ރައްޔިތުންގެ މަޖިލިހުގެ ކޮމިޓީއެއްގައި އާޒިމް ވާހަަކަ ދައްކަވަނީ. އޭނާ ވިދާޅުވީ 241 ކޮމިޓީން އެއްފަރާތްވީ އިންޓަގްރިޓީ ހިފަހައްޓަން ކަމަށް. --- ފޮޓޯ: މިހާރު
10 މެއި 2021 - 23:45
41 comments
އެމްއެމްޕީއާރުސީގެ ހިޔާނާތުގެ މަންފާ ލިބުނު ކަމަށްް ތުހުމަތުވާ މީހުން ލިސްޓު، ރައްޔިތުންގެ މަޖިލީހުގެ ސަލާމަތީ ހިދުމަތްތަކުގެ ކޮމިޓީ (2411 ކޮމިޓީ) އާއި ޖުޑިޝަރީ ކޮމިޓީ ގުޅިގެން ބަލަމުން އަންނަ އިރު، 241 ކޮމިޓީން މިވަގުތަށް ދުރަށް ވަޑައިގަތީ އިންޓެގްރިޓީ ހިފަހައްޓަވަން ކަމަށާއި އެއްވެސް ކޮރަޕްޝަނެއް ނޯންނާނެ ކަމަށް އެމްޑީޕީގެ ޕާލަމެންޓްރީ ގްރޫޕްގެ ލީޑަރު އަލީ އާޒިމް މިރޭ ވިދާޅުވެއްްޖެ އެވެ.
މެދުހެންވޭރު ދާއިރާގެ މެމްބަރު އާޒިމް "މިހާރު" އަށް ވިދާޅުވީ ކޮމިޓީއަށް ލިބިފައިވާ ލިސްޓުގައި އޭނާގެ ނަން އޮތް ކަމަށް ވާހަކަ ދެއްކެވޭ ކަމަށާއި ނަަމަވެސް އެ ލިސްޓުގައި ނަން އޮންނަން ޖެހޭ ސަބަބެެއް ނެތް ކަމަށެވެ. އެކަމަކު، އެގޮތަށް އަޑު ފެތުރޭ ނަމަ އެންމެ ރީތި ގޮތަކީ އޭނާ ކޮމިޓީގެ މަސައްކަތުން އެެއްފަރާތްވެ، ފުރިހަމަ ތަހުގީގަކަށް ޖާގަ ދެއްވުން ކަމަށް ވިދާޅުވި އެވެ.
"އަޅުގަނޑާ ސުވާލެއް ވެސް ކޮށްލާފައެއް ނޯންނާނެ، އެއްވެސް އިދާރާއަކުން އެ މައްސަލައިގައި. އެހެންވެ އަޅުގަނޑަށް ވެސް ޝޮކަކަށް ވި ނަން އޮތޭ ކިޔާތީ. އެކަމަކު އެގޮތަށް ވާހަކަ ދެއްކެވޭ ނަމަ އަޅުގަނޑު ކޮމިޓީގައި އިނުމަކީ އިންޓަގްރިޓީ ހުރި ގޮތެއް ނޫން،" އޭނާ ވިދާޅުވި އެވެ.
އާޒިމް ވިދާޅުވި ގޮތުގައި ކޮމިޓީން އޭނާ މުޅިން ވަކިވެވަޑައިގެންނެވީކީއެއް ނޫނެވެ. ހަމަ އެކަނި އެ މައްސަލަ ބަލާ ނިމެންދެން ވަގުތީ ގޮތުން އެއް ފަރާތްވީ ކަމަށް ވިދާޅުވި އެވެ.
ކޮމިޓީގެ މަސައްކަތުން އެކަހެރިވެވަޑައިގަތުމާ ހަަމައަށް އާޒިމް އަކީ އެ ކޮމިޓީގެ ނައިބު މުގައްރިރެވެ. އޭނާގެ ބަދަލުގައި ކޮމިޓީއާ ގުޅިވަޑައިގެންނެވީ މަޖިލީހުގެ ނައިބު ރައީސް އަދި ގަލޮޅު ދެކުނު ދާއިރާގެ އެމްޑީޕީގެ މެމްބަރު އީވާ އަބްދުﷲ އެވެ.
