އެއްބަސްވުންތަކުގެ ކޮޕީ ހޯދަން އާންމު އިއުލާނެއް ކުރާނެ. މާފަންނު ސްޓޭޑިއަމް ސަރަހައްދުގައި އިމާރާތެއް ހަދާ ނަމަ އެ މަސައްކަތެއް ހުއްޓާލަން އާންމުކޮށް އިއުލާން ކުރަން ވެސް ނިންމި.
އެފްއޭއެމްގެ އެކްސްކޯ މެންބަރުން: ފުޓްބޯޅަ ސްކޫލު ހަދަން ދިން ބިން އަދި މާފަންނު ސްޓޭޑިއަމްގެ ގުދަންބަރިތަކާ ގުޅޭގޮތުން އެކްސްކޯއިން ވަނީ ނިންމުންތަކެއް ފާސްކޮށްފަ ފޮޓޯ: ފަޔާޒު މޫސާ | މިހާރު
06 އޯގަސްޓް 2025 - 08:46
ފުޓްބޯޅަ ސްކޫލެއް ހަދަން ހުޅުމާލެ އިން އެފްއޭއެމަށް ކުރިން ދިން ބިމާ ގުޅޭ ހާއްސަ އޮޑިޓެއް ކުރަން އޮޑިޓަ ޖެނެރަލްގެ އެހީ އަށް އެދުމުގެ އިތުރުން މާފަންނު ސްޓޭޑިއަމްގައި ގުދަންބަރިތައް ހެދި މައްސަލާގައި ވެސް ފިޔަވަޅުތަކެއް އަޅަން އެ އެސޯސިއޭޝަނުން ނިންމައިފި އެވެ.
ރޭ ބޭއްވި އެފްއޭއެމްގެ އެސްކޯ ބައްދަލުވުމުގައި ވަނީ ހުޅުމާލޭގެ ބިމާއި މާފަންނު ސްޓޭޑިއަމްގައި އެފްއޭއެމުން ހަދައިފައިވާ ގުދަންތަކުގެ މައްސަލައިގައި ފިޔަވަޅުތަކެއް އަޅަން ފާސްކޮށްފަ އެވެ.
އެ ބައްދަލުވުމުގެ ނިންމުންތަކާ ގުޅޭ ގޮތުން މީޑިއާއާ ހިއްސާކުރި ބަޔާނުގައި އެފްއޭއެމުން ބުނީ ފުޓްބޯޅަ ސްކޫލެއް ހަދަން ހުޅުމާލެއިން ދިން ބިމުގައި އެކަން ނުކޮށް، އުސޫލުތަކާ ހިލާފަށް ވަރަށް ގިނަ ކަންކަން ކޮށްފައިވާ ކަމަށެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގެ ދުވަސްވަރު އެއްވެސް ކުއްޔަށް ދައްކަން ނުޖެހޭ ގޮތަށް އެފްއޭއެމަށް ހުޅުމާލެ 1 އިން ބިމެއް ދިނީ ހިލޭ ސާބަހަށް އިޖުތިމާއީ މަޝްރޫއެއް ހިންގާތީ އެވެ.
އެކަމަކު ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގެ ދުވަސްވަރު އެ ބިން މެދުވެރިކޮށް ވިޔަފާރި ކުރަން އެފްއޭއެމް ބޭނުންވުމުން، ބިމުގެ ކުލި ދައްކަންޖެހޭ ގޮތަށް ވިޔަފާރި އުސޫލުން ބިން ބޭނުން ކުރުމުގެ ހުއްދަ ދީ، އެޗްޑީސީން ބިމުގެ އެއްބަސްވުން ބަދަލުކޮށް ދިނެވެ. ނަމަވެސް އެފްއޭއެމުން ކުލި ނުދައްކާތީ އެޗްޑީސީން މިދިޔަ އަހަރު އެ ބިން އަތުލީ އެވެ.
