ދުވާފަރު ކައުންސިލްގެ ބައެއް މެމްބަރުން ފޮޓޯއަކަށް ހުއްޓިލައިގެން: އެ އެއްބަސްވުމުގެ މުއްދަތުގައި އިތުރު ކުށެއް ނުކުރުމަށް ޕީޖީން ޝަރުތުކޮށްފައިވޭ.-- ފޮޓޯ: ދުވާފަރު ކައުންސިލް ފޭސްބުކް
22 ޖޫން 2023 - 16:18
18 comments
ކޮރަޕްޝަނަށް ތުހުމަތުވި ރ. ދުވާފަރު ކައުންސިލްގެ މެމްބަރުން ކުށަށް އިއުތިރާފުވުމުން އެ މީހުންނަށް ދައުވާ ނުކޮށް ނަސޭހަތުގެ އެއްބަސްވުން ހަދަން ނިންމައި އެގޮތަށް ނިންމި ސަބަބު ޕްރޮސިކިއުޓާ ޖެނެރަލް (ޕީޖީ) އޮފީހުން ހާމަކޮށްފި އެވެ.
ކައުންސިލަރުންނަށް ތުހުމަތުވާ ބޮޑު ހިޔާނާތުގެ މައްސަލާގައި މިދިޔަ ނޮވެމްބަރު 28 ގައި އެންމެން ސަސްޕެންޑުކުރި އެވެ. ކައުންސިލް ހިންގަން ހަވާލުކުރި، ސެކްރެޓަރީ ޖެނެރަލަށް ވެސް ތުހުމަތު ކުރެވުމުން އޭނާއަށް ވެސް ވަނީ ފިޔަވަޅު އަޅައިފަ އެވެ. އެތަނުން ބައެއް މީހުން ސަސްޕެންޝަންގެ މުއްދަތު ހަމަވެގެން މިހާރު ވަޒީފާއަށް ވެސް ނުކުމެ އެވެ.
އެ މައްސަލައިގައި އެ ކައުންސިލްގެ ހުރިހާ މެމްބަރުންނާއި އެސްޖީގެ މައްޗަށް ދައުވާކޮށްދިނުމަށް އެދި ޕީޖީއަށް ފޮނުވީ މިދިޔަ މާޗު މަހު އެވެ.
މާލިއްޔަތު ގަވާއިދުގައި ބަޔާންކޮށްފައިވާ އިޖުރާއަތްތަކާ ހިލާފަށް ކައުންސިލްގެ މެންބަރުންގެ އަމިއްލަ އެކައުންޓަށް ފައިސާ ޖަމާކުރުމާއި ނަގުދު ފައިސާއިން އެއްވެސް ހުއްދައެއް އަދި ލިޔެކިޔުމެއް ނެތި ކައުންސިލަރުންނަށާއި އަންހެނުން ކޮމިޓީގެ މެމްބަރުންނަށާއި މުވައްޒަފުންނަށް ގިނަ އަދަދެއްގެ ފައިސާ ހަވާލުކޮށްފައިވާކަމަށް ތުހުމަތުކުރެވުނު މައްސަލާގައި،ދައުވާކުރުމުގެ ބަދަލުގައި ޖިނާއީ އިޖުރާއަތުގެ ގާނޫނުގެ ދަށުން ނަސޭހަތުގެ އެއްބަސްވުމެއް ހަދައިފައިވާ ކަމަށް ޕީޖީން މިއަދު ބުންޏެވެ.
އެ މައްސަލާގައި ތުހުމަތު ކުރެވޭ މީހުން
1. ކަނދޮޅުދޫ، ދޯރެންސީވިލާ، ހަސަން ހަކީމް
2. ދުވާފަރު، ޒަމާނީގެ، އިޒްމީލް އަހްމަދު
3. ކަނދޮޅުދޫ، ނިޔާމަ، ޒުހުދާ އާދަމް
4. ކަނދޮޅުދޫ، ދިލްސާދުގެ، އާމިނަތު ސަލާހު
5. ދުވާފަރު، ވިލެޖް، މުހައްމަދު ޝާމް
6. ކަނދޮޅުދޫ، ހުސްނުހީނާގެ، މުހައްމަދު ނާސިހް
7. ކަނދޮޅުދޫ، ރިހިތަޅާގެ، މުހައްމަދު އަލީފުޅު
މި އެންމެން ތަހުގީގުގައި އިއުތިރާފުވެ، ޕީޖީއާ އެކު ނަސޭހަތުގެ އެއްބަސްވުމެއް ހެދުމަށް އެދުމުން އެކަމުގައި ޕީޖީން ރިއާޔަތްކުރި ކަންކަމުގެ ތެރޭގައި:
- ތުހުމަތުކުރެވޭ މީހުންގެ ކުށުގެ ރެކޯޑު
- މައްސަލާގައި ކަން ހިނގާފައިވާ ގޮތް
- ކުށުގެ އަމަލުގައި ބައިވެރިވުން އޮތް މިންވަރު
- ތުހުމަތުކުރެވޭ ފަރާތްތަކުން އަދާކުރަމުންދާ ޒިންމާތައް
މީގެ އިތުރުން ދައުލަތަށް ހިދުމަތް ކޮށްދީފައިވާ މުއްދަތާއި ދައުލަތަށް ބަދަލު ލިބިފައިވުމާއި މައްސަލާގައި ދައުވާއެއްކޮށް ކުރިއަށް ގެންގޮސްފި ނަމަ ކަނޑައެޅިދާނެ އަދަބަށް ރިއާޔަތްކޮށްފައިވާނެ ކަމަށް ވެސް ޕީޖީން ބުންޏެވެ.
