ކަފިދޫގޭގައި ހުރި ގުދަނުގައި އަލިފާން ރޯވެފައި
29 ނޮވެމްބަރ 2016 - 15:31
2 comments
މއ. ކަފިދޫގޭގައި ހުރި ގުދަނުގައި އިއްޔެ ހިނގި އަލިފާނުގެ ހާދިސާއާ ގުޅިގެން ހާލުގައި ޖެހުނު މީހުންގެ ތެރެއިން 20 މީހަކަށް ވަގުތީ ބޯ ހިޔާވަހިކަން ފޯރުކޮށްދެމުން އަންނަ ކަމަށް ނޭޝަަނަލް ޑިޒާސްޓާ މެނޭޖްމަންޓް ސެންޓަރުން މިއަދު ބުނެފި އެވެ.
މި ހާދިސާގައި ހަތަރު ގެއަކުން މީހުން ވަނީ ހުސްކޮށްފަ އެވެ. އެކަމަކު އެއިން އެއްވެސް މީހަކަށް އަނިޔާއެއް ނުވެ އެވެ.
ޑިޒާސްޓާ ސެންޓަރުގެ އޮފިޝަލަކު ވިދާޅުވީ އިއްޔެ އިން ފެށިގެން މިއަދުގެ މެންދުރާ ހަމައަށް 24 މީހަކަށް ބޯހިޔާވަހިކަން ފޯރުކޮށްދިން ކަމަށެވެ. ނަމަވެސް އޭގެ ތެރެއިން ހަތަރު މީހަކު، އެމީހުންގެ ގެއަށް މިހާރު އަނބުރާ ގޮސްފައިވާ ކަމަށް އޭނާ ވިދާޅުވި އެވެ.
"މިހާރު 20 މީހުންނަށް އެހީތެރިކަން ފޯރުކޮށްދެމުން މިދަނީ. އެމީހުންނަށް މިހާރުން މިހާރަށް ބޭނުންވާ ކަންތައްތައް މި ފޯރުކޮށްދެނީ،" އޮފިޝަލް ވިދާޅުވި އެވެ.
ވިހި މީހުންނަށް ތިބެވޭނެ ގޮތް ސަރުކާރުން ހަމަޖައްސައިދީފައި ވަނީ ދެ ގެސްޓް ހައުސްއެއްގަ އެވެ.
ޑިފެންސް މިނިސްޓަރު އާދަމް ޝަރީފް އިއްޔެ ވިދާޅުވީ ހާދިސާގައި ގެދޮރު ހަލާކުވި މީހުންނަށް، ގެދޮރު އިމާރާތްކުރަން ލުއި ފަސޭހަ ގޮތަކަށް ސަރުކާރުން ލޯން ހަމަޖައްސައިދޭނެ ކަމަށެވެ.
މި ހާދިސާގައި ބްރަދަހުޑް ގުރޫޕްގެ ގުދަން ވަނީ އަނދާ ހުލިިވެފަ އެވެ. ދަގަނޑާއި ދަގަނޑު ޓިނުން ފަސް ބުރިއަށް ހަދާފައި ހުރި ގުދަނުގެ އެނދި ބައިތަކުން އަދިވެސް ދުން އަރަ އެވެ. އެ ގުދަނުގައި 40 ހަކަށް މިލިއަން ރުފިޔާގެ މުދާ ހުންނާނެ ކަމަށް، ކުންފުނީގެ މީހަކު އިއްޔެ ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެންޓަލިސްޓް
29 November 2016
އެހީވާވާހަކަ ތިޔަދައްކަނީ ރޭގައިވެސް އެތަށް ބަންގާޅީންނެއް ތިބީ ތަޅުންގަނޑުމަތީ ނިދަން ، ތިއްބާ އަމިއްލަ ފަރާތަކުން ގޮދަޑިއާއި ރަޖަޔާޢި ބާލީސް ދިނީ ،،، ވީމާ ސަރުކާރުން ގޭސްނޭންބުރުން ވަރަށް އެދެން
GAN Island
29 November 2016
ރާއްޖޭގައި ހިގަމުން މިދާ އަލިފާނުގެ ޙާދިސާތައް ''ރަނގަޅަށް'' ތަޙްޤީގު ކުރާންޖެހޭ. ޙާއްސަކޮށް ވިޔަފާރި ގުދަންތަކާއި ފިހާރަ ކަނޑު އުޅަދު ތަކާއި ރިސޯޓް ތަކުގައި ހިގާ ނުވަތަ ''ހިންގާ'' މިފަދަ ކަންކަން ނުބެލޭނަމަ ރާއްޖޭގައި ތެދުވެރިކަމާއި އެކު ވިޔަފާރު ކުރާ ފަރާތް ތަޖަށް ވެސް Properties އިންޝުއަރެންސް ކުރުމުގައި ދަތިތަކާއި ކުރިމަތިލާން ޖެހިދާނެ. . . އަލިފާނުގެ ހާދިސާ ހިގުމާއި އެކުސާބިތު އެއްވެސް ލިޔެކިއުމަކަށް ރިޔާއަތް ކުރުމެއްނެތި Noodle ބަހައްޓާފައި ހުންނަ ގުދަނުގެ ވެރިޔާ 125 މިލިޔަން ގެއްލުން ވެއްޖެ ކަމަށް ނުވަތަ އިންޑޮނޭޝިޔާއިން Eau de Cologne ގެނެސް ގުދަންކޮށްފައި ހުންނަ މީހާ 40 މިލިޔަން ހެއްލުން ވެއްޖެ ކަމަށް އެބަބުނޭ. . . ތަނެއް އަދައިގެން ދިއުމުން ތަނުގެ ވެރިފަރާތަށް ނުވަތަ މުދަލުގެ ވެރިފަރާތަށް ލިބޭ ގެއްލުމާއި އެއްވަރަށް ''އޭނާ ނުވަތަ ބައެއްގެ އިހްމާލުން'' މިފަދަ ކަންކަން ހިފާނަމަ ''އެހެން މީހުންނަށް ވާނެ ގެއްލުމާއި މެދުވެސް'' ވިސްނާލަން ވާނެ. . . 40 މިލިޔަން ގެއްލުންވިނަމަ ވޭތުވެދިޔަ 1 އަހަރު ތިޔަ ކުންފުނިން މީރާ އަށް ޓެކްހުގެ ގޮތުގައި ދައްކާގައިވަނީ ކިހާ ފައިސާއެއްތޯ ؟ . . އަދު ވޭތުވެދިޔަ 1 އަހަރު ދުވަހުގެ ތެރޭގައި ރާއްޖެއަށް މުދާ އެތެރެކޮށް CIF ހެ ހޮތުގައި ހުށަހަޅާފައިވާ ކޮމާޝަލް އިންވޮއިސް ތަކުގެ ޖުމްލަ އަކީ ކޮބައިތޯ ؟؟ . . މިފަދަ ގޮތަކަށް ބެލުމެއްނެތި ބަދަލުގެ ގޮތުގައި ދައުލަތުގެ ފައިސާ އެއްވެސް ފަރާތަކަށް ހަދިޔާ ކުރެވިގެން ނުވާނެ.