23 މާޗް 2022 - 18:37
52 comments
ޕީޕީއެމް އާއި ޕީއެންސީން މާލޭގައި ބާއްވާ މުޒާހަރާގައި ކުށް ކުރާ ގްރޫޕުތަކުން ބައިވެރިކޮށް އާންމުންގެ ސަލާމަތަށް ނުރައްކާ ވެދާނެ ކަމަށް ފުލުހުން ބުނެފި އެވެ.
"ނޭވާ ހޮޅިއަށް" ގެ ނަމުގައި އިދިކޮޅު ފަރާތްތަކުން ބޮޑު އެއްވުމެއް ބާއްވަން ނިންމާފައި ވަނީ އަންނަ ހުކުރު ދުވަހު ހަވީރު 4:00 އިން 6:00 އަކަށެވެ. މިއީ އިދިކޮޅު ލީޑަރު އަދި ކުރީގެ ރައީސް އަބްދުﷲ ޔާމީން މިނިވަންވެވަޑައިގަތް ފަހުން މާލޭގައި ބޮޑު އެއްވުމެއް ބާއްވާ ފުރަތަމަ ފަހަރެވެ.
އެ ހަރަކާތާ ގުޅިގެން ފުލުހުން މިއަދު ނެރުނު ބަޔާނެއްގައި ބުނީ ޕީޕީއެމް އޮފީސް ސަރަހައްދާއި، ރަސްފަންނު ސަރަހައްދާއި، ބޮޑުތަކުރުފާނު މަގާއި އުސްފަސްގަނޑު ސަރަހައްދުގައި ޕީޕީއެމް އިން ބޭއްވުމަށް ރާވާފައިވާ އެއްވުމަކީ ސުލްހަވެރިކަމާއެކު އެއްވެ އުޅުމުގެ ގާނޫނާ އެއްގޮތަށް ބާއްވާ އެއްވުމެއް ނޫން ކަމަށް ބެލެވޭ ތަފާތު ސަބަބުތައް ފެންނަން ހުރި ކަމަށެވެ.
އެ ހަރަކާތައް ރަށްރަށުން ގިނަ އަދަދެއްގެ މީހުން ގެންނަ ކަމަށާއި ގިނަ އަދަދެއްގެ ދުއްވާތަކެތި ބޭނުންކޮށްގެން މާލޭގެ ބޮޑެތި މަގުތައް ބްލޮކުކޮށް، ރައްޔިތުންނާއި އާންމުންގެ ދަތުރުފަތުރުގެ ހިދުމަތައް ހުރަސް އަޅަން ރާވާފައިވާ ކަމަށް ފުލުހުން ބުުންޏެވެ. އަދި މާލޭގައި އުޅޭ ކުށް ކުރާ ގްރޫޕުތައް ހޯދައި އެއްވުމުގައި ބައިވެރި ކުރުމަށް ޕީޕީއެމް/ޕީއެންސީން ރާވާފައިވާ ކަމަށް ފުލުހުން ބުންޏެވެ.
"...މިފަދަ އެއްވުމުގެ ސަބަބުން އާންމުންގެ ސަލާމަތާއި ރައްކާތެރިކަމަށް ބުރޫ އެރުމުގެ ފުރުސަތު ބޮޑުވުމުގެ ސަބަބުން މި އެއްވުން ނުބޭއްވުމަށް މި ހިދުމަތުން އެ ޕާޓީ އަށް [ޕީޕީއެމް/ޕީއެންސީ އަށް] ވަނީ އަންގާފައި،" ފުލުހުން ބުންޏެވެ.
ފުލުހުން ބުނީ އެ އެއްވުމުގައި އެއްވެސް ފަރާތަކުން ބައިވެރި ނުވުމަށް އިލްތިމާސް ކުރާ ކަމަށެވެ. އަދި އެ އެއްވުމުގައި ބައިވެރިވެ ގާނޫނާ ހިލާފު އަމަލުތަކަށް މަގުފަހި ކުރުވާ ކަމަށް ތުހުމަތު ކުރެވޭ އެއްގަމު އުޅަނދުފަހަރުތަކާއި ކަނޑު އުޅަނދުތައް ބަލައި ފާސް ކުރާނެ ކަމަށް ވެސް ފުލުހުން ބުންޏެވެ.
އެ އެއްވުން ރޫޅާލައި ގާނޫނާ ހިލާފުވާ ފަރާތްތަކާ މެދު ފިޔަވާޅު އަޅާނެ ކަމަށް ވެސް ފުލުހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސް
25 March 2022
މުޅި ދައުލަތް ދޮވެލާފަ އެވާހަކަ ފޫބައްދަން އުޅޭ ބައެއް ތީ. ޔާމީނު އަށް ހީވަނީ އެންމެންނަކީ ގަޅިން ކަަމަށް. ތިމާގެ ވެރިކަމުގަ ކީއްވެތަ އިިންޑިޔާ ސިފައިން ނުބޭލީ، އޭރުވެސް ތިބިނު.