މި މައްސަލާގައި ކަން ހިނގާފައިވާ ގޮތަށް ބަލާއިރު އަމިއްލަ އެކައުންޓްތަކަށް ފައިސާ ޖަމާކުރި ކަމުގައި ވިޔަސް އެ ފައިސާ ބޭނުންކޮށްފައިވަނީ ކައުންސިލުން ކަނޑައެޅި ކަންކަމަށެވެ.
ޕީޖީން ބުނީ އެ އެއްބަސްވުމުގެ މުއްދަތުގައި އިތުރު ކުށެއް ނުކުރުމަށް ޝަރުތުކޮށް، އެއްބަސްވުމުގެ ޝަރުތުތަކާ ހިލާފުވެއްޖެ ނަމަ އެއްބަސްވުން ނިމުމަކަށް ގެނެސް ކުށުގެ ދައުވާ އުފުލާނެ ކަމަށް އެ އެއްބަސްވުމުގައި ބަޔާންކޮށްފައިވާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިސްޓަރ ޓިނޭ
23 June 2023
އަހަރުމެންގެ ޔާމީން ސޯ އަށް ވެސް ތިކަހަލަ ގޮތެއްހަދާ ދެން ދައުލަތުގެ ބަޖެޓުން އަމިއްލަ އެކައުންޓަށް މިލިޔަނުން ޑޮލަރު ނާޅާ، ބަސް އަހައިގެން ރީތިކޮށް އުޅެން އެއްބަސްވުމެއްގައި ސޮއިކޮށް ހަދާފަ ، ޖަލު ހުކުމް ބާތިލްކޮށް ދިނުމަށް އެދި ދަންނަވަމެވެ
ޢިހްސާސް
23 June 2023
ދައުވާ ނުކުރިޔަސް ވަޒީފާއިން ވަކި ކުރަންޖެހޭ. ނޫނީ ތިކަން ފެޝަނަކަށްވެގެން ގިނގައިދާނެ.
ހަސަނު23
23 June 2023
އަމިއްލައަށް އިސްތިއުފާ ދިނުން ރީތިގޮތަކީ. އެރަށުރައްޔިތުން އޯކޭވީމަ ކަންނޭންގެ އެތިބެނީ
ސައުދީ އަށް އަރުވާލުން
23 June 2023
މަށަށް ފެންނަނީ ރައީސް ޔާމިނު ވަކި މުއްދަތަކަށް ރާއްޖެ ނާދެވޭނެގޮތަށް ސައުދީ އަރަބިއްޔާ އަށް އަރުވާލަން. ޖަލުގައި ބާއްވާ އަދަބު ދީ ފުލުފުލުގައި ދައުވާ ކުރުމުގެ ބޭނުމެއް ނެތް. އިސްލާހުވާން މަގެއް އެދެއްކުނީ. މިދުނިޔެ އެކަންޏެއް ނޫން އޮތީކީ ދައުލަތުގެ ޕަވަރު ދައްކާކަށެއް.
ޞިފާދަތު ހިދާޔަތު
23 June 2023
އަލަމްގިރި މައްސަލައިފައި ހިމެނުނު 250 މީހުންގެ ތެރެއިން ދައުވާކުރީ ނާޒިމާ، ނަޝީދާ، ކަސްޓަމް މީހާއާއި ދޮންދިގަށް އެކަނި. 38 މީހަކަށް އިއުތިރާފްގެ އެއްބަސްވުމާއެކު މައްސަލަ ވަނީ ފައިލް ކޮށްދީފައި. 208 މީހުންގެ މައްސަލަ އޮއްބާލީ. ޢެމްއެމްޕީއާރުސީގެ މައްސަލައިގައި ހަމައެކަނި ހުކުމްކުރީ ޔާމިނާއި ޔޫސުފް ނަޢީމަަށް. ޙައްތަހާވެސް ސިލެކްޓިވް ޖަސްޓިސް.
