އެމްޑީޕީން ބުނީ ކޮމިޓީތައް އެކުލަވައި ނުލެވި ލަސްވަނީ ވެސް ނަޝީދާ ހެދި ކަމަށް!

މަޖިލީހުގެ ޖަލްސާއެއްގެ ރިޔާސަތު ނަޝީދު ބަލަހައްޓަވަނީ: އެމަނިކުފާނު މަގާމުން ވަކިކުރަން އެމްޑީޕީގެ ޕީޖީ ގުރޫޕުން ވަނީ ނިންމާފައި. -ފައިލް ފޮޓޯ: މަޖިލީހުގެ އިދާރާ

މުހައްމަދު ވިޝާމް، މިހާރު

06 ޖޫން 2023 - 15:13

5 comments

ރައްޔިތުންގެ މަޖިލިހުގެ އަޣުލަބިއްޔަތު އޮންނަ އެމްޑީޕީން 13 މެންބަރުން ވަކިވުމާ ގުޅިގެން ދާއިމީ ކޮމިޓީތަކަށް ބަދަލު ގެނައުމުގެ މަސައްކަތް ނުނިމި ދިގުލައިގެން ދިޔުމުގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ދައުރެއް އޮތް ކަމަށް އެ ޕާޓީގެ ޕާލިމަންޓަރީ ގުރޫޕުގެ ލީޑަރު އަދި ހިތަދޫ ދާއިރާގެ މެމްބަރު މުހައްމަދު އަސްލަމް ނުސީދާކޮށް މިއަދު ތުހުމަތު ކުރައްވައިފި އެވެ.

އެއީ ވަކި ޕާޓީއަކަށް ނިސްބަތް ނުވާ 13 މެންބަރުންގެ ގޮތުގައި މަޖިލިހުގައި ދަފްތަރު ކޮށްފައިވާ ކަމަށް މަޖިލީހުގެ ރިޔާސަތުން އިއުލާނުކުރި ފަހުން ދެ ހަފުތާ އަށް ވުރެ ގިނަ ދުވަސް ވަނީ ވެފަ އެވެ. މަޖިލިހުގައި މައިގަނޑު މަސައްކަތްތައް އޮންނަނީ ކޮމިޓީތަކުގައި ކަމަށް ވާއިރު ދާއިމީ ކޮމިޓީތައް ހުއްޓިފައިވާ ކަމުގެ ޝަކުވާ ވަރަށް ބޮޑެވެ.

މަޖިލިހުގެ ރައީސްގެ މަގާމުން ނަޝީދު ވަކިކުރަން އެމްޑީޕީގެ ޕާލަމަންޓްރީ ގްރޫޕުން ނިންމި ނިންމުން އިއުލާން ކުރައްވަން ބޭއްވި ނޫސްވެރިންގެ ބައްދަލުވުމުގައި އަސްލަމް ވިދާޅުވީ، ދާއިމީ ކޮމިޓީތައް އެކުލަވައި ނުލެވި ލަސްވަނީ ޕާޓީތަކުން އެއްބަސްވުމަކަށް ނާދެވިގެން ކަމަށް ނަޝީދު ވިދާޅުވަމުން ގެންދަވާ ކަމަށެވެ.

BREAKING: Majlis Raees Nasheed ge ithubaaru neiy kamah hushahalhan PG in faas koffi

The most trusted news source in the Maldives

Mihaaru

ނަމަވެސް، ކޮމިޓީތައް އަލުން އެކުލަވާލުމާ ގުޅޭގޮތުން އެހެން ޕާޓީތަކާއެކު މަޝްވަރާ ކުރަން މިހާތަނަށް ބޭއްވީ އެންމެ ބައްދަލުވުމެއް ކަމަށާއި އެކަމަކު، މަޖިލީހުގައި ޕާޓީތައް ތަމްސީލުކުރާ ނިސްބަތުން ކޮމިޓީތަކަށް މެމްބަރުން އައްޔަން ކުރަން އެމްޑީޕީގެ ފަރާތުން އެއްބަސްވެފައިވާ ކަމަށް އަސްލަމް ވިދާޅުވި އެވެ.

"އެމްޑީޕީ މި ވަގުތު ތަމްސީލުކުރަނީ މަޖިލީހުގެ 64 ޕަސެންޓް. އެއީ ކޮމިޓީތަކުގެ 113 ސްލޮޓް. އެ 113 ސްލޮޓަށް އަޅުގަނޑުމެން މި ތިބީ އެއްބަސްވެގެން،" އޭނާ ވިދާޅުވި އެވެ.

