ތ. ވަންދޫގައި ސިހުރު ހަދާ ކަމަށް ތުހުމަތު ކުރެވޭ މައްސަލައެއްގައި މީހަކު ހައްޔަރުކޮށްފި އެވެ.
އިއްޔެ ހަވީރު ފުލުހުންނަށް ލިބުނު ރިޕޯޓަކާ ގުޅިގެން ހައްޔަރުކޮށްފައިވަނީ 61 އަހަރުގެ ދިވެހި ފިރިހެނެކެވެ.
އެ ރަށުގައި އޭނާ ސިހުރު ހަދާ ކަމަށް ތުހުމަތު ކުރެވޭއިރު، އެ މައްސަލަ ތަހުގީގު ކުރަމުންދާ ކަމަށް ފުލުހުުން ބުންޏެވެ.
ފުލުހުންގެ ރެކޯޑްތަކުން ދައްކާ ގޮތުގައި ސިހުރުގެ ތުހުމަތުގައި މިއީ މިއަހަރު ހައްޔަރުކުރި ދެވަނަ މީހާ އެވެ.
މީގެކުރިން މާލޭގައި ހިންގި އޮޕަރޭޝަނެއްގައި ގެސްޓް ހައުސްއެއްގެ ކޮޓަރިއެއްގެ ތެރެއިން އުމުރުން 63 އަހަރުގެ މީހަކު ސިހުރު ހެދުމާއި ސިހުރު ހެދުމަށް ބޭނުންކުރާ އާލާތް ގެންގުޅޭކަމުގެ ތުހުމަތުގައި ހައްޔަރުކުރި އެވެ.