ޚަބަރު / އެމްއެންޑީއެފް

ފެން ހިންދުމުގެ އޮޕަރޭޝަން 21 ގަޑިއިރު ފަހު ނިންމާލައިފި: 30،569 ޓަނުގެ ފެން ބޭރުކުރި

އެމްއެންޑީއެފުން ހާމަކުރި މައުލޫމާތަށް ބަލާއިރު ފެން ހިންދުމަށް ހޭދަކުރި 20 ގަޑިއިރާއި 53 މިނެޓް ތެރޭ ކޮންމެ މިނެޓަކު ގާތްގަނޑަކަށް 24،397 ލީޓަރުގެ ފެން މާލެއިން ބޭރުކޮށްފައިވޭ

ބޯ ވިއްސާރާގައި މާލޭގެ ގެއެއްގައި ފެންބޮޑުވެ، ފެން ހިންދުމަށް މަސައްކަތް ކުރަނީ-- ފޮޓޯ: ނިޝާން އަލީ | މިހާރު

މާއިދާ މުހައްމަދު ރަޝާދު، މިހާރު

04 ޖެނުއަރީ 2025 - 09:58

17 comments

މާލެއަށް އިއްޔެ ވެހުނު ބޯވާރޭގައި މަގުތަކުން 30،569 ޓަނުގެ ފެން ހިންދާފައިވާ ކަމަށް އެމްއެންޑީއެފުން މިއަދު ބުނެފި އެވެ.

އިއްޔެ ހެނދުނު 11:00 ހާއިރުން ފެށިގެން މެދުކެނޑުމެއް ނެތި ވެހުނު ވާރޭގައި މުޅި މާލެ އޮތީ ފެނު އަޑީގަ އެވެ. ގޭގެ އާއި ފިހާރަތަކަށް ފެން ވަދެ ބޮޑެތި ގެއްލުންތަކެއް ވުމުގެ އިތުރުން ފެނުގެ ސަބަބުން އެތައް ވެހިކަލަކަށް ވެސް ވަނީ ގެއްލުން ވެފަ އެވެ.

ޕަމްޕުތައް ބަހައްޓައިގެން މާލޭގެ ހަ ސަރަހައްދަކުން ފެން ހިންދުމުގެ މަސައްކަތް ކުރަމުންދިޔަ އެމްއެންޑީއެފުން ބުނި ގޮތުގައި އިއްޔެ 11:37 ހާއިރުން ފެށިގެން އެމްއެންޑީއެފުން ފެން ހިންދުމުގެ މަސައްކަތް ދިޔައީ ކުރަމުންނެވެ. އަދި ރޭ 8:30 ހާއިރު އެ އޮޕަރޭޝަން ނިންމާލިއިރު 30،569 ޓަނުގެ ފެން މާލެއިން ހިންދާފައިވާ ކަމަށް ބުންޏެވެ. އެއީ 30 މިލިއަނަށް ވުރެ ގިނަ ލީޓަރުގެ ފެނެވެ.

ބޯކޮށް ވާރޭވެހި މަގެއްގައި ފެންބޮޑުވެފައި ވަނިކޮށް މީހަކު ސައިކަލެއްގައި ދަނީ.-- ފޮޓޯ: ނިޝާން އަލީ | މިހާރު

ވަރަށް ގިނަ މަގުތަކުގައި އިއްޔެ ކަކުލުން މައްޗަށް ފެން ހެދިފައި އޮތެވެ. އެންމެ ބޮޑަށް ފެން ހެދޭ މާފަންނުކޮޅުގައި ފެން ނުހިނދި ލަސްވާން ފެށުމުން ރަސްފަންނާ ދިމާލުން މޫދަށް ކޯރެއް ވެސް ކަނޑަން ޖެހުނެވެ.

