ހިންމަފުށީގެ ބިން ހިއްކުމުގެ މަޝްރޫއުގެ ނިމުން ފާހަގަކުރުމަށް މިދިޔަ ހޯމަދުވަހު އެ ރަށުގައި ބޭއްވި ރަސްމިއްޔާތަށް ހިންމަފުށީގެ ބައެއް ކައުންސިލަރުންނާ އެކު ރައީސް ޔާމީން ވަޑައިގަންނަވަނީ.---ފޮޓޯ: ރައީސް އޮފީސް
15 ފެބުރުއަރީ 2017 - 10:56
60 comments
މީގެ އަހަރެއްހާ ދުވަސް ކުރިން ސްޓެލްކޯ އިން ކަރަންޓުގެ އަގަށް ގެނައި ބަދަލާ ގުޅިގެން، ކ. ހިންމަފުށީގެ ބައެއް ގޭގެ އިން ކަރަންޓު ބިލަށް ފައިސާ ނުދައްކާތީ އޭގެ ތެރެއިން ބައެއް ގޭގޭގެ ކަރަންޓު ބިލަށް ލައްކައެއްހާ ރުފިޔާ އަރައިފި އެވެ.
މީގެ ކުރިން ޔުނިޓަކަށް ދެ ރުފިޔާ ނަގަމުން އައިސް މިދިޔަ އަހަރުގެ ތެރޭގައި ސްޓެލްކޯ އިން ވަނީ އެ ރޭޓު ފަސް ރުފިޔާ އަށް ބޮޑުކޮށްފަ އެވެ. ހިންމަފުށީ މީހުން ކަރަންޓު ބިލް ދައްކަން ދެކޮޅު ހެދީ މާލޭގެ ކަރަންޓުގެ އަގަށް އެއްވެސް ބަދަލެއް ނުގެނެސް ރަށްރަށުގެ ކަރަންޓުގެ އަގު މަތި ކުރުމުންނެވެ. މިކަމާ ހިތް ހަމަނުޖެހި މުޒާހަރާ ކުރުމަށް ފަހު އެ ރަށުގެ ގިނަ ބަޔަކު ނިންމީ ކަރަންޓު ބިލް ނުދެއްކުމަށެވެ.
ހިންމަފުށީ ކައުންސިލް މެމްބަރު އަހުމަދު ހަމީދު ވިދާޅުވީ ކަރަންޓުގެ އަގު ބޮޑުކުރުމުން ހިތްހަމަނުޖެހިގެން ބައެއް ގެތަކުން ކަރަންޓު ބިލް ނުދައްކާތާ މިހާރު އަހަރެއްހާ ދުވަސް ވެފައިވާ ކަމަށެވެ. އަދި ފަހުން ބިލް ނުދެއްކުނީ އަގު މާ މައްޗަށް ގޮސްގެން ކަމަށް އޭނާ ވިދާޅުވި އެވެ.
"ބިލް ނުދެއްކިޔަސް ކަނޑައެއް ނުލާ. އެހެންވެ، ބިލް ނުދައްކާ ހުރެ ގިނަ ދުވަސްވެ، އަތް ނުފޯރާ ފަށަށް ބިލްތައް އެރީ. ބައެއް ގެތަކުގެ ބިލަށް ލައްކައެއްހާ ރުފިޔާ އަރާއިރު 80،000 ރުފިޔާ ވެސް ބިލަށް އަރާފައި އެބަހުރި،" ހަމީދު ވިދާޅުވި އެވެ.
ހިންމަފުށީގެ ބިން ހިއްކުމުގެ މަޝްރޫއުގެ ނިމުން ފާހަގަކުރުމަށް މިދިޔަ ހޯމަދުވަހު އެ ރަށުގައި ބޭއްވި ރަސްމިއްޔާތުގައި ކައުންސިލްގެ ރައީސް ޝާން ވާހަކަ ދައްކަވަނީ: ކަރަންޓުގެ މައްސަލަ ރައީސް ޔާމީންގެ ސަމާލުކަމަށް ގެންނެވި---ފޮޓޯ: ރައީސް އޮފީސް
ކައުންސިލްގެ ރައީސް ޝާން އިބްރާހިމް ވިދާޅުވީ ބައެއް ގެތަކުގެ ކަރަންޓު ބިލްތައް އަތް ނުފޯރާ ފަށަށް އެރީ މީހުންނަށް ލިބޭ އާމްދަނީ އަށް ވުރެ ކަރަންޓުގެ ހަރަދު ބޮޑުވުމުން ކަމަށެވެ. އަދި މިހާރު އެ ރަށުގައި ކަރަންޓުގެ ޚިދުމަތް ދެމުން އަންނަނީ ކުރިން ދިން ވަރަށް ވުރެ 60 ޕަސެންޓް ބޮޑުކޮށް ކަމަށް އޭނާ ވިދާޅުވި އެވެ.
