ޖަމީލް ވިދާޅުވީ ޖުޑީޝަލް ސާވިސް ކޮމިޝަންގެ ކޮންޓްރޯލް އޮތީ އެންމެ ލޯފާމެއްގެ އަތުގައި ކަމަށް.
ޕީޕީއެމް/ޕީއެންސީން މިރޭ ބޭއްވި ޖަލްސާގައި ކުރީގެ ނައިބު ރައީސް ޑރ. ޖަމީލް ވާހަކަފުޅު ދައްކަވަނީ.---ފޮޓޯ: އަހުމަދު އަވްޝަން/ މިހާރު
03 ސެޕްޓެމްބަރ 2021 - 23:11
46 comments
ޝަރުއީ ދާއިރާއަށް ސަރުކާރުން ނުފޫޒު ފޯރުވާ ކަމަށާއި އެކަމުގެ ސަބަބުން ކޯޓުތަން މިހާރު ކުރަނީ ނަޖިސް ހުކުމްތަކެއް ކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު މިރޭ ވިދާޅުވެެއްޖެ އެވެ.
އިދިކޮޅު ޕީޕީއެމް/ޕީއެންސީ ކޯލިޝަނުން ކާނިވަލުގައި "އައްޑަނަ" ނަމުގައި ބޭއްވި ޖަލްސާގައިި ޖަމީލް ވިދާޅުވީ ޝަރުއީ ނިޒާމު މިނިވަންކުރާނެ ކަމަށް މި ސަރުކާރުން ވައުދު ވިޔަސް، ޝަރުއީ ނިޒާމަށް ނުފޫޒު ފޯރުވުމުގެ ސަބަބުން ކޯޓުތަކުގެ ހުކުމްތައް މިހާރު ނަޖިސްވެފައިވާ ކަމަށެވެ. އެކަމުގެ ސަބަބުން މިހާރު ކޯޓުތަކުން ކުރާ ހުކުމްތައް ދަނީ މާލޭގެ ޖަންކްޝަންތަކަށް ކަމަށާއި އޭގެ ނުބައި ވަސް މުޅި ގައުމަށް ފެތުރިފައިވާ ކަމަށް ވެސް ވިދާޅުވި އެވެ.
"ސަރުކާރުން ކުރި މަސައްކަތުން މުޅި ރާއްޖެއަށް މި ވަނީ ޝަރުއީ ކޯޓުތަކުގެ ނަޖިސް ވަސް ފެތުރިފައި،" މަނީ ލޯންޑަރިންގެ ކުށުގައި ފަސް އަހަރަށް ޖަލަށް ލާފައިވާ ކުރީގެ ރައީސް އަބްދުﷲ ޔާމީންގެ ވަކީލުންގެ ޓީމުގައި އިސްކޮށް ހުންނަވާ ޖަމީލް ވިދާޅުވި އެވެ.
ޖަމީލް ވިދާޅުވީ ޖުޑީޝަލް ސާވިސް ކޮމިޝަން (ޖޭއެސްސީ) ގެ ކޮންޓްރޯލް އޮތީ އެންމެ ލޯފާމެއްގެ އަތުގައި ކަމަށެވެ. އެ ކޮމިޝަންގެ ރައީސް ހިސާން ހުސައިނާއި ބަންޑާރަ ނައިބާއި ޕްރޮސެކިއުޓާ ޖެނެރަލަކީ ގުޅުން އޮންނަ ބޭފުޅުން ކަމަށް ޖަމީލް ވިދާޅުވި އެވެ.
އިދިކޮޅު ޕީޕީއެމް/ޕީއެންސީ ކޯލިޝަނުން ކާނިވަލުގައި "އައްޑަނަ" ނަމުގައި މިރޭ ބޭއްވި ޖަލްސާގެ ތެރެއިން.-- ފޮޓޯ: އަހުމަދު އަވްޝަން/ މިހާރު
"އެމްޑީޕީން މިފަހަރު ވެރިކަމަށް އައިސްފައި އެންމެ މޮޅަށް ކުރި ކަމަކީ ދިވެހިރާއްޖޭގެ ޝަރުއީ އަދި ގާނޫނީ ނިޒާމު ޕްރައިވެޓައިޒް ކޮށްލުން. ހިސާނު އެންޑް ކޯއަށް ދިވެހި ރާއްޖޭގެ ގާނޫނީ އަދި ޝަރުއީ ނިޒާމު ޕްރައިވެޓައިޒްވެ ނިމިއްޖެ،" ޖޭއެސްސީގެ ރައީސް ތުޅާދޫ ދާއިރާގެ މެންބަރު ހިސާން އުފެއްދެވި ލޯފާމަށް އިޝާރާތްކުރައްވަމުން ޖަމީލް ވިދާޅުވި އެވެ.
