02 ސެޕްޓެމްބަރ 2021 - 12:43
34 comments
ޖިންސީ ކުށުގެ ދައުވާތަކުގެ ޝަރީއަތަށް ހާޒިރު ނުވެ އިނގިރޭސި ވިލާތުގައި އުޅުއްވާ ކުރީގެ ޓޫރިޒަމް މިނިސްޓަރު އަލީ ވަހީދު، އެ ގައުމުގެ ފުލުހުން ހައްޔަރުކުރިތާ ހަފުތާއެއްވީ އިރު ވެސް އެކަމުގެ އެއްވެސް މައުލޫމާތެއް ލިބިފައިނުވާ ކަމަށް ދިވެހި ފުލުހުން މިއަދު ބުނެފި އެވެ.
މިދިޔަ މަހުގެ 25 ގައި އަލީ ވަހީދު ހައްޔަރުކުރީ އޯވަސްޓޭ ވެގެން ކަމަށް ބައެއް މީހުން ބުނެފައި ވެ އެވެ. އެ ދުވަހުގެ ހެނދުނު އޭނާ ގޭގައި ހުންނަވަނިކޮށް އިނގިރޭސި ފުލުހުންގެ ބަޔަކު އޭނާ ހައްޔަރުކޮށްގެން ގެންގޮސްފައި ވަނީ އިނގިރޭސި ވިލާތުގެ ގެޓްވިކްގައި ހުރި ޖަލަކަށެވެ.
އަލީ ވަހީދު އިނގިރޭސި ވިލާތުގައި ހުންނަވ ގެ އިން ނެރެގެން ގޮސް ވެހިކަލަށް އަރުވާ މަންޒަރު ފެންނަ ވީޑިއޯއެއް ވެސް "މިހާރު" އަށްލިބިފައި ވެ އެވެ. އެ ވީޑިއޯގައި ފެންނަނީ ފުލުހަކާ އެކު އަލީ ޖިޕަކަށް އަރުވާ ތަނެވެ. އެތަނުގައި އެހެން ފުލުހުން ވެސް ތިބެ އެވެ.
އެކަމަކު، އެ މައްސަލައާ ގުޅިގެން ފުލުހުންގެ މީޑިއާ އޮފިޝަލަކު މިއަދު ވިދާޅުވީ އަލީ ވަހީދު ހައްޔަރުކުރި ކަމުގެ އެއްވެސް މައުލޫމާތެއް ބޭރުގެ ރަސްމީ އެއްވެސް އިދާރާއަކުން ލިބިފައި ނުވާ ކަމަށެވެ. ނަމަވެސް އަލީ ވަހީދުގެ ވަކީލުން ނެރުނު ބަޔާނެއްގައި ވަނީ އޭނާ ހައްޔަރުކުރިކަން ކަށަވަރުކޮށްދީފަ އެވެ. އަދި ހައްޔަރު ކޮށްފައިވާ ކަން ކޯޓަށް ވެސް ވަނީ އަންގައިފަ އެވެ.
އިނގިރޭސި ވިލާތުގެ ހިމާޔަތަށް އަލީ ވަހީދު އެދިވަޑައިގަތް ކަމަށް ބުނާ ވާހަކައަކީ މުޅިން ހަގީގަތެއް ނޫން ކަމަށާއި އެކަމަކު ވިސާ އިތުރުކުރަން އެދިވަޑައިގެންފައިވާ ކަމަށް އޭނާގެ ވަކީލުން ވިދާޅުވެފައި ވެ އެވެ. އަދި ރާއްޖެ ވަޑައިނުގަތުމުގެ ވިސްނުމެއް އަލީ ވަހީދު ނުގެންގުޅުއްވާ ކަމަށް ވަކީލް ވިދާޅުވި އެވެ.
ޖިންސީ ފުރައްސާރައިގެ މައްސަލަތަކެއް ފެންމަތިވެ، މިނިސްޓަރުކަމުން ވަކިކުރި އަލީ ވަހީދު މިހާރު ވަނީ އިނގިރޭސިވިލާތުގެ ހިމާޔަތަށް ވެސް އެދިވަޑައިގެންފަ އެވެ. ނަމަވެސް ޖިންސީ ގޯނާގެ ދައުވާތަކެއް އުފުލާފައިވުމުންނާއި އެ ގައުމުގައި އޭނާ ހުންނަންޖެހޭ މަގުބޫލު ސަބަބެއް ނެތުމުން އަލީ ވަހީދުގެ ވިސާ އާކޮށްދިނުމުގެ ފުރުސަތު ކުޑަ އެވެ.
