އެންމެ ދުވަސްވީ ފިރިހެން މީހާ މަރުވެއްޖެ

އަހުމަދު އަދްޝަން، މިހާރު

26 ފެބުރުއަރީ 2020 - 07:40

އެންމެ ދުވަސްވީ ފިރިހެން މީހާގެ ގޮތުގައި ދާދި ފަހުން ދުނިޔޭގެ ރެކޯޑް ފޮތުން ޖާގަ ލިބުނު ޖަޕާނު މީހެއް ކަމަށްވާ 112 އަހަރުގެ ޗިޓެޓްސޫ ވަޓަނަބޭ އާދީއްތަ ދުވަހު މަރުވެއްޖެ އެވެ.

ޖަޕާނުގެ ނިގާޓާގެ ނާސިން ހޯމެއްގައި ދިރިއުޅެމުން ދިޔަ ވަޓަނަބޭ މަރުވީ މުސްކުޅި ބަލީގައި ކަމަށާއި އޭނާގެ މާ ބޮޑު ސިއްހީ މައްސަލައެއް ނެތް ކަމަށް މީޑިއާތަކުން ބުންޏެވެ. މި މަހުގެ 12 ވަނަ ދުވަހު އެންމެ ދުވަސްވީ ފިރިހެން މީހާގެ ރެކޯޑް ރަސްމީކޮށް ލިބުނު ވަޓަނަބޭ ބުނެފައިވާ ގޮތުގައި އޭނާގެ ދިގު އުމުރުގެ ސިއްރަކީ އަބަދު ހިނިތިވުންމާއި ރުޅި ނައުމެވެ.

ވަޓަނަބޭ މަރުވެފައި ވަނީ އޭނާގެ 113 ވަނަ އުފަން ދުވަސް އަންނަ މަހުގެ 5 ގައި ފާހަގަކުރަން ވެސް ގާތްވެފައި ވަނިކޮށެވެ. އޭނާ އުފަންވީ މާޗް 5، 1907 ގަ އެވެ.

ޒުވާން އުމުރުގެ ބޮޑުބައި ޓައިވާނުގައި ހޭދަކުރި ވަޓަނަބޭ އަށް ފަސް ކުދިން ލިބުނެވެ. އޭނާ އަކީ އޭނާގެ މައިންބަފައިންނަށް ލިބުނު އަށް ކުދިންގެ ތެރެއިން އެންމެ ދޮށީ މީހާ އެވެ. ވަޓަނަބޭ އަކީ އުމުރުން 104 އަހަރު ވަންދެން ވަރަށް ބުރަކޮށް ދަނޑުވެރިކަމުގެ ތެރޭގައި އުޅުނު މީހެކެވެ. އަދި ޖަޕާނުގެ އަސްކަރިއްޔާ އަށް ވެސް އޭނާ ހިދުމަތްކުރި އެވެ.

Watanabe: 112 aharuge sirrakee hinithunvuamaai rulhi naun

The most trusted news source in the Maldives

Mihaaru

މި ވަގުތު ދުނިޔޭގެ އެންމެ ދުވަސްވީ އަންހެނާގެ ރެކޯޑް ވެސް އޮތީ ޖަޕާނުގެ މީހަކަށެވެ. އެއީ 117 އަހަރުގެ ކޭން ޓަނާކާ އެވެ.

ޖަޕާން ގިނިސް ވޯލްޑް ރެކޯޑްސް އުމުރުން ދުވަސްވީ މީހުން

4 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަގިއްޔާ

26 February 2020

70، 80 ގެ މަތިން ދިރިއުޅޭ މީހުން އުޅެނީ އުފަލަކުނުން. އަޑެއް ރަގަޅަށް ނީވޭ. ރަގަޅަށް ނުފެނޭ، ރަގަޅަށް ނުކެވޭ، ގައިގެ އެތަން މިތަނަށް ތަދުވާނީ، ނުރިއްސާ ކައްޓެއް ނުހުންނާނެ. އެހާލުގަ މާލޭގަ އުޅެން ޖެހުމަކީ އިތުރު ތަކުލީފެއް. އެންމެންގެ ތެރޭ އޮންނަން ޖެހޭނީ، ލޯމެރިފަ އިރުކޮޅަކުން ހޭލެވޭނީ ދަރިންތަށް ޝަކުވާ ކުރާ އަޑަށް، އެމީހުން އަރާމުކޮށްލަން ޖައްސާލާނެ ތަނެއް ނެތިގެން. ދަރިން ބައެއް ފަހަރު މައިންބަފައިންނަށް ވަރަށް ގޯސް. އަނިޔާވެސް ކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާތަ

26 February 2020

ކޮބާތަ ގިނަ ދުވަހު ދުނިޔޭގައި އުޅުމުގެ ސިއްރަކީ؟ އަޅެ ކިޔާ ދީބަލަ! ޕްލީސް!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަތްޕިލަ

26 February 2020

އެއޮތީނުން ލިޔެފަ.. ހިނިތުންވުމާއި ރުޅި ނައުން ކަމަށް.. އެކަމު ކިތަންމެ އަވަސް އަވަހަށް ރުޅި އަންނަމީހާވެސް ހުންނާނެ ދުނިޔޭގަ 200 އަހަރުވެސް އޭނަގެ އަޖަލު ނުޖެހެންޏާ. އަބަދު ދަތްޕިލަ އަތަށް ލައިގެން ހުންނަ މީހާ މަރުވާނެ ކިތަންމެ ޅަ އުމުރެއްގައިވެސް އޭނަގެ އަޖަލު ހަމަވެއްޖިއްޔާ.