ޖަމީލް ވިދާޅުވީ މި ސަރުކާރުގެ އިސް އެތައް ވެރިންނެއްގެ މައްޗަށް ކޮރަޕްޝަނާއި އިތުރު ތުހުމަތުތައް ކުރެވޭއިރު ވެސް އެއިން އެއްވެސް ކަމެއް ނުބެލޭ ކަމަށެވެ. އަދި ބޮޑެތި ކުށްތައް ސާބިތުވެގެން ޖަލަށް ހުކުމް ކޮށްފައިވާ ކުރީގެ ނައިބު ރައީސް އަހުމަދު އަދީބު ކުރީގެ ރައީސް ޔާމީނާ ދެކޮޅަށް މަނީ ލޯންޑަރިންގެ މައްސަލާގައި ހެކިބަސް ދިނީ ޚާއްސަ އިނާޔަތްތަކެއް އޭނާއަށް ދީގެން ކަމަށް އޭނާ ވިދާޅުވި އެވެ. އަދި އެއީ އެމްޑީޕީން ބުނާ އިންސާފުވެރި ނިޒާމުތޯ އޭނާ ސުވާލު އުފެއްދެވި އެވެ.
"ހެކިބަސް ދީ ނިމުނީމަ އެބަޔަކު ބޭނުންވާ ވައްތަރެއްގެ މެޝިނެއް ގުޅައިދިނީ. އެއް ބަޔަކު ނިދާ މެޝިނެއް. އަނެއް ބަޔަކު ޓެރަރިޒަމް އުފައްދާ މެޝިން،" ކުރީގެ ނައިބު ރައީސް އަދީބަށް އިޝާރާތް ކުރައްވައި، ޖަމީލް ވިދާޅުވި އެވެ.
އިދިކޮޅު ކޯލިޝަނުން މިރޭ ބޭއްވި ޖަލްސާގައި، ކުރީގެ ރައީސް ޔާމީން މިނިވަންކުރަން ގޮވާލައި އެ މަނިކުފާނުގެ ސަޕޯޓަރުން އަޑުއުފުލަނީ.---ފޮޓޯ: އަހުމަދު އަވްޝަން/މިހާރު
ޖަމީލް ވިދާޅުވީ ޔާމީންގެ މައްޗަށް އިއްވި ޖަލު ހުކުމަށް ސަރުކާރުން ނުފޫޒު ފޯރުވާފައިވާ ކަމަށާއި އެހެންވެ، އިންސާފުގެ ވާހަކަ އެމްޑީޕީން ދެން ދައްކައިގެން ނުވާނެ ކަމަށް އޭނާ ވިދާޅުވި އެވެ. އެކަމަކު މިހާރު ސުޕްރީމް ކޯޓުގައި އެ މަނިކުފާނުުގެ އިސްތިއުނާފްގެ މައްސަލަ ނިމިގެން ދާއިރު، ޔާމީނަށް އިންސާފު ލިބޭނެ ކަމަށް ގަބޫލު ކުރައްވާ ކަމަށާއި އަދި 2023 ވަނަ އަހަރުގެ ރިޔާސީ އިންތިޚާބުގައި ޔާމީންގެ ނަން ވޯޓު ކަރުދާހުގައި އޮންނާނެ ކަމަށް އޭނާ ވިދާޅުވި އެވެ.
"އެ ލިސްޓުގައި އެކަކަށް ވެސް ދޭކަށް ވެސް އަދި 100 އަށް ވެސް އޮންނާނީ ރައީސް ޔާމީންގެ ނަންފުޅު،" ޖަމީލް ވިދާޅުވި އެވެ.
ޖަމީލް ވިދާޅުވި ގޮތުގައި އެމްޑީޕީގެ ކަމަކީ ގައުމުގެ ހަރު މުދާތައް ވިއްކުން ކަމަށާއި ތަރައްގީގެ އެއްވެސް މަޝްރޫއުއެއް ނުހިންގޭ ކަމަށެވެ. އެމްޑީޕީ އަކީ "ހުސްކުރާ ސޭލް" އަޅުވާ ޕާޓީ ކަމަށް ވިދާޅުވެ މި ސަރުކާރުން ރަށްތަކާއި ފަޅުތަކާއި ސްކޫލްތައް ވެސް ވިއްކައިފި ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮނޑިއަލީ
05 September 2021
ހަހަހަ ޖަމީލޫ ކަލޭދޯ އުޅޭގޮތެއް މަގާމު ޔަގީންތަ ހަމަ
ރޯމާދު
05 September 2021
ނަޖިހުގެ މަތީގައި ހުރީމާ ދުވާނީ ނަޖިސްވަސް، އެހެންމީހަކު ގޮމަކަސްތޫރި ލައިގެން އަޔަސް، އެމީހަކު ނަޖިހާ ތަތްތެޅިފައި ހުރީމާ އޭނައަކަށް އެހެންވަހެއް ނުދުވާނެ.
ރާޖާ
05 September 2021
މީނާއަށްވުރެ ބޮޑު ނަޖިހެއް މިގައުމުން ފެންނާނެ ހެން ހިއެއްނުވޭ.
