އެވޯޑް ހަފްލާއެއްގެ ތެރެއިން ރޮނާލްޑޯ (ކ) އާއި މެސީ.-- ފޮޓޯ: އޭއެފްޕީ
14 މާޗް 2019 - 09:43
11 comments
ބާސެލޯނާ (މާޗް 14) - ޔުއެފާ ޗެމްޕިއަންސް ލީގުގެ ކުއާޓާ ފައިނަލުން ޔުވެންޓަސް އަށް ޖާގަ ހޯދައިދޭން ކްރިސްޓިއާނޯ ރޮނާލްޑޯ ދެއްކި ކުޅުމަށް ތައުރީފު ހައްގުވާ ކަމަށް އޭނާއާ އެންމެ ވާދަވެރި ކުޅުންތެރިޔާ ބާސެލޯނާ ތަރި ލިއޮނަލް މެސީ ބުނެފި އެވެ.
ފުރަތަމަ ލެގުގައި ޔުވެންޓަސް ވަނީ އެތުލެޓިކޯ ދަނޑުގައި 2-0 އިން ބަލިވެފަ އެވެ. އެހެންވެ އަންގާރަ ދުވަހުގެރޭ ޔުވެންޓަސް ދަނޑުގައި ކުޅުނު މެޗުން އެ ޓީމަށް އޮތީ ނަތީޖާ ނެރެން މަޖުބޫރުވެފަ އެވެ. އެތުލެޓިކޯގެ މައްޗަށް ޔުވެންޓަސް އިން 3-0 އިން ކުރިހޯދީ ރޮނާލްޑޯގެ ހެޓްރިކުންނެވެ.
އުމުރުން 34 އަހަރުގެ ރޮނާލްޑޯ ދެއްކި ކުޅުމަށް ގިނަ ބަޔަކު ތައުރީފުކުރަމުން އަންނައިރު، ރޭ ލިޔޯން އަތުން 5-1 އިން ބާސެލޯނާ މޮޅުވި މެޗަށް ފަހު މެސީ ވެސް ވަނީ ރޮނާލްޑޯ ދެއްކި ހިތްވަރު ފާހަގަކޮށްފަ އެވެ.
"އެތުލެޓިކޯއާ ދެކޮޅަށް ރޮނާލްޑޯ ވަރަށް މޮޅަށް ކުޅުނު. އަހަރެން ހީކުރީ އެތުލެޓިކޯ ވަރުގަދަ ކުޅުމެއް އެ ދަނޑުގައި ވެސް ދައްކާނެ ކަމަށް. އެހެނެއްނުވި ފެނުނީ ރޮނާލްޑޯގެ އާދަޔާހިލާފު ހިތްވަރަކާއި މޮޅު ކުޅުމެއް،" ރޭ ލިޔޯނާ ދެކޮޅަށް ކުޅުނު މެޗަށް ފަހު މެސީ ބުންޏެވެ.
ރޭގެ މެޗުގައި މެސީ ވަނީ ދެ ލަނޑު ޖެހުމުގެ އިތުރުން ދެ ލަނޑު ޖަހަން ފުރުސަތު ތަނަވަސްކޮށްދީފަ އެވެ. މި ފަހަރުގެ މުބާރާތުގައި މޮޅު ކުޅުމެއް ދައްކަމުން އަންނަ މެސީގެ އެންމެ ބޮޑު އަމާޒަކީ މި ފަހަރުގެ ޗެމްޕިއަންސް ލީގެވެ.
"މުޅި ޓީމު އޮތީ މި ފަހަރުގެ ޗެމްޕިއަންސް ލީގަށް އަމާޒުހިފާފައި. އަހަރެމެންގެ ބޮޑު ޓާގެޓަކީ މި މުބާރާތް،" މެސީ ބުންޏެވެ.