ފުޓްބޯޅަ ސްކޫލްގެ ބިމުގައި އެފްއޭއެމްގެ ކުރީގެ ލީޑާޝިޕުން ހަދާފައިވާ އެކޮމެޑޭޝަން ބްލޮކް: ފުޓްބޯޅަ އެކަޑަމީއާ ގުޅޭ އެއްވެސް އެހެން މަސައްކަތެއް އެ ބިމުގައި ކޮށްފައެއް ނުވޭ
މިދިޔަ އެއް އަހަރުގެ ތެރޭގައި އެފްއޭއެމް ހިންގި ނޯމަލައިޒޭޝަން ކޮމިޓީން ހުޅުމާލޭގެ ބިމުގެ މައްސަލައިގައި މިދިޔަ މަހު އާންމުކުރި ބަޔާނުގައި ބުނެފައި ވަނީ އެ ބިން ވިޔާފާރީގެ ގޮތުގައި އެކި ފަރާތްތަކަށް ކުއްޔަށް ދީފައި ވަނީ އަކަފޫޓަކަށް ޖެހޭ ވަރަށް ވުރެ ވެސް ކުޑަ އަގަކަށް ކަމަށެވެ. އަދި ބައެއް ކުންފުނިތަށް ދޫކޮށްފައިވާ ބިންތަކުން ދިގު މުއްދަތަކަށް ޖެހޭ ކުލީގެ ފައިސާ އެޑްވާންސްކޮށް ވެސް އެފްއޭއެމްގެ ކުރީގެ ރައީސް ބައްސާމް އަދީލު ޖަލީލުގެ ދައުރުގައި ނަގާފައިވާ ކަމަށް ވެސް ނޯމަލައިޒޭޝަން ކޮމިޓީން ނެރުނު ބަޔާނުގައި އޭރު ބުނެފައި ވެ އެވެ. އެކަމަކު އެ ފައިސާ އެފްއޭއެމަށް ވަދެފައި ނުވާ ކަމަށް ވެސް އެ ކޮމިޓީން ފާހަގަކޮށްފައި ވެ އެވެ.
މިދިޔަ މަހުގެ 26 ގައި ބޭއްވި އިންތިހާބުގައި އެފްއޭއެމްގެ ރައީސްކަމަށް ވަޑައިގެންނެވި އަހްމަދު ތޯރިގް (ޓޮމް) ގެ އެކްސްކޯގެ ދެވަނަ ބައްދަލުވުމުގައި ރޭ ނިންމީ ހުޅުމާލޭގެ ބިމާ ގުޅޭ އެ މައްސަލަތަކުގައި ހާއްސަ އޮޑިޓެއް ކުރުމަށެވެ. އަދި އެ އޮޑިޓް ކުރުމުގައި އޮޑިޓަ ޖެނެރަލްގެ އެހީ އަށް ހޯދަން ވެސް އެކްސްކޯ އިން ނިންމި އެވެ.
ހުޅުމާލޭ ބިމާއި މާފަންނު ސްޓޭޑިއަމް ސަރަހައްދުގައި ހަދާފައިވާ އެފްއޭއެމްގެ އިމާރާތް (މިހާރު ގުދަން ބަރިތަކެއް) ހަދާފައިވާ ތަން ކުއްޔަށް ދިން ކުންފުނިތަކާ އެކު، ހެދި ކަމަށް ބެލެވޭ އެއްބަސްވުންތައް އެފްއޭއެމްގައި ނެތް ކަމަށް ވެސް އެ އެސޯސިއޭޝަނުން އާންމު ކުރި ބަޔާނުގައި ބުންޏެވެ.
މާފަންނު ސްޓޭޑިއަމްގެ ހަދާފައިވާ އެފްއޭއެމްގެ އިމާރާތް: ފުޓްބޯޅައިގެ މަޝްރޫއެއް ހިންގުމަށް ހަދަން ފެށި މި އިމާރާތް ބޭނުން ކުރަނީ ގުދަންތަކެއްގެ ގޮތުގައި --- ފައިލް ފޮޓޯ: ނިޝާން އަލީ | މިހާރު
Football ge tharaggee ah feshi mashroouthah haraabuve gudhankoffai
The most trusted news source in the Maldives
Mihaaru
ފުޓުބޯޅައިގެ ތަރައްގީ އަށް ފެށި މަޝްރޫއުތައް ޚަރާބުވެ "ގުދަންކޮށްފައި"
އެހެންވެ އެކްސްކޯއިން ނިންމީ ހުޅުމާލޭ ބިމާއި މާފަންނު ސްޓޭޑިއަމްގައި ހަދާފައިވާ ގުދަންބަރި ކުއްޔަށް ދީފައިވާ ކުންފުނިތަކާ އެކު، ހެދި ކަމަށް ބެލެވޭ އެއްބަސްވުންތަކުގެ ކޮޕީތައް އެފްއޭއެމަށް ހޯދަން އާންމު އިއުލާނެއް ކުރުމަށެވެ.
