ނައިފަރު މެޖިސްޓްރޭޓް ކޯޓް: މަސްތުވާތަކެތީގެ މައްސަލައިގައި އެ ރަށުން ހައްޔަރު ކުރި މީހުން ކޯޓުން ވަނީ ދޫކޮށްލައިފަ
16 މެއި 2023 - 10:31
21 comments
ޅ. ނައިފަރުގައި މަސްތުވާތަކެތީގެ މައްސަލަ ބޮޑުވެ އެކަމުގައި އިސްކޮށް އުޅޭ ކަމަށް ތުހުމަތުކުރެވޭ މީހުން އުޅޭ ތަންތަން ފާސްކޮށް މަސްތުވާތަކެއްޗާ އެކު ހައްޔަރުކުރުމުން ވެސް އެ ރަށު މެޖިސްޓްރޭޓް ކޯޓުން އެ އެންމެން ވެސް އިއްޔެ ދޫކޮށްލައިފި އެވެ.
ނައިފަރުގައި މި އޮޕަރޭޝަން ހިންގީ އެކި އުމުރުގެ މީހުންނަށް މަސްތުވާތަކެތި ދީ އެކަމުގެ ތެރެއަށް ވެއްދުމުގެ މައްސަަލަ ބޮޑުވެގެން ފުލުހުންނަށް އެ މައްސަލަ ހުށަހެޅުމުން ޑްރަގް އެންފޯސްމަންޓްގެ ޓީމެއް އެ ރަށަށް ގޮސްގެންނެވެ.
މި އޮޕަރޭޝަންގައި ހަ މީހަކު ހައްޔަރުކުރި އެވެ. އެ މީހުން ދިރިއުޅޭ ތަންތަނުން މަސްތުވާތަކެތި ފެނުނު ކަމަށާއި އޭގެތެރެއިން ފަސް މީހަކު މަސްތުވާތަކެއްޗަށް ޕޮޒިޓިވްވި ކަމަށް ވެސް ވަނީ އެނގިފަ އެވެ. އެކަމަކު އެ އެންމެން ވެސް ކޯޓުން ދޫކޮށްލީ އެވެ. މައިގަނޑު ސަބަބެއް ކަމަށް ދެއްކީ މީހުން ހައްޔަރުކުރި އިރު ސީދާ އެ މީހުންގެ އަތުގައި މަސްތުވާތަކެތި ނެތުމެވެ.
އުމުރުން ވަރަށް ހަގު ކުދިން ވެސް ހިމެނޭ ގޮތުން މަސްތުވާތަކެތީގެ ތެރެއަށް ވަންނަ މައްސަލަ ވެސް ބޮޑުވެގެން ހާއްސަ އޮޕަރޭޝަނެއް ހިންގާ ހިސާބަށް ދިޔަ ނަމަވެސް ރަށު ކައުންސިލުން މިކަމާ ބެހޭ ގޮތުން ވާހަކައެއް ނުދެއްކި އެވެ.
އެކަމަކު އެނގިފައިވާ ގޮތުގައި ރަށުގެ ބައެއް މުއައްސަސާތަކުން ވެސް ވަނީ މި މައްސަލާގައި ކަންބޮޑުވުން ފާޅުކޮށް ފިޔަވަޅު އަޅައިދިނުމަށް އިދާރާތަކުގައި އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަމުންދާގޮތް
17 May 2023
ހީކުރާ ގޮތް ދޯ ހިންގާލާ އެންމެ އޮޕަރޭޝަނަކުން އިންދިރާސްވެ ނިމިގެން ނުދާނެ
ދރވ
17 May 2023
ތިޔައީ ރާވައިގެންހިންގާ ބޮޑުވިޔަފާރިއެއް. ތިވިޔަފާރިން ގިނަފަރާތްތަކަށް ބޮޑެތި މަންފާލިބޭ. ޤާނޫނުތަކުގައި ބޮޑެތިބާގަނޑުއެބަހުރި. އެކިމަރުޙަލާތަކުންއަތުލެވޭ ފަރާތްތަކާއިމެދު އެޅޭނެފިޔަވަޅެއްނެތީމަޖެހެނީ ދޫކޮށްލަން. ޤާނޫނުއިސްލާޙުކުރެވި ތިކަންހުއްޓުވޭތަނެއް ނުފެނޭ. ކޯޓާއިހަމައަށްދާތަނުން ބެދޭފަރާތްތަކުގެވަކީލުން ދައްކާލަނީ ޤާނޫނުއަސާސީ. ތިކަން ހުއްޓުވަންއުޅެނީ ކާކު؟ ތިކަން ހުއްޓުވަންބޭނުންނަމަ، ޤާނޫނުއިސްލާޙުކުރާހައިދުވަސް ވެއްޖެކަމުގައިބެލެވޭ.