އެމްއެމްޕީއާރުސީގެ ހިޔާނާތުގެ ފައިސާ ލިބުނު ކަމަށް ތުހުމަތުވާ މީހުންގެ ތެރެއިން މިހާރު ވެސް މަގާމުތަކުގައި ތިއްބެވި ބޭފުޅުންނާއި ކުރިން މަގާމުތަކުގައި ތިއްބެވި ބޭފުޅުންގެ ލިސްޓް ހޯދަން މަޖިލީހުން އެދުމުން، ތަހުގީގީ އިދާރާތަކުން ފޮނުވި ލިސްޓްގައި ޖުމުލަ 281 ފަރާތެއްގެ ނަން އެބަ އޮތެވެ. އެގޮތުން އެއީ އެ ލިސްޓްގައި އޮތް ކަަމަށް އެސެޓް ރިކަވަރީ ކޮމިޝަނުން ބުނި އަދަދަށް ވުރެ 14 ނަން އިތުރު ލިސްޓެކެވެ.
އެ ލިސްޓު ދިރާސާކުރަން 241 ކޮމިޓީ އާއި ޖުޑިޝަރީ ކޮމިޓީ ގުޅިގެން އުފެއްދި ޖޮއިންޓް ކޮމިޓީން މިދިޔަ ހޮނިހިރު ދުވަހު ބޭއްވި ބައްދަލުވުމުގައި މައިގަނޑު ދެ ކަމެއް ކުރަން ހުށަހަޅައި ފާސްކުރި އެވެ. އޭގެ އެއް ކަމަކީ މަސްލަހަތު ފުށުއަރާ މެމްބަރަކު އެއިން ކޮމިޓީއެއްގައި އިންނެވި ނަމަ އެ މެމްބަރެއްގެ ބަދަލުގައި އެހެން މެމްބަރަކު ހަމަޖެއްސުމެވެ.
އަނެއް ކަމަކީ ލިސްޓުގެ ސިއްރުކަން ހިފެހެއްޓުމަށް ހާއްސަ ފިޔަވަޅުތަކެއް އެޅުމެވެ. ކޮމިޓީގެ މެމްބަރުންނަށް ވެސް ލިސްޓުގެ އެއްވެސް މައުލޫމާތެއް މަޖިލީހުން ބޭރަށް ނުގެންދެވޭނެކަން ކަށަވަރުކުރަން ވަނީ ފާސްކޮށްފަ އެެވެ.
އާޒިމް އާއި މަޖިލީހުގެ އެހެން ބައެއް މެމްބަރުން އެ ލިސްޓުގައި އޮތް ކަމަށް ބައެއް މީހުން ތުހުމަތުކުރަން ފެށީ އާ ލިސްޓު އައުމުގެ މާކުރިންނެވެ. އޭރުގައި އެގޮތަށް ތުހުމަތުތައް ކުރާތީ ލިސްޓު އާއްމުކުރަން ވެސް ބައެއް މެމްބަރުން މީގެ ކުރިން ވަނީ ގޮވައިލައްވާފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަފީރު
12 May 2021
ކޮނުނުވަރަކަށް ފަސް ގިނަވާނެކަމަށް ހަރުބަސް އިނދޭދޯ. ކުރިން ތަޙްޤީޤު ކުރިމިހުންވެސް ނަންތަކެއް ފޮރުވައިގެން ގެންގުޅުނުކަން މިކަމުން އެނގެނީ. އެމީހުންނަސްވެސް ހަދިޔާވަނި ލިބިފައިދެއްތޯ
އެދުރުކަލޭގެފާނު
11 May 2021
ކޮމެޓީން އެއްފަރާތްވީ ވަގުންގެ ލިސްޓުގައި ނަން އޮތީމައޭ ނުދަންނަވާނަން ތޯއެވެ. އާޒިމް މެންނަކީވެސް ހަރާމް ހަލާލެއް ނުބަލައި ފުރުސަތު ލިބިއްޖެނަމަ ގެއަށް ގެންދާނެ ބޭފުޅުންނެވެ. އަދީބަކާއި ފައްޔާޒުއަކާއި މަނިކުފާނަކާއި ބާރު ލިބިއްޖެ ނަމަ ފައިސާ ގެންގުޅުމުގައި ތަފާތެއް ނުވާނެއެވެ. މޮޅު ވާހަކަ ދައްކައިގެން އެކުން ބޮޑަށް އަހަރުމެން ނިކަމެތިން ރުޅި އަރުވާން ނަހައްދަވާށެވެ.
ކަޑް
11 May 2021
އެފް. އޭ. އެމް ގެ ރައީސަކަށް ހުރިއިރު ކިތައް ގޮނޑި ބޭރު ވޯޓް ތަކުގަ ވިއްކާލިން
އެލެކޮސް
11 May 2021
މިމީހުންނަށް ހީވަނީ އިންޓެގްރިޓީއަކީ ރީނދޫކުލައިގެ ޓީޝާޓަކަށް ޕްރިންޓާކޮށްފައި އިންނަ ކައްޓާއަކަށް ކިޔާނަމެއްހެން؟ ތިޔަ ކައްޓާ ހުންނަނީ އޮރިޔަކަށް ދަމާއިގަނެފައި! ކިހާދެރަވެއްޖެކަމެއް!
