ރައީސް ސޯލިހު: ދެން އަޅާނެ ހަރުކަށި ފިޔަވަޅަކާ މެދު މިހާރު ދަނީ މަޝްވަރާ ކުރަމުން
11 މެއި 2021 - 00:17
22 comments
ކޮވިޑް-19ގެ ހާލަތު ރާއްޖޭގައި މިހާރު ވަރަށް ބޮޑަށް ގޯސްވަމުން ދާތީ، ބަލިން ރައްކާތެރިވުމަށް ދެން އަޅާނެ ފިޔަވަޅަކާ މެދު ރައީސް އިބްރާހިމް މުހައްމަދު ސޯލިހާ އެކު، މި ވަގުތު މަޝްވަރާ ކުރައްވަމުން ގެންދާ ކަމަށް ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ)ން މިރޭ ބުނެފި އެވެ.
ކޮވިޑްގެ ހާލަތު ކޮންޓްރޯލް ކުރުމަށް މާލެ ލޮކްޑައުން ކުރާ ކަމުގެ ވާހަކަތަކެއް މިއަދު ވަނީ ދެކެވިފަ އެވެ. ބައެއް މީޑިއާތަކުން ރިޕޯޓު ކުރި ގޮތުގައި އަންނަ ފިތުރު އީދަށް ފަހު އެ ފިޔަވަޅު އަޅާނެ އެވެ.
އެކަމަކު މިރޭ ބޭއްވި ނޫސްވެރިންގެ ބައްދަލުވުމެއްގައި ރައީސް އޮފީހުގެ ތަރުޖަމާނު މުޙައްމަދު މަބްރޫކް އަޒީޒް ވިދާޅުވީ މާލެ ލޮކްޑައުންކުރުމާ ގުޅޭގޮތުން އަދި އިތުރުގޮތެއް ނުނިންމާ ކަމަށެވެ. ނަމަވެސް މިހާރަށްވުރެ ހަރުކަށި މޫވްމަންޓް ރިސްޓްރިކްޝަނެއް ގެންނަން ޖެހޭ ކަމަށާއި އެ ފިޔަވަޅުން ވެސް ކޮވިޑުގެ ހާލަތު ރަނގަޅުނުވާ ނަމަ ލޮކްޑައުނަކަށް ދިއުން އެކަށީގެންވާ ކަމަށް، ޓެކްނިކަލް އެޑްވައިޒަރީ ގްރޫޕް (ޓެގް)އިން ބުނި ވާހަކަ އޭނާ ތަކުރާރު ކުރެއްވި އެވެ.
މަބްރޫކް ވިދާޅުވި ގޮތުގައި ލޮކްޑައުން ކުރުމާ ގުޅޭގޮތުން ރޭގައި އެއްވެސް ނިންމުމެއް ނުނިންމާ ކަމަށެވެ. އެކަމަކު ޕްރެސް ކޮންފަރެންސް ކުރިއަށް ދާ ވަގުތު، އެޗްއީއޯސީ އާއި ޓެގް ޓީމުގެ ބޭފުޅުން ރައީސްއާ މަޝްވަރާ ކުރައްވަމުން ގެންދަވާ ކަމަށް އޭނާ ވިދާޅުވި އެވެ.
"ދެން އަޅާނެ ރައްކާތެރިކަމުގެ ފިޔަވަޅާ ގުޅޭގޮތުން މިހާރު ދަނީ މަޝްވަރާ ކުރަމުން. މިރޭގެ މީޓިން ނިމޭއިރު އިތުރު ފިޔަވަޅެއް އެޅުން އެކަށީގެންވޭ،" މަބްރޫކް ވިދާޅުވި އެވެ.
ރާއްޖޭގައި މިހާރު ކޮންމެ ދުވަހަކު ކޮވިޑަށް ޕޮޒިޓިވްވާ މީހުންގެ އަދަދު 700އަށް ވުރެ އިތުރެވެ. މިއީ ވަރަށް މަތީ އަދަދެކެވެ. އެއާއެކު، ބަލިމަޑުކަން ކޮންޓްރޯލުން ނެއްޓިދާނެ ކަމުގެ ބިރާއެކު ފިޔަވަޅުތައް ދަނީ ހަރުކަށިކުރަމުންނެވެ. އޭގެ ތެރޭގައި މާލޭގައި ރޭގަނޑު 9:00 ން ފަތިހު 4:00 އަށް ކާފިއު އިއުލާނުކުރުން ހިމެނެ އެވެ.
ފާއިތުވި ދެތިން ހަފުތާގައި ސާމްޕަލް ޕޮޒިޓިވިޓީ އާއި ފްލޫ ކްލިނިކްތަކުން ނަގާ ސާމްޕަލްތަކުން ޕޮޒިޓިވްވާ މިންވަރާއި ހޮސްޕިޓަލުގައި އެޑްމިޓްކުރާ މިންވަރު ވެސް ވަނީ ވަރަށް ބޮޑަށް އިތުރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދުން999
11 May 2021
ލޮލްޑައުން ކުރާނެކަމެއްނެތް، ތިއުޅެނީ އަނެއްކާވެސް އަހަރެމެން ހާލުގައި ޖައްސަން. އެންމެ ފަހުންކުރި ލޮކްޑައުންތަކުގައިވެސް ފިހާރަތަށް ގިނަަގުތު ބަންދުކޮށްފާ ބެހެއްޓީ. ކަންމަތީ ކުޑަފިހާރަ ނުހުޅުވޭނަމަ އަދި ޑެލިވަރީ ނުކުރެވޭނަމަ ބަނގުރޫޓުވާނީ. ކުލި މާފެއްނޫވޭ، މުސާރަ ދޭންޖެހެ. އެހެނިހެން ހަރަދު ހިނގާ ، ކައިބޮއި އުޅެން ޖެހޭ، އެމްއެމްޕީއާރސީ ގެ ފައިސާ އަހަމަރެމެން ބޭނުމެއް ނުކުރަން. އެހެންވެ ފައިސާއެއް ނެތް ފަގީރު ހާލު މިތިބީ.
