ހުޅުމާލޭގައި އިމާރާތްކޮށްފައިވާ ފްލެޓުތަކެއް: އެ ތަނުގައި 5،000 ހައުސިން ޔުނިޓް އަޅަން ތުރުކީގެ ކުންފުންޏަކުން ވަނީ ހުށަހަޅާފައި.-- ފައިލް ފޮޓޯ: މުހައްމަދު ޔާމީން/ މިހާރު
23 ނޮވެމްބަރ 2016 - 13:22
17 comments
ހުޅުމާލޭގައި 5،000 ހައުސިން ޔުނިޓް އެޅުމަށް ހުށަހަޅާފައިވާ ތުރުކީގެ ކުންފުންޏަށް 328 މިލިއަން ޑޮލަރުގެ ސޮވެރިން ގެރެންޓީއެއް ސަރުކާރުން މިއަދު ދީފި އެވެ.
ހެނދުނު ބޭއްވި ރައްޔިތުންގެ މަޖިލިހުގެ މާލިއްޔަތު ކޮމިޓީ އަށް ފިނޭންސް މިނިސްޓްރީން ވަނީ އެކަމާ ގުޅޭ ކަރުދާސްތައް ހުށަހަޅައިފަ އެވެ. ކޮމިޓީގެ މުގައްރިރު އަހުމަދު ނިހާން ވިދާޅުވި ގޮތުގައި އެއީ ހުޅުމާލޭގައި 5،000 ހައުސިން ޔުނިޓް އެޅުމަށް ހުށަހަޅާފައިވާ ތުރުކީގެ އޮޒްޓާކް ހޯލްޑިންސް އަށް ދީފައިވާ ގެރެންޓީއެެކެވެ. އެކަމަކު، އެ ގެރެންޓީގެ އަަދަދެއް ކޮމިޓީގެ ބައްދަލުވުމުގައި އޭނާ ވިދާޅެއް ނުވެ އެވެ.
ކޮމިޓީގެ ބައްދަލުވުމަށް ފަހު "މިހާރު"ން ދެންނެވި ސުވާލެއްގެ ޖަވާބުގައި ނިހާން ވިދާޅުވީ އޮޒްޓާކަށް ދީފައި ވަނީ 252.5 މިލިއަން ޑޮލަރުގެ ގެރެންޓީއެއް ކަމަށެވެ.
އެކަމަކު، "މިހާރު" އަށް އެނގިފައިވާ ގޮތުގައި އޮޒްޓާކުން ނަގާ ލޯނުގެ އިންޓަރެސްޓާއި އެހެން ހަރަދުތައް އެއްކޮށްލުމުން އެ ކުންފުންޏަށް ދީފައިވާ ގެރެންޓީގެ ޖުމްލަ އަދަދު ގާތްގަނޑަކަށް 328 މިލިއަން ޑޮލަރަށް އަރަ އެވެ.
ތުރުކީގެ ކުންފުންޏަކަށް އެހާ ބޮޑު ގެރެންޓީއެއް ދިން އިރު، އެކަމާ ގުޅޭ ގޮތުން މާލިއްޔަތު ކޮމިޓީގެ މިއަދުގެ ބައްދަލުވުމުގައި މެމްބަރުން މާ ގިނަ ވާހަކަތަކެއް ނުދައްކަވަ އެވެ. އިދިކޮޅު އެމްޑީޕީ ތަމްސީލުކުރައްވާ މަރަދޫ ދާއިރާގެ މެމްބަރު އިބްރާހިމް ޝަރީފު ވިދާޅުވީ ރައްޔިތުންނަށް ބޯހިޔާވަހިކަން ފޯރުކޮށްދިނުމާ އެމްޑީޕީން އެއްވެސް އިރަކު ދެކޮޅު ނުހަދާ ކަމަށެވެ.
މާލިއްޔާތު ގާނޫނު މިހާރު އޮތް ގޮތުން ސޮވެރިން ގެރެންޓީ ދޫކުރުމުގެ ކުރިން މަޖިލީހަށް ހުށަހަޅައި ފާސްކުރާކަށް ނުޖެހެ އެވެ. އެހެންވެ، އޮޒްޓާކަށް ދިން ގެރެންޓީގެ ލިޔެކިއުންތައް ވެސް މަޖިލީހަށް ފޮނުވީ މެމްބަރުންގެ މައުލޫމާތަށެވެ.
