އައިޖީއެމްއެޗްގައި ކިއޫތައް ބޮޑުވުމުގެ ޝަކުވާ ކުރަމުންދާތާ އެތައް ދުވަހެއް ވެއްޖެ. އެކަން ހައްލުކުރާނެ ގޮތްތަކެއް އެ ހޮސްޕިޓަލުން މިހާތަނަށް ބުނެފައެއް ނުވޭ.
އައިޖީއެމްއެޗް އިމާރާތް.-- ފޮޓޯ: އަހުމަދު އަވްޝަން/ މިހާރު
29 ސެޕްޓެމްބަރ 2021 - 08:55
98 comments
އާބާދީގައި ލައްކައަކަށް ވުރެ ގިނަ މީހުން ހިމެނޭ މާލެ އިން ހިލޭ ބޭސްފަރުވާ ލިބޭ ހަމައެކަނި ހޮސްޕިޓަލް، އައިޖީއެމްއެޗުން ސްޕެޝަލިސްޓް ޑޮކްޓަރުންނަށް ދެއްކުމާއި ޓެސްޓުތައް ހެދުމަށް މިހާރު ކިއޫގައި ތިބި މީހުންގެ އަދަދު 10،000 އަށް ވުރެ ގިނަ ކަމަށް "މިހާރު"ން ހޯދި މައުލޫމާތުތަކުން އެނގިއްޖެ އެވެ.
އައިޖީއެމްއެޗަކީ މާލޭގައި ބޭސްފަރުވާގެ ހަރަދު އެއްކޮށް އާސަންދަ އިން ކަވަރުކުރާ ހަމައެކަނި ހޮސްޕިޓަލެވެ. ހުޅުމާލެ ހޮސްޕިޓަލުން ވެސް ހިލޭ ޑޮކްޓަރަށް ދެއްކުނަސް އެތަނުގައި ސްޕެޝަލިސްޓުން މަދުކަމުންނާއި ގިނަ ޓެސްޓުތައް ހައްދަން ފޮނުވާނީ އައިޖީއެމްއެޗަށެެވެ.
މީގެ އިތުރުން އަތޮޅުތަކުން ވެސް ސްޕެޝަލިސްޓުންނަށް ދައްކަން އަދި ރަނގަޅު ފެންވަރުގެ ސިއްހީ ހިދުމަތް ހޯދަން ގިނަ ބަޔަކު ދައްކަނީ އައިޖީއެމްއެޗަށެވެ.
އައިޖީއެމްއެޗުން ހިދުމަތް ހޯދަން އޮތް ކިއޫތައް "މިހާރު"ން ބެލިއިރު އިއްޔެ އާ ހަމައަށް ވެސް އައިޖީއެމްއެޗްގެ އެކި ޑިޕާޓްމަންޓުތަކުގައި ޑޮކްޓަރަށް ދައްކަން އެތައް ހާސް ބައެއްގެ ބޮޑު ކިއުއެއް އެބައޮތެވެ. އެޕޮއިންޓްމަންޓެއް ހައްދަން ބޭނުން ވިޔަސް އައިޖީއެމްއެޗްގައި "ވެއިޓް ލިސްޓު" ވެގެން ތިބެންޖެހޭ ކަމުގެ ޝަކުވާ އޮންނަތާ ވެސް އެތައް ދުވަހެއް ވެއްޖެ އެވެ.
އިއްޔެ ރެއާ ހަމަައަށް، އެތެރެ ހަށީ ބަލިތަކުގެ ޑޮކްޓަރަށް ދެއްކުމަށް 1،145 މީހުންގެ ކިއުއެއް އޮތެވެ. އަދި ނާރުތަކާ ބެހޭ ހާއްސަ ޑޮކްޓަރަކަށް ދެއްކުމަށް 716 މީހުން މަޑުކޮށްގެން ތިބިއިރު ކިޑްނީގެ ޑޮކްޓަރަކަށް ދައްކަން 630 މީހުންގެ ކިއުއެއް އެބައޮތެވެ.
