މައުލޫމާތު އެނގޭ ބޭފުޅަކު ވިދާޅުވި ގޮތުގައި، މިއަދުގެ ބޮޑު އަލިފާނުގެ ހާދިސާގެ ސަބަބުން ލިބުނު ގެއްލުން 500 މިލިއަން ރުފިޔާ އަށް ވުރެ ބޮޑުވާނެ ކަމަށް އަންދާޒާކުރެވޭ.
މ. ގްރީން ބިލްޑިންގައި ރޯވި އަލިފާންގަނޑު ނިއްވާލުމުގެ މަސައްކަތުގައި ފަޔާ ފައިޓަރުން.-- ފޮޓޯ: ނިޝާން އަލީ | މިހާރު
12 ޑިސެމްބަރ 2024 - 21:34
15 comments
ކޮންސްޓްރަކްޝަން މިނިސްޓްރީގައި މަސައްކަތްކުރާ މުވައްޒަފަކު އޭނާގެ އިހުސާސްތައް ކިޔައިދިނެވެ. އެ މުވައްޒަފު ބުނީ އެ މިނިސްޓްރީގައި އޭނާ މަސައްކަތް ކުރާތާ ވިއްސަކަށް އަހަރުވީ އިރު، މިހާ ހިތްދަތިވި ދުވަހެއް އަދި ނާންނަ ކަމަށެވެ. އެތައް ދުވަހެއްގެ ފޮނި ހަނދާންތަކާ ގުޅިފައިވާ އެ އިމާރާތް އަނދައި އަޅިޔަށް ވެގެން ދިޔައީ އޭނާގެ ލޯ ކުރިމަތީގަ އެވެ.
ސަރުކާރުގެ މުހިންމު ގިނަ އޮފީސްތަކެއް ހިންގާ މ. ގްރީން ބިލްޑިންގައި ރޯވެ އަނދާއިރު، ބަޔަކު އެ މަންޒަރު ބަލަން މަގުމަތީގައި މަޑުކޮށްލައިގެން: އެ އިމާރާތުގައި މަސައްކަތްކުރާ ބައެއް މުވައްޒަފުން ވެސް އެތަނުގައި ތިބި.-- ފޮޓޯ: މިހާރު
އޭނާ އޮފީހަށް ދާން ގެއިން ނުކުތީ މިއަދުގެ ހެނދުނު 7:45 ހާއިރު އެވެ. އޮފީހުގައި އަލިފާނުގެ ހާދިސާއެއް ހިނގައިގެން އުޅޭ ކަމުގެ ޚަބަރު ގޭގައި ހުއްޓާ ލިބުނު ނަމަވެސް މިހާ ބޮޑުވަރު ވެދާނެ ކަމަށް ހީއެއް ނުކުރެ އެވެ.
ސަރުކާރުގެ މުހިންމު އޮފީސްތަކެއް ހިންގާ އެ އިމާރާތް ކައިރިއަށް އެ މުވައްޒަފަށް ދެވުނުއިރު، އިމާރާތުގެ މަތިން ބޯކޮށް ދުން އަރަނީ އެވެ. އޭރު މުޅި އިމާރާތުގައި ހުރީ ހުޅު ހިފައިފަ އެވެ.
"ދެކުނިން ހަމަ މުޅި އިމާރާތް އަނދައި އަޅިޔަށްވެ، ބިމާ ހަމަވާ ތަން. މީހާ ހުރީ ހުއްޓުން އަރައިފައި، ކިރިޔަކިރިޔާ ނުރޮވި ހުރީ،" އޭނާ ބުންޏެވެ.