ވިސާ ހަމަވާތާ 30 ދުވަހުގެ ތެރޭގައި އަމިއްލައަށް ގައުމުން ފުރައިގެން ދިއުމުގެ ފުރުސަތު އެ މީހަކަށް އޮވެ އެވެ. އެ 30 ދުވަހުގެ މުއްދަތު ވެސް ފަހަނަޅައި ދާ ފަހުން މަޑުކޮށްފި ނަމަ ޑިޕޯޓްކުރުން ފަދަ ފިޔަވަޅުތައް އަޅަ އެވެ. އަދަބުގެ ކުޑަބޮޑުމިން ކަނޑައެޅުމުގައި، އެ ގައުމުގައި ވިސާ ނެތި އުޅޭ މުއްދަތަށް ބަލަ އެވެ.
އަލީ ވަހީދު ބޭސްފަރުވާ އަށް އިނގިރޭސި ވިލާތަށް ވަޑައިގެންނެވި ފަހުން ރާއްޖެ ވަޑައިގެންފައި ނުވާތީ އޭނާގެ ޕާސްޕޯޓް ހިފަހައްޓަން މިދިޔަ މަހު ފުލުހުން އެދުމުން ކްރިމިނަލް ކޯޓުން ނިންމީ އެ އަމުރު ނެރެ ނުދިނުމަށެވެ. އެ މައްސަލަ އިސްތިއުނާފް ކުރުމުން އޭނާގެ ޣައިރު ހާޒިރުގައި ނުބެލޭނެ ކަމަށް ހައި ކޯޓުން ނިންމި ނަމަވެސް، ސުޕްރީމް ކޯޓުން މިހާރު ވަނީ އޭނާ ނެތީސް އެ މައްސަލަ ބެލޭނެ ކަމަށް އަންގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާތިނާ
02 September 2021
ދިވެހި ފުލުހުންނަށް ނޭނގޭ އަލީ ވަހީދު ހައްޔަރުކުރިކަމެއް، ޔޫކޭ ފުލުހުންނަށް ނޭނގޭ އަލީ ވަހީދު ހައްޔަރުކުރިކަމެއް. ދެން ކޮންފަރާތަކުންތޯ އަލީ ވަހީދު ހައްޔަރުކުރީ؟
ކާކުބާ؟
02 September 2021
ރާއްޖޭގެ ޕޮލިހުން މިބުނަނީ އަލީ ައްޔަރުކުރިކަމުގެ މައުލޫމާތެއް ޔޫކޭ ޕޮލިހަށްވެސް ނޭނގޭއޭ. ދެން ކޮންބައެއްވެގެން އަލީ ހައްޔަރުކޮށް ޖިޕަކަށް އަރުވާ މަންޒަރު ވީޑިއޯއިން އެފެނިގެންދަނީ؟؟؟؟؟ އަލީ ހައްޔަރުކުރީ އިމިގްރޭޝަނުންތޯ؟ އޭނާ ހައްޔަރު ކުރިފާރާތެއްވެސް އިނގޭހާދުވަސް ހަފްތާއަކީ.
ކުޑަގޯސް
02 September 2021
މިވެރިކަން ގެންނަން އެންމެ އެހީވި އަޑުގަދަ، އަމިއްލަ ބައި މީހާއަށް މި ވެރިކަމުގަ ތިބި އެކުވެރިން ހަދަމުންދާ ގޮތް ތި ފެންނަނީ. ސިޔާސީ ގޭމްގަ މިސަރުކާރު ކުޅޭނީ ޔާމީނަށްވުރެ މާ ހަޑި ކުޅި. މި ވެރިކަމުގެ މީހުން ކުޅޭ ކުޅިގަނޑު މާ ސިއްރުވެފައި ރައްޔިތުންނަށް ރޭކާވެސް ނުލާނެ.
ނުހައްގު
03 September 2021
ތެދެއްމެ، އެންމެ ގާތުގައި ހުރެ އެންމެ ހެޔޮއެދޭކަމަށް ދަށްކާފައި ދެނީ އަނިޔާ.
ހުސެން 001
02 September 2021
އަލީ ގެ ހަބަރެއް ނޭނގޭ ބުނީމަ ދޭހަވަނީ އެކަމާ ނޫޅޭކަން ސަރުކާރުން، ފަހެ ވިސާ މައްސަލައެއްގަ ހައްޔަރު ކުރިމީހެއްގެ ވާހަކަ ތެދު ދޮގު ބަލަން އިނގިރޭސީ ސަރުކާރުގަ އެދުނަސް ސާފު ވާނެ ނޫންތޯ އަދި މިކޮޅުގަ ދައުވާ އަކަށް ޖަވާބުދާރީ ނުވާތީ ހޯދާ މީހެއްކަމަށް ކަނޑައަޅައި ޑީޕޯޓް ނުކުރެވޭތާ؟ ހުސް ގޭމް!