އޮޒްޓާކުން ހިންގާ ހައުސިން ޔުނިޓްތަކުގެ މަޝްރޫއާ ގުޅޭ މައުލޫމާތެއް އަދި ނުލިބެ އެވެ. އެކަމަކު، ހުޅުމާލޭގައި 15،000 ހައުސިން ޔުނިޓު އެޅުމަށް މިދިޔަ އޭޕްރީލް މަހު ފެށި މަޝްރޫއުގެ ތެރޭގައި ތުރުކީގެ ކުންފުންޏަކުން އަޅާ ތަންތަން ވެސް ހިމެނެ އެވެ. އެކަމަކު، އެއީ އޮޒްޓާކް ކަމެއް އަދި ސާފެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕަޕެޓް ފެކްޝަން
23 November 2016
ނިހާނޫ! ކޮބާތޯ ދަފްތަރު ވަޢުދު؟
ކުޑަދޫއަހްމަދު
23 November 2016
އަހަރުމެން ދިވެހިންނަށް މިއުޅެނީ މިތަނުން ބައިލައްކަ ރުފިޔާވެސް ލޯނު ނުލިބިގެން! ބަލާބަލަ އެންމެފަހުން ތުރުކީގެ ވަރަށް އާދައިގެ ކުންފުންޏެއް، އެމީހުންގެ ޕްރޮފައިލް ބަލާފަ ހޮޑުލަވާގޮތްވަނީ! މިއީ ކޮރަޕްޝަން ނޫންތޯ އަޅެ ބަލާލަން އޭ.ސީ.ސީއަށް ގޮސްގެން ބެލޭނެތޯ؟
ކުޑަދޫއަހްމަދު
23 November 2016
ޖީ.އެމް.އާރަށް އެއަރޕޯޓުދީގެން މައްސަލައަކަށްވީ މީހުންނަށް މިއީ މައްސަލައެއްނޫން ދެއްތޮ؟ ދުނިޔޭގެ ކޮން ގައުމެއްގައިތޯ އެގައުމުގެ ކުންފުނިތަކުގެ ބޭރުން، ބޭރުގެ ކުންފުންޏަކަށް ދައުލަތް ޒިންމާވާގޮތަށް ގެރެންޓީދީފައި އޮތީ؟ އަޅެ އެންމެ ގައުމެއް ދައްކާފައި ދަންނަވާލަބަލަ! އޭރުން އަޅުގަނޑު ލޮނުލައިގެން ބަތްކެއުން ނިމުނީ! ރަނގަޅުކަމެއް! އެކަމަކު މިކަން ދުނިޔޭގެ ގައުމުތަކުގައި ކުރާގޮތަކީ، ސްޓޭޓް ކުންފުނިތަކުން މިކަންކުރަނީ! މިސާލަކަށް މިވަރުގެ ލޯނެއްގެ ގެރެންޓީ ދިވެހި ދައުލަތުން ގެރެންޓީދީގެން، ޒިންމާވާގޮތަށް ހަދައިގެން، މި ލޯނު ތުރުކީ މީހުން ނަގައިގެން އެމީހުން ވިޔަފާރިކޮށް، އެމީހުންގެ ވިޔަފާރި ކޮޅަށް ޖަހަން ފުރުސަތު ހުޅުވާލުމަކީ ކޮރަޕްޝަން ނޫން ކޯޗެއްތޯ؟ މިކަމުގެ މިސާލު ނަންގަވާ ޑުބާއީ އިން، ގަތަރުން! މިއީ އެންމެ ގިނައިން ދައުލަތް ޒިންމާވާގޮތަށް ލޯނު ހޯދަން ފުރުސަތު ހުޅުވާލެވޭ ގައުމުތަށް! އެގައުމު ތަކުގެ ސްޓޭޓް ކުންފުނިތަކަށް މިފުރުސަތިދެނީ! ސައުދީ އަރަބިޔާގެ ޕްރިންސް އަލްވަލީދަށް ސައުދީ ސަރުކާރުން ސޮވެރިން ގެރެންޓީ ނުދެވިގެންތޯ، މުދާވިއްކައިގެން ފައިސާ އެ ހޯއްދަވަނީ! ކީއްތޯވާނީ، އެމް.ޓީ.ސީ.ސީއަށް ނުވަތަ އެޗް.ޑީ.ސީއަށް ސޮވެރިން ގެރެންޓީއެއްދީގެން ލޯނު ނަގައިގެން މިކަން ނުވާންވީ!؟ ކޮބާތޯ މައްސަލައަކީ؟ ތިޔަގެރެންޓީ ދޫކުރި ތުރުކީގެ ކުންފުނީގެ ހާލަތު އެނގޭތޯ؟ އަޅުގަނޑަށް އިނގޭ؟ ތިބޭފުޅުން ބަލައިފިންތޯ؟ ވައްކަމުގެ ކޮންމެ އަމަލެއް މިލިއަނުން ! ސާބަސް އިނގޭތޯ؟
