އާ ރަންވޭގައި ފައުންޑޭޝަން އެޅުމުގެ މަސައްކަތް ކުރިއަށް ގެންދަނީ.---އެމްއޭސީއެލް ފޮޓޯ
02 ޖޫން 2017 - 23:53
21 comments
މިދިޔަ ފެބުރުއަރީމަހު އިފުތިތާހުކުރި، ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ އާ ރަންވޭގައި އިއްޔެ ފައުންޑޭޝަން އަޅަން ފަށައިފި އެވެ.
ދިގުމިނުގައި 3،400 މީޓަރު ހުންނަ އަދި 60 މީޓަރު ފުޅާ މި ރަންވޭގައި 200 މިލިމީޓަރު ބޯމިނުގައި ފައުންޑޭޝަން އަޅާނެ އެވެ. މިއީ ޗައިނާގެ އެގްޒިމް ބޭންކުން 400 މިލިއަން ޑޮލަރުގެ ލޯނު އެހީގައި އަޅާ ރަންވޭގައި މިހާތަނަށް ކުރި އެންމެ ބޮޑު މަސައްކަތެވެ.
"މިއީ މައިލްސްޓޯނެއް. ފެބުރުއަރީން ފެށިގެން ރަންވޭގެ މަސައްކަތް ކުރިއަށް މިދަނީ. އެކަމަކު މިއީ މި މަޝްރޫއުގެ ދަށުން މިހާތަނަށް ފަށާ އެންމެ ބޮޑު މަސައްކަތް،" މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ އެސޯސިއޭޓް ޖެނެރަލް މެނޭޖަރު ހަސަން އަރީފް ވިދާޅުވި އެވެ.
ފައުންޑޭޝަނުގެ މަސައްކަތް ފެށީ ރަންވޭގެ ފަސްގަނޑު ކޮމްޕެކްޓް ކުރުމަށް ފަހު އެވެ.
ވެލާނާ އިންޓަނޭޝަނަލް އެއާޕޯޓުގެ އާ ރަންވޭގައި ފައުންޑޭޝަން އެޅުމުގެ ކުރިން ފަސްގަނޑު ކޮމްޕެކްޓް ކުރަނީ: މިއީ މިހާތަނަށް އެތަނުގައި ކުރި އެންމެ ބޮޑު މަސައްކަތް.---އެމްއޭސީއެލް ފޮޓޯ
ހަސަން ވިދާޅުވި ގޮތުގައި އެންމެ ފުރަތަމަ ސިމެންތި އަޅާނީ 270 މިލިމީޓަރުގެ ބޯމިނުގަ އެވެ. އޭގެ ފަހުން 200 މިލިމީޓަރާ ހަމައަށް ސިމެންތި ކޮމްޕެކްޓު ކުރުމަށް ފަހު، އޭގެ މަތިން ހަތަރު ލޭޔަރު އަޅައި ލެވެލް ކުރާނެ ކަމަށް އޭނާ ވިދާޅުވި އެވެ.
އެމްއޭސީއެލް އިން ވަނީ ވެލާނާ އިންޓަނޭޝަނަލް އެއާޕޯޓަށް ޖައްސާ ހުރިހާ އުޅަނދުތައް ތަމްސީލު ކުރާ އެއާލައިންސް އޮޕަރޭޓާ ކޮމިޓީ (އޭއޯސީ)އަށް އެއާޕޯޓު ދައްކާލައި، އެތަނާ ގުޅޭ ޕްރެޒެންޓޭޝަނެއް ވެސް ދީފަ އެވެ.
