އުނގޫފާރު ދާއިރާގެ މެމްބަރު މުހައްމަދު ވަހީދު މަޖިލީހުގެ ޖަލްސާއެއްގައި ވާހަކަދައްކަވަނީ. ކުރީގެ ރައީސް ޑރ. މުހައްމަދު ވަހީދަށް ފުރައްސާރަކުރެވުނީތީ ހިތާމަކުރައްވާ ކަމަށް މިއަދު ވިދާޅުވި.
18 މެއި 2021 - 15:54
51 comments
ކުރީގެ ރައީސް މުހައްމަދު ވަހީދަށް ކުރިން ފުރައްސާރަ ކުރެވިފައި ވާތީ މިހާރު އެކަމާ ހިތާމަކުރައްވާ ކަމަށް އުނގޫފާރު ދާއިރާގެ އެމްޑީޕީ މެމްބަރު މުހައްމަދު ވަހީދު (ވައްޑެ) މިއަދު ވިދާޅުވެއްޖެ އެވެ.
އޭރުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު އިސްތިއުފާ ދެއްވުމާ ގުޅިގެން، އެ މަނިކުފާނުގެ ނައިބު ރައީސް ވަހީދު 2012 ގައި ވެރިކަމާ ހަވާލުވެވަޑައިގަތުމުން އެ ޕާޓީގެ ގިނަ ބައެއްގެ ފުރައްސާރަ އާއި މަލާމާތް ވަހީދަށް ކުރިމަތިވި އެވެ. ވަހީދަށް ގޯނާކުރުމާއި ތަފާތު ހުތުރު ބަސްތަކުން އެ މަނިކުފާނަށް މުހާތަބު ކުރުމުގައި އެމްޑީޕީ އޮތީ އޭރު ހައްދުން ނައްޓައިފަ އެވެ.
ވަހީދު ވެރިކަމާ ހަވާލުވެވަޑައިގަތީ، ސިފައިންނާއި ފުލުހުން އެ ދުވަސްވަރު ނަޝީދުގެ ސަރުކާރާ ދެކޮޅަށް ނުކުމެ ހިންގި ކަންތައްތަކުގެ ތެރެއިން ބަޣާވަތަކުން ކަމަށް އެމްޑީޕީން ގަބޫލުކުރެ އެވެ. ނަމަވެސް ނަޝީދު އިސްތިއުފާ ދެއްވި ދެއްވުން ބަލަން އުފެއްދި ރިޔާސީ ކޮމިޝަނުން ނިންމާފައި ވަނީ އެއީ ބަޣާވާތެއް ނޫނެވެ. ނަޝީދު އިސްތިއުފާ ދެއްވީ އެ ކޮމިޝަނުން ނިންމާފައިވާ ގޮތުން ނަމަ އެއްވެސް މަޖުބޫރު ކަމެއް ނެތި އެވެ.
ވެރިިކަން އެގޮތަށް ބަދަލުވުމުން އެމްޑީޕީގެ ގިނަ އެހެން އެކްޓިވިސްޓުންނެކޭ އެއްގޮތަށް ވައްޑެ ވެސް ވަނީ ވަހީދަށް ފުރައްސާރަކޮށް ގިނަ ޓްވީޓްތަކެއް އެ ދުވަސްވަރު ކުރައްވައިފަ އެވެ. އެފަދަ ބައެއް ޓްވީޓްތަކުގެ ސްކްރީންޝޮޓްތައް އިއްޔެ އާއި މިއަދު ސޯޝަލް މީޑިއާގައި ބައެއް މީހުން ގެންދަނީ ހިއްސާކުރަމުންނެވެ.
އެކަން ފެށުނީ ރުޅިވެރި ކަމާއި ނަފްރަތު އުފައްދަން ވާހަކަ ދެއްކުމަކީ ފަހަކަށް އައިސް ރާއްޖޭގައި ހިންގި އެކިިއެކި ޖަރީމާތަކުގެ އަސްލު ކަމަށް ވިދާޅުވެ، މަޖިލީހުގައި އިއްޔެ އާއި މިއަދު ވައްޑެ ވާހަކަ ދެއްކެވުމުންނެވެ.
"...ވަހީދަށް ކާޅަށް ގޮވުނީތީ މިހާރު ދެރަވަން،" ވައްޑޭ މިއަދު ކުރެއްވި ޓްވީޓެއްގައި ވިދާޅުވި އެވެ.
