ސަރުކާރަށް ތިން އަހަރު ފުރުން ފާހަގަކުރަން ކާނިވަލުގައި ބޭއްވި ޖަލްސާގައި ރައީސް ޔާމީންގެ ދެކަނބަލުން - ފޮޓޯ: މުހައްމަދު ޝަރުހާން/ މިހާރު
29 ނޮވެމްބަރ 2016 - 10:27
66 comments
ރާއްޖޭގެ މިނިވަންކަމާއި ސިޔާދަތާއި އަމިއްލަވަންތަކަން "ޓެސްޓު" ކުރަން ކެރިވަޑައިގެންނެވީ ރައީސް އަބްދުﷲ ޔާމީނަށް އެކަނި ކަމަށާއި އެމަނިކުފާނަށް ގައުމު ދަރަނިވެރިވެފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ރޭ ވިދާޅުވެއްޖެ އެވެ.
ސަރުކާރަށް ތިން އަހަރު ފުރުން ފާހަގަކުރަން "ހަބޭސް ތިނެއް" ނަމުުގައި ކާނިވަލުގައި ބޭއްވި ޖަލްސާގައި ސައީދު ވިދާޅުވީ ރާއްޖެއަށް އަންނަ ކުރިއެރުންތަކުގެ މޭސްތިރިއަކީ ރައީސް ޔާމީން ކަމަށެވެ. އެހެންކަމުން ޒުވާނުން ސާބިތުކަމާ އެކު ތިބެ، މި ގައުމުގެ ހަލަބޮލިކޮށްލަން ފުރުސަތު ނުދޭން އޭނާ ގޮވާލެއްވި އެވެ.
"އަޅުގަނޑުމެންގެ ނެތިދިޔަ ކާބަފައިން އެއް ޒަމާނެއްގައި [ދުށް] ހުވަފެންތައް ހަގީގަތަކަށް ހެދުމަށް އަޅުގަނޑުމެންގެ ތެރެއިން ދިރިހުރި ލީޑަރެއް އެ ދަނީ ނިންމުންތައް ނިންމަމުން،" އިގްތިސާދު ކުރިއަރުވަން ސަރުކާރުން ކުރާ ކަންކަން ފާހަގަކުރައްވާ ސައީދު ވިދާޅުވި އެވެ.
"ހަބޭސް ތިނެއް" ނަމުގައި ސަރުކާރުން ބޭއްވި ޖަލްސާގެ ބައެއް ބައިވެރިން. ފޮޓޯ: މުހައްމަދު ޝަރުހާން/ މިހާރު
އޭނާ ވިދާޅުވި ގޮތުގައި ރާއްޖޭގެ ތަރައްގީ އެންމެ ރަނގަޅަށް އެނގޭނީ ކަނޑުގެ ދޮރާއްޓާއި ވައިގެ ދޮރާއްޓަށް ނަޒަރު ހިންގާލުމުންނެވެ. އެ ގޮތުން 2011 ގައި 27،000 ކޮންޓެއިނަރު ގެނައިއިރު، މިދިޔަ އަހަރު 41،000 ކޮންޓެއިނަރުގެ މުދާ ރާއްޖެ އެތެރެކުރި ކަމަށް ވިދާޅުވި އެވެ.
އިބްރާހިމް ނާސިރު އިންޓަނޭޝަނަލް އެއާޕޯޓް ހިންގަން ދިވެހި ސަރުކާރާ އެކު އިންޑިއާގެ ޖީއެމްއާރުން ވެފައިވާ އެއްބަސްވުން އުވާލުމާ ގުޅިގެން ބަދަލުގެ ގޮތުގައި ދައްކަން އާބިޓްރޭޝަނުން ކަނޑައެޅި ޖުމްލަ 271 މިލިއަން ޑޮލަރު (ގާތްގަނޑަކަށް 4.1 ބިލިއަން ރުފިޔާ) ދެއްކީ "ޗެކަކުން" ކަމަށް ސައީދު ވިދާޅުވި އެވެ.
"271 މިލިއަން ޑޮލަރުގެ ޗެކެއް މި ދިނީ އެއް ފަހަރުން، ކޮން ވެރިއަކަށްތޯ އެވަރުގެ ނިންމުމެއް ނިންމަން ކެރޭނީ،؟" ރައީސް ޔާމީންގެ ސިޔާސަތުތައް ދިފާއުކުރައްވާ ސައީދު ވިދާޅުވި އެވެ.
އޭނާ ވިދާޅުވީ މީގެ އިތުރުން އެއާޕޯޓު ތަރައްގީ ކުރަން 800 މިލިއަން ޑޮލަރު އިންވެސްޓް ކުރާއިރު، އެއީ "ބޮކި ޖަހައިގެން" އަރާ ފައިސާތަކެއް ނޫން ކަމަށާއި ފައިސާތައް އެނބުރެނީ، ގައުމު ތަރައްގީކުރަން ދަންނަ ވެރިއަކު ރާއްޖޭގައި ހުންނެވިކަން ދުނިޔެއިން ގަބޫލުކުރާތީ ކަމަށެވެ.
