ޚަބަރު / މަސްތުވާތަކެތި

އިތިއޯޕިއާ އިން އައި އިނގިރޭސި ވިލާތު މީހެއްގެ އަތުން 10 މިލިއަން ރުފިޔާގެ މަސްތުވާތަކެތި

ފުލުހުން އަތުލައިގަތް 3 ކިލޯގެ މަސްތުވާތަކެތި ހުރި ލަގެޖު.-- ފޮޓޯ: ކަސްޓަމްސް

އިފްރާޒް އަލީ، މިހާރު

09 މެއި 2021 - 17:28

7 comments

އިތިއޯޕިއާ އިން ރާއްޖެ އައި އިނގިރޭސި ވިލާތު މީހެއްގެ އަތުން 3.4 ކިލޯގެ މަސްތުވާތަކެތި އަތުލައިގެންފި އެވެ.

ކަސްޓަމްސް އިން ބުނީ މި މަސްތުވާތަކެތީގެ މަގުމަތީ އަގު 10 މިލިއަން ރުފިޔާއަށް އަރާނެ ކަމަށެވެ.

ކަސްޓަމްސް އިން މިއަދު ނެރުނު ބަޔާނެއްގައި ބުނީ ވައިގެ މަގުން އެތެރެވާން އުޅުނު، 30 އަހަރުގެ އެ މީހާގެ އަތުން މަސްތުވާތަކެތި އަތުލައިގަތީ މިދިޔަ މަހުގެ 25 ވަނަ ދުވަހު ކަމަށެވެ.

އެތަނުން ބުނީ، އޭނާ ރާއްޖެ އައިސްފައިވާ ރޫޓާއި އަމަލުތައް ހުރި ގޮތުން އޭނާއާ މެދު ޝައްކުކުރެވިގެން، އޭނާގެ ލަގެޖު ބަލައި ފާސްކުރީ ކަމަށެވެ. އޭގެ ތެރެއިން ފެނުނު ތަކެތި ޓެސްޓުކުރިއިރު، މަސްތުވާތަކެތީގެ ބާވަތެއް ކަމަށްވާ ކޮކެއިން އަށް ޕޮޒިޓީވްވެފައިވެ އެވެ.

މި ތަކެތި އެތެރެކުރި މީހާ މިހާރު ވަނީ ތަހުގީގަށް ފުލުހުންނާ ހަވާލުކޮށްފަ އެވެ.

ފުލުހުން މަސްތުވާތަކެތި ކަސްޓަމްސް އިތިއޯޕިއާ ވެލާނާ އިންޓަނޭޝަނަލް އެއާޕޯޓް

7 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާދަނުބޭބެ

09 May 2021

ދެން އޭނަގެ ހިމާޔަތުގަ ނިކުންނާނެ ގުރޫޕެއް. އޭނަ ރީހެބިލިތޭޓް ކޮށްފަ ގައުމަށްފޮނުވާށޭ ކިޔާފަ. ޑުރަގަކީ ބައްޔެކޯލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

09 May 2021

މިފަދަ ކަންކަމުގެސަބަބުން ފަތުރުވެރިކަމުގެވިޔަފާރިއަށް ގެއްލުމެއްނުލިބެނީސް އީޔޫގެ ޤައުމުތަކާއި، ސްވިޓްޒަލެންޑް، އެމަރިކާ، ކެނަޑާ، ޗައިނާ، ޖެޕާން، ސިންގަޕޯރ، ކޮރެއާ، ސައުދީ، ޤަޓަރ، ކުވެއިތު، ޔޫއޭއީ، ސައުތުއެފްރިކާ، އޮސްޓްރޭލިއާ، ނިއުޒީލަންޑް، ރަޝިޔާ، އަދި އިންޑިޔާ އާއި ސްރީލަންކާގެ އޯލްޑިނެރީ ޕާސްޕޯޓް ހޮލްޑަރުންނަށް މެނުވީ އެޑްވާންސް ވީސާނެތި ރާއްޖެނާދެވޭގޮތަށްހަދާ އެހެން ޤައުމުތަކުގެ ރައްޔަތުން ވީސާނަގާންޖެހޭގޮތަށް ޤަވާއިދު ބަދަލުކުރާކަށްނުވޭތޯ؟