"ހުޅުމާލެއިން ދޫކުރި ގޯތިތައް 10 ފްލޯ އަށް އިމާރާތް ކުރެވޭނެ"

މޫސާ ރަޝީދު، މިހާރު

20 ސެޕްޓެމްބަރ 2023 - 19:26

ސަރުކާރުން "ބިންވެރިޔާ" ސްކީމްގެ ދަށުން ދޫކޮށްފައިވާ ގޯތިތައް އިމާރާތް ކުރުމާ ބެހޭ އުސޫލު އާންމު ކުރުމާއެކު މިއަދު ފެށިގެން އެ ބިންތަކުގައި މަސައްކަތް ކުރަން ފެށޭނެ ކަމަށް އާބަންކޯ އިން ބުނެފި އެވެ.

އާބަންކޯ އިން މިއަދު ބުނީ ހުޅުމާލެއިން ބިން ލިބުނު ފަރާތްތަކުގެ ތެރެއިން ގިނަ ބަޔަކު މަސައްކަތް ފެށުމަށް އެދެމުންދާތީ މަސައްކަތް ފެށޭނެ ގޮތް ހަމަޖައްސައިދިނުމުގެ ގޮތުން "ބިންވެރިޔާ މަޝްރޫއުގެ ދަށުން ދޫކުރާ ގޯތިތަކުގައި އިމާރާތް ކުުރުމުގެ އުސޫލު" އާންމު ކޮށްފައިވާ ކަމަށެވެ.

އެ އުސޫލުގައިވާ ގޮތުން ގޯތި ލިބުނު ފަރާތްތަކަށް އިމާރާތް ކުރެވޭނީ ހަ ފްލޯއަށް ކަމަށާއި އެހެން ނަމަވެސް 10 ފްލޯ އަށް އިމާރާތް ކުރެވޭނެ ކަމަށް އެ ކުންފުނީގެ ބޯޑުން ނިންމާފައިވާ ކަމަށް އާބަންކޯ އިން ބުންޏެވެ.

އެކަމާ ބެހޭ ގަވައިދު ކަމާބެހޭ ވުޒާރާތަކަށް ފޮނުވާފައިވާ ކަމަށާއި އެ ގަވައިދު ގެޒެޓު ކުރުމާއެކު 10 ފްލޯ އަށް އިމާރާތް ކުރެވޭނެ ކަމަށް ވެސް އެ ކުންފުނިން ބުންޏެވެ.

އުސޫލުގައިވާ ގޮތުން އިމާރާތުގެ ބޭސްމަންޓާއި ގްރައުންޑް ފްލޯ އާއި ފަސްޓްފްލޯ ދިރިއުޅުން ނޫން އެހެން ކަންކަމަށް ބޭނުން ކުރެވިދާނެ އެވެ. ނަމަވެސް ނުކުރެވޭނެ ބައެއް ކަންކަން އެ އުސޫލުގައި ވަނީ ބަޔާން ކޮށްފަ އެވެ.

އިމާރާތުގައި ހުއްދަ ނޫން މަސައްކަތް

- ސިނާއީ މަސައްކަތަށް ބޭނުން ކުރުން

- އަލިފާން ހިފާ ޒާތުގެ ތަކެތި ރައްކާކުރުން

- އާންމުންނަށް އުނދަގޫވެ އަޑުގަދަވާ އަދި ވަސްދުވާ ކަންކަން ކުރުން

- ކުޑި އުފެދޭ އަދި ހަޑިވާ ފަދަ މަސައްކަތް ކުރުން

- ވެއާ ހައުސް އަދި ސްޓޯރޭޖް ތަންތަނާއި ގުދަން ކުރުން

ހުޅުމާލެ ބޯހިޔާވަހިކަން

8 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބިނާވެރިޔާ

22 September 2023

އަހަރުމެން ގަތް ގޯތީގެ އަގު ރިފަންޑް ކޮށްދިނީމާ އިންސާފުވެރިވާނީ. މިނޫން ގޮތަކަށް އެއްވެސް ހަމައެއް ދައްކަބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮއްލަތު

21 September 2023

ހަފްތާއެެއް ކުރިން މާލެ މަތިން ދަތުރު ކުރިން. ގުޅީފަޅުން ބިންވެރިޔާއަށް ދޫކުރާނެ ބިމެއް ހިއްކިފަ އެއް އަދި ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

21 September 2023

ހެޔޮނުވާނެ ޢިމާރާތުގެ ގްރްއުންޑުން ޕާކް ކުރަން ތަންކޮޅެއް ލާން ޖެހޭގޮތަށް ހަދާބަލަ، ހިލޭ ދިން ބަންޑާރަ ބިމެއްނޫންތަ އެއީ، އެހެން ނޫނީ ފަހުން އަންނަބަޔަކަށް މިހާރު މާލޭގަ އުޅެންޖެހޭ ހާލު ތަޖުރިބާ ކުރަންޖެހިދާނެ