ނަސީމް ވިދާޅުވީ އާބާދީގެ 75 ޕަސެންޓް މީހުންނަށް ވެކްސިންގެ ދެ ޑޯޒް ޖެހިފައިވާ ނަމަ ލުއިދިނީސް ކަމަށް. އެކަމަކު، ރާއްޖޭގައި މިހާތަނަށް ވެކްސިން ފުރިހަމަކުރެވުނީ 38 ޕަސެންޓް މީހުންނަށް.
ރައީސް އޮފީހުގައި މިއަދު ބޭއްވި ނިއުސް ކޮންފަރެންސްގައި ހެލްތު މިނިސްޓަރު ނަސީމް ވާހަކަދައްކަވަނީ.-- ފޮޓޯ: ރައީސް އޮފީސް
29 ޖޫން 2021 - 19:00
41 comments
ކޮވިޑް-19 އިން ރައްކާތެރިވުމަށް ވެކްސިންގެ ދެ ޑޯޒް ޖަހާފައި ހުއްޓަސް ލުއި ދެވެން ނެތީ ބޭނުންވާ ވަރަށް އާބާދީގެ ބޮޑު ބަޔަކު ވެކްސިން ފުރިހަމަ ކޮށްފައި ނުވާތީ ކަމަށް ހެލްތު މިނިސްޓަރު އަހުމަދު ނަސީމް މިއަދު ވިދާޅުވެއްޖެ އެވެ.
ރައީސް އިބްރާހިމް މުހައްމަދު ސޯލިހާއެކު ނޫސްވެރިންގެ ބައްދަލުވުމުގައި ބައިވެރިވެވަޑައިގެން ނޫސްވެރިންގެ ސުވާލުތަކަށް ޖަވާބު ދެއްވަމުން މިނިސްޓަރު ނަސީމް ވިދާޅުވީ، ކޮވިޑް ވެކްސިންގެ ދެ ޑޯޒަށް ފަހު ވަރަށް ގިނަ ގައުމުތަކުގައި ބޮޑެތި ލުއިތަކެއް ދޭ ކަމަށެވެ. ނަމަވެސް ދެ ޑޯޒް ވެކްސިން ދިނުމަށް ފަހު، ރާއްޖޭގައި ހަރުކަށި ފިޔަވަޅުތައް އަޅަނީ ބޭނުންވާ ވަރަށް ދެ ޑޯޒް ޖެހިފައި ނުވާތީ ކަމަށް އޭނާ ވިދާޅުވި އެވެ.
ނަސީމް ވިދާޅުވި ގޮތުގައި އާބާދީގެ 75 ޕަސެންޓް މީހުންނަށް ވެކްސިންގެ ދެ ޑޯޒް ޖެހިފައިވާ ނަމަ ލުއިދިނީހެވެ. އެކަމަކު، ރާއްޖޭގައި މިހާތަނަށް ވެކްސިން ފުރިހަމަކުރެވުނީ 38 ޕަސެންޓް މީހުންނަށެވެ.
ރައީސް ވިދާޅުވީ ވެކްސިންގެ ދެ ޑޯޒް ޖެހި މީހުންނަށް ލުއި ދިނުމާ ގުޅޭގޮތުން ޕޮލިސީ ލެވެލްގައި ވެސް ރޭ މަޝްވަރާކުރި ކަމަށެވެ. އެކަމަކު ފަންނީ ބޭފުޅުނަށް އެއްބަސްވުމަކަށް ނާދެވިގެން އެކަން އިއުލާން ނުކުރީ ކަމަށް އެ މަނިކުފާނު ވިދާޅުވި އެވެ.
ވެކްސިންގެ ދެ ޑޯޒް ޖެހި މީހުންގެ އަދަދު މިދިޔަ އާދިއްތަ ދުވަހާ ހަމައަށް ހުރީ 188،788 ގަ އެވެ. ވެކްސިންގެ ފުރަތަމަ ޑޯޒް 316،497 މީހުންނަށް ދީފައި ވެ އެވެ.
