ހުޅުމީދޫ ބަހާއުއްދީން މަގު-- ފޮޓޯ:އެމްޓީސީސީ
26 އޮކްޓޯބަރ 2021 - 18:03
2 comments
ސ. ހުޅުމީދޫގެ ބޮޑު މަގު ތާރުއަޅައިގެން ޒަމާނީ ފެންވަރަށް ހަދައި ނިންމައިފި އެވެ.
އެމްޓީސީސީން ބުނިގޮތުގައި ބަހާއުއްދީން މަގުގެ މަސައްކަތް ނިންމާލާފައިވަނީ މި މަހުގެ 15ގަ އެވެ. މި މަޝްރޫއުގައި 2.2 ކިލޯ މީޓަރު ދިގު މަގުގެ މަސައްކަތް އެ ކުންފުނިން ފެށީ އޭޕްރިލް 1، 2019ގަ އެވެ.
މިއީ 41.8 މިލިއަން ރުފިޔާގެ މަޝްރޫއެކެވެ.
މި މަޝްރޫއުގެ ބަހާއުއްދީން މަގުގެ ތާރު އަޅައި 6060 އަކަމީޓަރުގެ ސަރަހައްދެއްގައި ދުވާރު ވަނީ ހަދައިފަ އެވެ. އަދި ފެން ހިންދާ ނިޒާމު ގާއިމް ކުރުމާއި ކޭބަލް ޖަންކްޝަން ވަޅުލައި މަގުބައްތި ހަރުކުރުމާއި މަގުމަތީ ނިޝާން ހަރުކުރުމާއި ސްޕީޑް ބްރޭކަރު ހެދުމުގެ މަސައްކަތް ވެސް ވަނީ ނިންމައިފަ އެވެ.
މި އަހަރުގެ މިހާތަނަށް އެމްޓީސީސީން ވަނީ 17 މަޝްރޫއެއްގެ މަސައްކަތް ނިންމައިފަ އެވެ. މީގެ ތެރޭގައި ބިން ހިއްކުމާއި ގޮނޑުދޮށް ހިމާޔަތް ކުރުމާއި މަގު ހެދުމުގެ މަޝްރޫއުތައް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައިޒާން
27 October 2021
މިދިޔައަހަރުވެސް ތިމަގު ގެ މަސައްކަތް ނިމިގެން އެވާހަކަ ދެއްކި. އެއްވެސް ކަމެއްނުކޮތް ތިބެ ކުރާކަމަކީ އެހެން ތިބެލާފަ ހަބަރެއް ހަދާލުން. އައްޑޫގައި ތާރުއަޅައިގެން މަގާއި ފެނާއި ނަރުދަމާ ގެ މަސައްކަތް ކުރާތާ 15 އަހަރުވީ އިރުވެސް ކަމެއް ނުމި އޭގެ ފަސޭހަ ލިބޭވަހަކައެއް ނުދައްކާ. ބޭނުންނުހިފޭ ހަރަދު ކުރާ ސަރުކާރުތަކެއް އައްނަނީ.
އޮނަރަބްލް އަފީފު ދީދީ
26 October 2021
މާލޭސަރުކާރުން ރާއްޖޭގެ އެންމެބިންބޮޑު 20 ކިލޯމީޓަރ ގެ ދިގު އައްޑޫސިޓީގައި މިފަދަ އިޖްތިމާއީ ތަރައްޤީގެ މަސައްކަތެއްކުރަނީ ވަރަށްމަދުން. # އިންތިޙާބެއްގެ ކެމްޕޭނަކާއި ވިދިގެން ނުވަތަ ވޯޓް ހޯދަމަށްޓަކާ ކޮށްލާ ކަމެއްގެ ބަދަލުގައި އިންޑިޔާ ނަމަ އެޤައުމުގެ ބޮމްބޭ ފަދަ ގޮތަކަށް އިޤްތިސޯދު ކުރިއަރުވާލެވެން އޮތް އައްޑޫސިޓީގައި ރޭވުންތެރިކަމާއިއެކު ހިންގާ އިޤްތިސޯދީ ޕްރޮޖެކްޓްތަކެއްހިންގާ "އައްޑުއަކީ ރާއްޖޭގެ ފައިނޭންޝަލް ކެޕިޓަލްކަމަށް" ހަދާންވީ ނޫންތޯ؟