ޝާން ވިދާޅުވީ އާއްމުންނަށް ނުދެއްކިފައިވާ ބިލްތައް ފަސޭހަ ގޮތަކަށް ދެއްކޭނެ އިންތިޒާމު ހަމަޖައްސައިދިނުމަށް ސްޓެލްކޯއާ މަޝްވަރާ ކުރަމުން އަންނަ ކަމަށެވެ.
ހިންމަފުއްޓަށް ދިމާވެފައިވާ މި މައްސަލަ ރައީސް އަބްދުﷲ ޔާމީން ވެސް ވަނީ ފާހަގަ ކުރައްވާފަ އެވެ.
ހިންމަފުށީގެ ބިން ހިއްކުމުގެ މަޝްރޫއުގެ ނިމުން ފާހަގަކުރުމަށް މިދިޔަ ހޯމަދުވަހު އެ ރަށުގައި ބޭއްވި ރަސްމިއްޔާތުގައި ރައީސް ޔާމީން ވާހަކަފުޅު ދައްކަވަނީ: އެ ރަށަށް ކަރަންޓުގެ މައްސަލާގައި "އާދަޔާ ޚިލާފު ތަކުލީފެއް" އުފުލަން ޖެހިގެން އުޅެނީ ކީއްވެގެންތޯ ބައްލަވަން ބޭނުންފުޅު ކަމަށް ރައީސް ޔާމީން އެ ދުވަހު ވިދާޅުވި.---ފޮޓޯ: ރައީސް އޮފީސް
އެ ރަށުގެ ބިން ހިއްކުމުގެ މަޝްރޫއު ނިންމުމަށް މިދިޔަ ހޯމަ ދުވަހު ބޭއްވި ރަސްމިއްޔާތެއްގައި ރައީސް ވިދާޅުވީ ހިންމަފުށީގެ ކަރަންޓުގެ މައްސަލަ އެނާޖީ މިނިސްޓްރީ އާއި އެނާޖީ އޮތޯރިޓީ އަށް ދޭހަވާ މިންވަރަށް ގެންގޮސްދޭން ރަށުގެ ކައުންސިލްގައި އެދިވަޑައިގަންނަވާ ކަމަށެވެ. އަދި ހިންމަފުއްޓަށް ކަރަންޓުގެ މައްސަލާގައި "އާދަޔާ ޚިލާފު ތަކުލީފެއް" އުފުލަން ޖެހިގެން އުޅެނީ ކީއްވެގެންތޯ ބައްލަވަން ބޭނުންފުޅު ކަމަށް ރައީސް ޔާމީން ވިދާޅުވި އެވެ.
ހިންމަފުށީގެ ބިން ހިއްކުމުގެ މަޝްރޫއުގެ ނިމުން ފާހަގަކުރުމަށް މިދިޔަ ހޯމަދުވަހު އެ ރަށުގައި ބޭއްވި ރަސްމިއްޔާތުގައި ބައިވެރިވި ބައެއް އާންމުން: ހިންމަފުށީގެ ބައެއް ގޭގޭ ގެ ކަރަންޓު ބިލަށް ވަނީ އެއް ލައްކަ ރުފިޔާ އަރާފައި.---ފޮޓޯ: ރައީސް އޮފީސް
ޝާން ވިދާޅުވީ ރައީސްގެ މި އިޝާރާތާ ގުޅިގެން، ކައުންސިލްގެ ޓީމެއް ސަރުކާރުގެ އިދާރާތަކާ ބައްދަލުކުރުމަށް ދިޔުމަށް ހަމަޖެހިފައިވާ ކަމަށެވެ.
"އަޅުގަނޑުމެން މި އުއްމީދު ކުރަނީ ކޮންމެވެސް ރަނގަޅު ގޮތެއް ހަމަޖެހޭނެ ކަމަށް،" ކައުންސިލްގެ ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢާނު
16 February 2017
ޜަގަޅު ކައުންސިލް ތަކަށް ހޮވާފަ ތިތިބީ ކަމަކު! ޢެކަމް ތިހާބޮޑު ފަރަގެއް އަތޮޅު ތަކާ މާލެ އާއި ހުރެގެން ނުވާނެ...ރަގަޅަށް ބަލައި ފިއްޔާ ކޮންމެސް މީހެއްގެ އިހުމާލެއް އޮންނާނެ!