މާފަނުން ސްޓޭޑިއަމްގައި ހަދަމުންދާ އެ އިމާރާތަށް އިތުރު ބަދަލެއް ނުވަތަ އެ ސަރަހައްދުގައި ވަގުތީ ގޮތުން ވެސް އިމާރާތެއް ހެދުން ފަދަ މަސައްކަތެއް ނުކުރުމަށް ވެސް އާންމުކޮށް އިއުލާން ކުރުމުގެ އިތުރަށް އެ ސަރަހައްދުގައި އެ ނޯޓިސް ހަރުކުރުމަށް ވެސް އެކްސްކޯއިން ނިންމި އެވެ.
- ހުޅުމާލޭގެ ބިމާ ގުޅޭ ހާއްސަ އޮޑިޓެއް ކުރުން.
- އެ އޮޑިޓް ކުރަން އޮޑިޓަ ޖެނެރަލްގެ އެހީއަށް އެދުން.
- ހުޅުމާލޭގެ ބިމުން ވިޔަފާރި ބޭނުމަށް ކުއްޔަށް ނަގާފައިވާ ފަރާތްތަކާ އެކު، ހެދި (ސަބްލީސް އުސޫލުން ކުއްޔަށް ނަގާފައިވާ ފަރާތެއް ނަމަ އެ ފަރާތެއް ވެސް ހިމަނައިގެން) އެއްބަސްވުމުގެ ކޮޕީއެއް އެފްއޭއެމަށް ހޯދަން އާންމު އިއުލާނެއް ކުރުން .
- މާފަންނު ސްޓޭޑިއަމް ސަރަހައްދުގައި އިމާރާތް ކުރުމުގެ އެއްވެސް މަސައްކަތެއް ކުރިއަށްދާ ނަމަ އެ މަސައްކަތެއް ހުއްޓާލަން އާންމުކޮށް އިއުލާންކޮށް އެ ތަނުގައި ނޯޓިހެއް ހަރުކުރުން.
Copyright © 2025 Mihaaru · Terms and Conditions · Privacy Policy
ކޮމެންޓްތައް
މާފަންނު ދަވާދުފާޓާ ސްްޕޯޓްސް ކްލަބް
09 August 2025
ތިޔަ މާޒިޔާ ކޮކީމެން ލައިގެން ކޮން ރިހައެއް ކެއްކޭނީ، އަދީބު ލައްވާ އެމްއެމްޕީއާރުސީ މައްސަލަ ބެލުން ކަހަލަ ކަމެއް.
ކެޕުޓަން
08 August 2025
ތީވަރަށްބިޒީ މަޤާމެކޯ ފީފާއަށް މީޓިންތަކަށްގޮއްސަ މަޖުލީހުގައިންނަވާނެ ވަގުތެއްނުވާނެ. މަހިބަދޫދާއިރާއަށްވާނީ ކިހިނެއްތޯދެން. މަހުލޫފުބުނި ޓާފުދަނޑުތައްއަޅަން ދިންކުންފުނިގާބިލުކަމުންނޯމަސައްކަތްއެކުންފުންޏަށްލިބެނީ ގިނަރަށްތަކުގަ ހުރީއެކަންވެސްނުވެ ހުއްޓިވީރާނާވެފަޔޯލަ.
