ސްޕޯޓްސް ކާރު ދުއްވި މީހާގެ ވަނަވަރު އާންމުކޮށްފި

އެކްސިޑެންޓުވި ކާރު ދުއްވި މީހާ.

މާއިދާ މުހައްމަދު ރަޝާދު، މިހާރު

06 ސެޕްޓެމްބަރ 2024 - 14:04

ހުޅުމާލޭ ސެންޓްރަލް ޕާކު ކައިރިން ބާރު ސްޕީޑުގައި ދުއްވި ސްޕޯޓްސް ކާރަކުން ޖެހި ޒުވާނަކު ރޭ ދަންވަރު ނިޔާވެފައިވާއިރު، އެ ކާރު ދުއްވި މީހާގެ ވަނަވަރު ފުލުހުން މިއަދު އާންމުކޮށްފި އެވެ.

އެ މައްސަލާގައި ފުލުހުން ހައްޔަރުކުރީ ސ. ހިތަދޫ ވައިލެޓްފެހި މުހައްމަދު ވިސާމް ސިދުގީ، 26 އެވެ.

ފުލުހުން ބުނި ގޮތުގައި ބާރު ސްޕީޑުގައި ދުއްވާފައި ދިޔަ ކާރެއްގައި ސައިކަލަކުން ޖެހުނު އެކްސިޑެންޓިގެ ރިޕޯޓް ލިބުނީ ރޭ ދަންވަރު 2:48 ގަ އެވެ.

އެ ހާދިސާގައި އަނިޔާވީ ސައިކަލު ދުއްވަން އިން އުމުރުން 23 އަހަރުގެ ހަސަން ސަމާހަށެވެ. އެކަމަކު އެކްސިޑެންޓުގައި ލިބުނު އަނިޔާތަކަށް ހުޅުމާލޭ ހޮސްޕިޓަލުގައި ފަރުވާދެމުންދަނިކޮށް އޭނާ ވަނީ ނިޔާވެފަ އެވެ. ސެންޓްރަލް ޕާކު ކައިރީ ހުންނަ އުރީދޫ އޮފީސް އިމާރާތާ ދިމާލުން ހިނގި އެ އެކްސިޑެންޓުގައި ސަމާހު މަރުވީ ބޮލަށް ލިބުނު އަނިޔާތަކުގަ އެވެ. އެނގިފައިވާ ގޮތުގައި އޭނާ މަރުވީ ހޮސްޕިޓަލަށް ގެންދިޔަތާ ކުޑައިރުކޮޅެއް ފަހުންނެވެ.

Accident gai niyaavee dhuvumeggai baiverivaan ais ulhunu zuvaaneh

The most trusted news source in the Maldives

Mihaaru

ލ. އިސްދު އަށް އުފަން ސަމާހު ނިޔާވިއިރު އޭނާއަކީ ރޭ ދަންވަރު ހުޅުމާލޭގައި ބޭއްވި ޓީއެފްޖީ މެރަތަންގައި ބައިވެރިވާން މާލެ އައިސް އުޅުނު ޒުވާނެކެވެ. އެކްސިޑެންޓް ހިނގީ ވެސް މެރަތަން އޮންނަ ސަރަަހައްދަށް ސައިކަލުގައި ބައެއް ރައްޓެހިން ގެންގޮސްދިން ފަހުންނެވެ.

ސަމާހު ނިޔާވި އިރު އޭނާ ދިޔައީ އަންނަ މަހު ކައިވެންޏަށް ވެސް ތައްޔާރުވަމުން ކަމަށް އޭނާގެ ގާތް މީހުން ބުންޏެވެ.

ހަފްތާ ބަންދުގައި ހުޅުމާލޭގައި ސްޕޯޓްސް ކާރުތައް އާންމުންނަށް ނުރައްކާވާ ގޮތަށް ބާރު ސްޕީޑުގައި ދުއްވާކަމުގެ ޝަކުވާ އަބަދުވެސް އޮވެ އެވެ. މީގެ ކުރިން ވެސް ވަނީ ރޭގެ އެކްސިޑެންޓު ހިނގި ހިސާބުގައި، ބާރަށް ދުއްވި ކާރަކުން ސައިކަލެއްގައި ޖެހި ސައިކަލްގައި އިން މީހަކު މަރުވެފަ އެވެ. އަދި ހުޅުމާލެ 2 ގައި މިދިޔަ މަހު ވެސް ސްޕޯޓްސް ކާރެއް ބާރު ސްޕީޑުގައި ގޮސް ސައިކަލެއްގައި ޖެހި ނުރައްކާތެރި އެކްސިޑެންޓެއް ހިނގި އެވެ.