މ. ގްރީން ބިލްޑިންގައި ރޯވި އަލިފާންގަނޑު ނިއްވާލުމުގެ މަސައްކަތް ފަޔާ ފައިޓަރުން ކުރަނީ.-- ފޮޓޯ: ނިޝާން އަލީ | މިހާރު
އެއީ، އެ އިމާރާތުގައި ހިންގާ އެކި އޮފީސްތަކުގައި މަސައްކަތްކުރާ މުވައްޒަފުން އޮފީހަށް ނުކުންނަ ފަށާ ގަޑި އެވެ. އެހެންވެ، ކަން ދިމާކުރި ގޮތުން، އެ އިމާރާތުގައި މަސައްކަތްކުރާ އެތައް މުވައްޒަފުންނެއް އެ ވަގުތު އެތަނުގެ ބޭރުގައި ތިއްބެވެ. އެ އެންމެންގެ ލޯ ކުރިމަތީގައި، އެތައް ދުވަހެއްގެ ހަނދާންތަކާއި ދިރިއުޅުމަށް ކުރާ މަސައްކަތް "އަނދާއި އަޅިޔަށް" ވެގެން ދިޔައީ އެވެ.
އެންމެންގެ މޫނުމަތިން ވެސް ފެނުނީ މާޔޫސްކަމެވެ. ބައެއް މީހުންނަށް ތިބީ ރޮވިފަ އެވެ.
ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީ އާއި ތިމާވެއްޓާ ބެހޭ މިނިސްޓްރީ އަދި މާލޭ ސިޓީ ކައުންސިލްގެ އޮފީހެއް ވެސް މިހާރު ހިންގާ ގްރީން ބިލްޑިންގަކީ ކޮންސްޓްރަކްޝަން މިނިސްޓްރީ ހިންގުމަށްޓަކައި 2008 ގައި ސަރުކާރުން ވަގުތީ ގޮތުން ހެދި ތަނެކެވެ.
އެ އިމާރާތުގެ ބޮޑު ބައެއް ހަދައިފައި ހުރީ ވަށައިގެން ޓިނު ޖަހައި، ލަކުޑި ޑެކު އަޅައިގެންނެވެ.
މ. ގްރީން ބިލްޑިންގައި ރޯވެ އަނދަމުން ދަނީ: އެއީ ތިން މިނިސްޓްރީއަކާއި މާލޭ ސިޓީ ކައުންސިލްގެ އޮފީހެއް ހިންގާ އިމާރާތެއް.-- ފޮޓޯ: ނިޝާން އަލީ | މިހާރު
އެއީ ރަނގަޅު ފެންވަރެއްގައި ހަދައިފައި ހުރި އިމާރާތަކަށް ނުވިޔަސް، އެތަނަކީ އެތައް މުވައްޒަފުންނެއް އެ މީހުންގެ "ދެވަނަ ގެ" ކަމަށް ދުށް އަދި އެމީހުން ވަރަށް ލޯބިކުރި ތަނެއް ކަމަށް ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތޮލިބް ވެސް ވިދާޅުވި އެވެ.
މުއްތޮލިބް ފޭސްބުކްގައި ކުރެއްވި ޕޯސްޓެއްގައި ވަނީ މުވައްޒަފުންގެ މި އިހުސާސްތައް ހިއްސާ ކުރައްވައިފަ އެވެ.
"އެއީ، އެންމެ އެދެވޭ ހާލަތެއްގައި ހުރި ތަނަކަށް ނުވިޔަސް، އެ ތަނުގައި މަސައްކަތް ކުރާ މުވައްޒަފުންނަށް ވަރަށް ހާއްސަ ތަނެއް. މިއަދު އަޅުގަނޑުމެންނަށް އެ ތަން މި ގެއްލުނީ، އެ ތަނުގައި ހުރި ހުރިހާ އެއްޗަކާ އެކު. އެންމެން ވެސް މި ތިބީ ވަރަށް ދެރަވެފައި،" މިނިސްޓަރު ވިދާޅުވި އެވެ.
ކޮންސްޓްރަކްޝަން މިނިސްޓްރީގައި މަސައްކަތްކުރާ ފޮޓޯގްރާފަރު އަބްދުﷲ އަބީދު ވެސް ބުނީ މި ގެއްލުނީ ހަޔާތުގެ އެތައް ފޮނި ހަނދާންތަކެއް ކަމަށެވެ.
