11 ޖުލައި 2020 - 07:44
7 comments
ބޮލީވުޑްގައި ނެޕޮޓިޒަމްގެ ބަހުސް މީގެ ކުރިން ނުވާހާ ބޮޑަށް ހޫނުވެފައި ވަނިކޮށް، މަޝްހޫރު އެކްޓަރު އަމީތާބް ބައްޗަންގެ ކާފަ ދަރިއަކު ވެސް ބޮލީވުޑަށް ނުކުންނަން ތައްޔާރުވާން ފަށާފައިވާ ކަމަށް ރިޕޯޓްތައް ބުނެފި އެވެ.
މުމްބާއީ މިރާ އިން ރިޕޯޓްކޮށްފައިވާ ގޮތުގައި އަމީތާބްގެ އަންހެން ދަރިފުޅު ޝްވޭތާ ބައްޗަންގެ ފިރިހެން ދަރިފުޅު އަގަސްޓިއާ ނަންދާ ދެން މާ ގިނަ ދުވަހެއް ނުވެ، ފިލްމީ ކުޅެން ފަށާނެ އެވެ. އެ ނޫހުން ބުނި ގޮތުގައި 19 އަހަރުގެ ޒުވާނާ އަށް މިހާރު ވެސް ވަރުފަދަ ޕްރޮޑަކްޝަން ހައުސްތަކަކުން ހުށަހެޅުންތަކެއް ލިބިފައިވާތީ އެ ހުށަހެޅުންތަކާ ދޭތެރޭ އަގަސްޓިއާ އަންނަނީ ވިސްނަމުންނެވެ.
ރިޕޯޓްތައް ބުނާގޮތުން އޭނާގެ މަންމަ އާއި އަދި މުޅި ބައްޗަން އާއިލާއާ ވެސް ގާތް ގުޅުމެއް އޮންނަ ކަރަން ޖޯހަރްގެ ފިލްމު ކުންފުނި ދަރުމާގެ ފިލްމަކުން އަގަސްޓިއާ ބޮލީވުޑަށް ތައާރަފުކޮށް ދިނުމުގެ ޝައުގުވެރިކަން ވެސް ފާޅުކޮށްފައިވެ އެވެ.
ބައްޕަ އާއި މަންމަ ޖާޔާ ބައްޗަން އާއި ކޮއްކޮ އަބީޝެކް ބައްޗަން ފިލްމީ ދާއިރާގައި މަސައްކަތްކުރި ނަމަވެސް ޝްވޭތާ އަކީ އަބަދު ވެސް ފިލްމީ ކަންކަމާ ވަރަށް ދުރުގައި އުޅޭ މީހެކެވެ.
ލިޔުންތެރިއެއްގެ ގޮތުގައި މަސައްކަތްކުރާ ޝްވޭތާގެ ފިރިހެން ދަރިފުޅު ބޮލީވުޑަށް ނުކުންނަން އުޅޭ ވާހަކަ ތިލަވެފައިވާ އިރު، ދޮށީ އަންހެން ދަރިފުޅު ނަވިއާ ނަވޭލީ ނަންދާ، 23، އަކީ ފިލްމީ ދާއިރާ އަށް ޝައުގުވެރިކަން ދޭ މީހެއް ނޫނެވެ. އޭނާ އެމެރިކާގެ ފޯދަން ޔުނިވަސިޓީން ގްރެޖްއޭޓްވީ މި އަހަރު އެވެ.
އަގަސްޓިއާ އާއި ނަވިއާގެ ބައްޕަ އަކީ މަޝްހޫރު ކަޕޫރްގެ ޚާންދާނުގެ މައި އެއް ތަނބު ކަމަށްވާ ކުރީގެ މަޝްހޫރު އެކްޓަރު ރާޖް ކަޕޫރްގެ ދަރިއެއް ކަމަށްވާ ރީތޫ ނަންދާ އެވެ. ރީތޫ ވަނީ ޖެނުއަރީ މަހު މަރުވެފަ އެވެ.
ދެ ފަރާތުގެ އާއިލާ އަކީ ވެސް ބޮލީވުޑްގެ ނުފޫޒު ގަދަ ދެ އާއިލާއަށްވާތީ އަގަސްޓިއާ އަށް ފިލްމީ ދާއިރާ އިން ކުރިއަށްދާ މާ ބޮޑު ކަމަކަށް ނުވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެދުމާފަންނު މެދުހެންވޭރު
11 July 2020
އަމީޗާބުގެ ދޮން ދަރިޔަކު ނޫޅޭތަ ބޮލީވުޑުގައި؟
އަރުހަމް
11 July 2020
"އަގަސްޓިއާ އާއި ނަވިއާގެ ބައްޕަ އަކީ މަޝްހޫރު ކަޕޫރްގެ ޚާންދާނުގެ މައި އެއް ތަނބު ކަމަށްވާ ކުރީގެ މަޝްހޫރު އެކްޓަރު ރާޖް ކަޕޫރްގެ ދަރިއެއް ކަމަށްވާ ރީތޫ ނަންދާ އެވެ. ރީތޫ ވަނީ ޖެނުއަރީ މަހު މަރުވެފަ އެވެ." ތަންކޮޅެއް ބަލާފައި ލިޔެލާ މިކަހަލަ ޚަބަރު ލިޔަންޏާ! ރީޓޫ (ކަޕޫރު) ނަންދާ އަކީ އަމީތާބުގެ ދަރިފުޅު ސްވޭތާ ބައްޗަންގެ ފިރިކަލުން ނިޚިލް ނަންދާގެ މަންމަ! އެހެންވީމާ އަގަސްޓްޔާ ބައްޕަ އަކީ ނިޚިލް ނަންދާ! ރީޓޫ އަކީ ބައްޕަ ފަރާތުގެ މާމަ!
ނެތެއްނުން ސަލާ މަތެއް
11 July 2020
އަހަރެންވެސް އަޅައިގަތް . ހީވީއެދެކުދިންގެ ބައްޕަ މަރުވިއްޔޭ . ދެރަވި .
އަރުހަމުއްރާހިމު
11 July 2020
ހައުދަހާވަރަކަށް ޚާންދާން ދަސްކޮށްގެން ތިއުޅެނީ، ބަލަގަ ޚާންދާނަކުން މީހަކަށް ލިބޭނެ މޮޅުކަމެއްނެތް
ރީޓޫ
11 July 2020
ޢަދުށަނޫ! ރީތޫ ނަންދާ އަކީ މާމަ. ބައްޕަ އެެއް ނޫން. ލޮލް. ާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާާ. ރީޓޫ މަރުވީ.
ހަސަބު
11 July 2020
މަޝްހޫރުކަމާއި ފައިސާ ލިބޭނެ އެންމެ ފަސޭހަ މަގު.
އފ
11 July 2020
“އަގަސްޓިއާ އާއި ނަވިއާގެ ބައްޕަ އަކީ މަޝްހޫރު ކަޕޫރްގެ ޚާންދާނުގެ މައި އެއް ތަނބު ކަމަށްވާ ކުރީގެ މަޝްހޫރު އެކްޓަރު ރާޖް ކަޕޫރްގެ ދަރިއެއް ކަމަށްވާ ރީތޫ ނަންދާ އެވެ. ރީތޫ ވަނީ ޖެނުއަރީ މަހު މަރުވެފަ އެވެ.” މައުލޫމާތު ގޯސް. ނިކިލް ނަންދާއަކީ ރާޑޫ ނަންދާގެ ދަރި..