ސަލާމަތީ ބާރުތަކުން ޓީވީއެމްގެ ކޮންޓްރޯލް ނެގި މައްސަލަ އިންތިގާލީ އިންސާފުގެ އޮފީހަށް ހުށަހަޅައިފި

ޕީއެސްއެމްގެ ޓީވީއެމް ހިންގާ އިމާރާތް: އެތަނަށް ސިފައިންނާއި ފުލުހުން ވަދެ، އެތަނުގެ ކޮންޓްރޯލް ނެގި މައްސަލަ ބަލަން ވަނީ ހުށަހަޅާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

12 ސެޕްޓެމްބަރ 2021 - 00:25

15 comments

ކުރީގެ ރައީސް މުހައްމަދު ނަޝީދުގެ ވެރިކަން ބަދަލުވި ދުވަހު، ޓީވީއެމް ހިންގާ އިމާރާތަށް ސަލާމަތީ ބާރުތަކުން ވަދެ، އެ ތަނުގެ ކޮންޓްރޯލް ނެގި މައްސަލަ ބަލަން އިންތިގާލީ އިންސާފުގެ އޮފީހަށް ހުށަހަޅައިފި އެވެ.

ފެބްރުއަރީ 2012 ގައި ނަޝީދުގެ ވެރިކަން ބަދަލުވިއިރު، ސިފައިންނާއި ފުލުހުންގެ އިތުރުން އާންމުންގެ ބަޔަކު ވަނީ ދައުލަތުގެ މީޑިއާ ޓީވީއެމްގެ އިމާރާތަށް ވަދެ، އެ ތަނުގެ ކޮންޓްރޯލް އަތުލައިފަ އެވެ. އެ ހާދިސާގައި އެއްވެސް މީހަކަށް އަނިޔާއެއް ނުވެ އެވެ.

އެ މައްސަލަ ބަލައިދޭން އެދި އިންތިގާލީ އިންސާފުގެ އޮފީހަށް ހުށަހެޅުއްވީ ރައްޔިތުންގެ މަޖިލީހުގެ މާފަންނު ދެކުނު ދާއިރާގެ އެމްޑީޕީގެ މެމްބަރު އިބްރާހިމް ރަޝީދު (ބޮންޑޭ) އެވެ.

އެ މައްސަލައިގައި ވަނީ ސިފައިންނާއި ފުލުހުންގެ ޔުނިފޯމު އަޅައިގެން ތިބި ބަޔަކު ޓީވީއެމްގެ އިމާރާތަށް އެ ދުވަހު ވަދެ، އެ ތަނުގެ މުވައްޒަފުން ރަހީނުކޮށް، ޓީވީއެމްގެ ލައިވް ފްރީކުއެންސީ ހުއްޓުވާފައިވާ ކަމަށެވެ. އަދި ވީޓީވީގެ ލައިވް ފީޑް ޓީވީއެމްގެ ފްރީކުއެންސީގައި ދައްކާފައިވާ ކަމަށާއި އެފަދަ ކަމެއް ކުރެވޭނީ ޓީވީއެމްގެ މުވައްޒަފުންނަށް ބިރު ދައްކައިގެން ކަމަށް ގަބޫލު ކުރެއްވޭ ކަމަށް ބޮންޑޭ ވިދާޅުވި އެވެ.

އޭނާ އެދިވަޑައިގެންފައިވަނީ ޓީވީއެމްގެ އިމާރާތަށް ސަލާމަތީ ބާރުތަކުން ވަދެ، އެ އަމަލު ހިިންގީ ކޮން ފަރާތެއްގެ އަމުރަކަށްތޯ ބެލުމަށާއި އެ އަމަލު ހިިންގީ ކޮން ބައެއް ތޯ ބަލައި، އެ މީހުންގެ މައްޗަށް ޖިނާއީ ދައުވާ އުފުލައި ދިނުމަށެވެ.

އިންތިގާލީ އިންސާފުގެ އޮފީހަކީ 1953 ވަނަ އަހަރުން ފެށިގެން މި ސަރުކާރު ފެށުމާ ހަމައަށް ދައުލަތުގެ ފަރާތުން ހިންގާފައިވާ ގާނޫނާ ޚިލާފް އަމަލުތައް ބެލުމަށް އުފައްދާފައިވާ މުއައްސަސާ އެކެވެ.

ފުލުހުން އެމްއެންޑީއެފް ޓީވީ މޯލްޑިވްސް މެމްބަރު އިބްރާހިމް ރަޝީދު (މާފަންނު މެދު) ފެބްރުއަރީ 7 ޕީއެސްއެމް އިންތިގާލީ އިންސާފުގެ އޮފީސް

15 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިކޮއި

12 September 2021

އޯހް ބްރޯ. ސްޓިލް އާފްޓާ ދިސް؟ 8 އަހަރުފަހުންވެސް ހަމަ ތިކަމުގައި؟ ހާދަ ބޮޑާހާކާ ކުދިންކޮޅެކޭ. ގައުމާއިގެން ކުރިޔަށް ދެވޭތޯ ނިކަންބަލާބަލަ. ޔަސްޓަޑޭ އިޒް ހިސްޓްރީ ބްރޯ. ލެޓްސް ލެޓްގޯ އޮފް އިޓް އެންޑް ބިލްޑް ދަ ފިއުޗާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައުހާ

12 September 2021

އެތަނަށް ބަޔަކު ވަދެއުޅުނުތަ. މަމިހާރު ހަނދާނެއްވެސްނެތް. މާޒީން ހިރަފުސްފޮޅުން ނޫންކަމެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެފުށް

12 September 2021

ގައުމުގައި ހުޅުޖެހި މައްސަލަ ހުށަނާޅާތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

12 September 2021

ރައްޔިތުންނަށް ގާނޫނު ހެދުމުގެ ބަދަލުގަ ޕާޓީ ތެރޭ އޮތް ފެކްޝަންތަކުގެ ކަންކަން އެއްބަޔަކު އަނެއް ބަޔަކާ ދެކޮޅަށް މަޖްލީހުން ބަލަނީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

12 September 2021

މިއުޅެނީ ކާނަލް ނާޒިމް އާއި ދައުވާ ކުރަން! އޭނާ ޕާޓީ ހަދައިގެން އުޅޭތީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޝީދު

12 September 2021

08 ފެބުރުއަރީ 2012 ގައި ގައުމުގައި ހިންގި ބޮޑު ހުޅުޖެހުމުގެ ކަންތައްގަނޑު ބަލަން މަގު ކޮށަނީ ދޯ.. ކަލޯ ތިއުޅެނީ ކަލޭމެންގެ ރޫހާނީ ލީޑަރު އަނެއްކާވެސް ޖަލައްލާން.. ހޭބަލުވެގެން ކުރެވޭ ނުކުރެވޭ ކަމެއް ނޭނގެ ދޯ....