ނެތި ފަނާވެގެން އެދިޔައީ ހަޔާތުގެ އެތައް ހަނދާން ތަކަކާއި ގުޅިފައިވި އެތަކެއް އަހަރު އެ ފުރާޅެއްގެ ދަށުގައިވާ އެތަކެއް ހަނދާންތަކެކެވެ. pic.twitter.com/o6kSFvyM6p
— Abdulla Abeedh (@abeedhmv) December 12, 2024
"ނެތި ފަނާވެގެން އެ ދިޔައީ ހަޔާތުގެ އެތައް ހަނދާންތަކަކާ ގުޅިފައިވި އެތަކެއް އަހަރު އެ ފުރާޅެއްގެ ދަށުގައިވާ އެތަކެއް ހަނދާންތަކެކެވެ،" އޭނާ އެކްސްގައި ކުރި ޕޯސްޓުގައި ބުންޏެވެ.
"އަސްލު ވަރަށް ގިނަ ވޯކް ގެއްލިގެން އެ ދިޔައީ. އަލުންބަލުން ފަށަން މި ޖެހުނީ،" ހައުސިން މިނިސްޓްރީގައި މަސައްކަތްކުރާ އެހެން މުވައްޒަފަކު ބުންޏެވެ.
އޭނާ ބުނި ގޮތުގައި، އޮފީހުގެ ސާވާތަކުގައި ވެސް މިނިސްޓްރީގެ ގިނަ އަދަދެއްގެ މައުލޫމާތު ރައްކާކޮށްފައި ހުންނާނެ އެވެ. އެ އެއްޗެހި ހުރި ހާލަތެއް އަދި ޔަގީނެއް ނުވެ އެވެ. އެ އެއްޗެހި ރިކަވާ ނުކުރެއްވިއްޖެ ނަމަ މުހިންމު ގިނަ ލިޔެކިޔުންތަކެއް ގެއްލުނީ އެވެ.
ސިޓީ ކައުންސިލްގެ އޮފީސް އިމާރާތުގެ ތެރެއިން ބައެއް ލިޔެކިޔުންތައް ނެރުމުގެ މަސައްކަތް ކައުންސިލް މުވައްޒަފުން ކުރަނީ -- ފޮޓޯ: ނިޝާން އަލީ | މިހާރު
މައުލޫމާތު އެނގޭ ބޭފުޅަކު ވިދާޅުވި ގޮތުގައި، މިއަދުގެ ބޮޑު އަލިފާނުގެ ހާދިސާގެ ސަބަބުން ލިބުނު ގެއްލުން 500 މިލިއަން ރުފިޔާ އަށް ވުރެ ބޮޑުވާނެ ކަމަށް އަންދާޒާކުރެވެ އެވެ.
ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީ އަކީ ސަރުކާރުން ހިންގާ ތަރައްގީގެ ގިނަ މަޝްރޫއުތަކެއްގެ އެއްބަސްވުންތައް ވެސް ބަލަހައްޓާ އިދާރާތަކަށް ވާތީ، މި އަލިފާނުގެ ހާދިސާގައި މުހިންމު ގިނަ ލިޔެކިޔުންތަކެއް ގެއްލުމުގެ ބިރު ވެސް ވަރަށް ބޮޑު ކަމަށް އޭނާ ވިދާޅުވި އެވެ.
ހެނދުނު 6:30 ހާއިރު ރޯވި އަލިފާންގަނޑު ފަޔާ އެންޑް ރެސްކިއުގެ ޓީމަށް ނިއްވާލެވުނީ ހަތަރު ގަޑިއިރުވި ފަހުންނެވެ. އޭރު މުޅި އިމާރާތް އަނދައި ހުލިވެއްޖެ އެވެ. އެ އިމާރާތުގައި ހުރި މަދު އެއްޗެއް ނޫނީ ސަލާމަތެއް ނުކުރެވުނެވެ. މިއީ އެ މިނިސްޓްރީތަކުގައި މަސައްކަތް ކުރަމުން އަންނަ މުވައްޒަފުންނަށް ހިތްދަތި، އަދި މުޅި އުމުރަށް ވެސް ހިތާމަވެރި ދުވަހެއްގެ ގޮތުގައި ފާހަގަކުރާނެ ދުވަހެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮންޓު
13 December 2024
މިފަހުން މިހާރު އާރޓިކަލްއަކުން ފެނުނު އެންމެ އޯރގަނިކް ކޮމެންޓް ސެކްޝަން މިއީ. އެކަމީ ވިސްނުމަކާ ނުލާ ފާހަގަ ވީމަ މި ހިތަށް އެރީ އަސްލު ބޮޓުން ޕަބްލިކް އޮޕިނިއަން މިސްރެޕްރެޒެންޓުކޮށް މެނިޕުލޭޓުކުރަން ހާދަ މަސައަކަތެއް ކުރެޔޭ.
