ޚަބަރު / ހައްޖު ގްރޫޕްތައް

ކުންފުންޏެއްގެ ހަވާލުގައި އުމްރާއަށް ދިޔަ 24 މީހަކު ރާއްޖެ ނާދެވިިފައި

އުމްރާވެރިންތަކެއް: "ހިޖުރަ" ކިޔާ ކުންފުންޏެއްގެ ހަވާލުގައި އުމްރާއަށް ދިޔަ 24 މީހަކު ތިބީ ރާއްޖެ ނާދެވިފައި

ނާޒިމް ހަސަން، މިހާރު

08 ޖެނުއަރީ 2025 - 19:24

74 comments

އަލްހިޖްރަ ކިޔާ ކުންފުންޏެއްގެ ހަވާލުގައި ރާއްޖެ އިން އުމްރާ އަށް ދިޔަ ބަޔަކަށް ރާއްޖެ ނާދެވި، ތَާށިވެއްޖެ އެވެ.

އެ ކުންފުނީގެ ހަވާލުގައި 24 މީހަކު މިދިޔަ ޑިސެމްބަރު މަހުން ފެށިގެން އުމްރާގެ އަޅުކަމަށް ސައުދީ އަރަބިއްޔާއަށް ގޮސް ތިބިއިރު، އެ މީހުން ރާއްޖެ އެނބުރި އަންނަން ޓިކެޓް އަދިވެސް ހަމަޖެހިފައެއް ނުވެ އެވެ.

އުމްރާއަށް ގޮސް ހުރި މީހެއްގެ އާއިލާ މެންބަރަކު "މިހާރު" އަށް ބުނި ގޮތުގައި އެންމެ ފުރަތަމަ ހަމަޖެހިފައި އޮތީ މިދިޔަ އާދިއްތަ ދުވަހު ރާއްޖެ އެނބުރި އަންނަ ގޮތަށެވެ. އެކަމަކު، މިހާތަނަށް ވެސް ރާއްޖެ އަންނަން އުމްރާވެރިންނަށް ޓިކެޓް ހަމަޖެހިފައިނުވާ ކަމަށް އޭނާ ބުންޏެވެ.

"މިހާރު ކަންކަން ހަމަޖައްސަމުންދާ ގޮތެއް އެއްވެސް ގޮތަކަށް އަޅުގަނޑުމެންނަކަށް ނޭނގޭ،" އާއިލާ މެންބަރު ވިދާޅުވި އެވެ.

އެނގިފައިވާ ގޮތުގައި، އަލްހިޖްރަ ކުންފުނީގެ ހަވާލުގައި އުމްރާ އަށް މީހުން ފުރިއިރު ވެސް ޓިކެޓާއި ވިސާގެ މައްސަލަ ޖެހުނެވެ. އެ މީހުން ފުރުވާލަން ވެސް ޖެހުނީ އެކި ފްލެޓްތަކުން އެކި ދުވަސްތަކުގައި ކަމަށް އެނގިފައި ވެ އެވެ.

އަލްހިޖްރަ ކުންފުނިން ފޭސްބުކްގައި މީގެއިރުކޮޅެއް ކުރިން ކުރި ޕޯސްޓެއްގައި ބުނީ އުމްރާވެރިންގެ އަޅުކަން ނިމިފައިވީ ނަމަވެސް، ކުންފުންޏަށް ދިމާވެފައިވާ މާލީ ދަތިތަކާ ހުރެ އުމްރާވެރިން ރާއްޖެ ގެންނަން ދަތިވެފައިވާ ކަމަށެވެ.

"މި ކުންފުނިން މިވަގުތު ވެސް ދަނީ އުމްރާވެރިން ރާއްޖެ ގެނައުމަށްޓަކައި މަސައްކަތް ކުރަމުން. ނަމަވެސް އަދި މިއަދާ ހަމައަށް ވަނީ މިކަމުގައި ކުރިމަގެއް ނުފެނިފައި،" އަލްހިޖްރަ ކުންފުނިން ބުންޏެވެ.

މިކަމާ ގުޅިގެން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ އަލްހިޖްރަގެ ހަވާލުގައި އުމްރާ އަށް ދިޔަ ބަޔަކަށް ދިމާވެފައިވާ ހާލަތު މިނިސްޓްރީގެ ސަމާލުކަމަށް އައިސްފައިވާ ކަމަށާއި އެ މީހުން އެނބުރި ރާއްޖެ ގެނައުމަށް ކޮށްދެވެން އޮތް ކަމެއް މިނިސްޓްރީން ކުރާނެ ކަމަށެވެ.

"މައްކާގައި މިވަގުތުގައި އޮތް މޯލްޑިވްސް ހައްޖު ކޯޕަރޭޝަންގެ މެދުވެރިކޮށް، ހާލުގައި ޖެހުނު އުމްރާވެރިންނަށް އެހީވުމަށް މިދަނީ މަސައްކަތް ކުރަމުން. އަޅުގަނޑު ވާނީ ހައްޖު ކޯޕަރޭޝަންގެ އެމްޑީއަށް އިރުޝާދު ދީފައި،" ޝަހީމް ވިދާޅުވި އެވެ.

