ކޮރަޕްޝަންގެ ތުހުމަތުވާ ސިންގަޕޫރުގެ ޓްރާންސްޕޯޓް މިނިސްޓަރު އިސްތިއުފާ ދެއްވައިފި

18 ޖެނުއަރީ 2024 - 14:17

ކޮރަޕްޝަންގެ ދައުވާތަކެއް ލިބޭ، ސިންގަޕޫރުގެ ޓްރާންސްޕޯޓް މިނިސްޓަރު އިސްތިއުފާ ދެއްވައިފި އެވެ.

މިނިސްޓަރު އިސްވަރަންގެ މައްޗަށް ކުރެވުނު ކޮރަޕްޝަންގެ ބޮޑެތި ތުހުމަތުތަކާ އެކު މިދިޔަ އަހަރުގެ ޖުލައި މަހު ހައްޔަރުކުރި ނަމަވެސް އޭނާ ހުރީ ކަފާލާތުގެ ދަށުން ދޫކޮށްލައިފަ އެވެ. އެ މައްސަލާގައި ކޮރަޕްޝަންގެ 27 ދައުވާއެއް އޭނާގެ މައްޗަށް ކުރެ އެވެ.

އިސްވަރަންގެ މައްޗަށް ރަސްމީކޮށް މިމަހު ދައުވާ އުފުލުމާ އެކު އޭނާ އިސްތިއުފާ ދެއްވާފައިވާކަން ސިންގަޕޫރުގެ ބޮޑުވަޒީރު ލީ ހިސިއެން ވަނީ މިއަދު ވަނީ އިއުލާން ކުރައްވައިފަ އެވެ.

އިސްވަރަންގެ މައްޗަށް ކުރާ ދައުވާތަކުގެ ތެރޭގައި، އަގުބޮޑު ސްޕޯޓް އިވެންޓެއްގެ ޓިކެޓްތަކެއް ސިންގަޕޫރުގެ މަޝްހޫރު ބިލިއަނަރެއްގެ އަތުން ހޯއްދެވުމުގެ ތުހުމަތު ހިމެނެ އެވެ.

ނަމަވެސް އެ ތުހުމަތުތަކަށް އިސްވަރަން އިންކާރު ކުރައްވަ އެވެ. އަދި ކޮރަޕްޝަންގެ ތުހުމަތު ކުރެވުނު ފަހުން މިހާތަނަށް ލިބިވަޑައިގަތް މުސާރަ އާއި އިނާޔަތްތައް އަނބުރާ ސަރުކާރަށް ދައްކަވާނެ ކަމަށް އޭނާ ވަނީ ވިދާޅުވެފަ އެވެ.

ކޮރަޕްޝަނާ ދެކޮޅަށް ހަރުކަށި ފިޔަވަޅުތަކެއް އަޅަމުންދާ ސިންގަޕޫރުގައި ވަޒީރުންނަކީ ނިސްބަތުން ބޮޑު މުސާރައެއް ލިބިވަޑައިގަންނަވާ ބޭފުޅުންނެވެ.

ކުށްކުރުން ސިންގަޕޫރު ކޮރަޕްޝަން

7 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުރާ

21 January 2024

އިންޑިއާ ދަރިކޮޅުވީމަ ލޭގަ ހުންނާނެ ކޮރަޕްޝަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚޮންޑ

18 January 2024

ބުނަންވަނީ ލޯ ލާރިޔެއްގަވެސް ޖެހިފައެއް ނޯންނާނެ، ސިޔާސީ ދައުވާއެކޭ، މީނަ އަންނަންވީ ރާއްޖެ މިކަން ކުރާގޮއި ދަސްކުރަން. ކޯޓައްވެސް ދާންވާނެ ވަޒީފާއިން ވަކިކުރީމަ ބަދަލުހޯދަންވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުރުބޭ

20 January 2024

ހަމަ 100 ގެ ވާހަކައެއް ތިބުނީ. ކުށްވެރިނުވާގޮތަށް އެކަން ކުރަން ދަސްކުރަން އަންނަންވީ މި ތަނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގިއްޔާ

18 January 2024

މީ ދުނިޔޭގެ ގައުމުތަކުގައި ކަން ހިިގާގޮތަކީ، ހިގަންޖެހޭނެ ގޮތަކީ ކަމަކާ ބެދުނީމާ ރީތި ގޮތުގައި އިސްތިއުފާ ދިނުން. އަހަރުމެންގެ މީހަކު ކޮރަޕްޝަން ހިންގަހިނގާ އޮއްވާ ކޮރަޕްޝަނުންގެ ހާލިން ދެކިއްޕަތީ ހިފަ ދަމާ ނެރުނަސް އެއްބަހެނުވާނެ. އިސްތިއުފާވެސްނުދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަކަރާތް

18 January 2024

އަހަރުމެންގެ އިއްޒައްތެރިއަކަށް ތިކަހަލަ ތުހުމަތެއް އެޅި ޔާގިންވާއިރުވެސް އިސްތިއުފާނުދޭނެ، ހެކިފެނިގެން ރެޑްހެންޑްކޮށް ހިފާއިރުވެސް ބުނާނީ ކޮންވެސްބަޔަކު ޒާތީވެތެގެން އޭނަގެ ސިޔާސީހަޔާތް ދުއްވާލަންވެގެން ގަސްތުގައި ކުރާކަމެކޭ. ރީތިގޮތުގައި އިސްތިއުފާ ދިނުމަކީ ދިވެހިން އެއްގޮތަކަށްވެސް ދަންނަކަމެއްނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަގުޑި

18 January 2024

"އަދި ކޮރަޕްޝަންގެ ތުހުމަތު ކުރެވުނު ފަހުން މިހާތަނަށް ލިބިވަޑައިގަތް މުސާރަ އާއި އިނާޔަތްތައް އަނބުރާ ސަރުކާރަށް ދައްކަވާނެ ކަމަށް އޭނާ ވަނީ ވިދާޅުވެފައެވެ" -------------- ކޮންފަދަ މޫރިތި އިހުލާސްތެރި ހުލްގުހެޔޮ ބަލާޣާތްތެރި ލާމަސީލު މިސާލެއްތޯ... ރާއްޖޭގަ މިއުޅެނީ 100% ކަމާއި ޑިމޮކުރަސީގެ މިސާލެއް ކަމައް ހެދިގެންވެސް އެއްކަމެއްވެސް ނުވެގެން..