އައިޖީއެމްއެޗުން ބަޔަކު ހިދުމަތް ހޯދަނީ --ފޮޓޯ/މިހާރު
ސައިކޭޓްރިސްޓަކަށް ދައްކަން 2،648 މީހުންގެ ކިއުއެއް އޮތް ކަމަށް އެ ހޮސްޕިޓަލަށް ގުޅުމުން ބުންޏެވެ. އަދި ފުއްޕާމޭގެ ބަލިތަކަށް ޑޮކްޓަރަށް ދެއްކުމަށް 948 މީހުން ކިއޫގައި އެބަތިއްބެވެ. ކުޑަކަމުދާ ނިޒާމުގެ ބަލިތަކާ ބެހޭ ޑޮކްޓަރަށް ދައްކަން 425 މީހުން ކިއޫގައި އެބަތިބި އިރު އަންހެނުންގެ ބަލިތަކަށް ހާއްސަ ޑޮކްޓަރަށް ދެއްކުމަށް 290 މީހުންގެ ކިއުއެއް އެބައޮތެވެ.
އައިޖީއެމްއެޗްގެ ބައެއް މުވައްޒަފުން ގާތު ސުވާލު ކޮށްލުމުން ބުނި ގޮތުގައި 50 ޕޭޝަންޓުން ޑޮކްޓަރަށް ދައްކަން ބައެއް ފަހަރު ހަފްތާއެއްހާ ދުވަސް ނަގަ އެވެ.
ބައެއް އެހެން ސްޕެޝަލިސްޓުން
ލޮލުގެ ބަލިތަކާ ބެހޭ ޑޮކްޓަރު - 1،017
ޑެންޓިސްޓު - 1،123
ހަމުގެ ބަލިތަކާ ބެހޭ ޑޮކްޓަރު - 418
ހިތުގެ ބަލިތަކާ ބެހޭ ޑޮކްޓަރު - 408
ކަރުން މަތީގެ ބަލިތަކުގެ ޑޮކްޓަރު - 286
މި ކިއޫތަކުގައި ތިބި މީހުންގެ ޖުމްލަ 10،000 އަށް ވުރެ ގިނަ އެވެ.
"މިހާރު" އާ ވާހަކަ ދެއްކި މީހަކު ބުނި ގޮތުގައި އޭނާ ވަރަށް ބޮޑަށް ބަލިވެގެން ޑޮކްޓަރަށް ދެއްކުމުން ކިޑްނީ ޑޮކްޓަރަކަށް ދައްކަން ހުޅުމާލެ ހޮސްޕިޓަލުން ލަފާ ދިން ކަމަށެވެ. އެހެންވެ އައިޖީއެމްއެޗުން އެޕޮއިންޓަމަންޓެއް ނަގައިގެން މަޑުކޮށްގެން ހުންނަތާ ދެ ހަފްތާއަށް ވުރެ ގިނަ ދުވަސްވި އިރު ވެސް އޮތީ ވެޓްލިސްޓުގައި ކަމަށާއި އެންމެ ފަހުން "ކެތް ނުކުރެވިގެން" އޭޑީކޭ ހޮސްޕިޓަލަށް ދައްކަން ޖެހުނު ކަމަށް އޭނާ ބުންޏެވެ.
"ވަރަށް ވޭނުގައި އުޅުނީ، ޕެއިން ކިލާތައް ކައިގެން އެތައް ދުވަހެއް. އޭޑީކޭއަށް ޑޮކްޓަރަށް ދައްކައިގެން ސްކޭންތަކަށް ވެސް އެތައް ހާހުން ފައިސާ ދައްކަން ޖެހުނު. އެކަމަކު އެނގުނީ ކިޑްނީގައި ހިލަ ހުރިކަން،" އޭނާ ބުންޏެވެ.
ޑޮކްޓަރަށް ދެއްކުމުގެ އިތުރުން ބައެއް ސްކޭންތައް ހައްދަން ވެސް އައިޖީއެމްއެޗްގައި ދިގު ކިއޫއެއް އޮވެ އެވެ. އެހެން ހޮސްޕިޓަލްތަކުން ބައެއް ސްކޭންތަކަށް އެއްވެސް ވަރަކަށް އާސަންދަ ނުދޭތީ ބޮޑު ހަރަދެއް ދެ އެވެ.
އައިޖީއެމްއެޗްގައި އެމްއާރްއައި އެއް ހައްދަން މިއަދު ކިއޫއަށް އަރައިފި ނަމަ އެޕޮއިންޓްމަންޓު ހަމަޖެހެނީ އަންނަ މަހުގެ 20 ވަނަ ދުވަހެވެ. އަދި އަލްޓްރާސައުންޑް ސްކޭނަށް ވެސް އެހާ ގިނަ ދުވަސް ނަގަ އެވެ.
