ރ. ފައިނުގައި ކުޑަކުދިންތަކެއް، ރަށުގެ އަތިރިމަތީގައި ހުރި ރުށްތަކެއްގެ ތެރޭގައި ގޯލު ބަހައްޓައިގެން، ފުޓުބޯޅަ ކުޅެނީ .---މިހާރު ފޮޓޯ: ހުސައިން ވަހީދު
07 ޖުލައި 2021 - 18:52
15 comments
ކޮވިޑުން ރައްކާތެރިވާން އަޅާފައިވާ ފިޔަވަޅުތަކަށް މާދަމާ އިން ފެށިގެން ބޮޑު ލުޔެއް ދިން ނަމަވެސް އުމުރުން 18 އަހަރުން ދަށުގެ ކުޑަކުދިން ރަށްރަށަށް ދަތުރުކުރާ އިރު ކަރަންޓީނު ވާން ޖެހޭނެ ކަމަށް ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން މިއަދު ބުނެފި އެވެ.
ކޮވިޑް ވެކްސިންގެ ދެ ޑޯޒު ފުރިހަމަކުރިތާ 14 ދުވަސް ވެފައިވާ މީހުންނަށް މާދަމާ އިން ފެށިގެން ޕީސީއާރު ނެގެޓިވް ނަތީޖާއަކާ އެކު، މޮނިޓަރިންގެ ހާލަތުގައި ނެތް ރަށްރަށަށް ދަތުރުކުރެވޭ ގޮތަށް ސަރުކާރުން މިއަދު ވަނީ ކަނޑައަޅައިފަ އެވެ.
ނަމަވެސް، ކުޑަކުދިންނަކީ ވެކްސިން ނުޖަހާ އުމުރުގެ ބައެއް ކަމުން، އެ ކުދިންގެ ފަރާތުން ކޮވިޑް ފެތުރިދާނެތީ، ކުޑަކުދިންނަށް އެ ލުއި ނުލިބޭނެ ކަމަށް މިއަދު ބޭއްވި ނޫސްވެރިންގެ ބައްދަލުވުމުގައި އެޗްޕީއޭގެ ސީނިއާ މެޑިކަލް އޮފިސަރު އަދި އެޗްއީއޯސީގެ ތަރުޖަމާން ޑރ. ނަޒްލާ ރަފީގު ވިދާޅުވި އެވެ.
މިއަދުގެ މީޑިއާ ބްރީފިންގައި ޑރ. ނަޒްލާ ވާހަކަ ދައްކަވަނީ.
ކޮންމެ އުމުރުފުރައެއްގެ މީހަަކު ނަމަވެސް ވެކްސިން ނުޖަހާ ނަމަ އޭގެ ރައްކާތެރިކަމެއް ނުލިބޭނެކަން ފާހަގަ ކުރައްވައި، އޭނާ ވިދާޅުވީ، ކުޑަކުދިން ވެކްސިން ނުޖަހާތީ ކުޑަކުދިންގެ ފަރާތުން ބަލި ފެތުރުމުގެ ފުރުސަތު ބޮޑު ކަމަށެވެ.
"ވެކްސިން ޖަހާފައި ތިބި މީހުންނަށް އެކަނި މި ލުއި މި ވަގުތު ލިބިގެން ދާނީ،" ނަޒްލާ ވިދާޅުވި އެވެ.
އެޗްއީއޯސީގެ ފަރާތުން ތަސްލީމާ އުސްމާން "މިހާރު" އަށް ފަހުން ވިދާޅުވީ، ކުޑަކުދިން ދަތުރުކުރާ އިރު ކަރަންޓީނު ވާން ޖެހޭއިރު، ވެކްސިންގެ ދެ ޑޯޒު ހަމަކޮށް، ދެވަނަ ޑޯޒު ޖެހިތާ 14 ދުވަސް ވެފައިވާ ބޮޑެތި މީހުން އެ ކުދިންނާއެކު ދަތުރުރުކުރާ ނަމަ ބޮޑެތި މީހުން ކަރަންޓީނު ވާން ނުޖެހޭނެ ކަމަށެވެ.