އެއާޕޯޓު ތަރައްގީ ކުރަން ކާބަފައިންވި ގުރުބާނީން މިސާލު ނަންގަވައި ސައީދު ވިދާޅުވީ އެއާޕޯޓު ތަރައްގީކޮށް ރާއްޖޭގެ މުޅި އިގްތިސާދަށް ހެޔޮ ބަދަލުތަކެއް ގެންނަން ސަރުކާރުން ކުރާ މަސައްކަތަށް ދިވެހިން އެއްބާރުލުންދީ، ގުރުބާންވާން ތައްޔާރަށް ތިބެން ޖެހޭ ކަމަށެވެ.
"އިގްތިސާދު ކޮޅަށް ޖަހަން ނުކުތް ވެރިއަކަށް މަރުހަބާ ކިޔައި، އަޅުގަނޑުމެންގެ އަތުކުރި އޮޅާލައި އަސްލު މަސައްކަތަށް ނުކުމެގެން ހިތްވަރާއި ގާބިލްކަން ހުންނަން ޖެހޭ،" ސައީދު ވިދާޅުވި އެވެ.
ސަރުކާރަށް ތިން އަހަރު ފުރުމާ ގުޅިގެން މާލޭގައި ރޭ ބޭއްވި ޖަލްސާގައި އިކޮނޮމިކް މިނިސްޓަރު ސައީދު ވާހަކަ ދައްކަވަނީ.---ފޮޓޯ: މުހައްމަދު ޝަރުހާން/މިހާރު
ޖީއެމްއާރަށް ސަރުކާރުން ބަދަލު ދިނީ މަރުކަޒީ ބޭންކް އެމްއެމްއޭ އިން ދޫކުރި 140 މިލިއަން ޑޮލަރުގެ ބޮންޑަކާ އެކު އެވެ. އެ ބޮންޑު ތިން އަހަރުން އަނބުރާ ދައްކައި ހަލާސްކުރަން ޖެހެނީ، 4.9 ޕަސެންޓުގެ އިންޓަރެސްޓް ރޭޓެއްގައި ކަަމަށް އެމްއެމްއޭ އިން ބުންޏެވެ.
ރައީސް ޔާމީނަށް ތައުރީފްކުރަައްވައި ސައީދު ވާހަކަދެއްކެވި ނަމަވެސް، ސިވިލް ސާވިސްގެ މުވައްޒަފުންނާއި ސަރުކާރު ކުންފުނިތަކުގެ މުވައްޒަފުންގެ ތެރެއިން ގިނަ ބަޔަކު ވަނީ ޖަލްސާގެ ވަކި ހިސާބަކުން ނުކުމެފަ އެވެ. ބައެއް މުވަައްޒަފުން ބުނާ ގޮތުގައި އެ މީހުން އެތަނަށް ދިޔައީ މަޖުބޫރުކުރުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
30 November 2016
ޤައުމާ އެންމެ އިންސާނަކާ އަޅުވާކިޔާނީ އެއްވެސް ޤައުމިއްޔަތެއްނެތް މީހެއް!
ޙަސަންދީ
30 November 2016
އަހަރެން ހީކުރީ ސައީދަކީވެސް 21ވަނަ ޤަރުނައް ލޯ ހުޅުވި ތަސައްރަފު ފުދިފައިވާ މީހެއްކަމައް ތިޔަ ދެއްކި ވާހަކައިން 60ހުގެ އަހަރު ތަކައްވުރެވެސް ފަހަތައް ޖެހިފައިވާ މީހެއްކަން ހާމަވެއްޖެ، ހިތާމަ ހުރިކަމެއް އަދި ލަދުގަނެއްޖެ މަޤާމާއި ނުފުޒާއި އާރާއި ބާރަކީ ވަކި މީހަކު ދޭ އެއްޗެއްކަމައް ޤަބޫލުކުރެވި ދެދުނިޔޭންވެސް ބޭރުވެއްޖެ.
ޖަޑިބު
29 November 2016
ސައީދު ބުނީމާ އެ ވާނީތެދަކައްތަ؟ އަޖައިބެއް ތީދެން... ކީއްވެތަ އެކޮޅުކޮޅުން ވާހަކަ ދައްކަނީ... އޭ ބަލަގަ ސައީދު ހޭވެރިވެ ބަލަ ގައުމާއި ރައްޔަތުން ނުދަރާނެ ވެރިންނަކަށް ވެރިން ގައުމާއި ރައްޔަތުންނަށް ދަރާނީ ތިއުޅެނީ އޮޅިވަޑައިގެން.... ހުއް
އުދުހޭ
29 November 2016
މަނިކުފާނަށް މިނިސްޓަރުކަން ދިނީމާ މަނިކުފާނު ޔާމީނަށް ދަރަނިވެރިނުވޭތޯ؟!