"އެ ހިސާބުން އަޅުގަނޑުމެންނަށް ޖުލައި މަހުގެ ތެރޭގައި ވެކްސިން ލިބިގެން ދެ ޑޯޒް ހަމަކުރެވުނީމަ އެ މިނިވަންކަން އަޅުގަނޑު ދެކޭގޮތުގައި ލިބިގެންދާނެ. މިއީ، މި އުޅޭ ހިލާފަތަކީ އަޅުގަނޑުމެން މެޑިކަލް ބޭފުޅުންގެ ތެރޭގައި. އެކަންކަން ހައްލުކުރެވޭނީ އަދި މިއަށްވުރެ ގިނައިން ވެކްސިން ޖެހިގެން،" ރައީސް އިބްރާހިމް މުހައްމަދު ސޯލިހުގެ އިތުރުން އިކޮނޮމިކް މިނިސްޓަރު ފައްޔާޒު އިސްމާއިލް ވެސް ބައިވެރިވެވަޑައިގެންނެވި ޕްރެސް ކޮންފަރެންސްގައި ނަސީމް ވިދާޅުވި އެވެ.
ރައީސް ވިދާޅުވީ، ވެކްސިންގެ ދެ ޑޯޒް ޖެހި މީހުންނަށް ލުއި ދިނުމާ ގުޅޭގޮތުން ޕޮލިސީ ލެވެލްގައި ވެސް ރޭ މަޝްވަރާކުރި ކަމަށެވެ. އެކަމަކު، ކޮވިޑާ ގުޅޭ ކަންކަމުގައި ސަރުކާރަށް ލަފާދެއްވާ ފަންނީ ބޭފުޅުންނަށް އެއްބަސްވުމަކަށް ނާދެވިގެން އެކަން އިއުލާން ނުކުރީ ކަމަށް އެ މަނިކުފާނު ވިދާޅުވި އެވެ.
ވެކްސިން ފުރިހަމަކުރި މީހުންނަށް ކަރަންޓީން ވުމަކާ ނުލައި ދަތުރުކުރެވޭ ގޮތް މީގެ ކުރިން ވެސް ހެދި އެވެ. ނަމަވެސް ކޮވިޑުގެ ކޭސްތައް އިތުރުވާން ފެށުމުން އެ ލުއިތައް ދިނުން ވަގުތީގޮތުން މެދުކަނޑާލާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަދު
01 July 2021
ލުއި ދެވޭނީ 75 ވެކްސިން ޖަހައިގެން. 75 ޕަސަންޓު ވެކްސިން ޖެހޭވަރަކަށް ވެކްސިން ނެތް. އާބާދީ އެގޭމީހަކު ނެތް. ދެން 75 ހޯދާނީ ރަމަލު ޖަހައިގެންބާ!!. ބަންގާޅުން ތިބި އަދަދު އެގޭނެ މީހަކު ނެތް. މިއީވާ ސަރުކާރެއް. ދުވަހަކު ރާއްޖެ ނުދެކޭފަދަ ހިންގުން ދެރަ ސަރުކާރެއް.
ކެރަފަޅި
30 June 2021
ވެކްސިން ގެނައުމާ ރައްޔިތުންނަށް އެދިނުން އެއީ ކޮން ފަރާތެއްގެ ޒިންމާއެއް! ގައިމު ނޫސްތަކުގެ ފަލަ ސުރުހީން ކުރިން ހަމަ ތިޔަ ޢިއްޒަތްތެރި ވެރިން ބުނެފަހުރި ކަމަށް އެބަފެނޭ ޖަހާ ޖަހާ ހުސްނުވާ ވަރަށް ކޮވިޑް ވެކްސިން އެބަހުއްޓޭ! 2 ޑޯޒް ޖެހި ބަޔަކަށް ލުއި ނުދެވޭ ސަބަބަކަށް ތިޔަ ބޭފުންގެ ނާޤާބިލްކަންވީމާ ތިޔައީ ވެރިކަމަށް ކުފޫ ހަމަ ބައެކޭ ވިސްނާ ފިކުރު ކުރާ އެއްވެސް މީހަކު ނުދެކޭނެ!
