"އެހެނަސް 2" ގައި ރިޝްމީ ފެންނާނެ ގޮތް.
04 ޖޫން 2020 - 18:42
10 comments
މިދިޔަ އަހަރު ގެނެސްދިން ވެބް ސީރީޒް "އެހެނަސް" ގެ ދެވަނަ ސީޒަން މި މަހުގެ 18 ގައި ޕްރިމިއާކުރާ ގޮތަށް ނިންމައި، އޭގެ ޓްރެއިލާ ދައްކާލައިފި އެވެ.
ރަވީ ފާރޫގް ޑައިރެކްޓްކޮށް، ގެނެސްދޭ ސީރީޒް ބެލޭނީ ބައިސްކޯފް އެޕުންނެވެ. "އެހެނަސް" އަކީ ލިޔުންތެރިޔާ އަހުމަދު އިބްގާލް (އައިކިއު) 2012 ގައި ނެރުނު ވާހަކަ "އެހެން ނަމަވެސް ހަމަ ލޯބިވެޔޭ" އަށް ބިނާކޮށް ގެނެސްދޭ އެއްޗެކެވެ. ސީރީޒްގެ ސްކްރީން ރައިޓަރަކީ ވެސް އައިކިއު އެވެ.
މީގައި ކިޔެނީ ކުޑައިރުއްސުރެ ގެވެށިއަނިޔާ އާއި ޖިންސީ ގޯނާގެ ޝިކާރަކައަކަށްވެފައިވާ ޒުވާން ފިރިހެނެއްގެ ވާހަކަ އެވެ. "އެހެނަސް" ގެ ފުރަތަމަ ސީޒަނަށް ވެސް ބެލުންތެރިންގެ ބޮޑު ތަރުހީބެއް ލިބިފައިވާ އިރު، ދެވަނަ ސީޒަންގެ ޓްރެއިލާ އިން ވެސް ފެންނަ ގޮތުގައި މީގެ ކުރިއަށް ހުރި ވާހަކަތައް ވަރަށް ޝައުގުވެރިވާނެ އެވެ.
"އެހެނަސް" ގެ މައިގަނޑު ރޯލަކީ ނިޔާގެ ކެރެކްޓާ ކުޅޭ މުހައްމަދު ވިޝާލެވެ. އަދި އޭނާއާ އެކު ކުރީގެ ސީޒަނުން ފެނުނު މައިގަނޑު ކާސްޓާ އެކު ދެވަނަ ސީޒަނުން އިތުރު މޫނުތަކެއް ވެސް ފެނިގެންދާނެ އެވެ. އޭގެ ތެރޭގައި އާ މޫނުތަކެއް ވެސް ހިމެނެ އެވެ.
"އެހެނަސް" ސީޒަން ދޭއްގެ އެންމެ ހާއްސަ އެކަކަށް ވާނީ ފުރަތަމަ ސީޒަން ނިންމައިލި ނިޔާ ކައިވެނިކުރި ޝާއިރާގެ ކެރެކްޓާ އިން ދައްކައިލި މަޝްހޫރު ބަތަލާ އައިޝަތު ރިޝްމީ އެވެ. މި ސީރީޒަކީ 2017 ގެ ފިލްމު "ވިޝްކާ" އިން ރިޝްމީ އަށް ސާކް ފިލްމު ފެސްޓިވަލްގެ އެންމެ މޮޅު ބަތަލާގެ މަގާމު ލިބުނު ފަހުން، އޭނާގެ އެކްޓިން ބޮޑު ރޯލަކުން ފެންނާނެ ފުރަތަމަ ފަހަރެވެ.
ފުރަތަމަ ސީޒަން 10 އެޕިސޯޑުން ނިންމައިލި އިރު، "އެހެނަސް" ގެ ވާހަކައިގެ ކުރިއަށް ހުރި ބައިތަކާ އެކު 10 އަށް ވުރެ ގިނަ އެޕިސޯޑް ދެވަނަ ސީޒަނުން ގެނެސްދޭނެ އެވެ. އަދި ކުރީ ފަހަރަށް ވުރެ މި ފަހަރު އެޕިސޯޑްތަކުގެ ވަގުތު ވެސް ދިގުވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަލީ
05 June 2020
ރިޝްމީގެ ހުންނާނެ ވަރަށް ފޮނި ގޮތެއް ..