ދުނިޔޭގައި މިހާރު ގެންގުޅޭ އެންމެ ބޮޑެތި މަތިންދާބޯޓު ކަމަށްވާ އެއާބަސް އޭ 380 މަރުކާގެ ބޯޓު ވެސް ޖެއްސޭ ގޮތަށް ހަދާ އާ ރަންވޭގެ ބިން ހިއްކުމުގެ މަސައްކަތް ފެށީ މިދިޔަ އަހަރުގެ ޖުލައި 25 ވަނަ ދުވަހު އެވެ. އާ ރަންވޭގެ އިތުރުން މި މަޝްރޫއުގައި 45 މިލިއަން ލީޓަރުގެ ތެޔޮ ރައްކާކުރެވޭނެ ފިއުލް ފާމަކާއި 120،000 ޓަނުގެ ކާގޯ ފެސިލީޓީއެއް ހެދުން ވެސް ހިމެނެ އެވެ. އާ ރަންވޭ އަޅާ ބީޔޫސީޖީން ބިން ހިއްކަން ފެށީ އެއް ޑްރެޖަރުންނެވެ. އަދި އެ ޕްރޮޖެކްޓަށް ފަހުން އިތުރު ދެ ޑްރެޖަރު ގެނެސް، އެއް ފަހަރާ ތިން ޑްރެޖަރުން އަންނަނީ ބިން ހިއްކަމުންނެވެ. މި މަސައްކަތް ނިމޭއިރު، އެއާޕޯޓުގެ ބިމަށް ގާތްގަނޑަކަށް 30 ޕަސެންޓް ނުވަތަ 62 ހެކްޓަރު އިތުރުވެގެން ދާނެ އެވެ. މި މަޝްރޫއު ނިމި، އާ ރަންވޭ ހުޅުވުމަށް ހަމަޖެހިފައި ވަނީ އަންނަ އަހަރު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސސ
05 June 2017
މިވެލާ އެއާރޕޯޓް ކޮންމެހެން މިހާ ބޮޑުކުރަން ޖެހޭތޯ! ހަމަ ހައްޑޫ ގަން އެއާރޕޯޓްވެސް ރަގަޅުފެން ވަރަކަށް ހަދާފަ އެތަނުންވެސް ފަތުރުވެރިން ރިސޯޓް ތަކަށް ދެވޭގޮތަށް ހެދިދާނެ އޭރުން ވެލާ އެއާރޕޯޓަށްވެސް ބާރު ބޮޑު ނުވެ ދެ އެއާރޕޯޓް އެކުއެކީ އެއްފެންވަރެއްގައި އޮޕަރޭޓް ކުރުމުން ބޮޑެތި ފައިދާވާނެ މުޅި ޤައުމަށް!
ޕޮކަންޑި މޭން
04 June 2017
މިހުންނަނީކީ އެހެން ވެރިންނަށް ކުރެވޭ ޒާތުގެ ކަންކަމެއް ނޫން. އިންޑިޔާއަށް އެއާޕޯޓް ވިއްކާނުލައިވެސް އެތަން ތަރައްޤީ ކުރެވޭނެކަން ރައީސް ޔާމީން ސާބިތުކޮށްދީފި. #ޔާމީން2018
ދީދީ
04 June 2017
މި ޕުރޮޖެކްޓުން ރާއްޖޭކެ އިކޮނަމީ ތެރެއައް ވަންނަނީ ކިހާ ފައިސާ އެއްތޯ. ނޫނީ ހުރިހާ މަސައްކަތެއް ކުރަނީ ބޭރު ކުންފުންޏަކުންތޯ ވެސް އަހާލަން ބޭނުން.
1234
03 June 2017
އަދިވެސް އެއަރ ބުރިޖެއް އެޅޭވަރެއް ނުވޭތަ؟ ކަކޫތަކާ ތަންތަން ގޮވާފަ ތިބޭ މީހުން އަދިވެސް ބޯޓަށް އަރާ ފައިބަން މިޖެހެނީ ފޮށި ތަންމަތި ކޮނޑަށް ލައިގެން އެއް އަރިއަކަށް އޮވެގެން.
ހަބީބު
03 June 2017
ކިތަންމެ ބޮޑު ރަންވޭ އެއްއެޅިޔަސް 2018 ޔާމިނު ދާންޖެހޭނީ ހަމަގެޔައް މަގޭއަތޮޅާ ރަށުގަ 2 އަަރުން އެއާޕޯޓު އަޅަންބުނެ އެކަންނުކޮއް ވޯޓުބަލާ ނާންނާތި
ބިމަށް
03 June 2017
ގިނަ ދުވަހަށް ދެމިހުންނާނެ ގޮތަށް ސަލާމަތާ ރައްކައުތެރިކަމަށް ބަލައިގެން ދޯހޮޅި ނޫންގޮތަށް ކުރެވެންޏާ ރަނގަޅު ވެއްޖެ
އަލްޖިބްރާ
03 June 2017
އާ ރަންވޭގެ ފައުންޑޭޝަންގެ މަސައްކަތާއެކު މިޤައުމަކީ ޗައިނާގެ ބައެއްކަމަށް ހެދުމުދެ ފައުންޑޭޝަންވެސް އަލަން ފެނޭ !