އިސްލާމިކް މިނިސްޓްރީ އުމްރާ ހައްޖު ގްރޫޕްތައް ސައޫދީ އަރަބިއްޔާ ރާއްޖެ-ސައުދީ ޑރ. މުހައްމަދު ޝަހީމް އަލީ ސައީދު (މިނިސްޓަރު)

74 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަންދަލޫސިޔާ

10 January 2025

މިފަދަ ސްކޭމްތައް ހިންގާ މީހުން ޖަލަށް ލާންޖެހޭ. އެމީހުންގެ މުދާ ވިއްކާ މިކަމުގައި ގެއްލުނު ލިބުނު މީހުންނަށް ބަދަލު ދޭންޖެހޭ. ޓެކްސް ފައިސާއިން ގެއްލުން ލިބުނު މީހުން ގެންނަންޏާ، އެ ހާލު ޖެއްސި ކުންފުނީގެ އިސްވެރިންގެ މުދާ ދައުލަތަށް ނަގައި ވިއްކައިގެން އެ ޚަރަދު ސަލާމަތްކުރަންޖެހޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައިސް

09 January 2025

މީ ރޭވިގެން ކޮއްފައިވާކަމެއްކަމަށް ވެދާނެ މިނިސްޓްރީ އާގުޅޭ ބަޔަކު މީގަވޭތޯވެސް ބަލަންޖެހޭ އަދި މި ގްރޫޕް ވެރިންގެ މުދާނަގައިގެންވެސް މި ފައިސާ ސަރުކާރަށް ހޯދަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙ. ޙުސައިން

09 January 2025

ކުންފުންޏަށް އަދި ކުންފުނީގެ މިހާރުގެ ހިއްސާދާރުން ހިމެނޭ ކުންފުންޏަކަށްވެސް 10 އަހަރު ވާންދެން ހައްޖާއި އުމްރާއަށް މީހުން ގެންދިއުމުގެ ހުއްދަ ނުދޭންވީ. ވިޔާފާރިވެރިންގެ އިހުމާލުން ވާ ގެއްލުމުގެ ބުރަ ޓެކްސް ދައްކާ މީހުން އުފުލަންޖެހުން ހަމަނުޖެހޭ. އިހުމާލުވި މީހުން ޒިންމާދާރު ކުވަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްހިޖުރަ

09 January 2025

އަލް ހިޖުރަ ގުރޫޕުން މި ފޮނުވީ ހިޖުރައަކަށްދޯ؟ އެހެންވީމަ އެނބުރި އަންނާކަށް ޓިކެޓެއް ނުނަގާނެތާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

09 January 2025

ރައްޔިތުންނަށް އެހީވާން ޖެހޭނެ އެވެ. ގްރޫޕް އަށް ވެސް ފިޔަވަޅު އަޅަން ވާނެ އެވެ. އެވާހަކަ އެއް ނުދައްކަ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބުލްކަލާމް

09 January 2025

"ދިވެހި އެއްވެސް ރައްޔިތަކަށް ދިމާވާ ދަތިކަމެއްގައި އެހީ ނުވެ އަޅުގަނޑުމެން ނުތިބޭނަން. ރައީސް އަބަދުވެސް އިރުޝާދު ދެއްވަނީ ރައްއްޔިތުންނާ ގާތުން މަސައްކަތް ކުރުމަށް. ދިމާވާ ކަންކަން ހައްލު ކުރުމަށް" މިކަން ވަރަށް ގާތުން އެބަފެނޭ ނުންތޯ އެޗްޑީސީއިންނާއި ފެނަކައިންނާއި އެންސްޕާ ތެރެއިން ، ޝުކުރިއްޔާ މިނިސްޓަރ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނގަޅު

09 January 2025

ޢުމުްރާއަށް ގެންދަން ނެގި ފައިސާ ކޮންމެވެސް އެހެންކަމަކަށް ޚަރަދުކޮށް ނިންމާލާފަ ދެން ބުނަންވީ މާލީ ދަތިތަކެއް ދިމާވެގެން ކުރިއަށް ނުކަނޑައޭ. ދެން ސަރުކާރުން އެމީހުން ރާއްޖެ ގެނެސްދިނީމަ ލާރި ނެގި ގްރޫޕަށް ބޮޑު މަންފާއެއްނު؟ ކޮންމެ ކަމަކުންވެސް މަކަރާ އޮޅުވާލުން އޮންނަކަމަށް މި ފާހަގަވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖީލާނީ

09 January 2025

ގުޅިގެން ހިންގާ ސްކޭމް، ވަރަށް ސާފް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޫރޭހޫރޭ

09 January 2025

އެއްވެސް ގްރޫޕަކުން މީހުން ޢުމްރާއަށް ގެންދިއުމަށް އިޝްތިހާރު ކުރާއިރު ލިޔެފައެއް ނޯވޭ ޢުމްރާ ނިމުނީމަ އެމީހުން އަނބުރާ މާލެ ގެންނާނެ ވާހަކައެއް. ޢުމްރާއަށް ގެންދާނެ ވާހަކަ އޮންނަނީ. ދެން ކޮބާ މައްސަލައަކީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮވެލި

09 January 2025

ހައްޖަށާއި އުމަރާއަށް މީހުން ގެންދިޔުމަށް ފައިސާ ނަގަފަ އެ ފައިސާ ދިންމީހުންނަށް ޚިދުމަތް ނުދިނުމުގެ މައްސަލަތައް ދޭތެރެ ދޭތެރެއިން މިދަނީ ފެންމަތިވަމުންނެވެ. އަދި އެކަުމުގެ ސަބަބުން ދައުލަތަށް އެ ބުރަ އުފުލަންޖެހި ޓެކްސް ޕޭޔަރުންގެ ފައިސާ ޚަރަދުވެގެން އެބަދެއެވެ. ވީމާ، އިސްލާމިކު މިނިސްޓްރީގެ ގަވާއިދުތައް ހަރުދަނާ ކުރަންޖެހިއްޖެއެވެ. ހައްޖު އުމުރާވެރިންގެ ޓިކެޓާއި އެކޮމެޑޭޝަން ހަމަޖެހިފައިވާގޮތް ދުރާލާ މޮނިޓަރ ކުރެވޭނެ ގޮތެއް ހޯދަންޖެހޭ