އަބޫ
05 September 2021
އެމްޑީޕީ އަކީ މިގައިމުގެ ހަލާކު މާވެގެންވާ އިސްލާމު ދީނަ ފުރަސްސާރަ ނަސީދު ކުރޭމަވެސް ފިޔަވަޅެ ނެޅޭ އެކަމަކު ނިކައްމެތި ތިޔަކުދިން ކޮބަލަ ވަގުތުން ފިޔަވަޅު އަޅާނެ މިސަރުކާގެ މަތިފަންތީގައުޅޭ ބަތްއެ މީހުން ކޮރަފުސަނުގެ ފައިސާ ނަގައިގެން ތިބަތްވައިރު ވެސް ފިޔަވަޅެ ނޭޅޭ އެކަމަކު ތިޔަކުދިން ކުރިޔަސް ފިޔަވަޅު އަޅާނެ މިސަރުކާރުގައި އޮތީ ކޮރަުސަނާ ވަކައްމާ ކޯޓްތަކައް ނުފޫޒު ފޯރުވުން މިގައުގެ މިއޮތް މިނިވަކަން އެހެންބަތްޔަކަދިނު މިައުގެ ރާޑާސިޓަމްވެސް މިބަލަހަޓަނީ އިންޑިޔާ ސިފައިން އެމީހުން ބޭނުގޮތެ ހަދަން މިސަރު ޖެހެނީ ވަކި ސައްރުތު ތައްކެ ކޮފައި ފައިސާ ދެނީ މިގައުމްގެ ފަޅުތައް އިންޑިޔާއަށް ދޭގޮތައް އެފައިސާ ދީފައި އެވަނީ މިގައުމް ސައްލާމަކުރަން އެބަތްޖެހޭ އެމެން އެކީމިކަމަމް މަސައްކަކުރަން އެބަޖެހޭ އެއީ މިގައުމުގެ ކުދިންގެ މުތައްގުބަތްލަޓަކާ އެމެންނުކުމެ މިގައު ސަލާމަމް ކުރަންޖެހޭ އެބަތް މިހާރު މިހާރަށް މިކަން ނުކޮފީޔާ ދެން މިގައު ސަލާމަމްތެނުުރެވޭނެ
1234
04 September 2021
މަނިކުފާނައްވުރެ ނަޖިސް ވާހަކަ ދައްކާ މީހަކު އެބަހުރިތަ؟
ނަޖިސްބާއީ
04 September 2021
30 އަހަރުގެ ވެރިކަމުގެ ފަހުކޮޅުން ފެށިގެން މިހާތަނަށް އައި ހުރިހާ ވެރިކަމެއްގަ އުގުޅިފަ ހުރިމީހެއް މީނަަައަކީ. މިކަހަލަ މީހުންނައް ދިވެހިންގެ ތެރޭގަ ކިޔާ އުލޭ "ބަޑި"، "ކާޅު" ނޫނީ "ކޫޑި". މީ ހުސް ނަޖިސް މީހުން. މިއިން ކެޓަގަރީ އަކަށް ފެތޭ މީހެއް މީނައަކީ.
ހޯރަބޭ
04 September 2021
މީ ވަރަށް ގުއިއަގަ ތަޅާ ބޭފުޅެއް މިފަދަ ބޭފުޅުންނަށް ފީފީއެމް ފޯޑިޔަމް ތައް ހަރާބް ކުރަށް ދޭށް ހެޔޮނުވާނެ.
އާރީ
04 September 2021
ޖަމީލުވެސް ތި ނަޖިސްވާހަކަ ދައްކާ މީހެއް. ޖަމީލު ބުނި ޔާމީނު އޮށްނަށް ޖެހޭނި އުމްރުދުވަހު ޖަލުގައޭ ވެސް.
ސުލޫކީ
04 September 2021
ވަކީލުންގެ ސުލޫކީ މިންގަނޑަށް މި "ވަކީލު" ފެތޭތޯ؟
ރައްޔިތޭ
04 September 2021
ޚިޔާލު ފައުޅުކުރުމާއި، މިނިވަންކަމާއިއެކު ވާހަކަދެއްކުމުގައި ހައްދެއް އޮންނަންވާނެ. ސިޔާސީ ޕޯޑިއަމުތަކުގައި އެކިއެކި ސިޔާސީ މަޤުޞަދު ޙާޞިލްކުރުމަށް ފިތުނައުފެދޭގޮތަށް ދެއްކިޔަދީގެނެއްނުވާނެ. ޖަމީލު އެވިދާޅުވާއެއްޗެއް ރައްޔިތުންނަށް ސާބިތުކޮށްދިނުމަށް ކުރަންވާކަމެއް ޖުޑީޝިއަރީއާއި ސަރުކާރުން ކުރަންޖެހޭކަމުގަދެކެން. ޖުޑީޝިއަރީއާއި ސަރުކާރުން އެދައްކާވާހަކައެއް އޮޅުންފިލުވައި، ސާބިތުކޮށްނުދެވޭނަމަ، ދަޢުވާކޮށް އަދަބުދޭންވެސްޖެހޭނެކަމުގަ ދެކެން.