އެމް.އެމް.ޖީ އިބޫ
16 February 2017
އަތޮޅުތަކުގައި ހުރި ރައްތަކުން ރިސޯޓްހަދައިގެން ނަގާފައިސާއިން ދައުލަތާ އިންޖީނުގެތައްވެސް ހިންގަނީ، ވީމާ، އަތޮޅުތެރެއަށްވެސް މާލެއަށްވުރެ އެންމެ ލާރިއެއްވެސް ބޮޑުވެގެން ނުވާނެ....އަތޮޅުތަކުން ލިބޭނަފާއިން މަންފާކުރަންޖެހޭނީއަކީ މާލެއަށް އެކްންޏެއްނޫން...ކޮބާތަ އަތޮޅުތަށް ތަމްސީލުކުރާ މެމްބަރުން؟؟؟
އަދdg
16 February 2017
ރަނގަޅު
ފެންވަރު
15 February 2017
އެހެންވީމަ ބިލުތައް ބޮޑިއްޔޭ ކިޔާފަ ނުދައްކާ ތިބެންވީދޯ. ފެންބިލެއް ފޯނު ބިލެއް ކަރަންޓު ބިލެއް ކިޔާނެކަމެއް ނެތް. އަހަރުވާއިރު ބިލު ނުދެއްކީމަ ދައުލަތަށް ލިބެންޖެހޭ އެ ފައިސާ ހޯދުމަކީ ޚިދުމަތްދޭ ފަރާތުގެ ޒިންމާއެއް. އަހަރުވާއިރުވެސް ބިލް ނުދެއްކީމަ ޚިދުމަތްދިނުމަކީ ޒިންމާއަށް އިހުމާލުވުން. ކޮބާބާ އޮޑިޓް އޮފީހާ އޭސީސީއާ. ނާޖާއިޒު ފައިދާ ނޫންތޯ އެއީ؟ ދައުލަތަށް ގެއްލުން ނުލިބޭނެތޯ؟ ހިންމަފުށި މީހުންނަށް އެކަންޏެއް ނޫނޭ އިނގޭތޯ ބިލުތައް ބޮޑުވަނީކީ. ކަލޭމެން ކުދިން ގެނެސްދިން ސަރުކާރުން ބުނާ ޢަދަދަކަށް ދައްކަން ޖެހޭނީ.
ވަރަށް ހެއްވާ
15 February 2017
ދިވެހިރާއްޖޭގެ ހުރިހާ ރަށެއްގައި މީހުން އުޅެނީ ކަރަންޓް ބިލަށް ލާރި ދައްކައިގެން، ދެން އަހަރުންވެސް ކަންތައްކުރާނީ ތިހެން، ހީވާ ކަހަލަ އަހަރުންވެސް ވަކި އަނގަޔާ އަތާ ދިމާ ވާތީއެއް ނޫން އެހެން އުޅެނީ، އިންސާފުވެރި ވާން ޖެހޭނެ... ޖޫރިމަނާވެސް ދައްކަން ޖެހޭނެ
ާއަލީ
15 February 2017
އަހަރެން ބިލް ނުދައްކާތާ ދެމަސް ވާއިރަށް ގޭން ކަރަންޓް ކަނޑާލަ. ހައިރާންވަނީ މިމީހުން ބިލްނުދައްކާއިރުވެސް ހިދުމަތް ލިބުނީމަ.
ކަދުރު
15 February 2017
ހެއު ވެރިކަމުގެ އަލާމާތް
ޙަސަން އަޙްމަދު
15 February 2017
އެރަށުން ކަރަންޓު ބިލް ނުދައްކާ އޮތިއްޔާ ކޮންމެސް އެހެން ރަށަކުން އޮންނާނީ އެބައި ކާލާފަ.
ޫގޯސް
15 February 2017
ކަރަންޓް ބިލް ނުދެއްކީ ސަރުކާރަށް ޖެއްސުން ކުރަން. ޢާމްދަނީވެސް ލިބޭ. ޢެހެން ކަންތައްވެސްކުރޭ. ޓިކަމަށްވެސް ގާނޫނެއް ހަދަންވީ.
އިދުރީސްބެ
15 February 2017
ވަރަށް ހިތާމަވެރި ޚަބަރެއް، މާލަސްތަކެއްނުވެ ތިރަށުގެ ގޭގެޔަށްވެސް "ހެޔޮފުޅުކަމުން" ސިޓީއުރަތަކެއް ލިބޭނެ ބިލްދައްކާލީމަ ނިމުނީ. ވޯޓްލާދުވަސް ކައިރިވާވަރަކަށް ރައްޔިތުން ބިކަކުރާނެ، ލާރިކޮޅެއްދިނީމަ އެހަނދާނެއްނުހުންނާނެ.
ބަކުރު
15 February 2017
މިސަރުކާރު ހުރިހާގޮތިަކުން ވެސް ވަނީ ފެއިލް ވެފައެވެ. ތިންބާރު ހިތަކަށް ލިބި ތަރައްގީގެ ޒައްރެއްގެ މިންވަރު ނުގެނެވުނުތާ ރައްޔިތުން ބިކަވެ ޖެހުނީ ހާލުގައިއެވެ. އަޅުގަނޑު މިހާތަނަށް ދުށް އެންމެ ދަށްފަންތީގެ ވެރިކަމަކީ މިއީއެވެ. އެއްވެސް މިސްރާބެއްނެތް އަދި ރައީސްމީހާ މިހާ އިންކޮންޕިޓެންޓްތަނަށް މީގެ ކުރިޔަކުން ނުދެކެމެވެ،