އައިޖީއެމްއެޗްގައި ކިއޫތައް ބޮޑުވުމުގެ ޝަކުވާ މީހުން ކުރަމުން އަންނަތާ އެތައް ދުވަހެއް ވެއްޖެ އެވެ. އެކަން ހައްލުކުރާނެ ގޮތްތަކެއް އެ ހޮސްޕިޓަލުން އަދި ސަރުކާރުން ވެސް މިހާތަނަށް ބުނެފައެއް ނެތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްލުހގީގަތް
30 September 2021
އާސަންދަ ފުލްކޮސްލިބޭ ހަމައެކަނި ތަން. އެކަމަކު ތިވަރުން ބަލިމީހާ ދައްކާނިމޭއިރު އޮންނާނީ ކަށްވަޅަށްވަންނަންވެފަ. ދެންޖެހެނީ ކްލިނިކަކަށްނޫނީ އަމިއްލަހޮސްޕިޓަލަކަށްދާން. އާސަންދަ ހާފްކަވަރކުރެއޯ ކިޔާފައަތުންވެސް 300-600އާ ދެމެދުއަދަދެއް ހަމައެކަނި ޑޮކްޓަރަށް ދައްކާލަން އެބަނަގާ. އާސަންދަނެތްއިރު 100 ރުފިޔާއިން ދެއްކޭ. އާމުމީހާ ފެލާފަ ސިޔާސީންނަށްމަންފާ ލިބޭއެއްޗެއް އާސަންދައަކީވެސް ކީއްކުރާނީ..މިކަމާގުޅެގޮތުން ނޫހަކުންވެސްއެއްޗެއްނުލިޔެވިއްޔަ.
އައްބެ
30 September 2021
އަޅުގަނޑު އެއްފަހަރަކު ކަށީގެ ޑޮކްޓަރަކަށް އެޕޮއިންޓްމަންޓު ނޯޓްކުރަން ގުޅުމުން ބުނީ ކިޔު މަތިވީމައި މިވަގުތު ނޯޓްކުރުން މަޑުޖައްސާލަފަކަމަށް. އަސްލު ބޭނުންވާ އެންމެން ނޯޓްކުރާނަމަ ތިޔަ ކިޔު ލިސްޓް ލައްކައަކާއި ގާތްކުރާނެކަން ޔަގީން. ދެން ހަދާނެގޮތަކީ މީހުންނަށް ގުޅާފައި ލިސްޓް ކުޑަކުރަން ފަށާނީ. ތީގެ ތެރެއިން އެއްބަޔަކު މިހާރު ތިބޭނީ ނިޔާވެފައި ނުވަތަ އެހެން ތަނަކުން ފަރުވާކޮށްފައި. އަނެއްބަޔަކު ނުގުޅުންކަމަށްބުނެ އުނިކުރާނީ.
ބޮޑުވަޒީރު
30 September 2021
މިއީ ރާއްޖެ ތަސައްރަފު ނުފުދެނީސް އެމްޑީޕީ ސަރުކާރުން ވައްޓާލި އަދަވަޅެއް! މިއާއި އެކު ކޮރަޕްޝަން އާއި ވެރިން ހިތުހުރި ގޮތަކަށް ފައިސާ ހަރަދު ކުރުމުން ވާނެ ހުރިހާކަމެއް މިވަނީ - އާހިރުގައި ބިކަމިވަނީ ދިވެހިން، އެމީހުން ރައްތިތުން ގުނބޯ ހައްދައިގެން ކޮރަޕްޝަން އަދި ކިކްބެކްސް އިން ލިބުނު ލާރިގަނޑުގައި އުދެހެނީ!
