ރާއްޖޭގައި ކޮވިޑް-19 ޖެހޭ މީހުންގެ އަދަދު މަތިވާން ފަށާފައިވާއިރު، މިދިޔަ ދެ ދުވަހަށް ފަހު، އަދަދުތައް މިއަދު 2،000 އިން ދަށަށް ވެއްޓިއްޖެ އެވެ.
އެޗްޕީއޭ އިން މިރޭ އާންމުކުރި ތަފާސްހިސާބުތަކަށް ބަލާއިރު އިއްޔެގެ ހަވީރު 6 އިން މިއަދުގެ ހަވީރު 6 އަށް 7،263 މީހަކު ކޮވިޑަށް ޓެސްޓް ކުރިއިރު އޭގެ ތެރެއިން ޕޮޒިޓިވްވީ 1،697 މީހެކެވެ. މިދިޔަ ދެ ދުވަހު ވެސް އެވްރެޖްކޮށް އެ އަދަދަށް ކޮވިޑަށް ޓެސްޓް ކޮށްފައިވީ ނަމަވެސް ޕޮޒިޓިވް މީހުންގެ އަދަދު އެ ދެ ދުވަހު އުޅުނީ 2،000 އިން މަތީގަ އެވެ.
އިއްޔެގެ ހަވީރު 6 އިން މިއަދުގެ ހަވީރު 6 ގެ ތަފާސްހިސާބުތައް ދައްކާ ގޮތުން 11،535 މީހަކު މިހާރު ގެންދަނީ ކޮވިޑް ބަލި ތަހައްމަލު ކުރަމުންނެވެ. ނަމަވެސް ހޮސްޕިޓަލްތަކުގައި އެޑްމިޓް ކޮށްގެން ފަރުވާދެނީ 49 މީހަކަށެވެ.
މިދިތަ 24 ގަޑިއިރަށް ބަލާއިރު މާލެ އާއި ވިލިމާލެ އާއި ހުޅުމާލެ އިން 677 މީހެއް އަދި މީހުން ދިރިއުޅޭ އެހެން ރަށްރަށުން 680 މީހަކު އަލަށް ވަނީ ކޮވިޑަށް ޕޮޒިޓިވްވެފަ އެވެ. ރިސޯޓްތަކުގައި އެ ބަލި ޖެހިފައި މިހާރު ތިބި މީހުންގެ އަދަދަކީ 60 އެވެ.
ރާއްޖެ އިން މިހާތަނަށް 112،528 މީހަކަށް ކޮވިޑް ޖެހިފައިވާއިރު، 100،811 މީހަކު ވަނީ ބަލިން ރަނގަޅުވެފަ އެވެ. މިހާތަނަށް އެ ބަ ބަލީގައި ނިޔާވީ 269 މީހެކެވެ.