ތިބެބަލަ
29 November 2016
ރައީސް ޔާމީން އަކީ އޭޝިއާ ޕެސިފިކް ގައި ހުރި އެންމެ ހެވީ ވެއިޓެޑް އިކޮނޮމިކް ލީޑަރު. ދެން ރަންރީނދުލޭ މެން މިކަމުގައި ޖޭ ވެގެން ރޫރޫ އަޅާނެ ކަމެއް ނެތް އިނގޭ. މަޑުންތިބެ ބަލަ މަމެން މިގައުމު ލިޓިލް ސިންގަޕޯރ އަށް ބަދަލު ކޮށް ނިމެން ދެން.
♞ އަސްގެ
29 November 2016
ރަސްގެފާނު ވަނީ މިގައުމު ދަރަނިވެރިކުރުވާފައި - މިގައުމުގެ ހުރިހާ ހަރުމުދަލެއް ވިއްކައި ހުސްކޮށް - މިގައުމުގެ ރައްޔިތުން ނުހަނު ރުޅިން ތިއްބާ އެއާޕޯޓުންވެސް ދިވެހިންގެ އަތުން ޑޮލަރުވެސް ނަގަން ފެށީއެވެ.. ޖެހިފޮޑި *****ށެވެ.
ހުސޭނުބެ
29 November 2016
އޮޅިގެން ނަމަވެސް ސައީދަށް ތިބުނެވުނީ ހަމަރަނގަޅަށް. ރައްޔިތުން ހަމައެކަނި ދަރަނިވެރިވީކީ ނޫން. އުނުފޭރާން ގަންނާނެވަރު ނެތި އޮރިޔާންވެ ނިމިއްޖެ. ޔާމީނަށް ދޭންޖެހެނީ ހަމައެކަނި ވޯޓެއްނޫން. އޮތިއްޔާއޮތް އޮތް އެއްޗެއް.
ސފ
29 November 2016
އަހަރެމެންމީ އަޑުނީވޭ، ނުފެންނަ، ހިއްސުމަރުވެފައިތިބި ޖާހިލުންނަށް ތިހަދާލީ! އަޅުވެތިވެފައިތިބިހެން ސިފަވާގޮތަށް ސާނާކީމަ ކަޑަ. އަމިއްލަމަސައްކަތް އަމިއްލައަށް ބަލައިގަނެ އަމިއްލައަށް ސަނާކީމަ ކަޑ! މުޅިގައުމުގެ ހުރިހާބާރުތައް މަސްހުނިކޮށްގެން މުށުތެރެއަށްލިއަސް ހިތްހަމަޖެހުމެއް ނުލިބޭނެ. ތިބުނާ ދަރަނި އަހަރެމެން މިތިބީ ތިބުނާފަރާތަކަށް ދައްކަން. ލާކޮންމެ ނޭވާއަކުން ޓެކްސް ނަގާފަވެސް ތިދަރަނި ޚަލާސްކޮށްފަ މިބަލިމަޑުކަމުން ސަލާމަތްވުމަށް އެދެން. ދަރުމަވަންތަ ރަސްކަމުގެ ދުވަސް ވަރު ކަނޑުން އަރާ އެއްޗެއްގެ ވާހަކަ މީހުން ކިޔާތީ އަޑުއަހަން. އޭތި ފުޅިޔަކަށްލާފަ ކަނޑައް އެއްލާލީ ކަމަށް ބުނެއުޅޭ. އަނެއްކާ!
ދަރަނި
29 November 2016
މި ރާއްޖޭގަ ނުވިއްކާ ހުރިއްޔާ ހުރި ހުރިހާ ފަޅުރަށަކާއި، ފަޅު ފަޅާއި ގިރިގިރި ވިއްކައިގެން ނަމަވެސް 2018 ގެ ކުރިން ތިޔަ ދަރަނި ދެއްކުމަށް އެދި އާދޭސް ދަންނަވަން. ތިވަރުން ނުވެއްޖެއްޔާމުން އާބާދީ މަދު (800 ހަމަނުވާ) ރަށްތައް ވިއްކާލައިގެންވެސް ތިޔަ ދަރަނި ދެއްކެވުމަކީ ކޮންމެ ދިވެއްސެއްގެ އާދޭހެއް! މި ދިޔަ 3 އަހަރުގެ ދަރަނި 1.2 ބިލިއަނުން ހަމަކޮއްލެވުނު ކަމަށް އުންމީދު ކުރަން.
ބޯހަލާކު
29 November 2016
މިހާރު އެބަ އަޑު އިވޭ، ބޭރު މީހުން ގެންނައިރު ނަގާ ޑިޕޮޒިޓް 8000 ރުފިޔާއިން 11000 ރުފިޔާއަށް ބޮޑު ކުރަން އުޅޭ ވާހަކަ!! ނޫނޭ ރަނގަޅު ދަރަނި ވެރި ވުމަކުން މިތިބީ ދަރަނި ވެރިވެފަ!!!!!