12 ފެބުރުއަރީ 2024 - 09:53
66 comments
ދައުލަތުން މާލީ ގޮތުން އުފުލަން ޖެހޭ ބުރަ ބޮޑުވުމުން މަހުގެ އަގު 20ރ. އަށް ކުޑަކޮށްފައިވާ ކަމަށް ފިޝަރީޒް މިނިސްޓަރު އަހުމަދު ޝިޔާމް ރައްޔިތުންގެ މަޖިލިހުގައި މިއަދު ވިދާޅުވެއްޖެ އެވެ.
މިދިޔަ ރިޔާސީ އިންތިހާބުގެ ކެމްޕެއިންގެ ތެރޭގައި ރައީސް އިބްރާހިމް މުހައްމަދު ސޯލިހުގެ ސަރުކާރުން ވަނީ މަހުގެ އަގު 17ރ. އިން 25ރ. އަށް ބޮޑު ކޮށްފަ އެވެ.
އެ ނިންމުން ބަދަލު ކުރުމުގެ ވިސްނުން މި ސަރުކާރުން ގެންގުޅޭތޯ ދާންދޫ ދާއިރާގެ އެމްޑީޕީގެ މެންބަރު ޔައުގޫބް އަބްދުﷲ މަޖިލިހުގެ މިއަދުގެ ޖަލްސާގައި ކުރެއްވި ސުވާލަކަށް ޖަވާބު ދެއްވަމުން މަސްވެރިކަމާ ބެހޭ ވަޒީރު ޝިޔާމް ވިދާޅުވީ، މަސްވެރިންނަށް ދޭން ޖެހޭ ފައިސާ ބަރާބަރަށް ދިނުމަށާއި މިފްކޯ ބަނގުރޫޓު ވިޔަ ނުދިނުމަށް މަހުގެ އަގު ކުޑަކުރަން ނިންމާފައިވާ ކަމަށެވެ.
"އަޅުގަނޑުމެން ވިސްނުން ގެންގުޅެނީކީ ނޫން. މަހުގެ އަގު ވަނީ ބަދަލުކޮށްފައި." އޭނާ ވިދާޅުވި އެވެ.
ނައިފަރު ދާއިރާގެ ކުރީގެ މެމްބަރު އަދި މި ސަރުކާރުގެ ފިޝަރީޒް މިނިސްޓަރު ޝިޔާމް ވިދާޅުވީ، އެމްޑީޕީގެ ސަރުކާރުން މަހުގެ އަގު 25ރ. އަށް ބޮޑުކުރީ އެއްވެސް ދިރާސާއެއް ނުކޮށް، ސިޔާސީ ބޭނުމަކަށްޓަކައި ކަމަށެވެ.
އެ ބަދަލު ގެންނަން އެ ސަރުކާރުން ނިންމާފައި ވަނީ ރިޔާސީ އިންތިހާބުގެ ފުރަތަމަ ބުރު ނިމި ދެ ވަނަ ބުރު ވޯޓު ފެށުމުގެ ކުރިން ކަމަށް ވާތީ އެއީ އޭގެ ހެއްކެއް ކަމަށް އޭނާ ވިދާޅުވި އެވެ.
"އަޅުގަނޑުމެން އޭރުވެސް އަދި މިހާރު ވެސް ދެކެނީ [މަހުގެ އަގު ބޮޑު ކުރުން] އެއީ ސިޔާސީ މަގުސަދެއް ހާސިލް ކުރުމަށްޓަކައި ގެނައި ބަދަލެއް ކަމަށް،" މިނިސްޓަރު ވިދާޅުވި އެވެ.
ޝިޔާމް ވިދާޅުވި ގޮތުގައި މިވަގުތު ރާއްޖެ އިން އެކްސްޕޯޓް ކުރާ ބާޒާރުގައި މަސް ކިލޯއަކަށް ލިބެނީ 22.40ރ. އަށެވެ. އެހެންވެ 25ރ. އަށް މަސްވެރިންގެ އަތުން މަސް ގަނެގެން ދެކޮޅެއް ނުޖެހޭނެ ކަމަށް އޭނާ ވިދާޅުވި އެވެ.
ކުރީގެ ސަރުކާރުން ބޮޑު ކުރި އަގުގައި މަސް ގަންނަ ނަމަ ދައުލަތުގެ މި އަހަރުގެ ބަޖެޓުން ސަބްސިޑީގެ ގޮތުގައި 1.1 ބިލިއަން ރުފިޔާ ހަރަދު ކުރަން ޖެހޭނެ ކަމަށް ޝިޔާމް ވިދާޅުވި އެވެ.
އެ ސަބްސިޑީގެ ގޮތުގައި މިދިޔަ އަހަރަށް ބަޖެޓު ކޮށްފައި ވަނީ 250 މިލިއަން ރުފިޔާ ކަމަށާއި ނަމަވެސް މަހުގެ އަގު 25ރ. އަށް ބޮޑު ކުރުމުން އެ އަހަރުގެ ފަހު ތިން މަހުގެ ތެރޭގައި 500 މިލިއަން ރުފިޔާ އަށް އެ އަދަދު ބޮޑުވި ކަމަށް ޝިޔާމް ވިދާޅުވި އެވެ.
"އެއީ ސަރުކާރަށް ކެރި ކުޅަދާނެ ވެގެންވާ ކަމެއް ނޫން،" މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުން
13 February 2024
ދެން ރައްޔިތުންނަށް ބުރަބޮޑުވާތީ މިޖެހުނީ ސަރުކާރު ބަދަލުކުރަން.
