ބިރުވެރިކަން އުފެދޭ ޓުވީޓެއް ކުރި ކަމަށް ބުނެ އެމްޑީޕީގެ އެކްޓިސްޓަކު ފުލުހަށް ހާޒިރު ކުރަނީ

އެމްޑީޕީ ސޯޝަލް މީޑިއާ އެކްޓިވިސްޓު ހުސައިން ޝާފިއު (ތުއްތު): ބިރު ދެއްކުން އެކުލެވޭ ގޮތަށް ކުރި ޕޯސްޓަކާ ގުޅިގެން ފުލުހަށް ހާޒިރުވާން ވަނީ އަންގައިފަ - ފޮޓޯ: ސޯޝަލް މީޑިއާ

އައިޝަތު ނުޒުހާ، މިހާރު

30 ނޮވެމްބަރ 2024 - 18:19

34 comments

މީހަކަށް ބިރު ދެއްކުން ފަދަ ގޮތަކަށް ދޭހަވާ ގޮތަކަށް "އެކްސް" ގައި ކުރި ޕޯސްޓަކާ ގުޅިގެން އެމްޑީޕީގެ ސޯޝަލް މީޑިއާ އެކްޓިވިސްޓަކު ފުލުސް އޮފީހަށް ހާޒިރުވާން މިއަދު އަންގައިފި އެވެ.

އިދިކޮޅު އެމްޑީޕީގެ އެކްޓިވިސްޓެއްގެ ގޮތުގައި އިސްކޮށް ހަރަކާތްތެރިވާ ހުސައިން ޝާފިއު (ތުއްތު) ފުލުސް އޮފީހަށް ހާޒިރުވާން އެންގީ މާދަމާ މެންދުރު 1:30 އަށެވެ.

ޝާފިއު އަށް ފޮނުވި ޗިޓުގައިވާ ގޮތުން އޭނާ ފުލުސް އޮފީހަށް ހާޒިރު ކުރަނީ ހަޑިހުތުރު ބަސް ބޭނުންކޮށް، ބިރުވެރިކަން އުފެދޭ ގޮތަށް ސޯޝަލް މީޑިއާގައި މި މަހުގެ 8 ވަނަ ދުވަހު ކުރި ޕޯސްޓަކާ ގުޅިގެން ސުވާލު ކުރުމަށެވެ.

އެއީ ސިނގިރޭޓު އަގުބޮޑުވުމާ ގުޅިގެން ނުރުހުން ފާޅުކޮށް އޭނާ ކޮށްފައިވާ ޕޯސްޓެކެވެ. އެ ޕޯސްޓުގައި ރައީސް ޑރ. މުހައްމަދު މުއިއްޒަށް އަމާޒުކޮށް ހަޑިހުތުރު ބަސް ބޭނުންކޮށް، ސިނގިރޭޓު ފޮއްޓެއް ގަތީ 270ރ. އަށް ކަމަށް ބުނެފައިވެ އެވެ. އެ ޕޯސްޓު ނިންމާލަމުން "މަށަށް ކަލޭ މަގެއް މަތިން ނުފެއްނާތި" ކަމަށް ބުނެ އިންޒާރު ދެ އެވެ.

ޝާފިއު އަށް ފުލުހުން ފޮނުވި ޗިޓާ އެކު، އެމްޑީޕީ ޗެއާޕާސަން ފައްޔާޒު އިސްމާއީލް އެކްސްގައި ވިދާޅުވީ، ސަރުކާރާ މެދު ހިތްހަމަނުޖެހުން އޮތްކަން ހާމަކުރުމަކީ ބޮޑު ކުށަކަށް މިއަދު ވެއްޖެ ކަމަށެވެ.

ޓްވީޓު ކުރާތީ ފުލުސް އޮފީހަށް ހާޒިރުވާން ޝާފިއު (ތުއްތު) އަށް އަންގައިފި. ރައީސުލްޖުމްހޫރިއްޔާ އާއި ސަރުކާރުގެ އިސްވެރިންގެ "އަބުރުފުޅު"ގެ ހިމާޔަތުގައި ކައުންސިލަރުންނާ ދެކޮޅަށް ފިޔަވަޅު އަޅަން ފަށައިފި. ސަރުކާރާ މެދު ހިތްހަމަނުޖެހުން އޮތްކަން ހާމަކުރުމަކީ ބޮޑު ކުށަކަށް މިއަދު… pic.twitter.com/V9VrvTrK1N
— Fayyaz Ismail (@faya_i) November 30, 2024

އޭނާ ވިދާޅުވީ ސަރުކާރުން މަސައްކަތް ކުރަމުން ދަނީ ރައްޔިތުންގެ އަޑު ކަނޑުވާލައި، ހިޔާލު ފާޅުކުރުމަށް ހުރަސް އެޅުމަށް ކަމަށެވެ.