ބޮޑުމީހާ
11 May 2021
މިހާ މަޝްވަރާ ގިނަ ވެރިއަކު ނާދެ! ްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްއަމިއްލަ ވިސްނުމުގައި ކުރެވޭ އެއްވެސް ކަމެއް ނެތް! ވާއެއް ނުވާއެއް ނޭގޭ ރައީސް
އަބުދުލް ޤާދިރު
11 May 2021
ލޮކްޑައުން ކުރާނެކަމެއްނެތް. ދިވެހި ރައްޔިތުން ފަނާވުން އެއީ މައްސަލައެއް ނޫން. އިންޑިއާގެ ލޭބަރުން ގެނެވޭތޯ ބަލާ!
ޑިޑިން
11 May 2021
ރާއްޖެއިން ބަލި ފެތުރެން މިހާރުވެސް ހުއްޓޭނެ ކެފޭ ރެސްޓޯރަންޓްތައް ބަންދު ކުރާއިރަށް.
ސައިމާ
11 May 2021
އެކޮއި، ތިކަންނުވީ ރޭމް ކިޔާ އެސޯސިއޭޝަނަކާހެދިޔޯލަ. މަދެން ހީހީ ހަލާކު
އައްޕުޑިއާ
11 May 2021
ރާއްޖެ މިކަމުން އަރައިގަންނަން ދަނިކޮށް އިންޑިއާގެ ކަރަންޓިނު ފެސިލިޓީއަކަށް މިތަން ހަދާ މިތަން ބޮއްސުންލީމަ ރައްޔިތުން ބަންދުކުރަން ނޫޅޭ. ފެއިލްވީ މިއަދުގެ ސަރުކާރު. އެޗްޕީއޭއަކީ ދަތް ނެތް ސިންގާއެއް. ރީނދޫ ހަރުގެއިން ނެރޭ ސާކިއުލާތަކުގަ ސޮއިކުރަން ހުންނަ މީހެއް މައިމޫނާ އެއީ
ހިމާރުލްގައުމު
11 May 2021
އަޅަންވީ ފިޔަވަޅަކީ މެދު އިރުމައްޗަށް ދާ އިންޑިއާ މީހުންގެ ކަރަންޓީނު ފެސިލިޓީއަކަށް މިތަން ހެދި މީހުންގެ މައްޗަށް ޖިނާއީ ދައުވާކޮށް ޖަލަށް ލާންވީ
ހޯރާގޯރި
11 May 2021
މީގެކުރިންވެސް ކަންކުރިން އުސޫލުން ހުރިހާ ކެފޭ ރެސްޓޯރެންޓުން ޑެލިވަރީ ކުރެވޭގޮތަށް ހުރެފަ. ފިހާހަރަތަށް ރޭގަނޑު 10 ނުވަތަ 11 އަށް ބަންދުކޮށް. ހުރިހާ ވެހިކަކެއް އިރުއޮއްސި 6 ން އިރުއަރާ 6 ދުއްވުން މަނާކޮށްގެން ވެސް އަދަދުތަށް މަދުވި. ފުލްކޮކް ޑައުންއަކީ މީގަހައްލެއްނޫން.
ފަޒީލް
11 May 2021
މިހާރު ހުރި ހެލްތް މިނިސްޓަރު ގޯހެއް ނުވާނެ. އެއ> އެމް.ޕީ.ޑީ ވީމަ
ޕްޒިޓިވް
11 May 2021
އިތުރު ފިޔަވަޅެއް އަޅައިގެން ރައްޔިތުންގެ ތެރެއިން ދެރަ ނިކަމެތިން ވާނީ ހަނާ މިހާރުވެސް އާމްދަނީއެއް ނުލިބޭ ނުވަތަ ވަޒީފާއެއްނެތި އުޅޭ އެތަށް އެތަށް ބަޔަކު އެބައުޅޭ މިކަމާއި ގުޅިގެން ނަފްސާނީ ބަލި މަޑުކަންވެސް ވަނީ އިންތިހާއަށް އިތުރުވެފައި ކުދި އަދި މެދުފަންތީގެ ވިޔަފާރި ވެރިންވަނީ ބޯގޮވާފައި އަދަދު މަތިވުމަކީ ވަރަށް ވެސް ހިތާމަ ހުރި ކަމެއް އެކަމަކު މިއަދަދުގެ ތެރޭގައި ކިބިއްސެ އަޅާލައިގެންވެސް ގިނަ ބަޔަކުވަނީ ޕްޒިޓިވް ވެފައި
ބަހާއުއްދީނު
11 May 2021
ސުލޯ ސޯލިހް މަސްވަރާ ކޮއްކޮއް ހުރޭ.