ކަރަޕްޝަން
13 February 2024
ދައުލަތަށް ނުކަތާވަރަށް ސިޔާސީބޭނުމަށް ދައުލަތުގެ ފައިސާ ބޭނުންކުރާ ވެރިންގެ މައްޗައް އޭސީސީއިން ދައުވާ ކުރަންޖެހޭ. މުޅިދައުލަތް މިއޮތީ ފެއިލްވެފައި. މުއިޒްވެސް ހިގަނީ ހަމަ އިބްރާހިމްވެސް ހިގިމަގުން. ތަފާތަކީ ޕާޓީގެ ނަން
ގައުމުގެއެއްކޮށް ސުންނާފަތި
13 February 2024
މަސްދޯނިތަކުގަވެސް މިހާރު ގިނައީ ބިދޭސީން. މަސްވެރިން ބާނާހާ މަހެއް ސަރުކާރުން މާކެޓްރޭޓަށްވުރެ ބޮޑުއަގުގައި ގަންނަންޖެހެންޏާ ވަޑާންގެއިން ތައްޔާރުކުރާހާ ފަރުނީޗަރަށްވެސް ދައުލަތުންގަނެ ބޮޑުއިސްޓޯރު ހުޅުވައިގެން ވިއްކޭތޯބަލަންވާނެ، ރިސޯޓުތަކާއި ގެސްޓް ހައުސްތަކުގަ ހުންނަ ހުސްކޮޓަރި ތަކަށްވެސް ފުލްއޮކިއުޕެންސީގައި ފައިސާދޭންވާނެ،
ނުހޮރުއްޕާން
12 February 2024
މަގޭ ހިތަށްއަރާ، 17 ރުފިޔާހުރިއިރު ވަގުތުން ނުދެވުނު ފައިސާއެއް 25؛އަށް ހަދައިގެން ކޯޗެއް ފެލައިގެން ދޭން ކޮށްލި ކަމެއްބާއޭ. ލަދެއް ނުގަންނާނެ މިބައިގަނޑު. މަސްވެރިންވެސް ހޭއަރަންވެއްޖެ. މިފައިސާ ނުދީގެން ތެޅެއަރުވައި ފުމެކުޅެގެން ނުކުންނަނީ ކޮންދިޔައެއްކަމާމެދު. ސަރުކާރަކަސް މަސްވެރިޔަކަސް ވިޔަފާރި މަހުޖަނަކަސް ނުފޯރާ ކަންގަނޑުން ފޫގަޅަން އުޅެންހަދައިގެން ފޫނުގެޅި އޮރިޔާންވާނޭކަން ދަންނަންވީ. އެޕްޑީޕީ އަކީ މިކަހަލަ ތަނެއް. ޙުރިއެއްޗެއް ދެވޭނީ
ދިބެހިސަބް
12 February 2024
މަސްއޮޑިތަކު ތިބޭ ބަންގާޅީންނަށް ސަބްސިޑީ ދޭންޖެހޭކަމަށް ގަބޫލުނުކުރަން... މަސްވެރިކަމުގަ މިހާރު ތިބީ ދިވެހި އޮޑިވެރިންނާ ކެޔޮޅުންނާ ދެން ގިނަ އަދަދެއްގެ ބަންގާޅީ ފަޅުވެރިން... ދިވެހިންގެ ޓެކްސް ފައިސާއިން ބިދޭސީންނަށް މަސްވެރިންގެ ގޮތުގައިދެވޭ ސަބްސިޑީ ގަބޫލުނުކުރެވޭ
ހިނީ
12 February 2024
ބަލަ ދައުލަތައް ބާރުބޮޑުވާތީ ކަޑާލާނީ މަސްވެރިން ގެ ފައިސާޔެއްނޫން ތިބޭކާރު މަގާމުތަކުގާތިބި މީހުން ބޭރުކުރަން ވީ އެކުޓިވިސްޓުންނައް ވަޒީފާދިނުން ހުއްޓާލަންވީ
ފޫހި
12 February 2024
ބަލަ ދައުލަތައް ބާރުބޮޑުވާތީ ތަ ދުވާލަކު 2 ދަޅަޔައް ސިޔާސީ މީހުން ޑެޕިއުޓީ މިނިސްޓަރުންނަށް ތިނަގަނީ . ރައްޔިތުންގެ ފައިސާ ބޭކާރުކުރުވަން
ޓިނު
12 February 2024
މާރުކޭޓުގައި 35.40 ރ ގިނަދުވަހު ކ. ލިބެނީ
ނިލިސް
12 February 2024
ކުރިން ޝިޔާމުމެން ދެއްކީ އެހެން ވާހަކައެއް.
އައްޔަ ބޮޑޭ
12 February 2024
ދައުލަތައް މާލީގޮތުން ބުރަބޮޑުވާތީ މަސްވެރިންގެ އަތުންތޯ އެބައިހޯދަން ތިއުޅެނީ, ސިޔާސީމީހުންގެ މުސާރައިން ލޯލާރިއެއްވެސް ކުޑަނުކުރަނީ ކީއްވެތޯ,
ހެދުން
12 February 2024
މަސްވެރިން އަތުން ކޯޗެއްތޯ ސަރުކާރައް ހޯދޭނީ. ބަޔަކު ހަމައަގު ދެނިއްޔޭ ކިޔާފަ މަހުގެ އަގުކުޑަކޮއްފަ އަދި ވެރިކަން ނިމެން ކައިރިވީމަ މަހުގެ އަގު ބޮޑުކޮއް ބޮޑުކުރި ލާރި ނުދީ ދިޔައީ މިހާރު ސަރުކާރުން އުޅެނީ އެމީހުން ވައުދުވީ ގޮތައް 20 ވުރެން ކުޑަ ނުވާގޮތައް ލާރިކޮޅު އަވަހައް ލިބޭގޮތް ހަދަން