ަސދފ
24 March 2022
ޔާމިން ހެެދިގޮތަށް ހަދާ...އެންމެން ޖަލަށް.
ކާކީ
24 March 2022
ބަލަ ގޭންގަކަސް އެހެން އެއްޗަކަސް އެވެސް ދިވެހި ރަތްޔިތުން، ވަކިބަޔަކައް ވަކިގޮތަކައް ލޭބަލް ކުރާއިރު ތީ މާ ތާހިރު ބަޔެއްތަ، ރަތްޔިތުންގެ އެއްވެސް އިތުބާރެއް އޮތްބަޔެއްނޫން ތިއީ، ހޯމް މިނިސްޓަރޭ ކިޔާ މީހާ ޔަކީ ބޮޑު ދޮގުވެރިޔެއް، އެއްވާހަކައެއް އެތައްގޮތަކައް ދައްކާ ނާގާބިލު މީހެއް
Happy 123
24 March 2022
ސަާބަސް ދިވެހި ފުލުހުން❤️?
1234
24 March 2022
ފަޅުރަށަކައްދާދާންވީނު ތިކަންކުރަން ؟
ލޮލްސް
24 March 2022
އެމް.ޑީ.ޕީގެ ޑިމޮކްރަސީ ދޮންވެ ފައްކާވީ!
އަހްމަދު އާދަމް
24 March 2022
ތިކަން ސުލްހަވެރި ގޮތުގަ ހައްލުކުރަން ޑިޕްލޮމެޓިކް އަދި ޑިމޮކްރެޓިކްގެ އުސޫލުތައް ބޭނުންކުރުމަށް ގޮވާލަން.. މުޒާހަރާ ކުރުމަކުން ނަތީޖާއެއް ނުފެންނާނެ. އަދި ބިރުދެއްކުމާ ގަދަބާރުން މުޒަހަރާ ހުއްޓުވައިގެންވެސް ނަތީޖާއެއް ނުފެންނާނެ. ދެކޮޅުގަވެސް ތިބީ ދިވެހިރައްޔިތުން. ދެބައިމީހުންގެ ވެސް މަސްލަހަތާއި މަގްސަދަކަށް ވާންޖެހެނީ އެއް އަމާޒެއް. އެއީ ދިވެހި ގައުމު.
އަސްލު
24 March 2022
ބަޔަކު އެއްވެދާނެތީވެ, ބުހުތާނެ, މުސްލިމުންނަށް ވ އަނިޔާވެރި ނުބައިބައެއް. އެއީ ހުރިހާ ތަނަކަށް ވެރިވާންއުޅޭ ނުބައިބައެއް.
ހޯމް މިނިސްޓަރަށް
24 March 2022
ކުޑަ ކުދީންނަށް ޚާއްސަ ވަގުތުކޮޅެއް - މި ހުކުރު ދުވަހުން ފެށިގެން ރޯދަ މަހާއި އީދު ނިމެންދެން، ކޮންމެ ހުކުރު ދުވަހެއްގެ ހަވީރު 16:00 - 18:00 އަށް އެެއްގަމު އުޅަނދުފަހަރު ދުއްވުން މަނާކުރަންވީ. އެންމެންގެ ސަލާމަތާއި، ރައްކާތެރިކަމާއި، ހަމަޖެހުމަށް ކުރާާންޖެހޭ ކަންކަން ކުރުމަކީ ދިވެހި ދައުލަތުގެ ޒިންމާއެއް.
ކިހިނެއްތޯ
24 March 2022
މިއާޓިކަލް ކިޔާލީމާ ގަންނަނީ ލަދު ގޭންގް ހުރެފައި އޮޕްރޭޓް ކުރެވެނީކީއްވެގެންތޯ ގާނޫނުގަ ހުއްދައީތޯ ކޮންމެދުވަހަކު އަޑުއިވޭ ކޮންމެވެސް ގެއަކުން ވައްކަންކުރިވާހަކަޔެއް އަނެއްކާ އެމީހަކު އަތުލާއިރައް ޓީވީތަކުންގޮވާލަމިވެނިމީހަކު އަތުލައިގެންފިޔޭ ވައްކަން ކުރިކަމުގެ ތުހުމަތުގައި ކުށުގެރިކޯޑް އޮންނަމީހެކޭ މިއުޅެނީ ވޯލްޑްރިކޯޑް ހޯދަންތޯ ކުއްވެރިޔާގެފަރާތުން ގައުމައް އެހެންވީމަނޫންތޯ އެމީހާގެ އުމުރައްވުރެގިނަ ކުއްކުރާމިހާ މަގުމަތީގަ މިނިވަންކަމާއެކް