މިހާތަނަށް އެންމެ ހޫނު ދުވަސް: 48 ޑީގްރީ ސެލްސިއަސް!

މާލެ ސަރަހައްދަށް ހޫނުކަން އިހުސާސް ކުރެވޭ މިންވަރު 48 ޑިގްރީ ސެލްސިއަސް އަށް އަރައިފި ކަމަށް މެޓް އޮފީހުން ލަފާކޮށްފި އެވެ.

މިއީ މިހާތަނަށް މާލެ ސަރަހައްދަށް އެންމެ ހޫނުވި ދުވަހެވެ.

މެޓް އޮފީހުން ބުނީ ހުޅުލޭގެ ހޫނު މިން 33.6 ޑީގްރީ ސެލްސިއަސްގައި ހުރި ކަމަށާއި އިހުސާސް ކުރެވޭ މިންވަރު 48.4 ޑިގްރީ އަށް އަރާފައިވާ ކަމަށެވެ.

"ދުވަހުގެ ހޫނު މިން އާންމު ގޮތެއްގައި އެންމެ މައްޗަށް އަރާނީ މެންދުރު ކުރި 11:00 އިން ފެށިގެން މެންދުރުފަހު 15:00 ދެމެދު." އެ އޮފީހުން ބުންޏެވެ.

ކުރިޔަށް އޮތް ތަނުގައި ވެސް ހޫނު މިން 45 ޑިގްރި ސެލްސިއަސް އަށް ވުރެ މައްޗަށް އަރާނެކަމަށް ލަފާކުރެވޭ ކަމަށް މެޓް އޮފީހުން ބުންޏެވެ.

އެހެންވެ ގަދަ ހޫނުން ރައްކާތެރިވުމަށްޓަކައި އަޅަން ޖެހޭ ފިޔަވަޅުތައް އެޅުމަށް މެޓް އޮފީހުން އިލްތިމާސް ކުރި އެވެ.

މެޓް އޮފީހުން އާންމުކޮށްފައިވާ ތަފާސްހިސާބުތަކުން އެނގޭ ގޮތުގައި މިދިޔަ އަހަރު އެންމެ ހޫނުގަދަވި ކަމަށް ރިކޯޑް ކުރެވިފައި ވަނީ ހދ. ހަނިމާދު އަށެވެ. އެއީ މިދިޔަ އަހަރުގެ މެއި މަހުގެ ހަ ވަނަ ދުވަހު 34.6 ޑިގްރީ ސެލްސިއަސް އަށެވެ.

މެޓް އޮފީހުން އާންމުކޮށްފައިވާ ތަފާސްހިސާބުތަކުން އެނގޭ ގޮތުގައި މިދިޔަ އަހަރު އެންމެ ހޫނުގަދަވި ކަމަށް ރިކޯޑް ކުރެވިފައި ވަނީ ހދ. ހަނިމާދު އަށެވެ. އެއީ މިދިޔަ އަހަރުގެ މެއި މަހުގެ ހަ ވަނަ ދުވަހު 34.6 ޑިގްރީ ސެލްސިއަސް އަށެވެ.