ހަސަން ޕުލަސް
24 November 2016
ނަޝީދު ސަރުކާރުން
އުމަރު
23 November 2016
ސަރުކާރުން ސުވަރިންގް ގެރެންޓީދީގެން ނަގާލޯނު ސަރުކާރުން ބެލެހެއްޓެންވާނެ، އެލޯނު ނަގާފައި ގެދޮރު ނަހަދައި އެބަޔަކު ފިލައިފިއްޔާ އެކަމުގެ ޒިންމާ ނަގާނެ ބަޔަކު ކަނޑައަޅަންޖެހޭނެ، އަދި ގެދޮރު އެއީ ބޭނުންކަމެއް، އެކަމަކު އެކަން ކުރާގޮތް އެއީ ބަލަންޖެހޭގޮތަކީ، ތުރުކީގެ ކުންފުންޏަކަށް ތިޔަހާބޮޑު ލޯނެއް ނަގަން ސުވަރިންގް ގެރެންޓީދީންއިރު އެކުންފުނީގެ ހައިބަތު ދައްކައިގެން ނުވަތަ އެކުންފުނިން ދިނީ ލޯނުކަވަރުވާ ކިހާވަރެއްގެ ގެރެންޓީއެއްތޯ؟ ލޯނު ނަގައިގެން ބޮޑު ދަށްފެންވަރުގައި ގެދޮރު ހަދައި ވިއްކީމާ އެކަމުގެ ގެއްލުން ދިވެހިންނަށްލިބޭނެ، އަދި ތިޔަލޯނު ނަގައިގެން ތުރުކީން އެއްޗެހި އެތެރެކޮށްގެން ތިޔަލޯނަށް ލިބޭ ފައިސާ ދާނީ ބޭރަށް، ދިވެހި ސަރުކާރުން ލޯނު ނަގައިގެން ގެދޮރު އަޅަންވީނޫންތޯ؟ އެނޫނީ ލޯކަލް ކުންފުނިތަކަށް ގެރެންޓީދީގެން އެމީހުން ލައްވައި ތިޔަކަންތަށް ކުރަންވީނޫންތޯ؟
އަލީ
23 November 2016
މިލިޔަނަކައް ފްލެޓެއް (އިމާރާތްކުރުން) މިޖެހެނީ. މިއީ މިހާރުގެ އަގުތަކައްބަލާއިރު ރަގަޅު އަގެއްބާ. ބޮޑުކަމައްވާނަމަ އިތުރުވާބައި ހަމަ ޔަގީނުންވެސް ދާނީ ކޮންމެވެސްބައެއްގެ ޖީބައް އަދި އޭގެ އަގު އާހިރުގަ އަދާކުރަންޖެހޭނީ ފްލެޓުތައްގަންނަ އާދައިގެ ރައްޔިތުމީހާ.
އުދުހޭ
23 November 2016
މީގެ އަޑިގަ ކޮރަޕްޝަން ނުހިމެނޭނެކަމަށް ވިސްނޭ ދިވެހިރައްޔިތަކު ހުރިއްޔާ މި ކޮމެންޓަށް ޑިސްލައިކް ޖަހާލަބަލަ! ކޮރަޕްޝަން ހިމެނޭނެކަމަށް ވިސްނެންޏާ ލައިކް ޖަހާލާ!
5000
23 November 2016
328 މިލިއަން ލޮޑަރު 5000 ފުލެޓަށް ވީމާ އެޖެހުނީ ފުލެޓަކަށް 1 މިލިއަން ރުފިޔާ. ކޮބާ ބޭނުމަކީ؟؟!!
ބަކުރު އެންޑް ޒުބޭރް
23 November 2016
ބޭރު ކުންފުނިތަކުން ރާއްޖެއަށް އަންނަންވާނީ ލާރި ހުރެގެން. ލާރި ނެތިއްޔާ ނާދޭ. އަނެއްކާ ބޮލުގާ މިެޅުނީ ކިހާބޮޑު އެއްޗެއް.
ވެނުމަސް
23 November 2016
ޖީއެމްއާރަށް ސޮވަރިން ގެރެންޓީ ދިނީމާ މައްސަލަ. މިހާރު ބަރާބަރު! ޕީޕީ ލޮޖިކް
އަލީ
23 November 2016
ހަމަ ޔަގީން މީގައި ކޮރަޕްޝަން އޮންނާނެ. ދައުލަތުގެ މިހާ ބޮޑު ގެރެންޓީއެއް ބޭރުގެ ބަޔަކަށް ދިނުމަކީ ކޮށްގެންވާނެ ކަމެއް ނޫން. އެމީހުން ހޯދާ ލޯނުގައި އެއްވެސް މައްސަލައެއް ޖެހިއްޖެނަމަ މި ފައިސާ އަދާކުރަން ޖެހޭނީ އަޅުގަޑުމެން ދިވެހިން. މިއީ ކިހާ ބޮޑު ވެއްޖެ ކަމެއްތޯ އަޅެ؟؟