ވެކްސިންގެ ދެ ޑޯޒް ފުރިހަމަކޮށްފައިވާ މީހުންނާ އެކު ދަތުރުކުރާ ކުޑަކުދިން ޕީސީއާރް ނެގެޓިވް ރިޒަލްޓަކާ އެކު ކަރަންޓީނު ނުވެ ދަތުރުކުރެވޭނެ
މާލޭގައި ކޮވިޑް-19 އަށް ން ރޭންޑަމް ސާމްޕަލް ނަގަނީ.-- ފޮޓޯ:އަހުމަދު އަވްޝަން/މިހާރު
07 ޖުލައި 2021 - 23:20
11 comments
ކޮވިޑް ވެކްސިންގެ ދެ ޑޯޒް ފުރިހަމަކޮށްފައިވާ މީހުން ކަރަންޓީނު ނުވެ ދަތުރުކުރަން ދިން ހުއްދައާ އެކު، އެ މީހުންނާ އެކު ދަތުރުކުރާ ވެކްސިން ނުޖެހޭ އުމުރުގެ ކުދިން ވެސް ނެގެޓިވް ޕީސީއާރް ޓެސްޓެއް އޮތް ނަމަ ކަރަންޓީނުވާން ނުޖެހޭ ގޮތަށް ހަދައިފި އެވެ.
ކޮވިޑާ ދެކޮޅަށް އެޅި ފިޔަވަޅުތަކަށް ލުއި ދީ މިއަދު މެންދުރު ފަހު އެކަން އިއުލާނުކުރަން ބޭއްވި ޕްރެސްގައި ވެސް އަދި އޭގެ ފަހުން އެޗްޕީއޭ އިން މީޑިއާއަށް ވަކިން ދިން މައުލޫމާތުގައި ވެސް ބުނީ ކުޑަކުދިން ކަރަންޓީނުވާން ޖެހޭނެ ކަމަށާއި ލުއި ދެނީ ވެކްސިން ފުރިހަމަވެފައިވާ މީހުންނަށް އެކަނި ކަމަށެވެ. އެއާ އެކު އާންމުންގެ ނުރުހުން ވަނީ ވަރަށް ބޮޑަށް އަމާޒުވެފަ އެވެ.
ދަތުރުކުރުމުގައި ދިން ލުއިތައް އިއުލާނުކޮށް މިރޭ ގެޒެޓްކުރި ލިޔުމުގައި ބުނެފައި ވަނީ ވެކްސިންގެ ދެ ޑޯޒް ޖެހުމަށް ފަހު 14 ދުވަސް ވެފައިވާ މީހުންނާ އެކުގައި ދަތުރުކުރާ، ވެކްސިން ނުޖެހޭ އުމުރުގެ ކުދިން، 72 ގަޑިއިރުނުވާ ޕީސީއާރް ނަތީޖާއެއް އޮތް ނަމަ ކަރަންޓީނުވާން ނުޖެހޭނެ ކަމަށެވެ. މާލެއިންނާއި ރިސޯޓްތަކުންނާއި ޓޫރިސްޓް ގެސްޓް ހައުސް ހުންނަ ރަށްތަކުންނާއި އެހެން ރަށްރަށުން ވެސް މިގޮތަށް ދަތުރުކުރެވޭނެ އެވެ.
ދަތުރުކުރުމަށް ހުއްދަ ހޯދަން ޖެހޭނީ އެޗްޕީއޭގެ "ހާލުބެލުން" ޕޯޓަލްގައި ރަޖިސްޓްރީކޮށް އެ ޕޯޓަލް މެދުވެރިކޮށެވެ.
މިގޮތަށް ހުއްދަ ދީފައި ވިޔަސް މޮނިޓަރިންގެ ހާލަތުގައި ރިޒޯޓް އޮތް ނަމަ، އެ ރިޒޯޓަކުން ދަތުރެއްނުކުރެވޭނެ އެވެ. އަދި މޮނިޓަރިންގައި އޮންނަ ރަށްރަށުން ވެސް ދަތުރެއް ނުކުރެވޭނެ އެވެ.
ރާއްޖެއިން އަންނަ މީހުންގެ ތެރެއިން، ޑަބްލިޔު،އެޗް.އޯ އިން އިމަޖެންސީގައި ބޭނުންކުރުމަށް ހުއްދަ ދީފައިވާ ވެކްސިނެއްގެ ޑޯޒްތައް ފުރިހަމަކޮށް، 14 ދުވަސް ހަމަވެފައިވާނަމަ، ރާއްޖެއަށް އެތެރެވި އިރު 96 ގަޑިއިރުނުވާ ނެގެޓިވް ޕީ.ސީ.އާރު ޓެސްޓެއް އޮތް ނަމަ ކަރަންޓީނުވާން ޖެހޭނީ ހަތް ދުވަހު އެވެ. އަދި ކަރަންޓީނުން ދޫކޮށްލެވޭނީ ޓެސްޓުކޮށް ކޮވިޑަށް ނެގެޓިވް ވުމުންނެވެ.