ޚަދީޖާ އަޙްމަދު
17 May 2023
މިކަމުގައި ނައިފަރު ދާއިރަގެ މެމްބަރު އެއްޗެއް ވިދާލުނުވީ މަ ޗަ ގޯސްވީ.
ދުވެވިވަސް
16 May 2023
ކީކޭދެން ބުނާނީ، މެޖިސްޓްރޭޓް ހައްޔަރުކޮށް ގޮޅިއަށް ލާހިސާބަށް ތިދިޔައީ މިހާރު ވަރަށްވެސްވހިތާމަވެރި ހަބަރެއް ނުޅި ދިވެހިރާއްޖޭގައިވެސް ޑްރަގްގެ ހާލަތު އޮތީހަމަ ތިހެން
ކޮރަލް
16 May 2023
މަސްތުވާ ތަކެތި ނޫން އެހެން ކުއްތަކުގަ ހައްޔަރު ކޮށް އަދަބު ދެވެ އެވެ.
ޓިން ޓިން
16 May 2023
ދޮހޮއްކޮބޭމެންގެ ޒަމާނުގާ ރައްޔިތުން ތިތަކެއްޗެއް ނުގެންގުޅޭ. އޭރު ގެންގުޅޭނީ މުޅިންވެސް ހުދުހަކުރު. މުށިހަކުރު އެއީ ރައްޔިތުން ދަންނައެއްޗެއްނޫން.
ތަމީމު
16 May 2023
ނައިފަރުގެ އެންމެ މަޝްހޫރު ސިހުރުވެރިޔާގެ ހައްޔަރު ކޮށްބަލަ..!
ސާހިބު
17 May 2023
އެއީ ކީކު؟
ސަކަ
17 May 2023
ކާކު އެއީ؟ އޭރަށް ދޯ ރައްކާވެ ތިބެވޭނީ
ޚަދީޖާ އަޙްމަދު
16 May 2023
މުއްދަތު ޖަހަން ގެންދިޔައީމާ ، ޤާޟީ މައްސަލައިގެ ނިހާއީ ޙުކުމެއް ތި އިއްވީ. ފުލުހުން އެތަނަށް ދާއިރު މަސްތުވާތަކެތި އުނގައް އަޅައިގެން އެ މޮޑެން އެ މީހުން ތިބޭނެ ކަމަަށް ޤާޟީ ވިސްނައިގެމް ހުރީ.
ބޮޑުމީހާ
16 May 2023
ސިޔާސީ މީހަކު ނައިފަރަށް ދިޔަ ނަމަ ކުދިބޮޑު އެންމެން ތިބޭނެ އެމީހެއްގެ އިންތިޒާރުގަ ކިޔު ހަދާލައިގެން. މިއަދު ނައިފަރު އެންމެހާ ރައްޔިތުން ކޯޓު ކައިރިއަށް ދިޔަނަމަ ކޯޓުން ތިހާ ފަސޭހަކޮށް ތިމީހުން ދޫކޮށްނުލާނެ. މަސްތުވާތަކެތީގެ މައްސަލަތައް ހައްލުކުރަން ރައްޔިތުން މިކަމުގައި އަމަލީގޮތުން ބައިވެރިވާންޖެހޭ ސަބަބަކީ މިގައުމުގެ މުއައްސަސާތަކަކީ ބަަޔަކު އިތުބާރުކުރަން ހެޔޮވާވަރު ތަންތަނެއް ނޫން
އިސްމާލި
16 May 2023
"އެކަމަކު އެ އެންމެން ވެސް ކޯޓުން ދޫކޮށްލީ އެވެ. މައިގަނޑު ސަބަބެއް ކަމަށް ދެއްކީ މީހުން ހައްޔަރުކުރި އިރު ސީދާ އެ މީހުންގެ އަތުގައި މަސްތުވާތަކެތި ނެތުމެވެ." ހަހަހާ. ހަގީގަތުގައިވެސް މިތަން ދޫނިރާއްޖެއަށް ވެ ނިމިއްޖެ. ސީދާ އަތަށް ވާނީ އުޅަންބޮށިން ތިރި، އިނގިލިތަކުގެ ކުރިއާ ދޭތެރެއިން ފެނިގެން ދެއްތޯ؟ ދޫނިރާއްޖޭގައި ޕާކިން ސްޓިކަރ ނޫން ހުރިހާ އެއްޗަކުން ސަލާމަތް ވެވޭނެ.