ވަހީދަށް "ކާޅު' ގެ ނަމުން ގޮވަނީ އެ މަނިކުފާނު ދެރަކޮށްލުމުގެ ގޮތުންނެވެ.
ވަހީދުގެ އަރިހުން މާފަށް އެދިވަޑައިގަތުމުގެ ބަދަލުގައި ޓްވީޓްގައި ވައްޑެ ލިޔުއްވީ، އޭރު އެގޮތަށް ކަންތައް ކުރެވުނު ގޮތުގެ ސަބަބެވެ. އެގޮތަށް ކަންތައް ކުރައްވަން ޖެހިވަޑައިގަތީ ވައްޑެ ވިދާޅުވި ގޮތުގައި "ކާޅެއް ހެން" ވެރިކަން ޖަހައިގަނެ އަނިޔާ ކުރުމުންނެވެ. ވަހީދުގެ ބޭފުޅުން އެކަން ހަނދުމަފުޅު ނައްތާލައިގެން ނުވާނެ ކަމަށް އޭނާ ވިދާޅުވި އެވެ.
R U? Let’s be clear: the reason why u called him a crow was because we are darker than most. That’s why MDP’s slogan was BLACK crow, emphasizing being dark. Lies about PN’s resignation, lies about our patriotism, & lies instigating violence & abuses on #8Feb12 show MDP’s failure https://t.co/zcubtmtJJg
— Jeffrey Salim Waheed (@JSWaheed) May 18, 2021
ޖެފްރީ ސާލިމް ވަހީދުގެ ޓްވީޓެއް. އޭނާ ވިދާޅުވީ ބައްޕާފުޅު ޑރ. ވަހީދަށް "ކާޅަށް" ގޮވީ ހަމުގެ ކުލަޔާ ގުޅުވައިގެން ކަމަށް.
ވައްޑެގެ ޓްވީޓަށް ރައްދު ދެއްވައި ވަހީދުގެ ދަރިކަލުން ޖެފްރީ ސާލިމް ވަހީދު ވިދާޅުވީ "ކާޅަށް" ގޮވީ އޭނާގެ އާއިލާގެ ބޭފުޅުންގެ ކުލަ އަނދިރިވުމުން ކަމަށެވެ. އެމްޑީޕީގެ ސްލޯގަން އެއްގެ ގޮތުގައި "ކަޅުކާޅު" ބޭނުންކުރީ ވަހީދު އާއިލާގެ ބޭފުޅުންގެ ހަމުގެ ކުލަ އަނދިރިކަން ބޮޑަށް ފާހަގަކުރަން ކަމަށް ވެސް ޖެފްރީ ވިދާޅުވި އެވެ.
ނަޝީދުގެ އިސްތިއުފާއާ ބެހޭ ގޮތުން އެމްޑީޕީން ހެދީ ދޮގު ކަމަށާއި އޭރުގައި ހަމަނުޖެހުމަށް ބާރުއެޅި ކަމަށް ވެސް ޖެފްރީ ތުހުމަތު ކުރައްވަ އެވެ.
Since then MDP has relied on Hate, Abuse, Physical & Verbal Assaults, Threats to Life, Liberty & Wellbeing! #AnniLies are politically calculated fantasies made to divide us. We only call for peace, unity, and stability. We #RiseAbove hate & vulgarity. #BeBetter. #TrustTruth.
— Jeffrey Salim Waheed (@JSWaheed) May 18, 2021
ހަރުކަށި ފިކުރު ފަތުރައި މީހުންގެ ލޭހުއްދަކުރަން ގޮވާ މީހުންނާ މެދު އަވަސް ފިޔަަވަޅު އަޅަން ގޮވާލައި ގަލޮޅު ދެކުނު ދާއިރާގެ އެމްޑީޕީ މެމްބަރު މީކާއީލް އަހުމަދު ނަސީމް މަޖިލީހަށް މިއަދު ހުށަހެޅުއްވި މައްސަލައިގެ ބަހުސްގައި ވައްޑެ އެންމެ ބޮޑަށް ދެއްކެވީ އެމްޑީޕީއާ ދެކޮޅަށް ރާއްޖޭގައި އެންމެ ކުރިއްސުރެ ދައްކަމުން އައި ބައެއް ވާހަކަތަކެވެ. އެ ޕާޓީގެ ރައީސް އަދި މަޖިލީހުގެ ވެސް ރައީސް މުހައްމަދު ނަޝީދަށް "ލާދީނީ" އޭ ކިޔައިގެން ދައްކަމުން އައި ވާހަކަ ތަކަކީ އެ މަނިކުފާނަށް ދިން ޓެރަރިސްޓް ހަމަލާގެ އަސްލު ކަމަށް އޭނާ ސިފަކުރެއްވި އެވެ.