ޢުއްތަމަ އުސްތާޛް
23 June 2023
ރަނގަޅު ނިންމުމެއް. ތިކަމުގައި ހިޔާނާތަކަށްވުރެ ބޮޑަށް އޮތީ ސަރަުކާރުގެ މުދާ ހޭދަކުރާނެ ގޮތް ނޭގުން. ޢަމިއްލަ އެކައުންޓަށް ޓުރާންފަރ ކޮށްލާފައިވެސް ހޭދަކޮށްފައި އޮތީ ކައުންސިލްގެ ކަންކަމުގައި. މިއީ ގަވަރނަންސް ނޭގޭތީ ވީކަމެއް.
1206
23 June 2023
އެލް.ޖީ.އޭ އިން ކުރި ތަހުގީގުން ފާހަގަވެފައި ހުރި ކަންކަމަށް ބަލައި މި ނިންމުމަށް ނޫސްވެރިންގެ ހައިސިއްޔަތުން ފާޑު ނުކީ ސަބަބު މިހާރު ނޫހުން އޮޅުން ފިލުވައިދޭންވީ ނޫންތޯ؟ ދައުލަތުގެ މުދަލަށް ޚިޔާނާތްތެރިވެފައިވާ ކަން ވަރަށް ސާފު. އެލް.ޖީ.އޭ އަށް ނުފެނުނު ލިޔެކިޔުން ކުއްލިޔަކަށް ފާޅުވި ގޮތެއް ވެސް ބުނެދޭންވާނެ. https://mihaaru.com/news/121528
ވަކީލްް
22 June 2023
އެމީހުން ކުށަށް އިއުތިރާފުވުމުން ދައުވާނުކޮށް ނަސޭހަތުގެ އެއްބަސްވުން ހެދުމަކުން މައްސަލައެއްނެވެ. މިހާރުގެ ގާނޫނު އެކަމަށް ތަންދެއެވެ. އަދި ގާނޫނުގެ ރޫހަކީވެސް އެއީއެވެ. ޕީޖީގެ ޒިންމާ ޕީޖީ އަދާކޮށްފިއެވެ. އެކަމަކު އެމީހުން ވަޒީފާތަކުގައި ބޭތިއްބުމަކީ ކޮށްގެންވާނެ ކަމެއްނޫނެވެ. ވަޒީފާތަކުން ދުރޮކޮށް އާބަޔަކަށް ފުރުސަތު ދޭންޖެހެއެވެ.
ޔާމީނުއަށް
22 June 2023
ޔާމީނުއަށްވެސް ތިހެން ހަދާލަން ފެނޭ. ޔާމީނުވެސް ރަގަޅަށް ކުރިކަންތައް ވަކި މަދެއްނުވާނެ. ދެން ދުވަހަކުވެސް ވެރިކަމަށް ނާންނާނެ ކަމަށް ސޮއިކުރުމުން އަވަހަށް ދޫކޮށްލަންވީ
ބޮޑުމީހާ
22 June 2023
4 ބިލިއަން ވަގަށް ނެގި މީހުންވެސް ތިބީ އަމީން އެވެނިއު އެޕާޓްމަންޓްތަކުގަ، ދެން ކައުންސިލަރުންނަށް ދައުވާ ނުކުރުމަކީ ހައިރާންވާންޖެހޭ ކަމެއް ނޫން. މިވެރިކަމުގަ އޮތީ ސެލެކްޓިވް އިންސާފު
ބބ
22 June 2023
ސިލެކްޓިވް އިންސާފުނޫން އިންސާފެއް ދުވަހަކުވެސް މިރާއްޖޭގައި ނުހިނގާނެ. ތަސްބީހައިގެ މަލިމުގައިހިފާފަ ފޫކޮޅުގައިޖެހީމައި އެޖެހުނީ 100 އެތިފަހަރުން ހައްދުކަމުގައިވާތަނެއްގައި ހިނގާނީ ކޮންއިންސާފެއް؟ %100 އިސްލާމް ޤައުމެއް. ވައްކަންކުރީމައި ގުނަވަންކަނޑާކަށް ނުކެރޭ. މަރަށް މަރު ހިފާކަށްނުކެރޭ. އިންސާފުގެވާހަކަ ރަނގަޅުވާނީ ނުދެއްކިއްޔާ. ޒައްރެއްގެ މިންވަރުވެސް އުނިނުވެ އެލިބޭނެދުވަކަށް އިންތިޒާރުކޮށްލީމަ ރަނގަލުވާނެ.
ސާންތި
22 June 2023
ތިއަށްކިޔަނީ ސިޔާސީގޮތުން އެމީހުން މަރުތަޅުއަޅުވައި ބުލެކްމެއިލްކުރުން!