ކަބީރު
05 June 2020
އަވަހާ ރިލީޒްކޮއްބަަލަ. ތީގަ އުޅޭ ލީން ބަލާ ހިތުން ކެތްމަދުވެފަ މިހުރީ. ވަރަށް މޮޅު ލީން. ނިޔާޒް ގެ ރޯލް ކުޅުން ކުއްޖާ ނޫން އެންމެން ވަރަށް މޮޅު. އާ ކުދިންތަކެކޭ ބުނާހާވެސް ނުވޭ. ނިޔާޒް ދެން ބައެއް ސީން ތަކުގަ ވަރަށް މޮޅު
ޒިންދު
05 June 2020
އަސްލު ތި ޒީރީޒް އެންމެ ކަުދިޔަ އެއްސަބަބަކީ މުޅިން އާ ކުދިން އުޅުން. އަލަކަސް އެކްޓިންގް އަށް ހަމަ ސްޕާބް. ދެން މީގެތެރެއަށް ރިޝްމީ އައިމަ ކަޑަ. ރިޝްމީއަށްވުރެ ތި ރޯލަށް މާ ކަމުދާ މީހުން އެބައުޅޭ.
މޯޑް
05 June 2020
ފުޓޯ ފެންނަ ގޮތާއި ފޭސް ފޭސް ކޮށް ފެންނަ ގޮތް މި މަންޖެ ހާދަ ތަފާތޭ. މޭކަފްކުރިޔަސް ބޮނޑް ވަރުތީ
ބިންމާނު
05 June 2020
އަސްލުވެސް ރިޝްމީ ބޭރުކުރޭ
ރައުޑީ ރާ ތޯރު
04 June 2020
ދިޔާނާ ތިބުނީ ހެޔޮކޮށް. ރިޝްމީ އައިމަ ވައިވެއްޖެ. އަސްލި ރިޝމީއަކީ ވަރަށް މޮޅު އެކްޓްރެސްއެއް. އެކަމް މި ރޯލަށް ކަމުދަނީ ވަރަށް ޅަ ކުއްޖެއް. އެއީ ނިޔާވެސް ފެންނީ ވަރަށް ޅަކޮށް. މިހާރު ހީވާނީ ނިޔާ ބޮޑު މުސްކުޅިޔަކާ އިނދެގެން އުޅެނިއްޔޭ. އެހެނަސް މި ރޯލު ރިޝްމީ ވަރަށް ފުރިހަައަށް ކުޅޭނެ ކަުގެ ޔަގީންކަން އެބޮތް
ގުލާބު ކަލޭގެ
04 June 2020
މިހިރަ ވާނުވާ ނޭނގެ އިންސިއާ އެ ވާހަކައިގަ ނިޔާ އިންނާނި އުމުރުން އެތައް އަަހަރެއް ދޮށީ މީހަކާ. ޢެއީ ލޯބިން ކުރާ ކައިވެންޏެއްވެސް ނޫން
ދިޔާނަ
04 June 2020
އެހެނަސްއަކީ ބައިސްކޯފުން އަހަރެން ބެލި އެއްމެ ރީތި ސީރީޒް. ހުވާއަށްވުރެވެސް މާ ރީތި. 2 ވަނަ ބއި ވަރަށް ރީތިވާނެ. އެކަމް ސީސަން1 ނިމެނިކޮށް ރިޝްމީ މީގެ ތެރެއަށް ވަނީމަ މުޅިން ފޫހިވެއްޖެ. ސީސަން2 ނުބަލާނަން
ގުލްކަނދު
04 June 2020
އަޅޭ ތިލިބުނީ ލައްކަ ގެއްލުން. އަޅޭ ފޫނުބެއްދޭވަރު ބޮޑު ގެއްލުމެއް. ކިހާ ބަޔަކު ބަނޑަށް ޖެހޭނެ ތިހެން ނަހަދާ. ބަލާ. ޢަޅެ ބަލާ.
ގުލްނޫން ކަދު
05 June 2020
ބަަލަ ދިޔާނަގެ ކޮމެންޓްގައެއް ނެތޭ އޭނަ އެ ސީރީޒް ނުބެލީމަ ބަޔަކަށް ގެއްލުވާނެއެކޭ. އޭނަގެ ވިވް ބުނެފަ އެއޮތީ. އެކި މީހުނަށް ކަމުދާނީ އެކި މީހުން. ރިޝްމީ އަކީވެސް ބޮޑު ފޭން ބޭސްއެއް އޮތް އެކްޓްރެސްއެއް