16 ޖުލައި 2021 - 00:51
4 comments
އަންނަ ހޯމަ ދުވަހު ފާހަގަކުރާ މި އަހަރުގެ އަޟްހާ އީދު ދުވަހު މާލޭގެ މަގުތަކުގައި ވެހިކަލް ދުއްވުން މަނާ ގަޑިތައް ސިޓީ ކައުންސިލުން ކަނޑައަޅައިފި އެވެ.
ކައުންސިލުން މިރޭ ބޭއްވި ނޫސްވެރިންގެ ބައްދަލުވުމުގައި މޭޔަރު ޑރ. މުހައްމަދު މުއިއްޒު ވިދާޅުވީ، އީދު ދުވަހު ހަވީރު 4 އިން ރޭގަނޑު 8 އަށް ހިނގާފައި އުޅޭ ގަޑިއެއް ކަމަށް ކައުންސިލުގެ މިއަދުގެ ބައްދަލުވުމުގައި ނިންމާފައިވާ ކަމަށެވެ.
މިކަމާ ގުޅިގެން މިހާރު ޓްރެފިކް ޕޮލިހާ މަޝްވަރާ ކުރައްވާފައިވާ ކަމަށް މުއިއްޒު ވިދާޅުވިއެވެ. އަދި މިއީ މާލެ އަކީ ތޮއްޖެހިފައިވާ ތަނަކަށް ވެފައި، ކޮވިޑްގެ ސަބަބުން ރައްޔިތުން ގޭގައި ބަންދުވެފައި ތިބި ދަނޑިވަޅެއްގައި އައި އީދަކަށް ވާއިރު، އެއީ ރައްޔިތުންނާ ކުރި މަޝްވަރާގެ މަތިން ނިންމި ނިންމުމެއް ކަމަށް މުއިއްޒު ވިދާޅުވި އެވެ.
އެހެން އަހަރުތަކޭ އެއްގޮތަށް މި އަހަރު ވެސް އީދު ދުވަހު ވެހިކަލް ދުއްވުން މަނާ ވަގުތު އިމަޖެންސީ ހާލަތުގައި ވެހިކަލްތަކާއި އެމްބިއުލެންސް އަދި ސަލާމަތީ ހިދުމަތްތައް ފަދަ ކޮންމެހެން ދުއްވަން ޖެހޭ ވެހިކަލްތަކަށް ހުއްދަ ދޭނެ ކަމަށް މުއިއްޒު ވިދާޅުވި އެވެ. އަދި އީދު ދުވަހު ވެސް ބޭރަށް ނުކުމެ އުޅުމުގައި އެޗްޕީއޭގެ ގައިޑްލައިންތަކަށް އަމަލު ކުރުމަށް އޭނާ ނަސޭހަތްތެރިވެވަޑައިގަތެވެ.
ބޮޑު އީދުގައި މާލޭގައި ހިނގާފައި އުޅޭނެ ގަޑިއެއް ކަނޑައެޅުމުގެ ކުރިން ކައުންސިލުން ވަނީ "ކްލަބްހައުސް" މެދުވެރިކޮށް ރައްޔިތުންނާ އެކު މަޝްވަރާ ބައްދަލުވުމެއް ބާއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިއުޓީ
16 July 2021
ހުޅުމާލެ ވިލިމާލެ ނުހިމެނޭނެ ދޯ
ޖަމަލު
16 July 2021
ޝުކުރިއްޔާ. މަގު މައްޗަކީ މުއްސަނދިންގެ އެކަނި ތަނެއްނޫން. އާދައިގެ މީހާއަށްވެސް ބޭނުން ކުރެވެން ވާނެ
ރިޕްލައި
16 July 2021
މަގުމައްޗަކީ ވަކި ބަޔަކަށް ހާއްސަ ތަނެއް ނޫން. ދުއްވާ މީހުންނަށްވެސް ހިނގާ މީހުންނަށްވެސް ހުރިހާ ވަގުތެއްގައިވެސް ބޭނުންކުރެވެން ޖެހޭނެ. ހުރިހާ މީހުންނަކީވެސް ޓެކްސް ދައްކާ މީހުން.
ކަމެއް
16 July 2021
މިވެސްދެންމިހާރުބޮޑުވެއްޖެކަމެއް.