ޗެމްޕިއަންސް ލީގުގެ ކުއާޓާ ފައިނަލުގައި ގުރުއަތުލުން މާދަމާ ކުރިއަށްދާއިރު، މެސީ ދެކޭގޮތުގައި ބާސެލޯނާ އޮތީ ކޮންމެ ޓީމަކާ ދެކޮޅަށް ކުޅެން ޖެހުނަސް ތައްޔާރަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕޮގުބާ
17 March 2019
މެސީއއަށް ރޮނާޑޯ މޮޅުވީވެސް
ނިއުމާާ
14 March 2019
ސާބަހެ މެސީ. މިއީ ޕްރޮފެޝަނަލް މީހުން އުޅޭ ގޮތަކީ. ރައިވަލްރީއަކީ ފޭނުން އަމިއްލައަށް ކްރިއޭޓްކޮށްގެން އުޅޭ އެއްޗެއް
ލ.އަތޮޅޫ
14 March 2019
މެސީ އަސްލު ހާދަ ރުޅިއާދޭ ރެއާލް މެޑްރިޑް ދެކެ....މި ފެއްނަނީ ރޮނާލްޑޯއަށް މިހާރު ތައުރީފުކުރާވަރު......
ހޭޓް
14 March 2019
ކޮން އިރަކުތަ މެސީ ރިއަލް މެޑްރިޑުގައި ރޮނާލްޑޯ ހުށްޓައި އޭނަޔަށް ބަދުބަސްބުނީ. މެސީ ދުވަހަކުވެސް އޭނަޔަކީ އެންމެ މޮޅު ކުޅުންތެރިޔާކަމަކަށް ނުބުނޭ. މެސީއަކީ ހަމްބަލް ކުޅުންތެރިޔެއް.
ކެންޑްރިކް
14 March 2019
ހޭންޑްސް ޑައުން، ޓޫ ލިވިން ލެޖެންޑްސް
ރަގީބު
14 March 2019
މި ފެންނަނީ ޕޮރޮފެޝަލް މީހުންނަކީ!
ރަދީފް
14 March 2019
ރޮނާލްޑޯ އެއީ މޮޅު ކުޅުންތެރިއެއް.100 މިލިއަން ޔޫރޯ ދީފަ އަހަރުމެންގެ ކްލަބުން ރޮނާލްޑޯ ގެނައީ ކޮންމެވެސް ބޭނުމެއްގަ.އަންނަ ހުކުރު ދުވަހު އޮންނަ ޑްރޯގަ ޔުވޭ އަދި ބާސާގެ ކުރިމަތިލުމެއް ނެގިއްޖެނަމަ ވަރަށް ފޯރި ގަދަ ވާނެ.#ފޯޒާޔުވޭ #ވިސްކައެލްބާސާ
މޮހޯ
14 March 2019
ސާބަހޭ ރަދީފް. ކަލޭ ރޮނާއަށް ސަޕޯރޓްކުރަން އެމެޗަށް ސްޓޭޑިއަމަށް ވަންނަންވާނެ. މަދާނަން ބާރސާއަށް ސަޕޯރޓްކުރަން
މަދަރ ކަކާ
14 March 2019
ބާސާއާއި ޖެހިއްޖެނަމަ ޔޫވޭ ޗޮކުންދާނީ. ރޮނާލްޑޯ އަށް އެކަނި ކުޅިވަރު ދެއްކޭނީ އެތްލެޓިކޯ ކައިރީގައި
ޑޮލަރޭ
14 March 2019
މެސީ އެންމެ ފަހުން އެތްލެޓިކޯއާ ދެކޮޅަށް ހެޓްރިކެއް ހެދީ ކޮން ޒަމާނަކުތޯ ބުނެދީބަލަ؟
ޑޮލަރޭގެ ދޮންދަރި
14 March 2019
ޑޮލަރޭއަށް. އެތްލެޓިކޯއާ ދެކޮޅަށް ހެޓްރިކް ހެދުން ވަކި ޚާއްޞަވޭތަ. ކަލޭ އެތްލެޓިކޯގެ ވާހަކަ ބުނުމުން އަހާލަން ބޭނުންވޭ ރޮނާލްޑޯ އެންމެ ފަހުން ބާސާޔާ ދެކޮޅަށް ހެޓްރިކްހެދި ފަހަރެއް. ނުވެސް ހެދޭ.