ދެރަޮ7
30 September 2021
ޑރ ން ބަލާ ވަޤުޔު އިތުރު ކުރަންވީ، 12 ޖަހަންދެން ބަލާފަ ދެން ދަނީ ކްލިނިކް ތަކަށް، ކްލިނިކް ތައް ވެސް ހަމައެހާ ބާރުބޮޑު، މިހާރުވެސް މިހުރީ ޑރ މޫސާ ހުސެއިނަށް ދައްކަން ފަރު ާ ކްލިނިކް ކިއުގަ. ކޮންޒަމާނެއް؟
ވަސާޖިއޯ
30 September 2021
ހިލޭ ބޭސް ފަރުވާ ހޯދަން އަރަން ޖެހެނީ 10000 މީހުން ފަހަތަ. ހިލޭ ނުކިޔަމާ ދޯ ދެން
ޗުއްޕުޓު
29 September 2021
ވޯޓް އަޅަންވީމަ ތިބޭނެ މިކިއުތަކުގެ މީހުން ހަމަ. ކީއްކުރާނީ. ކޮނމެ ސަރުކާރަކުންވެސް ސިޔާސީން ރައްޔިތުންނަށް ހަދަނީ މިހެން.
ބޮޑުވަޒީރު
30 September 2021
ވެރިން ބުނާކަހަލަ، "ހިލޭ" ސިއްހީ ހިދުމަތް ލިބޭނެ ދެގޮތަކީ ނަމްބަރު ޖެހޭ ދުވަހަކަށް ކެއްކޮށްގެން މަޑުކުރުމާއި، ކޮންމެވެސް ރައްޓެއްސަކާ ގުޅާގެން އަތްއަނބުރާލާއިގެ ކިޔު ޖަމްޕްު ކުރުން... ދެން އޮތް ގޮތަކީ ބޮޑު އަގުދީގެން އޭޑީކޭ އަދި ޓްރީޓޮޕަށް ދެއްކުން...!! ފުކެއް ބޮޑުވަރު!
ބޮޑުމީހާ
29 September 2021
އަދިވެސް ކޮމިޝަންތަކާއި އޮމްބަޑްސްއޮފީސް ހަދަނީ. ނާސިރު ދައުރުގަ ހިގި ކަންތައްތައް ބަލަން ހެދި ކޮމިޝަނަށްވެސް އެތައް މިލިއަނެއް ހަރަދުކޮށްފި. އެޕޮއިންޓްމަންޓް ހަމަޖެހޭއިރު މީހާ މިއޮންނަނީ ނިޔާވެފަ. ދައުލަތުން ރައްޔިތުންގެ ފުރާނައަށްވުރެ ސިޔާސީ ކަންކަމަށް އިސްކަންދެނީ.
ދެރަ
29 September 2021
އަހަރެން އަންހެނުން ވިހައިގެން ދޫކޮށްލި ފަހު ގުޅަނީ އަންހެނުންގެ ޑަކްޓަރ އެޕޮއިންޓްމަންޓަށް އެއީ ގުޅިތާ 4 މަސް ފަސް
ތުއްރަވާސް
29 September 2021
ޑރ.އިންނަށް މަޖްލުސް މެމްބަރުންނަށްވުރެ ބޮޑުސާރައާ އިނާޔަތްދީފަ ބައިތިއްވަ ބަލަ ބަލިމީހުން ބަލަން. ރާއްޖޭގަ އެންމެ ފީކަޅާ އެންމެ ފެންވަރު ދަށް ގިނަ ބަޔަކު ހިމެނޭ މަޖްލިސް މެމްބަރުންގެ މުސާރަ އެންމެބޮޑީ.
ދޭސީ
29 September 2021
ނުފޫޒު ގަދަ ޑޮކްޓަރުން ތަކެއް ސްޕެޝަލިސްޓު ޑޮކްޓަރުންގެ މުސާރައިގެ އޮނގަނޑު ހެދި އިރު ކުޑަ މުސާރައެއް ނަގާ ގޮތައް ހަދާފަ އެމީހުން ބޭނުންވީ ގިނަ ވަގުތު އަމިއްލަ ކުލިނިކްގަ މަސައްކަތް ކުރަން. ސަރުކާރައްވެސް މިގޮތް ކަމުދިޔައީ ކުޑަ އެއްޗެއް ދީގެން ޑޮކްޓަރުން ނަމެއްގަ ގެންގުޅެވޭނެތީ. އިޚްލާސްތެރި ކަމެއް ހުރި ނަމަ ސަރުކާރުން ޑޮކްޓަރުންގެ މުސާރަ ބޮޑު ކޮށްފަ ހަމައެކަނި އައިޖިއެމްއެޗްގަ ވޯކް ކުރެވޭ ގޮތައް ހަދާނީ. އޭރުން ކިއު ކުޑަވީސް.