ޒިޔާއު ވިދާޅުވީ، އެ މައްސަލަ މިއަދުގެ މެންދުރު ހުށަހަޅާފައި ހަވީރު ވިއިރު އަނބުރާ ގެންގޮސްފައިވާ ކަމަށް.
ޗާގޮސް މައްސަލާގައި އެކުގައި މަސައްކަތްކުރަމުން އަންނަ އިދިކޮޅު ސިޔާސީ ޕާޓީތަކުުގެ މެމްބަރުން މަޖިލީހުގައި. -- ފޮޓޯ: ފަޔާޒް މޫސާ | މިހާރު
15 މެއި 2023 - 16:55
17 comments
ފޮރިން މިނިސްޓަރު އަބްދުﷲ ޝާހިދު މަގާމުން ދުރުކުރުމަށް އިދިކޮޅު ފަރާތްތަކުން ރައްޔިތުންގެ މަޖިލިހުގެ އިދާރާ އަށް މައްސަލަ ވެއްދިތާ މާ ގިނައިރުތަކެއް ނުވަނީސް އެ މައްސަލަ އަނބުރާ ގެންގޮސްފި އެވެ.
"މެންދުރު ހުށަހަޅާގައި ހަވީރު އަނބުރާ ގެންގޮސްފި،" އެ އިދާރާގެ މީޑިއާ އެންޑް ކޮމިއުނިކޭޝަން ޑިރެކްޓަރު ހަސަން ޒިޔާއު ވިދާޅުވި އެވެ.
"އަނބުރާ ގެންދިޔަ ސަބަބެއް ނުބުނޭ."
މި ސަރުކާރުގެ ވަޒީރުންގެ ތެރެއިން އެންމެ ނުފޫޒު ގަދަ އެއް ބޭފުޅާގެ އިތުބާރު ނެތްކަމުގެ މައްސަލަ މަޖިލިހަށް ހުށަހެޅީ ރާއްޖެ-މޮރިޝަސް އިން ވަކި ކުރި މައްސަލާގައި ރާއްޖެއިން ބޮޑު ބައެއް ގެއްލުނު ކަމަށް ބުނެ އެވެ.
މިނިސްޓަރު ޝާހިދު: އޭނާގެ އިތުބާރު ނެތް ކަމުގެ މައްސަލާގައި އެމްޑީޕީގެ އެއްވެސް މެމްބަރަކު ސޮޔެއް ނުކުރޭ.
އެނގިފައިވާ ގޮތުގައި ޝާހިދުގެ އިތުބާރު ނެތް މައްސަލަ އަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ފެކްޝަން މެންބަރުންގެ ތާއީދެއް ނެތެވެ. އެ މައްސަލާގައި "ފިކުރެއްގެ ދިރުން" ފެކްޝަނުގެ އެއްވެސް މެމްބަރަކު ސޮއެއް ނުކުރައްވަ އެވެ.
ޝާހިދުގެ މައްސަލަ މަޖިލީހަށް ހުށަހަޅަން ސޮއި ކުރެއްވީ 13 މެންބަރުންނެވެ. އޭގެ ތެރޭގައި ހިމެނެނީ ޕީޕީއެމް/ޕީއެންސީގެ މެންބަރުންނާއި އެމްއެންޕީގެ މެންބަރުން އަދި ކެންދޫ ދާއިރާގެ ޖުމްހޫރީ ޕާޓީގެ މެންބަރު އަލީ ހުސެއިނެވެ.
އެ މައްސަލަ ހުށަހަޅަން ފިކުރެއްގެ ދިރުންގެ އެއްވެސް މެންބަރަކު ސޮއި ނުކުރައްވާއިރު، ޖުމްހޫރީ ޕާޓީގެ ލީޑަރު އަދި މާމިގިލި ދާއިރާގެ މެންބަރު ގާސިމް އިބްރާހިމްގެ ސޮއެއް ވެސް ނެތެވެ.
އެމްޑީޕީން ވަނީ ބަންޑާރަ ނައިބު އިބްރާހިމް ރިފްއަތުގެ އިތުބާރު ނެތް ކަމަށް ވޯޓު ދެއްވާ އެ ޕާޓީގެ މެންބަރުން ވަކި ކުރާނެ ކަމަށް ބުނެ އިންޒާރު ދީފަ އެވެ. ނަމަވެސް މީގެ ކުރިން އެ ފެކްޝަންގެ އެއްވެސް މެންބަރަކަށް ފިޔަވަޅެއް އަޅާފައި ނުވެ އެވެ.
މިނިސްޓަރެއްގެ އިތުބާރު ނެތް މައްސަލަ 10 މެންބަރެއްގެ ސޮޔާއެކު މަޖިލިހަށް ހުށަހެޅެ އެވެ. އެކަމަކު ވަޒީރަކު ވަކި ކުރަން އިތުބާރު ނެތްކަމަށް ފާސްވާނީ ޖުމްލަ މެމްބަރުންގެ ދެބައިކުޅަ އެއްބައި މެމްބަރުންގެ އަޣުލަބިއްޔަތު ލިބިގެންނެވެ. އެއީ މަޖިލީހުގެ 87 މެމްބަރުންގެ ތެރެއިން 43 މެމްބަރުންގެ ވޯޓުންނެވެ.