އަސްލަމް ވިދާޅުވިގޮތުގައި އެގޮތަށް އެހެން ޕާޓީތަކަށް އެއްބަސް ނުވެވުނަސް މަޖިލީހުގެ ގަވާއިދާ އެއްގޮތަށް އެކަން ކޮން ނިންމުމަކީ މަޖިލީހުގެ އިދާރާގެ މަސްއޫލިއްޔަތެކެވެ.

މަޖިލީހުގެ ދާއިމީ ކޮމިޓީތަކުގެ ތެރޭގައި މަޖިލީހުގެ ދާއިރާގެ ތިން ކޮމިޓީ އާއި ދައުލަތުގެ އިދާރާތަކާ ގުޅޭ 14 ކޮމިޓީ ހިމެނެ އެވެ.

މަޖިލީހުގެ ގަވައިދުގައި ބުނާ ގޮތުން، ކޮމިޓީތަކަށް މެމްބަރުން ކަނޑައެޅުމުގައި މަޖިލީހުގައި އެކިއެކި ޕާޓީތައް ނިސްބަތް ވެފައިވާ ގޮތް އެއީ ހަމައެއް ކަމުގައި ބަލައި، ކޮމިޓީ އެކުލަވާލާނީ އެ ހަމަ ތަމްސީލުވާ ގޮތަށެވެ.

އަސްލަމް ވިދާޅުވީ މަޖިލީހުގެ ގަވާއިދުގައިވާ ގޮތަށް ކޮމިޓީތަކުގެ ކޮމްޕޮޒިޝަން ކަނޑައަޅައި، އެކަން މަޖިލީހުގެ ތަޅުމުން ފާސްކުރަންޖެހޭ ކަމަށެވެ.

Majilis huttuvaafai baavvanee Eva ge massala naguvan: Nihad

The most trusted news source in the Maldives

Mihaaru

"މިއަދަކީ ވެސް އެ ކޮމްޕޮޒިޝަން ފާސްކުރެވޭނެ ދުވަހެއް ކަމަށް އަޅުގަނޑުމެން ގަބޫލުކުރަނީ. އެކަމަކު މިއަދު ވެސް އެކަން ނުކުރައްވާ އެ އޮތީ،" އޭނާ ވިދާޅުވި އެވެ.

މަޖިލީހުގެ ކޮމިޓީތައް އަލުން އެކުލަވައި ނުލެވޭތީ މަޖިލީހުގެ މަސައްކަތްތައް ހުއްޓިފައިވާ ކަމަށް އަސްލަމް ވިދާޅުވި އެވެ

މަޖިލިހުގެ ރައީސްކަމުން ނަޝީދު ވަކިކުރަން ހުށަހަޅަން އެމްޑީޕީގެ ޕާލަމެންޓްރީ ގުރޫޕުން މިއަދު ފާސްކުރިއިރު، މަޖިލީހުގެ ނައިބު ރައީސް އަދި ގަލޮޅު އުތުރު ދާއިރާގެ މެމްބަރު އީވާ އަބްދުﷲ މަގާމުން ވަކިކުރުމުގެ މައްސަލައެއް ވެސް މަޖިލީހަށް ވަނީ ވައްދައިފަ އެވެ. އީވާ މަގާމުން ވަކިކުރުމުގެ މައްސަލަ މަޖިލިހަށް ތާވަލް ކޮށްފައި ވަނީ އަންނަ އާދިއްތަ ދުވަހަށެވެ.

މަޖިލީހުގެ މަސައްކަތްތައް ނަޝީދު އިސްވެ ހުއްޓުވާފައިވަނީ، އީވާގެ މައްސަލައަށް ހުރަސްއަޅަން ކަމަށް އެމްޑީޕީގެ ބައެއް މެމްބަރުން ތުހުމަތު ކުރައްވަ އެވެ.

