ޕިކަޕަކާއި ދޮރުކަންޏަކާ ދޭތެރޭ ބޯ ފިތުނު މީހަކަށް ބޮޑެތި އަނިޔާތަކެއް

އޭޑީކޭ ހޮސްޕިޓަލް: ޕިކަޕާއި ގޭގެ ދޮރު ކަންޏާ ދެމެދު ބޯ ތާށިވި މީހާއަށް ފަރުވާދެމުން އަންނަނީ އެ ހޮސްޕިޓަލުގެ އައިސީޔޫގައި-- މިހާރު ފައިލް ފޮޓޯ

މާއިދާ މުހައްމަދު ރަޝާދު، މިހާރު

28 ޖޫން 2021 - 11:39

3 comments

މ. މުލީގައި ގަރާޖަކަށް ވެއްދި ޕިކަޕެއްގެ ފަހަތުގައި ހުރި މީހެއްގެ ބޯ ޕިކަޕުގެ ގެގަނޑާއި ގަރާޖުގެ ދޮރުކަންޏާ ދޭތެރޭ ފިތި ހާލު ސީރިއަސްވެ އޭޑީކޭ ހޮސްޕިޓަލްގެ އައިސީޔޫގައި ފަރުވާދޭން ފަށައިިފި އެވެ.

މުލީ ކައުންސިލްގެ ރައީސް ޝައްމޫން ރަމީޒު "މިހާރު" އަށް މިއަދު ވިދާޅުވީ، އެ މީހާ އަށް އަނިޔާވީ މިދިޔަ ހޮނިހިރު ދުވަހު ޕިކަޕުން މުދާ ބޭލުމަށް ގަރާޖަށް ޕިކަޕު ވައްދަނިކޮށް ކަމަށާއި މި ހާދިސާގައި އަނިޔާވި މީހާ އަށް ފަރުވާ ދޭން ފުރަތަމަ ގެންދިޔައީ މުލީ ރީޖަނަލް ހޮސްޕިޓަލަށް ކަމަށެވެ އެކަމަކު ހާލު ބޮޑުކަމުން ހަމަ އެ ދުވަހު ހަވީރު މާލެ ގެނެސް އައިޖީއެމްއެޗަށް ގެންދިޔަ ކަމަށް ވިދާޅުވި އެވެ.

ނަމަވެސް ފަހުން އޭނާ ވަނީ އޭޑީކޭ ހޮސްޕިޓަލަށް ބަދަލުކޮށްފަ އެވެ.

އަނިޔާވި 28 އަހަރުގެ ފިރިހެން މީހާގެ އާއިލާ އިން ވާހަކަދެއްކި މީހަކު ބުނި ގޮތުގައި، ޒަހަމްވި މީހާގެ ބޮލުގެ ނާށިގަނޑުން ތިން ތަނެއްގައި ވަނީ ރެނދުލައިފަ އެވެ. ޑޮކްޓަރުންނާ ހަވާލާދީ އޭނާ ބުނީ ސާޖަރީއެއް ހަދަން ވެސް ޖެހިދާނެ ކަމަށެވެ. ސިކުނޑި އަށް ލިބުނު އަނިޔާގެ ސަބަބުން ހަށިގަނޑުގެ އެއްފަޅި އައްސިވެ އެއް ލޮލަށް ފެންނަނީ ފުސްކޮށް ކަމަށް ވެސް އާއިލާ އިން ވާހަކަ ދެއްކި މީހާ ބުންޏެވެ.

އަނިޔާވި މީހާގެ ހާލަތާ ބެހޭ ގޮތުން އޭޑީކޭގެ ބަހެއް ލިބޭ ގޮތެއް ނުވި އެވެ.

އޭޑީކޭ ހޮސްޕިޓަލް މ. މުލި ސިއްހަތު އެކްސިޑެންޓް

3 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބުރުގާ

28 June 2021

އަޅޭ ދެން، ފުކެއް ބަލާލައިގެން އުޅޭނަމަހީސް ތިކަހަލަ ކަނޑުކޮސް ލަނޑުތަކެއް ނުލިބޭނެދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫނެކޭ

29 June 2021

ކަނޑުކޮހީއެއްނޫނޭ. ތަނަށް ބޭނުންނުވަވަރަށް އަދި އޮބިނޯންނަވަރަށް މީހުންނާއި ދުއްވާތަކެތި ގިނަވީވަރަކަށް މިކަހަލަ ކަންތައްތައް ގިނަވަމުންދާނެ. މާލޭގައި ކިހިލިފަތީގައިތާށިވޭ ޕިކަޕާއި ސައަިކަލްވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

28 June 2021

އަވަސް ޝިފާއަކަށް އެދެން.މިހުންނަނީ ސިކުނޑީގެ ބޭނުން ހިފައި މަސައްކަތުގެ މާހައުލުގެ އަސާސްތަކަށް އިހްތިރާމްކޮއްގެން ކުރިއަށް ދާނަމަ އެވޮއިޑްކުރެވޭނެ ކަހަލަ ހާދިސާތައް.ޑްރައިވަރު ވެސް ޕިކަޕްގެ ރިއާވިއު މިރާގެ ބޭނުން ހިފަން ޖެހޭ ވަގުތު ރަނގަޅަށް ހިފައިގެން ޕިކަޕްވެއްދިނަމަ މިހެން ވުމުގެ ފުރުސަތު ހަނިކުރެވޭނެ.ދިވެހި ހުރިހާ ރައްޔަތުންގެ ހެޔޮ ދުއާވަނީ މިހާދިސާގަ އަނިޔާ ލިބުނު ޒުވާނާއާއިއެކު.ވ.ވެދުން