އެމްޑީޕީގެ ވެރިކަން ވެއްޓުމުން 2012 ވަނަ އަހަރު ވަައްޑޭ ކުރައްވާފައިވާ ޓްވީޓްތަކުގެ ސްކްރީންޝޮޓްތައް މީހުން މިހާރު އަލުން ނަަގައިގެން އާންމު ކުރަން ފެށީ އެ މޭރުމުން ވައްޑެ އިއްޔެ އާއި މިއަދު ވެސް ވާހަކަ ދެއްކެވި ފަހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އީސަ
19 May 2021
ހާދަ ދެރައޭ. މިކަހަލަ ފީކަޅާ "އިއްޒަތްތެރި" މެންބަރުން ނޫން ގޮތެއް ހޯދަންވެއްޖެ. ޕާޓީ ކުލައިން އެއްކިބާވެ، ރިވެތި އަހުލާގުގެ، ހުލްގު ހެޔޮ، މުރާލި، ހިކުމަތްތެރި، ހަމްދަރުދީވާން އިނގޭ ހިތްވަރުގަދަ ވެރިން ހޮވަމާ. އަދި މަގާމްތަކަށް ކުރިމަތިލާން މިފަދަ މީހުންނަށް ސަޕޯޓްދީ، އެ ރޫހު އާލާ ކުރަމާ.
ކަޅުބިލަތް
18 May 2021
ކިހިނެއްވީ އަނެއްކާ! މީބައަށް ހުވަފެނުގަ މަލަކަލްމައުތު ފެނުނީބާ! ނޫނޭ ކަލޭމެން އަނގައިން ހުތުރު އެއްޗެއް ނޫނީ ނުކިޔާ ވޭތޯ ބަލާ! ތިޔަ އިއްޒަތްތެރި ގެގަނޑުތެރޭ ތިބެވެސް ޕެޑް ޖަހާ ވާހަކަ ކަހަލަ ހުތުރު ވާހަކަ އެކަކު އަނެކަކަށް ގޮވާފަ ބަހައްޓާ! ތިތިބީވާ އިއްޒަތްތެރި ބައެއް! އަހަރުމެން ގަންނަނީ ފަކުރު!
ސިރާޖު
19 May 2021
ހީކުރާކަހަލަ 4 ފާރުތެރެވީމާ ދުލުންބޭރުރާ ބަސްތަކަކީ ފޮހޭރަބަރަކުން ފޮހެލެވޭނެ އެއްޗެކަމައް
ހުސެންް
18 May 2021
ތިމާނުރުހޭކަމެއްވިއްޔާ ބޭނުންގޮތަކަށް ލޭބަލްކުރަންވީ. ވެރިކަން ނިމުނުގޮތުގެ ތަހުގީގެއްކުރުމުން، ތިމާހިތްއެދޭގޮތަށް ނަތީޖާނުނުކުތީމަ ނަފުރަތު އުފެއްދީ. އެންމެންކުރިމަތީގަ ލައިވް ޓީވީގަ ނޫންތޯ އިސްތިއުފާ ދިނީ. ގައިމު އެގަޑީގަ، ދެކޮޅުހެދިނަމަ މުޅިދުނިޔެއަށްވެސް އެނގޭނެ ބަޢާވާތެއްކަން. ޖެހިގެންއައިދުވަހު މުޅިރާއްޖޭގަ ހުޅުޖަހާފަ ނަފުރަތު އުފައްދީ. ވެރިމީހާ އިސްތިއުފާ ދިނީމަ ދެން ވެރިކަންލިބޭނީ ނައިބަށްކަމަށް ކަނޑައަޅާފައިވަނީ ތިމަޖިލީހުން ނޫންތޯއެވެ.