ރައީސް މުހައްމަދު ނަޝީދު ރައްޔިތުންގެ މަޖިލިސް އިތުބާރުނެތްކަމުގެ ވޯޓް މެމްބަރު މުހައްމަދު އަސްލަމް (ހިތަދޫ އުތުރު) އެމްޑީޕީ ޕާލަމެންޓްރީ ގްރޫޕް އެމްޑީޕީ

5 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުމީހާ

06 June 2023

އިބޫ ސޯލިހު 56 މެމްބަރުން ކޮންޓްރޯލްކުރާއިރު މިހުރިހާ ދުވަހު ނަޝީދު ބޭރުނުކޮށް ޗަރުކޭސްކުޅެނީ ކީއްވެބާ! ހަގީގަތަކީ އިބޫ ކައިރީ ތިބި މީހުން ބޭނުންވަނީ ރައްޔިތުންގެ ފޯކަސް ނަޝީދަށް އަމާޒުކޮށްފަ، ގައުުމު ދަވާލަން. އެގޮތުން 1.7 ބިލިއަން ބަދަލަށް ދީފި. މިލިއަނުން ސިޔާސީ މީހުންނަށް މުސާރަ. ސިޔާސީ މީހުންގެ ރިސޯޓްތައް އެހަރަ ނިމެނީ، މަސްދޯންޏާއި، ފްލެޓްތަކާއި، ގެސްޓްހައުސްތައް އެހެރަ ނިމެނީ. ރައްޔިތުން ބޯހިޔާވެހިކަމަށް ސިއްޚީ ފަރުވާއަށް ސަލާންޖެހުމުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

06 June 2023

އަސްލަމްގެ ވާހަކަ ޤަބޫލުކުރާނެމީހަކު މިހާރު މި އައްޑުއަކުނެތް. ބޭޅާގެ ބަސްމަގު ތިހިރަގޮތަށް ބަލާއިރު މާދަމާކަންނޭގެ ބުނާނީ ތިމަންނާއަށް ވޭތުވެދިޔަ 5 ދައުރުގައި މަޖިލީހުގައި އިންނެވިއިރު "ޖަލްސާތަކަށް ހާޒިރުނުވެވި މަޖިލިސް ހާޒިރީގެފުލުން ރެކޯޑްމުގުރުނީވެސް ނަޝީދުގެ ސަބަބުން" ކަމަށް. # މިފަހަރު ވެރިކަންބަދަލުކޮށް 2024 ގައި މަޖިލިސްގެ މެޖޯރިޓީ ހޯދުމަށްފަހު The Democrat's ގެ ފަރާތުން ޤާނޫނުއިސްލާޙްކޮށް ކުރީގެމެންބަރުންގެ އިނާޔަތުގެ ޤާނޫނު އުވާލާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިބައި

06 June 2023

ދެން އަންނިއެއް މިގައުމުގެ އިންތިހާބީ އެއްވެސް މަގާމަކަށް ނުހޮވޭނެ! ރަށު ކައުންސިލަރަކަށް ކުރިމަތި ލިޔަސް ނުހޮވޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިމާ މައުސް

06 June 2023

އަފީފު ދީދީ ހަމައިގަތަ. ޑިމޮކުރަސީގަ ވެސް އޮއްނަނީ ވޯޓުން ތަޅާ ބަލި ކުރުން. ކޭ މެނައް އެއްމެ 3 ހާސް ސޮއި ހަމަ ނުވިއޭ ދަ ޑިމޮކުރެޓުސް އޭ ކިޔަން ލަދު ކޮބާ. ތިހާ ހަޑި ނުވެބަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަ

06 June 2023

މިއަދު އަސްލަމު ދެއްކި ވާހަކައިން ހާމަވަނީ އިންސާނަކު ނުބައި ނުލަފާ ދޮގު ހަދައިގެން ވާހަކަ ދައްކަން މޮޅު ކަމަށެވެ. ގާނޫނު އަސާސީއާއި ގާނޫނު ވާހަކަ ދެއްކިއިރު މަޖުލިސްގެ ބާރުތަކާއި ހައިބަތު އެގުނެވެ. އެހެން ނަމަވެސް ރާއްޖޭގެ ރައްޔިތުން ހެކިވާނެ ރައީސް ސޯލިހު ވިދާލުވީ މަޖުލިސް ކޮންޓުރޯލް ރައީސް އަތްޕުލުގައި އޮތްވާހަކައެވެ. ދެން ވަކިވެފައިވާ ބާރުތަކުގެ ތެރެއިން މަޖިލިހުގެ ބާރު އެބައޮތްތޯއެވެ. ރައްޔިތުން ގަމާރުން ކަމަށް ގަބޫލު ކުރަނީ ތޯއެވެ.