Male fenu adheegai 9 gadi iru: aammun ge mudhalah bodethi gellunthakeh

The most trusted news source in the Maldives

Mihaaru

މެޓު އޮފީހުން ރޭ ބުނި ގޮތުގައި މާލެއަށް އިއްޔެ އެންމެ ބޯކޮށް ވާރޭ ވެހުނީ ހަވީރު 5-6 އާ ދެމެދު އެވެ. އެއީ 60 މިލިމީޓަރުގެ ވާރެ އެވެ.

ގެތަކަށް ފެން ވަދެ، ގެއްލުންވުމުގެ ސަބަބުން ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ވަނީ މާލެއިން ހާލުގައި ޖެހުނު 36 ގެއެއްގެ 226 މީހަކަށް ވަގުތީ ބޯހިޔާވަހިކަމާއި ކެއުންބުއިމުގެ އެހީތެރިކަން ފޯރުކޮށްދީފަ އެވެ.

ބޯ ވިއްސާރާގައި މާލޭގެ ފިހާރައަކަށް ފެންވަދެގެން، މުވައްޒަފުން ފެން ބޭރުކުރަން މަސައްކަތް ކުރަނީ-- ފޮޓޯ: ނިޝާން އަލީ | މިހާރު

މާލޭގެ އިތުރުން ރާއްޖޭގެ އެކި ހިސާބުތަކަށް މޫސުން ވަރަށް ބޮޑަށް ގޯސްވެ، ގެއްލުންވި އެވެ. ބައެއް ރަށްތަކަށް ވަަރަށް ބޮޑަށް އުދަ އަރައި ގެއްލުންވިއިރު ބޯކޮށް ވާރޭވެހި ފެން ބޮޑުވުމުގެ ސަބަބުން ރަށްރަށުގެ ގެތަކަށް ވެސް ގެއްލުންވި އެވެ.

މޫސުމާ ބެހޭ އިދާރާ އިން ލަފާކުރާ ގޮތުގައި ކުރިއަށް އޮތް 48 ގަޑިއިރު މަޑުމަޑުން މޫސުން ދާނީ ރަނގަޅުވަމުންނެވެ.

މޫސުން ފެންބޮޑުވުން އެމްއެންޑީއެފް މެޓް

17 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބުރާންޗޯ

05 January 2025

މިވެރިންގެ ސްޓެސްޓިކް ހޯދަން އުޅެނީ ކޮންބައެއްބާ ދެންފަހަރަކުން އަލިފާނުގެ ހާދިސާއަކަށް އެޓެންޑުކުރިއަސް އެތަނުގެ ފެރަންހައިޓް ބޭރުވިދުމާއި ހޫނުމިން ވާނެ އާންމުކުރަން މޮޔަވެދާނެ ފެންހިންދަން މަސައްކަތްކުރި އެކަންފާހަގަކޮށް ޝުކުރުވެރިވަން އެކަމަކު މަޢުލޫމާތު ހާމަކުރާއިރު ވަގުތާއި ޙާލަތައް އެކަށީގެންވާ އެހެންމީހުންނަށް ބޭނުންހިފޭ މައުލޫމާތު ހާމަކުރުން ބުއްދުވެރި މުހިއްމުކަމަކީ މޫސުމީ ދަތިކަމުގައިވެސް އާންމުޙާލަތުގައި ކުރަންޖެހޭ ކަންކަން ކުރެވުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރަގަނޑު

05 January 2025

މިކަމަށް ހައްލެއްލިބޭނީ، މާލޭގެ އެތެރޭގެ މަގުތައް ރަގަޅަށް ލެވެލްކޮށް ނުވަތަ ބޭރުގެ މަގުތަކަށްވުރެ އުސްްކޮށް އެންމެ ބޭރުބެ މަގުން ފެންގަނޑު ފައިބައިގެދާގޮތައް ތަންތަނުން ކަަޑާފަ ބަހައްޓައިގެން. ކޮންމެ ފަހަރަކު މާލެ ފްލަޑްވާއިރަށް ސިފައިންނާ ފުލުހުން ނެރެގެން ޕަމްޕްޖަހައިގެން ފެންހިއްކުންއެއީ ހައްލެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރަގަނޑު

