ޚަބަރު / ސިފްކޯ

ހިޔާ ފްލެޓް ލިބުމުން ނުދޭން ނިންމި ސިފްކޯ ފްލެޓް ހަވާލުކޮށްފި

ސިފައިންގެ ފްލެޓްތައް: ހިޔާ ފްލެޓް ލިބުނު ސިފައިންނަށް ސިފްކޯ ފްލެޓްތައް ވެސް ވަނީ ދީފައި - ފޮޓޯ: މިހާރު

ނާޒިމް ހަސަން، މިހާރު

07 ޖެނުއަރީ 2025 - 10:09

64 comments

ހިޔާ މަޝްރޫއުން ފްލެޓް ލިބުމުން ސިފްކޯ ފްލެޓް ނުދޭން ނިންމި ނިންމުން ބާތިލްކޮށް ފްލެޓް ހަވާލުކޮށްފި އެވެ.

މީގެ 10 އަހަރު ކުރިން، 2014 ގައި ވަނީ ސިފްކޯ ފްލެޓްތައް ލިބޭ ސިފައިން ކަނޑައަޅައި، ޑައުންޕޭމަންޓް ދައްކަން އަންގާފައިވެ އެވެ. އެ ފްލެޓްތައް ލިބޭ ސިފައިން 91،000ރ. ޑައުންޕޭމަންޓްގެ ގޮތުގައި ދައްކާފައިވާއިރު، އެ ފްލެޓްތައް ނިމުނީ މިދިޔަ އަހަރުގެ ތެރޭގަ އެވެ.

ފްލެޓްތައް ނުނިމި ދިގުލައިގެންދިޔަ މުއްދަތުގައި އެ ފްލެޓްތައް ލިބޭނެ ކަމަށް ކަނޑައަޅާފައި އޮތް ބައެއް މީހުންނަށް އަދި ބައެއް މީހުންގެ އަނބިން/ފިރިންނަށް އެހެން ބޯހިޔާވަހިކަމުގެ މަޝްރޫއުތަކުން ފްލެޓް ހޯދަން ހުށަހަޅާފައިވެ އެވެ. އެގޮތުން، ކުރީގެ ރައީސް އަބްދުﷲ ޔާމީންގެ ވެރިކަމުގައި ހިންގި ހިޔާ މަޝްރޫއުގެ ތެރެއިން ބައެއް ސިފައިންނަށް ފްލެޓް ލިބުނެވެ.

ސިފްކޯ ފްލެޓަށް ކުރިން ޑައުންޕޭމަންޓް ދައްކާފައި އޮތަސް ހިޔާ ފްލެޓް ލިބުނު ސިފައިންނަށް ނުވަތަ ސިފައިންގެ އަނބިން/ފިރިންނަށް ސިފްކޯ ފްލެޓް ނުލިބޭނެ ކަމަށް ފަހުން ކަނޑައެޅި އެވެ.

މި ނިންމުމާ މެދު ހިތްހަމަނުޖެހިގެން ސިފައިންގެ ދެ މީހަކު ސިވިލް ކޯޓުގައި ކުރި ދައުވާގައި ބުނެފައިވަނީ ސިފްކޯ ފްލެޓަށް އެދުނުއިރު އަދި ފްލެޓް ލިބޭނެ ކަމަށް ލިޔުން ދޫކުރިއިރު ނެތް ޝަރުތެއް ކުރިމަތިކުރުވައި ފްލެޓް ނުލިބޭނެ ކަމަށް ނިންމި ނިންމުމަކީ ބާތިލްވާނެ ކަމަށެވެ. އެހެންވެ، ސިފްކޯ ފްލެޓްގެ ތަޅުދަނޑި ހަވާލުކޮށް އެއްބަސްވުން ހަދަން އަމުރުކުރަން އެދިފައިވެ އެވެ.

މި ދެ މީހުންނަށް ވެސް ސިފްކޯ ފްލެޓް ނުދޭން ނިންމީ އެ މީހުންގެ އަނބިންނަށް ލިބުނު ހިޔާ ފްލެޓަކީ، އެހެން ބޯހިޔާވަހިކަމެއް ލިބުން ކަމަށް ބަލައިފަ އެވެ.

މި ދައުވާއާ މެދު ގޮތް ނިންމައި ސިވިލް ކޯޓުން ހާމަކޮށްފައިވާ ނިންމުމުގައިވާ ގޮތުން ކޯޓުގައި މައްސަލަ ކުރިއަށް ދަނިކޮށް ސިފައިންގެ ކޯޕަރޭޓިވް (ސިފްކޯ) އިން ވަނީ އެ ދެ މީހުންނަށް ސިފްކޯ ފްލެޓް ދޭން ނިންމައިފަ އެވެ. އަދި މިހާރު ވަނީ ފްލެޓް ހަވާލުކޮށް އެއްބަސްވުމުގައި ސޮއި ވެސް ކޮށްފަ އެވެ. އެހެންވެ، ދެ މީހުން ވެސް ވަނީ ސިވިލް ކޯޓުގައި ކޮށްފައި އޮތް ދައުވާ އަނބުރާ ގެންގޮސްފަ އެވެ.

