އަލް އަރާބީ 4-0 މާޒިޔާ
މާޒިޔާ ކޮޅަށް ލަނޑުޖެހުމަށް ފަހު ކުވައިތުގެ އަލް އަރާބީ ދެ ކުޅުންތެރިޔަކު އުފާފާޅު ކުރަނީ: މާޒިޔާ ބަލިކޮށް އަރާބީ ވަނީ އޭއެފްސީ ޗެލެންޖް ލީގުގެ ގުރޫޕް ސްޓޭޖުން ޖާގަ ހޯދާފަ --- ފޮޓޯ: ނިޝާން އަލީ | މިހާރު
12 އޯގަސްޓް 2025 - 17:51
ކުވައިތުގެ އަލް އަރާބީ އަތުން ބަލިވެ، އޭއެފްސީ ޗެލެންޖް ލީގުގެ ގުރޫޕް ސްޓޭޖުން މާޒިޔާ އަށް ފުރުސަތު ގެއްލިއްޖެ އެވެ.
ރާއްޖޭގެ ގައުމީ ފުޓްބޯޅަ ދަނޑުގައި މިއަދު ކުޅުނު މެޗު އަލް އަރާބީ ކާމިޔާބު ކުރީ 4-0 ންނެވެ.
މިދިޔަ އަހަރު މުޅިން އަލަށް ފެށި ޗެލެންޖް ލީގުގައި މާޒިޔާ އާއި އަލްއަރާބީ އަށް ވެސް ގުރޫޕް ސްޓޭޖުން ސީދާ ޖާގަ ލިބުނެވެ. ގުރޫޕް ސްޓޭޖްގައި އަލް އަރާބީއާ ދެކޮޅަށް ކުވައިތުގައި ކުޅުނު މެޗުން މާޒިޔާ ބަލިވީ 2-0 ންނެވެ. މާޒިޔާ އާއި އަލް އަރާބީ ހިމެނުނު ގުރޫޕް ސްޓޭޖް މެޗުތައް ސެންޓްރަލައިޒް އުސޫލުން ކުޅުނީ ކުވައިތުގަ އެވެ.
މާޒިޔާއިން ރަސްމީ އެއްވެސް މުބާރާތެއްގައި ވާދަނުކުރާތާ އަހަރެއް ފަހުން ކުޅުނު ފުރަތަމަ ރަސްމީ މެޗު ފެށިގެން ތިން މިނެޓްތެރޭ އެ ޓީމުގެ މައްޗަށް އަލް އަރާބީން ލީޑް ނެގި އެވެ.
އެ ލަނޑު ޖެހީ އެ ޓީމުގެ ބިދޭސީ ފޯވާޑް އަނޔޯ އައިވޯލާ އެވެ. އަދި ދެވަނަ ލަނޑު 11 ވަނަ މިނެޓްގައި ޖެހީ ބެލްޖިއަމްގެ ޖޫލިއަން ނަގޯއީ އެވެ.
މެޗުގެ ކުރިން މާޒިޔާގެ ކޯޗު ލުއިސްމާ ހެނާންޑޭޒް ބުނެފައި ވަނީ ޑިފެންސްގެ ގޯސްތައް މަދުކުރެވިއްޖެނަމަ، މާޒިޔާ އަށް މެޗުން މޮޅުވުމުގައި ފުރުސަތުތަކެއް ހޯދިދާނެ ކަމަށެވެ. ނަމަވެސް ހީކުރި ވަރަށް ވުރެ އަވަހަށް ބައިކޮޅަށް ވަން ދެ ގޯލާ އެކު މާޒިޔާ އަށް ރަނގަޅު ގޭމެއް ވެސް ނުކުޅެވުނެވެ.
މެޗުގެ ދެވަނަ ހާފުގައި ރަނގަޅަށް ކުޅުނު ވަގުތުކޮޅެއް ދިޔަ އެވެ. އެކަމަކު އެ ރިދަމްގައި އެ ޓީމަށް ނުހިފެހެއްޓުނެވެ.
ދެވަނަ ހާފު ފަށައިގެން 10 މިނެޓް ނުކުޅެވުނީސް މާޒިޔާގެ ކޮޅަށް އަނެއް ލަނޑު ވަނެވެ. އެ ލަނޑު ޖެހީ ކްރިސްޓޮފާ ޖޯން އެވެ. މެޗުގެ 87 ވަނަ މިނެޓްގައި ހުސައިން އަޝްކަނާނީ އަލް އަރާބީގެ ހަތަރު ލަނޑު ޖެހި އެވެ.
އެ ޓީމުގެ ހަތަރު ލަނޑުގެ ތެރެއިން ތިން ލަނޑު ޖެހީ ބިދޭސީ ކުޅުންތެރިންނެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ނުރަބޯ
13 August 2025
ސަމޫހު ކައިރިން ވަރަށް ފަސޭހައިން ބީޓްކޮށްލާފަ ފުރަތަމަ ހާފްގަ 2 ގޯލްވެސް ޖެހީ. މިވަރުގެ މެޗެއްގަ ކެޕްޓަންގެ ފަރާތުން ފެންނަންޖެހޭ ވަރަށްވުރެ ދަށްކުޅުމެއް ސަމޫހުގެ ފަރާތުން ފެނިގެން ދިޔައީ.
ހެހެހެހެހެހެ
13 August 2025
އަވަހަށް ކޯޗް ފޮނުވާލާ!
އުފާ
12 August 2025
ހަމަ ބަރާބަރު.. الحمد لله
ދަވާދޭ
12 August 2025
ދަވާދު ފެކްޓަރީ ބަލިވީ
ވާންޗޯ
12 August 2025
ދިވެހިން ދަނީ ތެޔޮ އެއްޗިސް އާއި ކުޅި އެއްޗެހި ކާލާގެން ކުޅެން، އެހެންވެ މޭ އަންދަނީ، ސިނގަރޭޓް ބޮންޔާ ބުންވަރެއް ނުހުނާނެ
ވާންޗޯ
12 August 2025
ކުރިން ސްޒޭން ކަޑަ ކުރީ ގައުމީޓީމް އައް ނުކުޅެވުނީމަށް، މިފަހަރު ގެސް މާޒިޔާ ކޯޗް ދޯ.
ވާންޗޯ
12 August 2025
ނޭގޭ ބަޔަކަތް ކިތެމެއް މޮޅު ކޯޗެއް ހުރިޔަކަސް ނޭގޭނެ ދޯ، ސްޕީޑު ނެތިފަ އިލާސްޓިކް ގެސް ނުވަނީ، ތެދައް ބުނަޔާ ސްކިލް ވެސް ނެތީ، ނޭގޭ ނޭގޭ
ވާންޗޯ
12 August 2025
ދިވެހިން ގެ ފުޓްބޯޅަ ދަނީ ފަހަތައް، އަސްލު މަޖަލަކަށް ކުޅެން އޯކޭ، ދުނިޔޭ ގަ ލެވެލް ގަ ކުޅޭކަށް ނޭގޭ، ނޭގޭ ނޭގޭ
ވާންޗޯ
12 August 2025
ނޭގޭ ނޭގޭ، ދިވެހިންނަކަށް ފުޓްބޯޅަ ކުޅޭކަށް ނޭގޭ، ދަގަނޑޭ ގެ ރަން ޒަމާން ގަ ތަފާތު ދެކިއް،
މުހައްމަދު ރަޝީދު މަސްކޯ
12 August 2025
ހެހެހެހެ.ނިއު ފުނޑާފަ ކުރިއަށް ދެވިއްޖެތަ؟؟