އަހަންނަކީ ހަކުރު ބައްޔަށް ފަރުވާ ހޯދާ މީހެއް: ނިކް ޖޯނަސް

ނިކް އާއި ޕްރިޔަންކާ: ދެ މީހުން އަންނަނީ ކައިވެންޏަށް ތައްޔާރުވަމުން.

އަހުމަދު އަދްޝަން، މިހާރު

18 ނޮވެމްބަރ 2018 - 08:00

މީގެ 13 އަހަރު ކުރިން ހަކުރު ބަލީގެ ޝިކާރައަކަށްވެ، އެ ބައްޔަށް ފަރުވާ ހޯދަމުން އަންނަ ކަމަށް ބަތަލާ ޕްރިޔަންކާ ޗޯޕްޅާގެ ވާން އުޅޭ ފިރިމީހާ، އެމެރިކާގެ ލަވަކިޔުންތެރިޔާ ނިކް ޖޯނަސް ބުނެފި އެވެ.

ހަކުރު ބަލީގެ ދުވަހާ ގުޅުވައިގެން އިންސްޓަގާރާމްގައި ހިއްސާކުރި ޕޯސްޓެއްގައި 26 އަހަރުގެ ނިކް ބުނީ އޭނާ ޓައިޕް 1 ޑައިބެޓީޒްގެ ޝިކާރައަކަށްވެ، ވަރަށް ބޮޑަށް ބަރުދަން ވެސް ލުއިވެ، މީހާ ހިކުނު މީހަކަށެވެ.

ނަމަވެސް މިހާރު ދުޅަހެޔޮ ދިރިއުޅުމެއް އުޅެނީ ދިރިއުޅުމުގެ ވައްޓަފާޅި އަށް ގެނައި ހެޔޮ ބަދަލުތަކާ އެކު ކަމަށް ބުންޏެވެ.

"އަހަރެން މިހާރު ހުރީ ވަރަށް ރަނގަޅު ހާލަތެއްގައި އަދި ވަރަށް އުފާވެރިކޮށް މިއުޅެނީ،" އޮގަސްޓް މަހު 18 ގައި ޕްރިޔަންކާއާ އެންގޭޖްވިކަން އިއުލާން ކުރި ނިކް ބުންޏެވެ.

View this post on Instagram

13 years ago today I was diagnosed with type 1 diabetes. The picture on the left is me a few weeks after my diagnosis. Barely 100 pounds after having lost so much weight from my blood sugar being so high before going to the doctor where I would find out I was diabetic. On the right is me now. Happy and healthy. Prioritizing my physical health, working out and eating healthy and keeping my blood sugar in check. I have full control of my day to day life with this disease, and I’m so grateful to my family and loved ones who have helped me every step of the way. Never let anything hold you back from living your best life. Thank you to all my fans for your kind words and support. Means more than you know. Love you all. #grateful #diabetes #livebeyond #fbf

A post shared by Nick Jonas (@nickjonas) on Nov 16, 2018 at 9:56pm PST

ނިކްގެ ޕޯސްޓް.

އޭނާ ބުނި ގޮތުގައި ރަނގަޅު ކާނާ ކެއުމާއި ކަސްރަތު ކުރުން ފަދަ ކަންކަމަކީ މިހާރު ދިރިއުޅުމުގެ ވަރަށް މުހިއްމު ބައެކެވެ. އަދި ކޮންމެ މީހަކަށް ވެސް އެ މީހެއްގެ އަމިއްލަ ދިރިއުޅުން ކޮންޓްރޯލް ކުރެވޭނެ ކަމަށް ބުންޏެވެ.

"ހަކުރު ބަލި ހުއްޓަސް އަހަންނަކީ އަހަރެން ކުރަން ބޭނުންވާ ކަންތައްތަކާއި ހާސިލު ކުރަން ބޭނުންވާ ކަންކަމުގައި އެއްވެސް ހުރަހެއް ނެތި ކުރިއަށްދާ މީހެއް. އަހަރެން ވަރަށް އުފާކުރަން އާއިލާ އާއި ރައްޓެހިންގެ ފަރާތުން ލިބޭ އެހީތެރި ކަމަށްޓަކައި،" ޖުމާންޖީ: ވެލްކަމް ޓު ޖަންގަލް" އާއި "ގޯޓް" ފަދަ ފިލްމުތަކުގައި އެކްޓް ވެސް ކޮށްފައިވާ ނިކް ބުންޏެވެ.

View this post on Instagram

A post shared by Nick Jonas (@nickjonas) on Oct 16, 2018 at 12:56am PDT

ނިކް، ޕްރިޔަންކާއާ އެކު.

ހަކުރު ބައްޔަށް ފަރުވާ ހޯދާ ކަމަށް ނިކް ބުނެފައިވާ އިރު، ވާން އުޅޭ އަނބިމީހާ އަދި އިންޑިއާގެ މަޝްހޫރު ބަތަލާ ޕްރިޔަންކާ، 36، އަކީ ވަރަށް ބޮޑަށް ނޭވާ ހިއްލުމުގެ މައްސަލަ ހުންނަ މީހެއްކަން ފާހަގަކޮށްލެވެ އެވެ.

ދާދި ފަހުން އޭނާ ދިން އިންޓަވިއުއެއްގައި ބުނީ ބައްޔެއް ހުރުމަކީ މީހާގެ ކާމިޔާބީ އަށް ހުރަސް އަޅާނެ ކަމެއް ނޫން ކަމަށާއި ކާމިޔާބަކީ ހިތްވަރާ އެކު މަސައްކަތް ކުރާ މީހުންގެ ހައްގެއް ކަމަށެވެ.

ރިޕޯޓްތައް ބުނާ ގޮތުން ޕްރިޔަންކާ އާއި ނިކް ކައިވެނި ކުރާނީ އަންނަ މަހުގެ 2 ގަ އެވެ.

ބޮލީވުޑް ހޮލީވުޑް ޕްރިޔަންކާ ޗޯޕްރާ ހަކުރު ބަލި

2 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

‫ހެލްމެޓް ރައީސް

18 November 2018

‫ހަމިލް އަށް ބުނެލަން. މިއުޅެނީ ހިލޭބަހާލަން 5000 ހެލްމެޓް ގަންނަން. އެތަކެތި ގަނެފަ އަދި ދޮންކެޔޮ ބަހާފަ ބާކީ ހުރިއްޔާ ހަކުރު ޓެސްޓް ސްޓްރިޕްސް ހޯދައިދިނުމާމެދު ވިސްނާނަން އިނގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމިލް

18 November 2018

ރުފިޔާ ހުރެގެން ހަކުރުބައްޔަށް އެކަށީގެންވާ ފަރުވާ ލިބޭނީ..ކީއްކުރާނީ މިއުޅެނީ ހަކުރު ޓެސްޓްކުރާ ސްޓްރިޕްވެސް ނުލިބިގެން..އެހާ އަގުބޮޑު އާސަންދައިން ނުލިބޭ..ހަކުރު ކޮންޓްރޯލްކުރަން އެއްމެ ފަސޭހަ ޕަމްޕްވެެސް އެހާ އަގުބޮޑު ފައިސާހުރި މީހުނަށް ތިކަންވާނީ..ސަރުކާރުތަކުންވެސް މެންބަރުން ގަނެލާނެ މިލިއަނުން ރުފިޔާ ދީފަ.. މިފަދަ ބަލިތަކަށް ފަރުވާލިބެންޖެހޭ މީހުނަކީ އަޅާލާ ބައެއްނޫން..