ތެހެރާން (ސެޕްޓެމްބަރު 27) – މެދުއިރުމަތީގައި ހިނގަމުންދާ ހަނގުރާމައާ ގުޅިގެން އީރާނުން ބަންދުކޮށްފައިވާ ހޮރްމޫޒް ކަނޑުއޮޅިން އެމެރިކާގެ އަސްކަރީ ސަބްމެރިން ޑްރޯނެއް އީރާނުގެ ރިވޮލިއުޝަނަރީ ގާޑްސް (އައިއާރުޖީސީ) އިން އަތުލައިގެންފައިވާ ކަމަށް އިއުލާނުކޮށްފި އެވެ.
އީރާނުގެ ދައުލަތުގެ ޓީވީ މެދުވެރިކޮށް އައިއާރުޖީސީން ނެރުނު ބަޔާނެއްގައި ބުނީ، މި ޑްރޯން އަތުލައިގަތީ އިންޓެލިޖެންސް އަދި އިލެކްޓްރޯނިކް ވަސީލަތްތައް ބޭނުންކޮށްގެން ހިންގި ކޮމްޕްލެކްސް އޮޕަރޭޝަނެއްގައި ކަމަށެވެ.
އަތުލައިގަތީ 'ރީމަސް 600' މަރުކާގެ އޮޓޯނޮމަސް އަންޑަރވޯޓަ ވެހިކަލް (ޔޫޔޫވީ) އެއް ކަމަށާއި، އެއީ ޖާސޫސްކުރުމުގެ ބޭނުމުގައި ދުއްވަމުންދިޔަ އެއްޗެއް ކަމަށް އީރާނުން ބުނެ އެވެ. އަދި މި ޑްރޯންގައި ހުރި މައުލޫމާތުތައް ދިރާސާކުރުމުގެ މަސައްކަތް މިހާރު އަންނަނީ ކުރަމުން ކަމަށް ވެސް ބުންޏެވެ.
މިއީ މި މަސް ތެރޭގައި ހޮރްމުޒް ކަނޑުއޮޅިން އެމެރިކާގެ ސަބްމެރިން ޑްރޯނެއް އީރާނުން އަތުލައިގަތް ދެވަނަ ފަހަރެވެ.
ފެބްރުއަރީ މަހުގެ ފަހުކޮޅު މެދުއިރުމަތީގައި ފެށި ހަނގުރާމައާ އެކު އީރާނުން ވަނީ، ތެޔޮ އުފުލުމުގައި މުހިންމު ދައުރެއް އަދާކުރާ ހޮރްމުޒް ކަނޑުއޮޅި ބަންދުކޮށްފަ އެވެ. މިކަމަށް ރައްދުދިނުމުގެ ގޮތުން އެމެރިކާއިން ވަނީ އީރާނުގެ ބަނދަރުތައް ބަންދުކޮށްފަ އެވެ. -- އޭއެފްޕީ