ހަސަންބޭ.
13 December 2024
އަޖައިބެއް ކަހަލަ ކަމެއް ފުރަތަމަ ހައުސިންގ މިނިސްޓްރީ ކަހަލަ މިނިސްޓްރީއެއް ތިޔަ ޢިމާރާތުގައި ހިންގާކަން ވެސް. އާދައިގެ ގޭއްގައި ސޯޓެއްވެ ސްޕާރކެއް ކެނޑިޔަސް ކަރަންޓު ކެނޑޭނޭ ނިޒާމް ޤާއިމްވެފައި ހުންނަ ޒަމާނެއްގައި ތިޔަފަދަ މިނިސްޓްރީއެއްގައި ސްޕާރކެއްގެ ސަބަބުން ރޯވެދާނޭކަމަށް ގަބޫލެއް ނުކުރެވޭ.
ވަގުތުން
13 December 2024
ރައްޔިތުން ހޭއަރާ ‘ޑިމޮކުރަސީގެ’ ކިބައިން ސަލާމަތް ވާންވެއްޖެ!
ބަބޫ
13 December 2024
މިއަދު ލަދުގަންނަންޖެހޭ މާލޭގައި ތަނެއްގައި ރޯވެއްޖިއްޔާ ނިއްވާލުމުގެ ގާބިލުކަން ފަޔަރަށް ނެތްކަން. ކުރިން ބުނީ މާލެތެރޭގައި އިމާރާތްތައް ތޮއްޖެހިފަ އޮތީމައޭ. މިހާރު ކޯއްޗެއްބާ ކިޔަން އޮތީ. ދައުލަތުން ބުނި ވަރަކަށް ޚަރަދު ކޮށްގެން ރައްޔިތުންގެ މުދަލާ ފުރާނަ ސަލާމަތްކުރަން ހަދާފައިން ތަނުގެ ބޭނުމެއް ނުހިފޭ. އެހެން ގައުމު ތަކުގައި އޮންނަހެން ފަޔާއެންޑް ރެސްކިއު އަކީ މިނިވަން ވަކި ތަނެއްގެ ގޮތުގައި އޮތުމުވެ މުހިއްމުކަން މިއެގެނީ. ހަމަ އެކަނި ފަޔަރު.
