ނުހައްގު ގޯތިތަކުގެ މައްސަލަ އޭސީސީން ވެސް ތަހުގީގުކުރަނީ

ވަގު ލިޔުން ހުށަހަޅައިގެން ފަޒީލަށް ލިބުނު ކަމަށް ބުނާ ގޯތީގެ ވަށައިފާރު ރާނައިފައި.- ފޮޓޯ: މިހާރު

އިފްރާޒް އަލީ، މިހާރު

19 ޑިސެމްބަރ 2024 - 12:00

ބިންވެރިޔާ ސްކީމްގައި ނުހިމެނޭ ބަޔަކަށް އެޗްޑީސީން ގޯތިތަކެއް ދިން ކަމަށް ތުހުމަތުވާ މައްސަލަ އެންޓި-ކޮރަޕްޝަން ކޮމިޝަން (އޭސީސީ) އިން ވެސް ތަހުގީގުކުރަން ފަށައިފި އެވެ.

އޭސީސީގެ މީޑިއާ އޮފިޝަލަކު ވަނީ އެ މައްސަލައިގެ ތަހުގީގު ފެށިކަން "މިހާރު"އަށް މިއަދު ކަށަވަރުކޮށްދީފަ އެވެ.

ބިންވެރިޔާ ސްކީމަށް ޝަރުތު ހަމަނުވާ ލިސްޓުގައި، އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދުގެ ބޭބެ، އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް ރަޝީދުގެ ނަން އޮއްވައި، އޭނާއަށް ވަނީ ގޯތީގެ ރަޖިސްޓްރީއެއް ހަދައިފަ އެވެ. އޭނާގެ އިތުރުން އެހެން ބަޔަކަށް ވެސް އެގޮތަށް ރަޖިސްޓްރީ ހަދާފައިވާކަން އިއްޔެ ފަޅާއެރި އެވެ.

ސޯޝަލް މީޑިއާގައި އާންމުވި އެ ލިޔުންތަކުން އެނގޭ ގޮތުގައި، އެއީ ސައްހަ ރަޖިސްޓްރީތަކެއް ނޫނެވެ. ބިންވެރިޔާ ސްކީމުން ފަޒީލްއަށް ގޯތި ނުލިބޭ ކަމަށް ހައުސިން މިނިސްޓްރީން ވެސް އެޗްޑީސީއަށް ވަނީ އަންގައިފަ އެވެ.

ބިންވެރިޔާ ސްކީމްގައި ނުހިމެނޭ ބަޔަކަށް ގޯތިތަކެއް ދީފައިވާ މައްސަލަ ފެންމަތިވުމުން ފުލުހުން ފެށި ތަހުގީގާ ގުޅިގެން އެޗްޑީސީގެ ޗެއާމަން އަހްމަދު ނާސިފް ފިޔަވައި، އެ ކުންފުނީގެ ބޯޑު އެއްކޮށް މިއަދު ވަނީ ސަސްޕެންޑު ވެސް ކޮށްފަ އެވެ. އޭގެ ތެރޭގައި ފަޒުލް ވެސް ހިމެނިވަޑައިގަންނަވަ އެވެ.

އެމްޑަބްލިއުއެސްސީގެ ޑީއެމްޑީ ކަމުން ފަޒީލް ވެސް މިއަދު ވަނީ ސަސްޕެންޑުކޮށްފަ އެވެ. އަދި އޭނާގެ މައްޗަށް ފޯޖަރީގެ ތުހުމަތުކޮށް، ފުލުހުން ވަނީ އެ މައްސަލަ ވެސް ތަހުގީގުކުރަން ފަށައިފަ އެވެ.

Fazeel ah goathi haggu noonas vashaafaaru huree raanaafai!

The most trusted news source in the Maldives

Mihaaru

ބިންވެރިޔާ ސްކީމްގެ ލިސްޓުގައި ނެތް ބަޔަކަށް ހުޅުމާލެ އިން ގޯތިތަކެއް ދިން ކަމަށް ބުނާ މައްސަލަ ވަރަށް ބޮޑަށް ހޫނުވުމުން އެޗްޑީސީން ރޭ ބޭއްވި ޕްރެސް ކޮންފަރެންސެއްގައި ފަޒުލް ވިދާޅުވީ ގޯތިތަކުގެ މައްސަލަ ފާހަގަވީ ގޯތިތަކުގެ ވަށާފާރު ރޭނުމުގެ ހުއްދައަށް އެދި އެޗްޑީސީއަށް ހުށަހެޅުމުން، އެ ރަޖިސްޓްރީތައް ވެރިފައި ކުރުމަށް ހައުސިން މިނިސްޓްރީއަށް ފޮނުވުމުން ކަމަށެވެ. އެކަން އެނގި ތިބެ ގިނަ ދުވަސްތަކެއް ފާއިތުވެގެން ދިޔަ ނަމަވެސް، އެޗްޑީސީން މި މައްސަލަ އޮތީ ސިއްރުކޮށްފަ އެވެ.