ކޮރަލް
30 June 2021
4 ލައްކަ މީހުންނަށް ވެކްސިން ޖަހަން 1 އަހަރު ބޭނުމެއް ނުވާނެ އެވެ. 4 ނޫނީ ހަމަހުން ވެސް ޖެހި ދާނެ އެވެ. ވެކްސިންގެ ސްޕީޑް އެނގެ އެވެ. ގިނައިން ޖަހާފަ ހުރީބިދޭސީންނަށެވެ.
އަހަރެމެން
30 June 2021
އަހަރުމެނ ގެއަށް ބަލި ވަނީ މަސްދުވަސް ކުރިން ވެކްސިން 2 ޑޯޒު ޖާހާފައިވާ 4 މީހުންގެ ތެރެއިން 3 މީހުންނަށް ބަލި ޖެހުނު، ބަލި ޖެހޭ މީހާއަށް ކުރާ އަސަރު ކުޑަވިޔަސް ބަލި އަނެކަކަށް ފެތުރުން މިއަކުން ކޮންޓްރޯލް ކޮށް ނުދޭ، މި ސަބަބާހެދި ވެކްސިން ޖެހިޔަސް ދަތުރު ކުރުން ނުރައްކާ ކަމަކަށްވަނީ
ކަރޭ
30 June 2021
ބަލަ ކޮބަހޭ ވެކުސިން
އަލިފް ހ
30 June 2021
ޤައުމެއްގެ 18 އަހަރުން މަތީ އެންމެންނަށް ޖެހިޔަސް 100% ހަމަވާނެ ގޮތެއް ނުވިސްނޭ!
ވެކްސިންބެއްޔާ
30 June 2021
ބަލަ ތިޔަ ވެކްސިނުގެ ގެރެންޓީ އަކީ ކޮބާތޯ 2 ޑޯޒް ހަމަކޮއްގެން ތިބިމީހުންވެސް ކޮވިޑް ޖެހިގެންމަރު ނުޖަހާމީހާވެސް މަރު ގައުމު ތަކުން އެގޮވަނީ މިވެކްސިންނައްވުރެ ކޮރޯނާ ވަރުގަދައޭ ޖީންބަދަލް ކުރަނީއްޔޭ ސިންގަޕޫރްގަވެސް އެނިންމީ މިޔާ އެކުގަ އުޅެން އެހެން ގޮތެއް ނެތިގެން
ރޯޒަސް
30 June 2021
ޚަބަރުތައް އެކީ ކިޔާންޏާ ފުރިހަމަޔަށް ފަހުމް ވާނީ. ސިނަގްޕޫރު އެގޮތަށް ނިންމީ އާބާދީ ގެ ބޮޑުބަޔަން ވެކްސިން ދެވުނީމަ ކުރާގޮތަށް. ޖަހާފަ ތިބިމީހުންނަށްވެސް ނުރައްކާ ކުޑަވަނީ އާބާދީގެ 3 ބައިކުޅަ ދެ ބަޔަށް ވެކްސިން ދެވިގެން ފެތުރޭ މިންވަރު ކުޑަކޮށްގެން.
ފެތުރޭ
30 June 2021
ވެކްސިންޖަހާފަ ތިއްބާވެސް ބަލިޖެހޭނަމަ އަދި އެމީހުންގެ ފަރާތުން ވެކްސިންޖަހާފަ ތިބޭ އެހެން މީހުންނަށްވެސް އަރާނަމަ ވައިރަސް ފެތުރޭ މިންވަރު މަދުވަނީ ކިހިނެތްތަ؟
ދވހރަ
30 June 2021
ވޯޓް ލާންވީމަ އޯކޭޭ ދެއްތޯ؟
މުސްލިހް
30 June 2021
ދެން ވެކްސިން ފުރިހަމަ ނުވީ ކީއްވެ، ރަނގަޅަށް ކަންކަން ރާވައި ހިންގާން ނޭނގުނީމަ ނުވަތަ ނާޖާއިޒް މަންފާ ހޯދަން ނުވަތަ ހޯދައިދޭން އުޅުނީމާ.
ޢިހްސާސް
30 June 2021
ޢިންޑިޔާ ވެކްސިން ކަޑައީނޫންތޯ.