ސައްލާ
02 September 2021
ގައުމީ ފެންވަރުގެ ބޮޑު ރޭވުންގަނޑެއް
ރަދީފްއޮފިޝިއަލް
02 September 2021
ބޮޑެތި އާގުބޯޓްތައް ރާއްޖޭގަ ފަރުތަކަށް އުރޭއިރު ވެސް އެނގުނުތަ؟! ބޭރު މީހުން ޔޮޓްތަކުގަ މާލެ ނަސަންދުރާ ކުރިމައްޗަށް ކައިރިކޮށްފަ ޝޮޕިންކޮށްގެން ދިޔައިރު ވެސް ނޭނގުނު ބަޔަކަށް ހުޅަނގުގެ ގައުމެއްގަ މީހަކު ހައްޔަރުކުރިންކަން އެނެގޭނެ ގޮތެއް އޮންނާނެކަމަށް މަމެން ނުދެކެން.އެހެންވީމަ ތިމާމެންގެ ސައިޒުން ވާހަކަ ދެއްކުން ރަނގަޅުވާނެ.ވ.ވެދުން
ހުސެން
02 September 2021
ވަރުގަދަކަމެއްތާދޯ! މިއީ ސަރުކާރުން ގަސްދުގައި އަންހެންވެރިންނަށް ކުރާޖެއްސުމެއް ކުރާ މަލާމާތެއް،
1828
02 September 2021
ހައްޔަރުކުރީ ހަޤީޤަތުގައި ސަރުކާރާއި ގުޅުންހުރި ކަމެއް. އެހެންވީމައި ސަރުކާރަށް އިނގޭކަށް ނުޖެހޭ. ނަމަވެސް އަލީ ވަޙީދުގެ މައްޗަށް ސްޕްރީމް ކޯޓުންކޮށްފައި ޖަލުހުކުމް ތަންފީޒް ކުރުމަށްޓަކައި ފުލުހުން މެދުވެރިކޮށް އަލީ ވަޙީދު ގެނައުމުގެ މަސައްކަތް ފުލުހުން ކުރާނެކަމަށް ބުނެފައިވޭ. އެހެންނަމަވެސް އަދި ވެސް ފުލުހުން އިންޓަޕޯލް ރެޑް ނޯޓިސް ނުނެރޭ. އެކަމަކު މިއީ އަލީ ވަޙީދު އަނބުރާ ރާއްޖެގެންނަ އެންމެ ފަސޭހަ ވަގުތަށްވާނެ.
1828
02 September 2021
ހައްޔަރުކުރީ ހަޤީޤަތުގައި ސަރުކާރާއި *ގުޅުންނެތް ކަމެއްގައު
މަކަރާއި ހީލަތް
02 September 2021
ރޯޔަލް ސަފާރީކޭސް ހިންދާލުމަށްފަހު އަލީ ފްރޭމްކޮށް ދައުވާއުފުލާ ޕްރެސްގައި އެކަން ހާމަކޮށްފާނެތީ ހައްޔަރުކުރީ!! މިހާރު މާބޮޑަށްވެސް ޔަގީން އަލީ ފްރޭމްކުރީކަން. ރޯޔަލް ސަފާރީ ކޭސްއަކީ މިހާރު ނުދައްކާވާހަކަ ހަމަ އެގޮތަށް ވެންޓިލޭޓަރު ހިޔާނާތާއި އމ.އމ.ޕ.އރ.ސ ހިޔާނާތް
ހުއްޓުވުން
02 September 2021
އެއްވެސް އަސާސެއްނެތް ވާހަކަތަކެއްގެ މައްޗައްބިނާކޮށް ފްރޭމްކޮށް ދައުވާއުފުލީ. ރައްޔިތުންނަށްއެކަންނޭނގޭހާ ހިނދަކު ސަރުކާރަށް ހިންދަމާލެވޭ އެކަމަކު ޕަރެސް ބާއްވާނަމޭ ބުނެ ޓުވީޓް ކުރީމް ތެޅިފޮޅިގަނެ މި ހައްޔަރުކުރީ ބޮޑުފަރޭމްކުރުން ފަޅާއަރާނެކަން ޔަގީންވީމަ