ފަޒުލް ވިދާޅުވީ، ބިންވެރިޔާ ސްކީމަށް ޝަރުތު ހަމަނުވަނީސް އޭނާގެ ބޭބެ ފަޒީލް ޝަރުތު ހަމަވާ ކަމަށް ހަދައި، ރަޖިސްޓްރީއެއް ހެދުމަކީ އިއްތިފާގެއް ކަމަށެވެ. އެކަމަކު އެ މައްސަލަ ހައުސިން މިނިސްޓްރީގެ ސަމާލުކަމަށް ވެސް ގެނައީ އެޗްޑީސީން ކަމަށް ފަޒުލް ވިދާޅުވި އެވެ.

ހުޅުމާލެ ބޯހިޔާވަހިކަން އެންޓި ކޮރަޕްޝަން ކޮމިޝަން ކޮރަޕްޝަން އެޗްޑީސީ އިބްރާހިމް ފަޒުލް ރަޝީދު (ކުރީގެ އެމްޑީ، އެޗްޑީސީ)

37 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަލާ އަވަސްކޮށް

19 December 2024

ރަނގަޅު ތަޙްްްްްްޤީގެއް ހިންގައިފިނަމަ ގޯތި ތަކުން 50 ޕަސެންޓް މީހުނަށް ގޯތި ނުލިބޭނެ،ސަބަަބަކީ ފޭސް 1 އިން 2 ފްލެޓް،ހިޔާ އިން 2 ފްލެޓް،4000 ލިސްޓުގައި އެބަތިބި އިއްތިފާގުން ލިބިފަ ތިބި މީހުން،މިޤައުމުގައި އޮތީ ޙައްޤު މީހާއަށް މަރުވަން ދެން ވޯޓު އަޅާއަޅާ ވެރިން ހޮވާދީފަ ހުވަފެން ބެލުން،،އިންތިހާބަށް 2 ދެދުވަސް ކުރިން ދަންވަރު ބަޔަކު މޭޒުދަށުން ހެދި ލިސްޓެއް އުޅޭނެ އެލިސްޓު ބަލާފަ ގޯތި ލިބިފަ ތިބި މީހުން އަތުން ގޯތި އަތުލުމަށް ގޮވާލަން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

19 December 2024

މަށަށް ތިޔަ ގޯތި ވައްތަރުވަނީ މަހާނައަކާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސްނބެ

19 December 2024

ސާލިހު ގޯތި ބަހާލީ ވޯޓު ލިބޭނެ ކަމަށް ބަލައިގެން.... ދެން ނުކުންނާނީ މިކަހަލަ ކަންކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަހަހަ

19 December 2024

އޭސީސީ އެއް އޮވޭތަ މިހާރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައިސާމް

19 December 2024

ތިދިޔައީ ތިކަމުގެ ދުވަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮއްޔެ

19 December 2024

ހެޔޮވާނީ ކިހިނެއް؟ ރައްޔިރުން ފުލެޓްތައް ނުލިބިގެން ގަނަތެޅެމުންދާއިރު ބާރުގެ ބޭނުންކޮށް ސަރުކާރުން މިދަނީ ރައްޔިތުންގެ އެތައް ޙައްޤުތަކެއް ނިގުޅައިގަންނަމުން. ރޯމާދުވާލު އެންމެން ކުރިމަތީ ތިވަރުގެ ބޮޑެތި ވައްކަންކުރަމުންދާއިރު އެމީހުންނާމެދު އެއްވެސް ފިޔަވަޅެއްނޭޅޭ. މިހާ ހަރާންކޯރު ބަޔަކު ދުވަހަކުވެސް އަދި ނުދެކެން. އަދި ނޭނގި މިކަހަލަ ކިތައްކަންތައް ކޮށްފައި ހުންނާނެ؟ އަހަރެމެންގެ މުސާރަކޮޅު ރެންޓަށް ދައްކާލަދައްކާލަ ތިބެންމިޖެހެނީ އަބަދަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޏަނާ

19 December 2024

ދެން ތި އެންމެ ފުރަތަމަ ލިބުނު މީހުންނަށް ލިބުނީ ޙައްގުންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަރާންގޯތި

19 December 2024

މީގެންވެސް އިނގެނީ ހުޅުމާލެ އާއި ފަޅުތަކުން ދިން ގޯތި ތަކަކީ ކިހާ އަގުބޮޑު އެއްޗެއް ކަމާ ހަމައެކަނި މާލެ މީހުންނަށް އެ ތަކެތި ހިލޭ ބަހާލުން އެއީ އިންސާފެއް ނޫންކަން. އަހަރެން 27 އަހަރުވީ މާލޭގައި އުޅޭތާ. އަހަންނަށް މާލެއިންވެސް (ދާއިމީ ރަޖިސްޓްރީ އޮންނަ) ރަށުން ވެސް ގޯއްޗަކަށް އެލިޖިބްލް އެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުގާބޭ / ޒިމްބާބުވޭ

19 December 2024

އަނެއްކާ ކަލޯމެންއަށް ކޮންކޮޅަކުން އިރު އެރި ދުވަހެއްބާ؟؟ ގައިމު ފާއިތުވީ 5 އަހަރު ވީކަމެއް ހަރާން.. މަޖިލިސްގެ ނާއިބު ރައީސް ކަމޭމެންއަށް ބަވާވަރުން މިކަމަށް އަމިއްލަޔަށް އަޔްނުކޮއްޕާ ނުތިބެވުނީދޯ؟؟