ޚަރަދެއް ކޮށްގެންވެސް ނުދެވިގެން މި އުޅެނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާވަހީދު

19 April 2021

އެނގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެންް

19 April 2021

ސަރުކާރުން ހަދަނީ ތެދުކަމާއިމެދު މިހާރު ޝައްކު. ބެލެވޭގޮތުގައި ނުޖެހޭ މީހުންވެސް ޖެހުނުކަމަށް ހަދަނީހެން ބޮޑަށް ހީވަނީ. ތިކަންތައްގަނޑުވެސް ކޮންމެވެސް ދުވަހަކުން ފަޅާއަރާނެ. ހެޔޮދުއާ ސަލާމް.