ގާނޫނުއަސާސީގައިވާ ގޮތުން އެ މައްސަލަ އާ ބެހޭ ބަހުސް މަޖިލީހުގައި ފެށުމުގެ 14 ދުވަސް ކުރިން އެ ވަޒީރަކަށް އެކަން އަންގަން ވާނެ އެވެ. އަދި އަނގަބަހުންނާއި ލިޔުމުން ދިފާއުވުމުގެ ހައްގު އޮންނާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަރަށްހެއް..
15 May 2023
ނުފޯރާފޮތިން ފޫގެޅީމަ ވާނެގޮތަށް ތިވަނީ ބަރަހަނާ. ލަދުހަޔާތްނެތް ބައެއް. މޮޔަވެފަތިބިބަޔަކާއި ނަގޫގޮށްޖެހީމަ ވަރަށް ރީތިވެއްޖެ. ފެންނަމުންމިދަނީ އަންނަންއޮތް ފިލްމުގެ އިސްތިހާރުބާ؟
ރޮޒޭނާ
15 May 2023
ތިމަޖިލިސް އުވާލާފަ ތިތަނަށާ އިއްޒަތްތެރި މެންބަރުންނާ ދާ ހަރަދު ތައުލީމީ އަދި ސިއްހީ ދާއިރާއަށް ހަރަދުކުރުން ކިހިނެއްވާނީ؟؟
ބޮޑުމީހާ
15 May 2023
ޗާގޯސް މައްސަލައަށްވުރެ މިގައުމުގަ މިހިގާ ކޮރަޕްޝަނާއި ވައްކަމާއި ފަސާދައާއި މަސްތުވާތަކެތީގެ މައްސަލަތައް ބެލުން މާ ރަގަޅެއް ނުން. ގައުމެއް މި ހަލާކުވެނިމެނީ.. ދަރަނި އިތުރުވަނީ، މަސްތުވާތަކެތި އިތުރުވަނީ
ކުޑަކުއްޖާ
15 May 2023
ތިވާހަކަ ކިތަންމެހައިވެސް ރަނގަޅެވެ. އެކަމަކު ތިބުނާކަންތައް ކުރީމައި ލިބެނީ ގެއްލުންކަމުގައިވާނަމަ، އެފަދަކެމެއް ނުކުރެވޭނެދޯ.
ދެފިކުރު
15 May 2023
ޜިއްފަތުގެ އިތުބާރުނެއްކަމަށް ހުށައަޅަން އެމް.ޑީ.ޕީ މަޖްލިސްމެންބަރުން ސޮއިކުރިކަމެއް ނޫންކަމެއް މި ލިޔުމަކުން ނަެންގުނު.
ޖަމީލާދައްތަ
15 May 2023
ޗާކޯސް އެއްވުން އަނބުރާ ގެންދަނީ ކޮން އިރަކުން؟
ސީޒަން ޖެކްޝަން
15 May 2023
އިދިކޮޅުގާ ތިބީ އެއްވެސްކަމެއް ހަރުލައިގެން އަރުލާގޮތެއްގާ ކަމެއްކުރެވޭ ފެންވަރުގެ ބައެއްނޫން. ފުރަތަމަ އިންޑިޔާ އައުޓް - އެ ދިޔައީ ފެނަށް. ދެންބެލީ ފައިސަލް ބޮލަށް އެރެވޭތޯ. އެވެސް ދިޔައީ ފެނަށް. ދެން ހިފައިގަތީ ޗާގޯހާ. އެކަންވެސް އެދަނީ އެހާގޯސްކޮށް. ދެން ޝާހިދު ސައިޒުކުރެވޭތޯމިބެލީ. މެންދުރު ލީ އެއްޗެއް އެ ދަމައިގަތީ ހިނދުކޮޅެއްގެތެރޭގާ. މީ މިމީހުންގެ ސައިޒަކީ.
ޙައްބޭ
15 May 2023
ތިއީ ކޮމެންޓްލިޔަން މުސާރަދޭ އެކަކުދޯ؟ ދެން ތިތާއީދުކުރާ ސަރުކާރުން ކުރާކަން ލައްކަ ދެކޮޅު ޖެހޭތީ ދޯ ތިއުޅެނީ. އިތުބާރު ނެތްކަމުހެ މައްސަލަ މިނޫނިއްޔާ ހުށަހަޅައި ނަގައިހަދާފައެއްނެތްތަ؟
ކޮސްވެއްޖެ
15 May 2023
ހެހެ. ތިވަރުގެ ބަޔަކަށް ވެރިކަން ކުރެވޭނެތަ؟ ހެނދުނު ކިޔާ ލަވަ ހަވީރުވާއިރު ފަރިއްސައްވެފަ.
ސަސި
15 May 2023
ދުނިޔޭގެ ރައީސްގެ އިތުބާރު ނެތްކަމަށް އެންމެ 13 ސޮއި ވީމަ ލައިގެން ކާނެ ހިކި މަސްކޮޅެއްވެސް ނެތް.
އައްޔަ ބޮޑޭ
15 May 2023
ކީއްވެވައްދާފަ ދަމައިގަތީ އެހާއަވަހައް, 43 ހަމަވެދާނެނުން,
ކަތްދައްތަ
15 May 2023
މަހާނަ މައްޗަށް މަޑިއަށް ޖެހުމާއި ފެންނެތް ބޮޑެތި ކާށި ބިނުމާއި އަމާ ބުނީތީ ފަރަށް ދިއުމާއި މިއީ ގައުމުގެ ދިފާއުގައި ސިޔާސީ މީހުން މިކުރާހާވެސް މަސައްކަތަކީ.