މެންގްރޫވް
07 August 2025
މާފަންނު ސްޓޭޑިއަމްގަ އިމާރާތެއް ނުކުރިޔަސް ބަޔަކު ކުޅެ އުޅުނު ދަނޑެއް އެއޮތީ ފުލުހުންނަށް ދީފަ. ޓޯކުރާ ވެހިކަލް ވައްދަން. އެތަން އަތުލާފަ ކުޅިވަރު ކުޅޭ ފަރާތްތަކަށް ކުޅެވޭނެ ގޮތް ހެދުމަށް ގޮވާލަން. ޓޯކޮށްގެން ވެހިކަލް ވައްދަން ދޭން ރަނގަޅުވާނެ ރާއްޖޭގެ ކޯޓުތައް ހުންނަތަންތަން ހުސްކޮށްފަ. އަދުލުވެރި، އިންސާފުވެރި ހުކުމެއް ނުކުރެވާ، ޝަރީއަތަށް ހުޅައެޅިފަހުރި މައްސަލަތަކެއްނުނިމޭ. އެހެންވީމާ އެބިންތައް ރަނގަޅުވާނެ ޓޯކުރާ އުޅަނދު ބަހައްޓަން
ޞަމަދޭ
06 August 2025
ކޮން މައްސަލައެއް ޙައްލުވާނީ؟ ޓޮމް އަކީ ތެދު އަލިފެއްކަމަށް ތި ބަލަނީ؟ ސަރުކާރުތެރޭން ތި އުޅޭ އެކަކުވެސް ސަހަލެއް ނުވާނެ ދަރިންނޭ. ތިޔަ ޓޮމްގެ ސަފާރީއެއްނު މ އަތޮޅުގެ ކޮންމެވެސް ރަށެއްގެ ފަރަށް އެރީ؟ ފަރަށް ވީ ގެއްލުމެއްވެސް ނެތް. އެކަން ތަހުގީގު ކުރި އިދާރާއެއްވެސް ނެތް. ބަލަން ތިބޭ، ކުރިއެރުމެއް ލިބިއްޖީޔާ އަލްޙަމްދު ﷲ. އޭރުން ޤަބޫލުކުރެވޭނީ ރަނގަޅު ވެދާނެކަަމަށް.
ޑޭސް8
06 August 2025
ތިކަމެއް ނުވާނެ ! ތީ މާލޭ ގެ ބޮޑެތި މުއްސަދި ބޭފުޅުން ނަށް ދީފަ ހުރި ތަންތަން.... އަތެއް ނުލެވޭނޭ! އައްލައިފިޔާ އެ އަތެއް ފިހޭނީ!
ދުމްމާރި
06 August 2025
ކުންފުނިތަށް ދޫކޮށްފައިވާ ބިންތަކުން ދިގު މުއްދަތަކަށް ޖެހޭ ކުލީގެ ފައިސާ އެޑްވާންސްކޮށް ވެސް އެފްއޭއެމްގެ ކުރީގެ ރައީސް ބައްސާމް އަދީލު ޖަލީލުގެ ދައުރުގައި ނަގާފައިވާ ކަމަށް! އެކަމަކު އެ ފައިސާ އެފްއޭއެމަށް ވަދެފައި ނުވާ ކަމަށް!... އެހެން ވީމަ މިހާރު ކޯޓުން ވެސް ބުނާނެ އެގަރީމަންޓާ ހިލާފް ވެފަ އޭ ތިއޮތީ.. އަވަހައް ކަލޭމެން ތި ކަމުން ސަލާމަތް ވާށޭ!!!
އިހްސާސް
06 August 2025
ޤާނޫނީ ބުރަދަން ހުރި ބޮޑު އެއްބަސްވުންތަކެއް އެފްއޭއެމްގަ ނެތްކަމީ ބަޔަކު ކުރި ބޮޑު ވައްކަމެއް ފޮރުވަން ކުރި ކަމެއްކަމުގައި ނޫނީ ނުވާނެ. އެބަޔަކާމެދު ފިޔަވަޅު އެޅޭނެބާ؟
ހިއްވަރު
06 August 2025
ތި ޚަބަރުގަ އޮތް "ވަރުގަދަ ފިޔަވަޅު" ތަކެއް ނުފެނުނު! އެހެން ނޫނަސް، އަނެއްކާވެސް އާއްމުންގެ ލޮލުގަ އަނދުން އަޅުވާފަ ތެތް ގޯންޏެއް އަޅުވާނީ!
ފައްލޯ
06 August 2025
މިފްކޯ ކަންމަތީ އިން އިމާރާތް ހުނަނަނީ ފަޅަށް ތޯއްޗެއް. އެތާ ތިޔަ ސުކޫލާ އެހެނިހެން ތަންތަން ހަދާބަލަ
ހެހެދޯ
06 August 2025
ތިއަޅާ ވަރުގަދަ ފިޔަވަޅުތަކުގެ ނަތީޖާއަކަށް ވާނީ ބޮޑު ޕެންޓްހައުސްއެއް ނޫނީ ބޮޑު ސަފާރީއެއް ތޯއްޗެ. ދެތިން އަހަރުފަހުން އެނގޭނެ ކޯޗެއްކަން ތިޔަ ފިޔަވަޅުތަކުގެ ނަތީޖާއަކީ.