މިއަދު ދިން ލުއިތަކުގައި، މާދަމާއިން ފެށިގެން މާލޭ ސަރަހައްދުގެ ކާފިއު ވެސް އުވާލާނެ އެވެ. އަދި ފިހާރަތަކާއި ކެފޭތައް ހުޅުވާ ގަޑިވެސް އިތުރުކޮށް ބޮޑެތި ލުއިތަކެއް ވަނީ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުސޮރު
08 July 2021
މިސަރުކާރު ތަސައްރަފު ފުދޭނީ ކޮންދުވަހަކުންބާ؟ ވެރިކަންކުރާތާވެސް އެތައް ދުވަހެއްވެއްޖެ؟ ބުނެވޭގޮތުގަ އޮފީސްތަކުގަ ޕޮލިސީތައްހަދަން ތިބެނީ ކިޔަވައިގެންތިބި ތަންދޮރުދަންނަ މީހުން އެކަމަކު ކޮންމެ ކަމެއްވެސް ނިންމާފަ ޢިޢުލާނުކުރާތާ 24ގަޑިއިރު ނުވަނިސް ފެންނަނީ ބަދަލު ގެންނަތަން! މިއިން ދޭހަވަނީ ސަރުކާރުގެ ޚަރުދަނާ އުސޫލެއް ފޮލޯކުރެވޭ ހަމައެއް އަދި އެކަށައެޅިފަވާ ޤަވާޢިދެއްނެތްކަން! ސަރުކާރު ހިނގަމުންދަނީ އެނބުރޭ ވަޚްތާނެއްހެންކަން!
ސަރުދާރުު
08 July 2021
އިންތިހާބަށް ގަވައިދުތަށް މޮޑުންހެން މޮޑެންފެށީ ކިރިޔާ ކޭސްތަށް މަދުވާ އިރަށް. 2 ޑޯޒް ޖެހި .މީހުނަށް ދއވުނަސް ވެކްސިން ނެޖެހޭ ކުދިން ކަރަންޓީނު ކުެރެވެންޖެހޭ.
ހައިރާން
08 July 2021
ވެކްސިން ނުޖެހޭ އުމުރުގެ ކުދިން ކޮރޯނާ ވައިރަސް ކެރީ ނުކުރަނީތަ؟ އަނެެއްކާވެސް އަނެއް ލޮކްޑައުންއަށް މަގުފަހިކޮށްލަނީތަ؟.
ގިރާވަރު
08 July 2021
ލޮކްޑައުން އަކީ ކުރީމަކުރެވޭ އެއްޗެއް.
ސަކީނާ
08 July 2021
ވާނުވާ އެއް އިނގިގެން ކަމެއް ކުރާ ބައެއްނޫނޭ. އެހެންވީމަ އުސޫލު ބަދަލުވާނެ ދެތިން ކޮމެންޓެއް ކޮށްލާއިރަށް.
ވަޑިޔައްތޮކިނަބާ
08 July 2021
ކޮމެންޓްތައް އަޅާލީމަ އެންމެފަހުން ވިސްނިއްތާ!
ޒިންމާ
08 July 2021
ދެން ކުރިން ރާއްޖެއިން ބޭރުން އައިސް ކަރަންޓީން ގަ ތިބި މީހުން 14 ދހުވަސް ވަންދެން މި ހިފަހަށްޓަނީ ކީއްވެޔޯ . ޢެކަމް މާދަމާ އަނަަންޏާ 7 ދުވަހޯ. ޢަޖައިބެއްނު މިހާރު 12 ދުވަސްވީމަ ގުޅީމަ މި ބުނަނީ 15 ވަނަ ދުވަހު އޭ ޓެސްޓް ހެދޭނީ. ދެން ނަތީޖާ ލިބެން ނަގާފާނޭ 3 ދުވަސްވެސް. އޭގެ ފަހުންނޭ ނިކުމެވޭނީ ދެން މާދަމާ ރާއްޖެ މި އަންނަނީ 7 ދުވަހުން ކޮވިޑް ފިލާ ބައެއްތަ .
ސަަިސި
08 July 2021
ޕްރެސްއަށް އަރާއިރު ކޮންމެވެސް އެއްގޮތަކަށް ނިންމައިގެން އަރާބަލަ. މިހާރު އެނގެންވާނެ އެކިއެކި ދިމާލުން އަންނާނެ ސުވާލުތަކާ ފަހުން ޖަވާބު ދޭންޖެހޭނެ ކަންކަން
އައުލަމް
07 July 2021
ކޮބާ 1 ޑޮސް ޖެހި މީހުންގެ ހައްޤުތައް
ބައި
07 July 2021
އަޅެ މީއްޗެއްނޫންހޭ މިކިޔަނީ. ދުނިޔޭގެ ހުރިހާ ގައުމެއްގައިވެސް ވެކްސިން ނުޖެހޭ އުމުރުގެ ކުދިން ނެގެޓިވް ޕީސީއާރު ޓެސްޓާއެކު ކަރަންޓީނު ވާން ނުޖެހެއޭ މިކިޔަނީ. އެކަމަކު ބ ނަޒްލާ ތަންތާގައި މައުލޫމާތު ދެމުން މިދިޔައީ އޭނަ ހިތަށް އެރިގޮތަށް ކަން މިހިރަ އެނގުނީ. އެންމެ ފަހުން މެއިންމޫނާއްތަ ބުނަން މިޖެހުނީ ކުޑަކުދިން ކަރަންޓީން ވާން ނުޖެހޭ ވާހަކަ.
ފަރީީ
08 July 2021
މިވީގޮތަކީ އެންމެންވެގެން ރަށަށްދާއިރު ދަރިންކޮޅު މައިމޫނާއްތަމެން ނަޒުލާއްތަމެ ްްންނާއިހަވާލުކޮށްފައި ދާނަމޭ ބުނީމަ ދަރިން ބަލަައި ނުދޭންވެގެން ބޮލުން ކަޓުވާލީ..