މާލޭގެ ކޮވިޑް ކޭސްތައް މަދުވެފައިވާއިރު، މާދަމާ އިން ފެށިގެން މާލޭގެ ކާފިއު ވެސް އެއްކޮށް އުވާލަން ވަނީ ނިންމައިފަ އެވެ. ކާފިއު އުވާލަން ނިންމާފައި މި ވަނީ ދެ މަސް ފަހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާާތުމަތު
08 July 2021
ތިވާނީ އެމީހުގެ 18އަހަ ރު ދަށުގެ ކުދިން ނެތީކަމަ .އެމީހުން ޗުއްޓީ ހަދާލަން ތަންތަނަދާންވެގެން ދޫކޮށްލި ލުޔެއްމީ
އައްޑޫމީހެކޭމިއީ
08 July 2021
ހުވާކުރަން ކެރޭފަދަ، އެޗް ޕީ އޭ ގެ ތި ނިންމުމަށް މި ރާއްޖޭގެ ކުދި ބޮޑު އެއްވެސް ބަޔަކު ތާއީދެއް ނުކުރާނެ. ބަދަލުގައި އެމީހުން އުފައްދާނީ ސުވާލު. ރާއްޖޭގެ "މާ އެނގޭ" މީހުން މޮޅުވާނެ ހުރިހާ ކަމަކަށް. ކަރަންޓީނު ވާންޖެހުނަސް ކައުންސިލަށާއި، ދެން ތިބޭ އިސް މީހުންނަށް ގޮވަނީ. މިއީ ރައްޔިތުންގެ ހާލަތު. ދެން ތިބުނާ ކުޑަކުދިން... އެކުދިންނަށް ވެސް ދަސްވާނީ ފެންނަ މަންޒަރު ތަކުން.. މާހައުލުގައި އުޅޭ މަދިރި ނޫން އެހެން މަދިރެއް ނުހަފާނެ. ފެއިލް ފެއިލް
ހުންގާނު
07 July 2021
އިންސާފެއް ނޫން. ބޭރުގެ އެހެން ގައުމަކުން ގެންގުޅޭތަން ފެންނާކަށް ނެތް ތިޔަކަހަލަ އުސޫލުތަކެއް.
މިސްޓަރ ޓެގް
07 July 2021
އަހަރެމެން މިއުޅެނީ އަހަރެމެންގެ ޅަދަރިން ދުޅަހެޔޮ ސިއްހަތެއްގައި ބޭތިއްބޭނެ ގޮތެއް ނުފެނިގެންނެވެ. ޅަދަރިންކޮޅު ގޭބަންދާއި ރަށުބަނދުގައި ތިބޭތާ 2 އަހަރުވަނީއެވެ. ދިވެހި ސަރުކާރުން މިއަދުވެސް ރައްޔިތުންނަށް މިދިނީ ބޮޑު އަނިޔާއެކެވެ. މައިންބަފައިންނަށް ޅަދަރިން ގޮވައިގެން މާލޭން ބޭރަށްނުދެވޭގޮތަށް ލުއިތަކެއްދިނީއެވެ.
އޭފް
07 July 2021
މިއީ ވަރަށް ބޮޑު ލުޔެއް. ރާމާ މަކުނު މިޔަރާއެކު ކޯރުތެރަށް ދިޔަ ގޮތަށް މިޖެހެނީ، ހިތް މާލޭގައި ބާއްވާފައި މީހާ ރަށަށް ދާން. މިއީ ރައްޔިތުންނަށް ކޮށްދިން ވަރަށް ބޮޑު ހެޔޮކަމެއް. އެންމެ ބޭކަލުން ރަށަށް ވަޑައިގަންނަވާ، ކަރަންޓީނު ވާކަށް ނުޖެހޭ އެކަމަކު ދާންވާނީ ދެފައި އެޗްޕީއޭގައި ބާއްވާފައި. ދެ ޑޯޒު ޖެހުނީމާ ލުައިފަށެއް ލިބިއްޖެ އިނގޭ!
މަބު
07 July 2021
މިދެން ކިހާދެޜަކަމެއް
ވަޑިޔައްތޮކިނަބާ
07 July 2021
ކުޑަކުދިން އެކަނި ކަރަންޓީނުގައި ކޮޓަރިތަކަށް ލާފައި ބައިތިއްބާނީ ކިހިނެއްހެއްޔެވެ؟ މި މީހުންގެ ސިކުނޑި އޮތީ ޖީބުގައިހެން ހީވަނީ. ދުނިޔޭގެ އެހެން ގައުމުތަކުގައި ވަކި މުއްދަތެއް ހަމަނުވާ ނެގެޓިވް ޕީސީއާރު ޓެސްޓަކާއެކު ދަތުރުކުރެވެއެވެ. އަދި އެފަދަކުދިން ކަރަންޓީނުވާކަށް ނުޖެހެއެވެ.
ޗުއްޓީ
07 July 2021
ސްކޫލް ތަކަށް ގެންދަން ވީމަ ނުފަތު ރާ
ޓުމްރީ
07 July 2021
އަދިވެސް އައްޑޫ ސިޓީ ހިތަދޫ ހިސޯރުކޮށްގެން ތިބީޔޯ؟
ބބހހ
07 July 2021
ކަރަންޓީން މުއްދަތަކީ ހަމަ 14 ދުވަސްތަ؟؟؟؟؟؟