މަހަށްދޭބަލަ
03 June 2017
ކޮބާ މިއޮތީ ލޯން ނުނަގާ މަމެން ޕިންކީން ވެލާނާ އެއާރޕޯރޓް ސިންގަޕޯރގެ ޗަންގީ އެއާރޕޯރޓް ފެންވަރަށް މިހަދާލަނީ އެމްއޭސީއެލް އިން. ރަންރީނދޫ ބޮޑޭ ބުނި އެއާރޕޯރޓް ނެހެދޭނެއޭ. ނެހެދޭ ތޭ. ހެދޭ ދޯ. ރަންރީނދުލޭ މެން ދެން މަހަށް ދޭބަލަ ދޯ. މަހަށް މަހަށް މަހަށް ދޭބަލަ.
ރައްޔިތުން
03 June 2017
1 ބިލިޔަން ޑޮލަރުގެ ބޮޑު ލޯޞެއް ނަގާ ދަރިންގެ ދަރިންވެސް ދަރުވާފަ ހަމައެކަނި މާލޭ އެއަރޕޯޓް އެއަޅަނީ.. މަމެން އަތޮޅުތަކުގެ ރައްޔިތުންވެސް ޒިންމާވޭ އެ ބިޔަ ލޯނަށް އެކަމު ހަރާން މަމެންނަށް އެއަރޕޯޓުގަނޑެއް އަދި ނުކިބޭ މިސަރުކާރުގަ..ކޯޑިނޭޓަރުން މެން ތިހެން އަދި އޮޅުވާލަން އުޅުނަކަސް މަމެންނަކަށް ނޯޅޭނެ..
އަޒާ
03 June 2017
ރައްޔިތުމީހާ، ސަރުކާރުތަކުން މިހާތަނަށް ނެގި ކިތައްލޯނަށް ކިހާ ފައިސާއެއް ދައްކައިފިންތަ..؟؟؟ އެހެންމީހުންނުދޭ ކިހާ ފައިސާއެއް ދެއްކިގެން ތި އުޅެނީ. ދެން އެއާރޕޯރޓް އެޅީމާ އެތަނުގެ ބޭނުންކުރަނީ ކޮންބައެއް.. ؟ ބޯގޯސް ވާހަކަ..
ލޯނު
03 June 2017
އާދެ ލޯނެއް ވާ ނުނަގާ
ޢަހުމަދު
03 June 2017
400 މިލިއަން ޑޮލަރުގެ ލޯނެއް މިމަސްރޫއަށް ނެގި އަދި މުޅި އެއަޕޯޓް މަސްރޫއަށް 800 މިލިއަނަށް ވުރެ ގިނައިން ލޯނު ނަގާ ދެން އެހެންވީމަ މަމެން ލޯނެއް އެތްގޮތަކަށްވެސް ނުނަގާތާ ؟
ނައީމް
03 June 2017
އެއީ އަބުރާ ދައްކާގޮތަށް ދޫކުރެވޭ ދަރަންޏަށް ކިޔާ ނަމެއް
ޓޮމާޓޯ
03 June 2017
ޢެކްސިމް ބޭންކުގެ 400 މިލިޔަން ގެ ލޯނު އެހީ . ކޮބައިތޯ ލޯނު އެހީ ޔަކީ
ތަރައްގުއި
03 June 2017
މަށަށް ހީވަނީ އިންޓަރަސްޓު ދައްކަން ނުޖެހޭ، އެކަމު ދަރަންޏަށް ނެގި އަސްލު އަދަދު އަނބުރާ ދައްކަންޖެހޭ ލޯނުހެން އެއީ. ނޫނީ އެއީ އަނެއްކާ ކޮންސެޝަނަލް ލޯނުތަ، އިންޓަރެސްޓު ކުޑަ؟ ނަމަވެސް މިއީ ހީވާ އެއްޗެއް. ލޯނާ އެހީ އާ އެއްވީމަ މާނަ ކުރަން ވަރަށް އުނދަގޫ ހަމަ. އިނގޭ އެދުރަކު ކިޔާލަދިނުން ރަނގަޅު. މިހެން ހީއެއްގައި ތިބޭކަށް ނުޖެހޭނަ އޭރަކަށް
އޮޅުވާލުން
03 June 2017
"އެހީ" މިއީ އާންމު ދިވެހިންގެ ބޮލަށްލުމަށް ގެންގުޅޭ އޮޅުވާލުމުގެ އަކުރުތައް؛ 1 - ހިލޭ އެހީ - އަނބުރާ ދައްކަން ނުޖެހޭ އެއްޗެއް 2 - ލޯނު އެހީ - މިއީ އަނބުރާ ދައްކަންޖެހޭ ދަރަންޏެއް 3- ކްރެޑިޓް ފެސިލިޓީގެ އެހީ - އަނބުރާ ދައްކަންޖެހޭ ދަރަންޏެއް