ދޮގެއްތަ؟
18 May 2021
ކަލޭމެނާ ވައްތަރީވެސް އަނގައިން ފުޅަ ބާލާ ތަންތާ ހުޅު ޖަހާ މަޖިލިސް ތެރޭގައާއި އެތަންމިތާ މީހުންގެ ގަޔަށްބޮލަށް އަރާ އާންމު އުނދަގުލެއްގެ ގޮތުގަ އުޅުން. ކަލޭމެންކުރެ މީހެއްގެ އަނގައިން ހެޔޮ ބަހެއް ބޭރުވިޔަސް ދިވެހިންނަށް ވާނީ މުއުޖިޒާތެއްފަދަ ކަމަކަށް.
ދދފފފ
18 May 2021
ތި ދެއްކި ވާހަކައަކު އެއްވެސް ބުރަދަނެއް ނެތް. ކައުންސިލް އިންތިޚާބަކީ ދުރު މާޒީއެއް ނޫން. ތިޔަކިޔާ އިއްޒަތްތެރިން ތިޔަ ތަނަކަށް ޖަމާވެ ތިބެ ޑރ. މުއިއްޒު އަށް ނުގޮވަނީ ކޯޗެއް! ނާޅުވާ ބަދުނާމެއް އިލްޒާމެއް އޮތްތަ! ރައްދުގަވެސް މުއިއްޒު އެއްވެސް އެއްޗެއް ބުނިތަ! ތަހުޒީބުކަމާއެކު ކެމްޕޭން ކުރަން ނޭނގުނީމަ އެކަމުގެ އުދާހާއި ގިލަންވެރިކަން ފިލުވިގޮތް އެންމެނަށް ފެނުނޭ.
ރީތިއަޚުލާޤު
18 May 2021
މިޤައުމުގެ ޒުވާނުން ބޭ އަދީބު ކޮށް ލަދުހަޔާތް ކަނޑުވާލައި މަގުމައްޗަށް ނެރުނީ ތިޔަ އެމްޑީޕީ އިން ނޫން ހެއްޔެވެ؟ ދެން މިހާރު ތި ދައްކަނީ ކޮން ވާހަކައެއް ހެއްޔެވެ؟ ކަމެއް ގެ އަސްލު ވެއްޖެ މޮޑެވިގެނެއް ނުދާނެ ނޫން ހެއްޔެވެ؟
މާ މަޑުކަށި
18 May 2021
މިޤައުމުގެ ގިނަ ރައްޔިތުން ލޮލުން ދެކި އަތުން ހިފާ ފައިސާ ގޮތުގައި މިޤައުމުގައި މިހާރު މިހިނގާ ހަރުދަނާ ފިކުރު ތަކުގެ ބާނީ އަކީ ނަޝީދެވެ. ޙަޤީޤތަށް ފުންކޮށް ވިސްނައިފިނަމަ މިކަމަށް ދެބަސްވާނެ މީހެއް ނުހުންނާނެއެވެ.
އިސްލާހު
18 May 2021
ކާޅަށް އެކަނިތަ ގޮވީ .... ވަހީދު ކާފަރު ވެސް ކުރީ..... މިހިރީ މިމީހުން ގެ އަޚުލާޤު ހުންނަވަރަކީ....
ނަހޫ
18 May 2021
މިގައުމުގައި އޮތް ރީތި އިޖުތިމާއީ ފޭރާން ވީދާލީ ކޮންބައެއް. އެކަން ވާންފެށީ އެމްޑީޕީ އޭ ކިއާ ސިޔާސީ ޕާޓީ އެއް އުފައްދާ ރާއްޖެ ޓީވީއޭ ކިޔާ ޓީވީ އެއް އުފެއްދި ފަހުން. މީގެ އަހަރުތަކެއް ފަހަތަށް ގޮސް ވީޑިއޯ ކޮޅަކާއި އެއްޗެހި ބަލާލީމައި އެކަން ވަރަށް ސާފުވާނެ. ސަލާމަތީ ބާރުތަކާއި ކުރިމަތިލައި އަގު ވައްޓާލަން ފެށި ހިސާބުވެސް ވަރަށް ސާފުވާނެ.
ރާއްޖެ
18 May 2021
މި ފެންވަރު މީހުންގެ ނަމުގެ ކުރިއަށް ވެސް ބަޔަކު މީހުން އިއްޒަތް ލައިގެން ކިޔާ އުޅޭ.