05 January 2025

މާފަންނުކޮޅުގަ ފެންބޮޑުވަނީ، ކުރިން އެތަނަށް ޖަމާވާ ފެން އަމިއްޔަށް މޫދަށް ދާގޮތައް ހަދާފަހުރި ތަންތަން މުއިއްޒުގެ ހައުސިންގ މިނިސްޓަރުކަމުގަ ހިނގާ ޓްރަކެއް އަޅަނަވެގެން ބައްދާލީމަ ނޫންތޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަކީ 30

04 January 2025

ކަލޯ ވެހެމުން ދިޔަ އިރު މި މީހުން ތިބީ މިނަ ކިރަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހހއހ

04 January 2025

ޝުކުރިއްޔާ. ވ ގިނަ ދަރިންގެ ހިތަވަރާއި މަސައްކަތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

04 January 2025

މަގުތަކުގަ ހުރި ފެނުގެ ބަރުބިނަށް ބަލާއިރި ތިޔައީ އެއްވެސްއެއްޗެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން ސައީދު

04 January 2025

ރާއްޖެ މޫސުމީ ބަދަލުތަކުގެ ސަބަބުން ލިބޭ ގެއްލުން ސަރުކާރުން މިނިމައިޒް ކުރަން ހޯމް އިންސުރެންސް ލާޒިމް ކުރަން ފެނޭ. މީގެ ސަބަބުން ގެ ހަދާ އިރުވެސް ދިރިއުޅޭ އިރުވެސް ސަލާމަތީ ކަންކަންމަށް ވެރިން އިސްކަންދޭން މަޖުބޫރު ވާނެ، ނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮސް ރާޖާ

04 January 2025

ތި ހުރިހާ ފެނެއް ކިރަންވެސް ހާދަ ގިނައިރެއްވާނެޔޭ.305690 ތަނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓޭ1

04 January 2025

ފެން ބޮޑުވާ ހިސާބުތަކުގަ އިމާރާތް އުސްކުރަންޖެހޭ. ޕަމްޕަށް ބަރޯސާ ނުވެ ފެން ފައިބައިގެދާނެ ގޮތް ހަދަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިނދުކޮޅު

04 January 2025

ކޮން ކަމެއްތޯ ކުރެވުނީ؟؟ ބަސްތާ ޖަހާނުދެވުނު ދައުރެއް މިނޫނީ ނުދެކެން. މުޅި މާލެ އަޑީގައި އޮތީ ސަރުކާރުގެ އިހުމާލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޞަލީމާ

04 January 2025

ދެންވެ ގޮސް ސިޔާސީ ޕާޓީތަކުގެ ވެރިން ވަރު ނެތިގެން ސަނާކިޔާ ނަށާ ހަދާލާ! އެމީހުން ކުރާހާވެސް ކަމަކީ އަމިއްލަ ގެ 15 ބުރިއަށް ހިއްލުމާއި، ރައީސް ކަންކޮށް ނިމުނީމަ، 150،000ރ މަހަކު އަހަރަމެން ބުރަ މަސައްކަތްކޮށްގެ ހޯދީމަ އޭގެން ޓެކުސް ނަގެން ގައުމުގަ ފިތުނަ އުފެއްދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނޑުބޭރު

04 January 2025

ވެއްޓުން ސަރުކާރުގަވެސް ޖެހުނު ބަސްތާއެއް އަހަރެންނަކަށް ނުފެނުނު. ފެންގިނައިން ވެހޭނެކަން އެނގޭއިރުވެސް ތިޔަ ތަންތާގަ ދިރިއުޅޭ އެއްވެސް ކަނައަކަށް ނޭނގޭ ސަލާމަތްކުރަން ވެލި ގޯންޏެއްވެސް ބަހައްޓާލާކަށް. ސަރުކާރުން ރައްޔިތުން ހަޑިވީމާ ފެންވަރުވަންވެސް ޖެހޭނެ މިވަރުން ދަންޏާ.