"ހިޔާލާއި ފިކުރުގައި ތަޅެއް ނޭޅުވޭނެ. މިހެން ޗިޓު ފޮނުވިޔަސް ފާޅުގައި ބަސް ބުނުމުގެ ހިތްވަރު ދިވެހިންގެ އަދި ހާއްސަކޮށް އެމްޑީޕީގެ މެމްބަރުންގެ ހުންނާނެ،" ފައްޔާޒް ވިދާޅުވި އެވެ.

ފައްޔާޒުގެ އެ ވާހަކަތަކަށް އިރުކޮޅަކުން ހޯމްލޭންޑް މިނިސްޓަރު އަލީ އިހުސާން ރައްދު ދެއްވި އެވެ.

އިހުސާން ވިދާޅުވީ، ޝާފިއުގެ ޕޯސްޓުގައި “މަށަށް ކަލޭ މަގެއްމަތިން ނުފެއްނާތި!” އޭ ބުުނެފައިވާ ކަމަށާއި އެ ޖުމުލައިން ކޮންމެވެސް މީހަކަށް ޖިސްމާނީ ގޮތުން ގެއްލުމެއް ދީފާނެ ކަން ދޭހަވާ ކަމަށެވެ.

އަދި ފައްޔާޒަށް ނިސްބަތްކޮށް އެފަދަ ބަހެއް މީހަކު ބުނެފި ނަމަ އަޅާނުލައްވާނަންތޯ ވެސް އިހުސާން ސުވާލު ކުރެއްވި އެވެ.

"އަދި އެހެން ތިއްބާ މަނިކުފާނު މަގެއް މަތިން ފެނި ޖިސްމާނީ އަނިޔާއެއް ދީފި ނަމަ އެއީ ފާޅުކުރި ހިޔާލު އިތުރަށް ސާފުކޮށްދިނީ ކަމަށް ބަލާ އަޅާނުލާ ތިބެންވީތޯ؟ މިއީތޯ މަނިކުފާނުގެ ޒައާމަތެއްގައި މި ގައުމުގައި ކަންކަން އޮންނާނެ ގޮތަކީ؟،" އިހުސާން ވިދާޅުވި އެވެ.

މިނިސްޓަރު ވިދާޅުވިގޮތުގައި، މި ސަރުކާރުން ވަކި ބޭފުޅަކު އިސްތިސްނާ ނުކޮށް އެ ބޭފުޅެއްގެ ހަށިގަނޑާއި ފުރާނަ ރައްކާތެރި ކުރެވޭނެ ހުރިހާ ފިޔަވަޅެއް އަޅާނެ އެވެ. އަދި ބިރު ދައްކާ މައްސަލަތަކުގެ ތަފުސީލް ހޯދާނެ ކަމަށް އޭނާ ވިދާޅުވި އެވެ.

އިހުސާން، ފައްޔާޒަށް އިލްތިމާސް ކުރެއްވީ ކޮންމެ ކަމެއް ސިޔާސީ ކަމަކަށް ނުހެއްދެވުމަށެވެ.

ކުށްކުރުން އެމްޑީޕީ ފުލުހުން ސޯޝަލް މީޑިއާ އަލީ އިހުސާން (ހޯމްލޭންޑް، ސެކިއުރިޓީ މިނިސްޓަރު) އިންޒާރު ދިނުން ފައްޔާޒު އިސްމާއިލް (ކުރީގެ މިނިސްޓަރު)

34 ކޮމެންޓް, 40 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

270ރ

01 December 2024

270ރ އަށް ސިގިރޭޓް ގަނެގެން ބުއީމަ އެ އަންދާލެވެނީ 270ރ. އެ ބޮއިގެން ތިމާގެ ހަށިގަނޑަށް ލިބޭ ގެއްލުމަށް ބޭސްފަރުވާކުރަން އޮންނަނީ ސަރުކާރުން. އޭގެ ދުމުން އެހެން ބަޔަކަށްވެސް އެބަ ގެއްލުން ލިބޭ. އެ ބުއިން ހުއްޓުވަން އުޅޭ ކޮންމެ މީހަކު އެކުރަނީ ރަގަޅުކަމެއް. ސިގިރޭޓަކީ ބުއިމަށްވުރެ ނުބުއިމުން ތިމާއަށާ އެހެން މީހުންނަށް ރަގަޅުވާނެ އެއްޗެއް. އެ އަގުބޮޑުކުރީމަ، އަމިއްލައަށް ހޯދާ ހަލާކަކުން އެމީހާ ދުރުކުރެވެނީއެ އެކަމާ ކިތަންމެ ރުޅިއަޔަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުސަރު

01 December 2024

ދެން އެކަމަކު ތިޔަ ޓެކްސްއެއް ނަގަައިގެން އެއިން ސިޔާސީ މީހުންނަށް ޚަރަދުކޮށް ހެދީމައި ރައްޔިތުންގެ ސިއްޚަތު ރަނގަޅުވާނެތޯއެވެ؟ މިޤައުމުގައި ސިނގިރޭޓް ބޯމީހުންގެ ފަރާތުން ދައުލަތަށްވާ ގެއްލުމަށްވުރެން ސިޔާސީ މީހުންގެ ފަރާތުން ޤައުމަށްވާ ގެއްލުން މާ ބޮޑެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝެހެނާއީ

01 December 2024

ތި ނިތަތުގާ ތިކަން ކުރާނީ އެހެނެއްނޫން، ރައްޔިތުންގެ ސިއްހަތައް ވިސްނައިގެން ތިކަން ކުރާނަމަ ސިގަރެޓް އެތެރެކުރުން މަނާކުރާނެ. އެއީ ސިގަރެޓުން ލިބޭ އާމްދަނީ ބޮޑުކަމުން އެއަދަދު ޑަބަލްކޮއްލަން ސަރުކާރުން ކުރިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައުފާާ

01 December 2024

އެއްވެސް މީހަކަށް ހިޔާލުފާޅުކުރުމުގެ މިނިވަންކަމަށް ބަލައި އެއްވެސް ކަހަލަ ބޭއަދަބީ އަދި ބިރުވެރި ކަންކަން ބޮޑޫވާނެ ބަސްތަށް ބޭނުމެއް ނުކުރެވޭގޮިތަށް ގާޏޫން ބައްޓަންކުރަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބްސް

01 December 2024

މިކަހަލަ ތުއްތު ތަކުގެ އަސްލު ކުލަ އެނގެނީ ވެރިކަން ލިބި ވަޒީފާ ބަހަން ފާށާ ހިސާބުން. މިގައުމު މިއޮތީ ޕާޓީ ތަކުގެ އަތްދަށުވެފަ. ގައުމެއް ލިބޭ އެއްޗެއްގެ 30% އާއި ގާތަށް ގެއްލެނީ ބޭކާރު ސިޔާސީ މަގާމުތަކަށް. ވެރިކަން ހޯދުމާއި ދެމެހެއްޓުން އޮންނަނީ ސިޔާސީ މަޤާމު އިތިރުކުރި ވަރަކުން. ރިޔާސީ އިންތިހާބު އެއްބުރަށް ހަދާލުމުން މިކަމުގައި ސިއްކަ ޖެހިގެންދާނެ. ބަލަން ތިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލުބެ

01 December 2024

ފާޅުގައި މީހުން މަރަން ގޮވި މީހުނާއި ސަލާމަތީ ބާރު ތަކުގެ ކެމެރާ ތަޅާލި މީހުން ކޮބާ ތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑީޕީ މީހާ

01 December 2024

ކޮމންމެ ޕާޓޯއަކަށް ތާއިދު ކުރިޔަސް މިކަހަލަ އަހުލާގެއް ނެތް މީހުން ކުރާ ކަންތަކާއި ވިޔާނުދާ ކަންތައް ބަލައި ނުގަނެވޭނެ. ފައްޔާޒު ވެރިކަމަށް އަންނަން އުޅޭއިރު ތިޔަށްވުރެ ޒިންމާދާރު ވާންވާނެ. އަޅުގަނޑުމެންގެ އަމިއްލަ ދަރިން މިކަހަލަ އެކްޓިވިސްޓުންނަށް ވާން ނޭދެން. މިއޮއް ކިޔަވައިގެން ތިބި މީހުން ތިބި ގައުމުގައި އަހުލާގެއްނެތް އުޅުމެއްނެތް އެކްޓިވިސްޓުންގެ ދިފާއުގައި ރައީސްކަމަށް ވާދަ ކުރާމީހުން. ގައުމެއްވާ ނެތް.