ބޮޑުމީހާ
11 May 2021
އެކައުންޓަށް ޑޮލަރު ވަނީވެސް އިންޓަރގްރިޓީގެ ތެރެއިން
އަލިފުހާ
11 May 2021
ޔަގޫލުލް މުތަރުޖިމް. ދެންފަހެ ދަންނައެ، ތިޔަ އެމްއެމްޕީއާރުސީގެ ބޮޑު ޚިޔާނާތުގެ ޑޮލަރާ ފައިސާ ލިބުނު މީހުންގެ ތެރެއިން ހަމަ އެކަކުވެސް އެކަމަށް އެއްބަސްނުވާނެ ކަމަށާއި ތިމަންމެންނީ ދުވަހަކުވެސް އެފަދަ ޚިޔާނާތެއްގައި ބައިވެރިވެފައިވާނޭ ބައެއް ނޫންކަމަށް އެމީހުން ބުނާނޭކަމާއިމެދަކު އަހުރެމެން ޝައްކެއް ނުކުރަމުއެވެ. އަލިފް ހާ
ޝޯރު
11 May 2021
ލިސްޓުން އިންޓެގްރިޓީ ފެނުނީތޯ؟ (:
ގަބޯ
11 May 2021
ނޮޅިވަރަންފަރު ޓްރައިނިންގް ރެސޯޓުގެ ހާއްސަ ބަދަލެއްގޮތަށް އުތުރު އަތޮޅަކުން ބަޔަކަށް އަދީބު ރަށެއް ދިން.މި ޑީލު ލިބުނު ކުންފުނީގެ ހިއްސާދާރުން ސާފުކޮއްލައްވާ.އަދި މީގެ އިތުރުންވެސް ގިނަ ޑީލުތަށް އެބެ ހުރި ހެދިފަ.މަޖްލިހުގަ މިއަދު ތިބީ ހުސް ރެސޯޓު ހިއްސާދާރުން.އެހިސާބަށް ދެވުނީ ސިޔާސީ ނުފޫޒުގެ ގަދަ ބާރުން.މަޖްލިސްއިން ލިބޭ މުސާރައާއި އަމިއްލަ ވިޔަފާރީގެ ބާރަކުންނެއްނޫން.މި ހުރިހާއެންމެން ޕްރޮސެކިއުޓުކުރޭ ނުހަމަ މުއްސަނދިކަމުގެ ގާނޫނުދަށުން!
ސައިމާ
11 May 2021
އާޒިމް މަހަށްދޭ. އިހަށްދުވަހު އަފީފްކިޔާމީހަކު ހަމަ ތިހެން ބުނެގެން ކަލޭމެން ލެވި ހަޅޭކާއި ޖެއްސި ވައްތަރު ނޫސްތަކުގައި އަދިވެސް އެބަހުރި. ތިމަންނަޔާ ސުވާލެއްނުކުރޭ ނުކިޔާ އިސްތިއުފާދީ. އިންޓެގްރިޓީއަކީ ހަމައެކަނި ސުވާލުކުރީމާ ކުށްވެރިވާނެތީކީނޫން. ދެއްކިވާހަކައިންވެސް އިންޓެގްރިޓީގެ އަލިފްވެސް ނޭގޭކަން އެގިއްޖެ. އެމްއެމްޕީއާރުސީ ފައިސާ ލިބުނު ބައިގަޑު އިސްތިއުފާދީފަ، ލާރިގަޑު ހަވާލުކުރޭ.
ޖެދިންޑާ
11 May 2021
އޭރުވެސް ޕީޕީއެމް މެމްބަރުންނަށް ވުރެ ގިނާން ތިޔަ ޚިޔާނާތުގެ ފައިސާލިބޭނީ އެމްޑީޕީ މެމްބަރުންނަށޭ ސަބަބަކީ ޕީޕީއެމް ކުރާކަމެއް ޕާޓީމެމްބަރުން ޖެހޭނެދޯ ކުރަން ނުރުހެއްޏާ ވިޕް އެޅީމަ ނޯޗޮއިސްވީދޯ! އެކަމަކު އިދިކޮޅުން ވިޕްނުނެރި ވިޕްފުރީކޮށް ވޯޓްދިނީމާ އެމްޑީޕީ މެމްބަރުން ތީގެ ބޮޑުކޮށް ނުމެކޭ ކަމަކަށް ނުވާނަ ޚައްސަކޮށް ޔޮޓަށް ދާގުރޫޕް