މިފަހުން ސަރުކާރުން ހުޅުވާލިއިރު ހުރިހާ ބޯހިޔާވަހިކަމުގެ ސްކީމްތަކުގައި ވެސް ސަރުކާރުން ހިންގި މަޝްރޫއުއަކުން ކުރިން އަސާސީ ބޯހިޔާވަހިކަމެއް ލިބިފައިވާ ނަމަ، ޝަރުތު ހަމަނުވާނެ ކަމަށް ބަޔާންކޮށްފައިވެ އެވެ.

ސިވިލް ކޯޓް ބޯހިޔާވަހިކަން އެމްއެންޑީއެފް ހިޔާ ފްލެޓްތައް ސިފްކޯ

64 ކޮމެންޓް, 52 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަމަހޭސް

07 January 2025

ސިފައިންނަކީ މިގައުމުގެ މީހުންނަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީބޯ

07 January 2025

މާލޭގެދޮރު ހުރި ޖެނެރަލުންނަށް ކުރެހުމުގަނެތް ޕެންޓްހައުސްތަކެއް ހަދާފަ އެތަންތަންބަހާފަ ސިފްކޯ ސޯޓުބޭލޭނެތީ ކޯޓުންބޭރުން ތިކަންތިނިންމާލީ ބިންގާއިންފެށިގެން ސިފައިންނަށް އޮޅުވާލުމާމަކަރުހެދިތަނެއްތި ސިފްކޯއަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަންދޫ

07 January 2025

ދީފަ ހުރީ ދެމަފިރިންނަށް 2 ފްލެޓް ވެރިން ރުހޭ ކިތަންމެ މީހަކައް އެގޮތައް ދީފަ އެބަހުރި. އެއްބަޔަކު އަދިވެސް ހަމަ ހާލުގަ ބޮޑު ކުލީގަ އަނެއބަޔަކު ފްލެޓް ކުއްޔައްދީގެން އާމްދަނީ ހޯދަނީ. ގައުމުގެ ހާލަތު. ފްލެޓް ކުއްޔަން ނުދެވޭނެ ގަވައިދެއް ނިކަން ހަދާބަލަ. ކުއްޔައް ދީފިއްޔާ ފްލެޓް އަތުލާވަރުގެ ގަވާއިދެއް، ދެމަފިރިން 2 މީހުނަށް 2 ފްލެޓް ހޯދައިގެން އުޅެވޭތޯ ބަލާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްއިތު މީހާ

07 January 2025

3 ވަނަ ފުލެޓުވެސް ހޯދަންވާނެ ކޯޓަށް ދޭއަވަހަށް މީހަކު ހޭބަލި ވެދާނެ ކަށްވަލަށް ދާނީވެސް ފުލެޓު ތަކުގަ ބައްދާގެން ހިފާގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައިސާމް

07 January 2025

މީކީ އިންސާފެއް އޮންނަ ގައުމެއް ނޫން. ރައްޔިތުންގެ ފައިސާއިން ވަކި ބަޔަކު މުއްސަނދިކުރާ ނިޒާމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަނަތެޅެނީ

07 January 2025

ބޯހިޔާވަހިކަމެއް ނެތް އަހަރުމެން ކަހަލަ މީހުންގެ ހިތާމަޔަށް ކުޑަވެސް ފަރުވާލެއް ނުބަހައްޓާ ހީލަތުން 2 ފްލެޓް ތިން ފްލެޓްނަގައިގެން އެ ތަންތަން ކުއްޔަށްދީގެން އާމްދަނީ ހޯދާއިރު އާޚިރުގައި ލިބުމަށް އުއްމީދު ކުރަނީ ކޮން ފެންވަރެއްގެ ގަނޑުވަރެއް ހެއްޔެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފރފރފ

07 January 2025

ދެން ކޮންކަމެއް 4 ލިބުނަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލު ކިތައް ޕަސަންޓު

07 January 2025

އަހަރެންނަށް އިނގޭ އެއްޗަކީ ކަށްވަޅަށް ވަންނައިރު ތިޔަ ހުރިހާ ފުލެޓުތަކެއް ނުގެންދެވޭނެކަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުއްބުލް

07 January 2025

ޓީޗަރުންގެ ތެރެއިން ހިޔާ ފްލެޓް ލިބުނު އަނބިންގެ ފިރިންނަށް ޕޮލިސް ފްލެޓްވެސް ލިބުނު. މަނހިތަށް އަރަނީ ދެމަފިރިން ނިދަނީ ދެ ފްލެޓްގައި ބާއޭ! ކަލޭނޭ ދުނިޔޭގައި ބައްކުރެވެން ހުރި ވަރަކަށް ބައްކޮށްގެން އާޚިރަތުގައި ޕެންޓްހައުސް އެއް ލިބޭނެ ބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިދްރީސް

07 January 2025

ވިނަރެސް ފްލެޓް ލިބިފަ ކުއްޔަށް ދީފަ ތިބި މީހުންނަށް އެބަ ހުރި ހިޔާ ފްލެޓުން ލިބިފަ ވެސް . ޙަގީގަތުގަ އެެއްވެސް ހަމަ އެއް އިންސާފެއް ނެތް ގޮތަށް މިކަން މިދަނީ ކުރެވެމުން އެކަކަށް ޑަބަލްކޮށް ސަރުކާރުގެ ފްލެޓް ލިބޭނީ ކޮން އުސޫލަކުން ކޮން ޝަރުތަކުންކަން ބަޔާން ކޮށް ގާނޫނީ ހައްލެއް ގެންނަން ޖެހޭ