އެކްސިޑެންޓް ފުލުހުން ހުޅުމާލެ މަގުމަތީގެ އެކްސިޑެންޓް

30 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުދުގުދާބެއްޔާ

06 September 2024

ރަށުގަ ގެޔާ ބަދިގެޔާ ދެތެރެގައި ސައިކަލް ދުއްވާފައި މަލެ އައިސް ހައިވެ ފެނުނިމަ ދުނިޔެރަން ވަނީ! ދެން ބޮލައް ފިތާޅައިފައިވާ ތާވަޅެއްހެން އެނބުރެމުން އައިސް އެހެން މީހުންގެ ގައިގަ މިޖައްސަނީ! ކޮންފަދަ ނޮހުރުއްޕާނެތްތަ އެހެން މީހުންނަށް. ރަށުގަ ތިޔައެތި ދުއްވަން ރަށައް ކޮފިބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާ،،،

06 September 2024

ފާޑުފާޑުގެ މޮޅެތި ކެމެރާ ސިސްޓަމްތައް ހުރޭ. އެކަމަކު އޭގެ އެއްވެސް ބޭނުންހިފާ ރަނގަޅު ނަތީޖާ އެއް ނެރެވިފަ ނެތް. ގާނޫނު ތައްވެސް އެބަހުރި. އެކަމަކު އެވެސް ތަންފީޒު ނުކުރެވޭ. ކަންކަން ބަލާ ފިޔަވަޅު އަޅަން ތިބި މީހުން ތިބީ ރައްޔިތުންގެ ޓެކުސް ފައިސާއިން މުސާރަ ނަގައި ހަމަޖެހިގެން އަމިއްލަ ކަންކަމުގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޭނޭ

06 September 2024

ލޭނު ނެތީމަ ވާގޮަތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލެ ދިވެހިރާއްޖެ

06 September 2024

މިއީ ދުނިޔޭގަ އޮތް އެންމެ "އަޅާނުލާ" ގައުމު. ކަންކަމުގަ ޒިންމާ ނަގަން ނުޖެހޭ ގައުމު. މިތަނަށް އަޚްލާގުހުރި ހަރުކަށި ތިމާއަށްވުރެ ގައުމު ދެކެ ލޯބިވާ ވެރިން ލިބިގެން ނޫނީ މިތަން ރަނގަޅެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު..

06 September 2024

ބަރާބަރު ވާހަކައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

06 September 2024

ލައިސަންސް ނެތް މީހަކު ކާރު ދުއްވީމަ ކާރުގެ ވެރި ފަރާތް ހައްޔަރު ކުރަން ވާނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮހޮލު

06 September 2024

ބްރިޖް މަތިން ދާއިރުވެސް ރޮކެޓެއް ދާހެން ތި ކާރުތައް ދާނީ. ކިރިޔާ ހަމަ ސަލާމަތް ވަނީ. މީ މާމޮޅުބަޔަކަށް ހަދައިގެން އުޅެނީ ރާއްޖޭގެ ކޮސް ސިޔާސީ މީހުން. 20 އަކަށް ވޯޓުވެސް ހަމަނުވޭ އެކަމު އެމީހުނަށް ހުޅުމާލޭ ދެ ބައިކޮށްފަ ވީކެންޑް ތަކަށް ދީފަ އޮންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަގީގަތޭ

06 September 2024

މީ ކުއްވެރިންގެ ރާއްޖެ އެޅޭނެ ފިޔަވަޅެއް ނޯންނާނެ، މަޖިލީހައް ހޮވަނީ އެކަހަލަ މީހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއީ ވާ މުސީބާތެއް!

06 September 2024

ނިކަން ކެރޭނެބާ އުތުރު ކޮރެޔާގަ ނޫނީ ސިންގަޕޯރުގަ ކަންކުރާގޮތައް އަދަބު ދޭން! އކ ގަ ކުއްވެރިޔާ އާ އެމީހާގެ މުޅި އާއިލާ މަގުމަތީގަ ބަހައްޓާފަ ކާރަކުން ޖާއްސާނެ ކަން ގައިމު! ދިވެއްޗެކޭ ބުނަންވަސް ލަދުގަނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތައިރް

06 September 2024

އަވަހަށް މި ކުށްވަރިޔާ ދޫކޮށްލަން ގޮވަން ފަށާ!!! ދިވެހި ރާއްޖޭގަ ހައްގު ލިބޭނީ ކުށްވެރިންނަށް އެކަނި!!! ކުށްވެރިންނަށް އިންގޭ އަދަބެއް ނުލިބޭނެކަން... އަދަބު ދީފިއްޔާ ޙައްގު ނިކުންނާނެކަން ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮއްޔެ.

06 September 2024

ބާރު ސްޕީޑްގައި ޒިގްޒެގް ލައްވަމުން ދުއްވާ އުޅަނދުތަކާއި ކަންފަތް ފަޅައިގެންދާވަރަށް ބުންބުން އަޑު ލައްވަމުން ދުއްވާ އުޅަނދުތައް ހުއްޓުވާތަނެއް ދުވަހަކުވެސް ނުފެނޭ. ހީވަނީ ޚާއްޞަ ލައިސަންސެއްގެ ދަށުން މާ މަތިން ފައިބައިގެން އުޅޭ ބައެއްހެން އެއީ. މީ މިޤަައުމުގައި ދުވަހަކުވެސް ޙައްލުވާން ނެތް މައްސައެއްތޯ މީ؟ މަރުވި ކުއްޖާގެ ޒިންމާ ނަގާނީ އެކުއްޖާގެ ޢާއިލާއިންތޯ؟ ނުވަތަ އެކުއްޖާ އަމިއްލައަށްތޯ؟ އެއްބަޔަކު ބުނެފާނެ ގޭގައި އޮތްނަމަ އެހެންނުވާނެނޫންހޭ