ދިވެހިމިކުސް
13 December 2024
ކްރިމިނަލްކޯޓުގެ ހިންގަނީ ބިންމަތިން ދަނޑިވިއްދައިގެންކަމާ، ގައިމައްޗަށްނޫނަސް ބޮޑެތި ގޮންގްރިޓް ގަނޑުގަނޑު މަަސައްކަތްކުރަމުންދަނިކޮށް ވެއްޓިފައިވާކަމާއި، ވާރޭވެހިއްޖެއްޔާ ފެންބޮޑުވެ، ބާލިދީ ބަހައްޓައިގެން ޝަރީޢަތްކުރާކަމާ، އެއޯޕޯޓުގެ ޙާލަތުވެސް ހަމަ އެފަދަކަމާއި، ރަށްރަށުގެ ޙާލަތުމިއަށްވުރެ ގޯސްކަން ނޭނގިބާ ކޮންމެ ސަރުކާރަކުން ސިޔާސީންނަށް ހާހުން ޚަރަދުކުރަނީ ؟؟
އަންދާގާނޫނު
13 December 2024
ބޮޑޫވަރިހަމައިގަ ގައުމު ހިންގީމާ ވާނެ ހައެތި... 2008 ންނޯ... މަ މަރާލަދީ.... މިހާރު ރައީސަކީވެސް ގައިމު 7 އަހަރު ތިޔަތާނގައި މިނިސްޓަރުކަންކުރިމީހެއް... ދެވެރިކަމުގައި.. މިހާރު އެހެރީ ރައީސްކަމުގަ،.. އަހަރެން ދެން ގައުމާމެދު ވިސްނާކަންނެތިން... އަފުން ހިތް އެދޭގޮތް... މިތާ މީނަގެ ވާހަކަ މި ބަޔާންކުރީ ރައީސަށްވީމަ.. މިވޭތުވެދިޔަ 16 އަހަރު އަޗާތެޅި މީހުންކުރެ ކޮންމެމީހެއްވެސް ދިވެހި ރައްޔެތުންނަށް މިލިބުނު ދެރަނިކަމެތިކަމުގައި ބަދަލު ދޭންޖެހޭނެ!
ބޮޑޮވަގުން
13 December 2024
2008 ގަ އެޅި ވަގުތީ އިމާރާތް! 16 އަހަރު ވީ ‘ވަގުތީ’ އިމާރާތް. މީ ބޮޑުވަރު. ހުރިހާ ސިޔާސީ ލީޑަރުންނާ އެމީހުން ވަށައިގެން އެންބުރޭ މެހިތއްވެސް ހއްޔަރު ކުރންވީ.
ތެދުހަމަ
13 December 2024
މިހާރު ރޯވި މިނިސްޓްރީތައް ‘ވަގުތީ’ ގޮތުން ދަރުބާރުގެއަށޯ. ކިހާދުވަސްވާނެބާ
ބޭފުޅާ
13 December 2024
ފުރަތަމަ ހުރީ ވަރަށް ކުޑަކޮށް ހިފާފަ. ސުވާލަކީ ދެބްލޮކް ދުރުގައި ފަޔަރ ސްޓޭޝަންއޮތްއިރު އަދި ފުޅާދެމަގަށް ވާގޮތަށް ހުރިއިމާރާތަކަސް އެއްގަޑިއިރުވީއިރުވެސް އެޓެންޑްނުވެވުނީ ކީއްވެތޯ.
raajje
13 December 2024
ޝުކުރުވެރިވެބަލަ އޮފީހުގެމަސައްކަތް އެދުވަހުފެށުމުގެކުރިން ތިޔަކަންދިމާވީތީ، އެހެންނޫންނަމަ ނޭންގެކިތައްމީހުންކަމެއް މަރުވާނީ ތިޔަތަނުގެ އެތެރޭގާ ނުނިކުމެވި ހާސްވެގެން ނުވަތަ ހަންދާންތަކުގައި ތާށިވެގެންދޯ! ތިޔަހަނދާންތަކާ އެޔަކާމިޔަކަށްވުރެން މާމުހިންމު ރަސްމީލިޔުންތަކާ އެއްޗެހިވަނީއަނދާހުލިވެފަ، ފުރަތަމަރޯވެފައި ހުއްޓާފެނުނީ ސީލިންގުގައިކަމަށްވޭ މާނައަކީ އިލެކުޓްރިކުޝޯޓަކަށްވުންގާތޭ، ތިހެންރޯވާންތައްޔާރަށް ސަރުކާރުގެ ގިނައޮފީސްތައްހުރީ
ޕިކްސް
13 December 2024
ސަރުކާރުގެ ލިޔުންތައް އެބަޖެހޭ ޑިޖިޓަލްކޮށް އޭގެ ބެކަޕް އޮފީހުން ބޭރު ކޮންމެވެސް ތަނެއްގަ ރައްކާކުރުރެވޭނެ ގޮތް ހަދަން. އޭރުން މިކަހަލަ ހާދިސާތަކުން ލިޔުންތަށް ރައްކާކުރެވޜނެ.